Reʼ taqeh korik inkan pan Santo Laj Huuj reʼ taqeh qʼeʼ inqaaj qakʼuhtaam

Reʼ Jesús xuqʼor chi reʼ taqeh kʼachareel korik wach i kanima na naq kinabʼeem chi riij i korik (Juan 10:​4, 27). Ruum aj reʼ, inqaaj qakʼuhtaam keh chuʼnchel taqeh kʼachareel reʼ qojqʼorik kuukʼ chi riij taqeh korik inkan pan Santo Laj Huuj reʼ i maʼ kʼaxik ta rureqariik chi riij. Ne irubʼan chi ne inqatoqʼaaʼ qʼorik kuukʼ chi jeʼ wilih: «Awehtʼal na. . . ?» oon «¿Abʼiram na jenoʼ pech chi. . . ?» eh chi riij i reʼ, ne tiqʼorik chi riij jenoʼ naʼojbʼal inkan chupaam i Santo Laj Huuj. Eh ko reʼaj ne irubʼan chi ne inqakoj jenoʼ texto reh i Santo Laj Huuj iruqʼor rubʼehel chi riij i korik reʼreʼ. Noq inqakʼuhtaaj jenoʼ korik reh i Santo Laj Huuj reh jenoʼ kʼachareel, xa jeʼ rukabʼ rutikariik jenoʼ ijaʼ pan ranima. ¡Eh reʼ Dios ne irubʼan chi ne inkʼihik cho ijaʼ reʼreʼ! (1 Cor. 3:​6, 7).

• Reʼ chalik reh

• Reʼ familia

• Reʼ Dios

• Reʼ tiij

• Reʼ Jesús

• Reʼ runimaal rajaawriik i Dios

• Reʼ tiʼ kʼaxik

• Reʼ kimik

• Reʼ nimanik

REʼ CHALIK REH

1. 1. Reʼ taqeh maʼ holohik ta kʼahchiʼ rukʼulariik eh reʼ nikʼwach i kinaʼojbʼal taqeh kʼachareel, irukʼuhtaaj chi maʼ najt ta chik wilik cho i holohik laj kʼacharik (Mat. 24:​3, 7, 8; Lucas 21:​10, 11; 2 Tim. 3:​1-5).

2. 2. Reʼ akʼal maʼ jaruuj narusachariik wach (Sal. 104:5; Ecl. 1:4).

3. 3. Reʼ wach akʼal narukorjiik wach (Is. 35:​1, 2; Apoc. 11:​18, TNM).

4. 4. Chi qunchelaal maʼ na ta chik qayowabʼjiik chupaam taqeh qʼiij chalik reh (Is. 33:24; 35:​5, 6).

5. 5. Ne irubʼan chi reʼ hat ne tikʼachariik chi juneliik ayuʼ wach akʼal (Sal. 37:​29, TNM; Mat. 5:​5, TNM).

REʼ FAMILIA

1. 6. Reʼ bʼahilbʼees ko ruman chi narukʼaxam i rehkʼeen jeʼ rukabʼ noq irukʼax riibʼ i reh (Efes. 5:33; Col. 3:19).

2. 7. Reʼ ehkʼehbʼees ko ruman chi narunimam i rubʼahiil (Efes. 5:33; Col. 3:18).

3. 8. Reʼ bʼahilbʼees eh i ehkʼenbʼees ko ruman chi maʼ na ta kichʼuwaʼrisam wach i kikaxaro (Mal. 2:16; Mat. 19:​4-6, 9; Heb. 13:4).

4. 9. Reʼ taqeh akʼunbʼees reʼ inkiyeew ruloqʼil eh inkinimaj i kituut kajaaw holohik ne inooj i kikʼachariik (Prov. 1:​8, 9; Efes. 6:​1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

REʼ DIOS

1. 10. Reʼ Dios wilik jenaj rubʼihnaal (Sal. 83:​18, TNM; Jer. 10:​10, TNM).

2. 11. Reʼ Dios wilik jenaj qʼorik xti ko ruman iraaj ruqʼorom qeh (2 Tim. 3:​16, 17; 2 Ped. 1:​20, 21).

3. 12. Reʼ Dios korik wach rukʼux eh maʼ ajwach ta tokoom rilariik irubʼan (Deut. 10:17; Hech. 10:​34, 35).

