Melkahka kan

Ong sounpihtih keseng; iangahki keseng sahl kan. Melkahka pwoat. Koul pwoat.

67 Koht pahn ketin kupwuramwahwih kitail oh kapaia kitail;

E pahn ketin dakerkinkitailda silangi+ (Selah)

2 Pwe sampah pwon en esehla alomwi,+

Oh wehi koaros en esehla sapwellimomwi wiewiahn komour kan.+

3 Maing Koht, aramas akan en kapinga komwi;

Aramas koaros en kapinga komwi.

4 Wehi kan en perenda oh weriwerki peren,+

Pwe komw pahn ketin kadeik aramas akan ni pwung pahrek.+

Komw pahn ketin kaweid wehi kan nin sampah. (Selah)

5 Maing Koht, aramas akan en kapinga komwi;

Aramas koaros en kapinga komwi.

6 Sampah pahn kapwarehda wah kan;+

Koht, atail Koht, pahn ketin kapaia kitail.+

7 Koht pahn ketin kapaia kitail,

Oh aramas koaros nan sampah pwon pahn lemmwiki* ih.+