Melkahka kan
Ong sounpihtih keseng. En Depit melkahka.
140 Maing Siohwa, komw ketin doareiehsang aramas suwed kan;
Komw ketin pereiehsang aramas lemei kan,+
2 Irail akan me kin koasoakoasoane mehkot suwed nan ar mohngiong+
Oh kin kamwoarongehda wasa rahn ehu pwon.
3 Re kin edehda lowarail kan rasehng lowen serpent men;+
Pwoisin en sineik kan kin mi mwurin kilin awarail kan.+ (Selah)
4 Maing Siohwa, komw ketin pereiehsang pehn aramas suwed;+
Komw ketin sileiehsang aramas lemei kan,
Irail akan me kin koasoakoasoane en dipih ie.
5 Me aklapalap kan kin ekihla lidip ehu ong ie;
Oh re kin kihpeseng uhk sahl akan limwahnialo.+
Re kin koasoanehdi lidip kan ong ie.+ (Selah)
6 I ahpw patohwanohng Siohwa: “Komwi me ei Koht.
Maing Siohwa, komw ketin karonge ei peksawas.”+
7 Maing Siohwa, Kaun Wasa Lapalahpie, Sounkomourpei kehlail,
Komw kin ketin perehla moangeie ni rahnen mahwen.+
8 Maing Siohwa, komw dehr ketin kapwaiong ineng en me suwed kan.
Komw dehr ketin mweidohng ar koasoandi kan en pweida, pwe ren dehr aklapalapala.+ (Selah)
9 Moangen irail kan me kapiliepene
En direkihla soahng suwed kan me kohsang ni kilin awarail kan.+
10 Mwoalus okohk kan en mwerediong pohrail.+
11 Sounkaraunlikamwo en dehr diar wasa kis nin sampah.*+
Mehkot suwed en pwakihedi aramas lemei kan oh kemeirailla.
12 I patohwan ese me Siohwa pahn ketin doare me tikitik
Oh ketikihda pwung pahrek ong me semwehmwe.+
13 Me pwung kan uhdahn pahn kapinga mwaromwi;
Me mehlel kan pahn mihmi mwohn silangomwi.+