Melkahka kan

65 Maing Koht, kaping en kohwong komwi nan Saion;+

Se pahn kapwaiada inou kan me se kahukihong komwi.+

 3 Ei sapwung kan poweiedier,+

Ahpw komw kin ketin mahkohng at kauwehla kosonned kan.+

 4 Meid peren aramas me komw ketin pilada oh luke en patohdo rehmwi

Pwehn kousoan nan wasa kelpene kan nan tehnpasomwi.+

Se pahn nsenamwahukihla soahng mwahu kan en tehnpasomwio,+

Sapwellimomwi tehnpas sarawio.*+

 5 Maing Koht, sounkomourpat,

Komw pahn ketin sapengkin kiht wiewia pwung kapwuriamwei kan;+

Aramas koaros nan sampah pwon kin likih komwi+

Pil iangahki irail akan me kin mi wasa doh en nan madau kan.

 6 Komw* ketin koasoanedier teng nahna kan sang ni sapwellimomwi manaman;

Komw* ketin kapwatkidahr roson.+

 7 Komw* kin ketin kameleileidi madau kan me kin ngiringirisek,+

Ilok sawa kan oh mwoarong en wehi kan.+

 8 Me kin kousoan wasa doh kan pahn pwuriamweikihla sapwellimomwi wiewia kan;*+

Komw pahn ketin kahrehiong irail akan me kin mi wasa me ketipin kin dakada ie lel wasa me ketipin kin kihrla ie ren weriwerki peren.

 9 Komw kin ketin apwalih sampah,

Komw kin ketin wiahiong en diren wahnsahpw* oh pwelmwahu.+

Komw kin ketin audehkihda piletik kan pihl;

Komw kin ketikihong aramas akan krein,+

Pwe ih met duwen omwi ketin kaunopada sampah.

10 Komw kin ketin kalamwure uluhl kan oh kainenehla wasa deideida kan;*

Komw kin ketin kamatarangki pwelen sahpw akan keteu; komw kin ketin kapaia pwehlo pwe dahme kamwarakdi en wosada oh kekeirda.+

11 Komw kin ketikihong ehuehu pahr kapai tohto;

Wasa me komw kin ketin keid ie kin direkihla soahng mwahu kan.*+

12 Mohs akan en sapwtehno kin direkihla dihpw,*+

Dohl akan kin pereperen ni pali koaros.+

13 Pelinmen kan kin kipehdi mohs kan,

Oh krein kan kin kipehdi wahu kan.*+