Sohp

17 “Ei kehl en mour* ohlahr, ei rahn akan malaulaulahr;

Sousou awiawih ie.+

 2 Sounkapailok kan kin kapiliepene,+

Oh meseiet anahne kilikilang* ar mwekid en uhwong kan.

 4 Pwe komw ketikihsang koahiek en dehdehki ire kan sang nan ar mohngiong;+

Ihme kahrehda komw sohte ketin kasapwilirailda.

 5 Ele emen pahn men ehukihong kompoakepah kan dahme e ahneki,

Mendahki mesen nah seri kan ar luwetalahr.

 6 E ketin wiahkinielahr mehkot me aramas kin kouruhrki,*+

Kahrehda I wiahla emen me re kin kandipih mese.+

 7 Pwehki pwunod pwoaren mesei kat luwetala,+

Oh pehi kat oh nehi kat uhdahn ahtikitikla.

 8 Aramas pwung kin kangkakil met ni pwuriamwei,

Oh me mwakelekel men kin pwunodki aramas me kin pohnsehse Koht.*

 9 Me pwung men kin kolokol teng eh ahl,+

Oh aramas me mwakelekel peh kin kehlailla.+

10 Ahpw, kumwail koaros kak kohdo oh kapwurehiong amwail akupwung kan,

Pwe sohte emen nanpwungamwail me I diarada me loalokong.+

11 Ei rahn akan imwiseklahr;+

Ei koasoandi kan, ineng en mohngiongiet ohlahr.+

12 Re kin usehlahte wekidohng nipwong ong nin rahn,

Oh ndinda, ‘Pwehki e rotorot, marain kakete kerendohr.’

13 Ma I pahn awih, Sousou* pahn wiahla imwei;+

I pahn perekipeseng ei pehto nan rotorot.+

16 E* pahn kohdihla ni ewen kelen Sousou* me katengtengdier

Ni ahnsou me kitail koaros pahn ehu kohdihla nan pwelpar.”+