تحقیق کرن لئی مشورہ
”یہوواہ دے گواہواں دی آنلائن لائبریری“
”یہوواہ دے گواہواں دی آنلائن لائبریری“ چ اَسی فرق فرق موضوعاں بارے معلومات لبھ سکنے آں۔ اُردو زبان چ ایس لائبریری چ کتاب ”یہوواہ کے گواہوں کے لئے مطالعے کے حوالے“ وی موجود اے جدے چ فرق فرق موضوعاں بارے کتاباں تے رسالیاں دے حوالے دِتے گئے نیں۔
جدوں تُسی ”آنلائن لائبریری“ چ ”لبھو“ والے خانے چ کوئی لفظ ٹائپ کرو گے تے توانوں لفظاں دی اِک لسٹ نظر آئے گی۔ایس لسٹ چ تُسی اوس لفظ تے کلک کرو جدے بارے تُسی معلومات حاصل کرنا چاہندے او۔ فیر تُسی اپنی مرضی دی معلومات ویکھن لئی نتیجے دی آپشن چ ”سب توں زیادہ وار آن والے“ یاں ”تریخ دے مطابق“ والی آپشن نُوں چُن سکدے او۔
ایہہ کر کے ویکھو: ”لبھو“ والے خانے چ ”یہوواہ“ لکھ کے تلاش کرو۔ تھلے لفظاں دی اِک لسٹ آئے گی، اوہناں وچوں اِک تے کلک کرو۔ فیر توانوں اوہ سارے مضمون نظر آن گے جنہاں وچ اوہ لفظ موجود ہوئے گا۔