4. 13. Reʼ Dios iraaj qojrutobʼeem (Sal. 46:1; 145:​18, 19).

REʼ TIIJ

1. 14. Reʼ Dios iraaj chi ne inqabʼan johtoq qatiij ruukʼ (Sal. 62:8; 65:2; 1 Ped. 5:7).

2. 15. Reʼ Santo Laj Huuj irukʼuhtaaj nikʼwach naqabʼanam qatiij (Mat. 6:​7-13; Lucas 11:​1-4).

3. 16. Xa eliik oq qabʼan qatii (Mat. 7:​7, 8; 1 Tes. 5:17).

REʼ JESÚS

1. 17. Reʼ Jesús jenaj naq manlik ajkʼuhtaneel eh reʼ taqeh naʼojbʼal xuyeew juneliik inkamanik (Mat. 6:​14, 15, 34; 7:12).

2. 18. Reʼ Jesús xuqʼor cho rubʼiral i kʼahchiʼ rukʼulariik pan qaqʼijil (Mat. 24:​3, 7, 8, 14; Lucas 21:​10, 11).

3. 19. Reʼ Jesús rakʼuun i Dios (Mat. 16:16; Juan 3:16; 1 Juan 4:15).

4. 20. Reʼ Jesús maʼ jenaj ta wach ruukʼ i Dios (Juan 14:28; 1 Cor. 11:3).

Based on NASA/Visible Earth imagery

REʼ RUNIMAAL RAJAAWRIIK I DIOS

1. 21. Reʼ runimaal rajaawriik i Dios jenaj taqʼanik wilik cho ar pan taxaaj (Dan. 2:44; 7:​13, 14; Mat. 6:​9, 10; Apoc. 11:15).

2. 22. Reʼ runimaal rajaawriik i Dios narusacham wach chuʼnchel taqeh wilik kajaawriik wach akʼal (Sal. 2:​7-9; Dan. 2:44).

3. 23. Xa reʼ woʼ i runimaal rajaawriik i Dios narusacham wach chuʼnchel taqeh kʼaxkilal wilik wach akʼal (Sal. 37:​10, 11; 46:9; Is. 65:​21-23).

REʼ TIʼ KʼAXIK

1. 24. Reʼ taqeh kʼaxkilal qojʼikʼik wiiʼ maʼ reʼ ta rumahk i Dios (Deut. 32:4; Sant. 1:13).

2. 25. Reʼ Ajyahm wilik rajaawriik chi naah i wach akʼal (Lucas 4:​5, 6; 1 Juan 5:19.

3. 26. Reʼ Dios iril akʼaxkilaal eh iraaj atobʼjiik (Sal. 34:​17-19; Is. 41:​10, 13).

4. 27. Maʼ najt ta chik iraaj chi reʼ Dios narusacham wach i tiʼ kʼaxik (Is. 65:17; Apoc. 21:​3, 4).

REʼ KIMIK

1. 28. Reʼ taqeh kamnaq maʼxta chik inkikʼraaj eh maʼxta tiʼ kʼahchiʼ kikʼulum (Ecl. 9:5; Juan 11:​11-14).

2. 29. Reʼ taqeh kamnaq maʼ ne ta qojkitobʼeej ni xata ne inkibʼan tiʼ qeh (Sal. 146:4; Ecl. 9:​6, 10).

3. 30. Reʼ taqeh qafamilia kamnaq na woʼ chik kiwuktik cho (Job 14:​13-15; Juan 5:​28, 29; Hech. 24:15).

4. 31. «Maʼ naa ta chik rilariik wach i kimik» (Apoc. 21:​3, 4; Is. 25:8).

REʼ NIMANIK

1. 32. Reʼ Dios maʼ imponik ta chuwach chuʼnchel taqeh nimanik (Jer. 7:11; Mat. 7:​13, 14, 21-23).

2. 33. Reʼ Dios irixowaaj wach inkichuk qʼorik chi riij i ruqʼorbʼal (Is. 29:13; Miq. 3:11; Mar. 7:​6-8).

3. 34. Reʼ kʼaxooj irukʼuhtaaj ahaʼ wilik i korik laj nimanik (Miq. 4:3; Juan 13:​34, 35).