Melkahka kan
En Depit koulen kedepwidepw pwoat* me e koulkihong Siohwa duwen en Kus mehn Pensamin lokaia kan.
7 Maing Siohwa ei Koht, I diaradahr wasahn ruk rehmwi.+
Komw ketin doareiehsang koaros me kin kaloke ie oh ketin kapitiehla.+
2 Pwe ma soh re pahn tehriepeseng duwehte me laion men kin wia,+
Oh waiehsang ni eh sohte me pahn kapitiehla.
3 Maing Siohwa ei Koht, ma I wiahda sapwung,
Ma I wiahda mwekid sapahrek,
4 Ma I wiahda mehkot suwed ong emen me kin wia mwahu ong ie,+
De I kulih ei imwintihti ni soh kahrepe,*
5 Eri ei imwintihti en pwakih ie oh koliehdi;
En tiakiehdiong* nanpwel
Oh wiahiong ei lingan en sohrala nan pwelpar. (Selah)
6 Maing Siohwa, komw ketida nan omwi engieng;
Komw ketin uhwong ei imwintihti kan me lingeringer pahi;+
Komw ketida sewese ie, oh idingki pwung pahrek en wiawi.+
7 Komw ketin mweidohng wehi kan en kapilkomwipene;
Oh komw pahn ketin uhwong irail sang powe.
8 Siohwa pahn ketin lohkihda kadeikpen aramas akan.+
Maing Siohwa, komw ketin kadeik ie nin duwen ei wiewia pwung kan
Oh ei loalopwoat.+
9 Komw kupwurkalahngan oh ketin katokehdi wiewia suwed en me suwed kan.
Ahpw komw ketin sewese me pwung kan,+
Pwehki omwi kin ketin wia Koht pwung men,+ me kin ketin kasawih mohngiong+ oh pepehm keieu loal kan.*+
10 Koht iei ei mehn sansar,+ Sounkomourpen irail me ahneki mohngiong pwung.+
11 Koht iei sounkopwung pwung men,+
Oh Koht kin ketin lohki sapwellime kadeik kan rahn koaros.
12 Ma mehmen sohte pahn koluhla,+ e kin ketin edehda sapwellime kedlahs;+
E kin ketin kadangpeseng sapwellime kesik ketieu oh onopadahng en kadar.+
13 E kin ketin kaunopada sapwellime tehtehn mahwen me kak kemehla aramas;
E kin ketin kaunopada sapwellime arep kisiniei kan.+
14 Kilang aramas me kin liseiankihda me suwed;
E kin liseiankihda kahpwal oh naitikihada likamw kan.+
15 E kin weirada pwoahr ehu oh kaloalehla,
Ahpw e kin pwupwudiong nan pwoahr me e wiahdao.+
16 Kahpwal me e wiahda pahn pwurodohng ih;+
Eh tiahk lemei pahn pwurodohng ih.