Chakʼuhtaaj i otobʼil

Reʼ xubʼan i Jesús

VIDEO: Reʼ Jesús irubʼan chi jenaj winaq ne inilwik

1. Chawil i VIDEO oon chawil i Juan 9:​1-7. Chi riij i reʼ tiqʼoroq chi riij taqeh pahqanik wilih:

1. ¿Chajariik i xubʼan chi peet i Jesús: xubʼan na chi ilwik i winaq, oon xuqʼor reh taqeh i akʼ kʼuhbʼaal? (Chawil i Juan 9:​35-38).

2. ¿Chaaj woʼ reet noq reʼ winaq xraaj rubʼiram i Jesús?

¿Chajariik inqatijej ruukʼ i xukʼuhtaaj i Jesús?

2. Mareh reʼ kʼachareel ne iraaj qojrubʼiram mi reʼ hoj inqakʼuhtaaj i otobʼil reh.

Chatijej aweh i xubʼan i Jesús

3. Chakoj awiibʼ pan ruyeʼaabʼ i kʼachareel. Chakapaaj chi riij, mareh nikʼwach kʼahchiʼ rikʼraam riibʼ i kʼachareel.

1. Chakapaaj: «¿Chi riij chajariik mareh inooj rukʼux? ¿Chajariik naq ne imponik chuwach oon ne inkamanik reh?». Reʼ taqeh pahqanik wilih ne tirutobʼeej reh chi ne inakʼuhtaaj i otobʼil ruukʼ chuʼnchel akʼux.

2. Ticholoq ribʼirjik i kʼachareel reh chi ne inakʼuhtaaj chi inakoj pan ruman i kʼahchiʼ rukapaam. Wilaʼ reʼ kʼachareel irutoqʼaaʼ qʼorik awuukʼ chi riij irikʼraaj oon chi riij jenoʼ kʼaxkilal, chabʼiraj chi korik i kʼahchiʼ ruqʼorom aweh, maʼjal wach i kʼutaaj.

4. Tiqʼoroq ruukʼ chaqʼlamiil eh ruukʼ loqʼil. Noq inqaketelaaj wach jenoʼ eh mi pan korik inqaaj qatobʼeem, reʼ wilih inkʼutinik ruukʼ nikʼwach qojqʼorik ruukʼ. Jeʼ reʼ noq, chakapaaj chi riij i naʼaqʼorom eh nikʼwach naʼaqʼorom. Maʼ akoj i qʼorik reʼ i ne iruqʼoj xikin i kʼachareel.

5. Suq oq aweh i toobʼinik. Noq iruyew riibʼ chawach chatobʼeej i kʼachareel. Rukʼuhtjiik i otobʼil mareh ne irubʼan chi ne iraaj qʼorik awuukʼ i kʼachareel.