Melkahka kan
91 Mehmen me kin kousoan nan wasa rir en Wasa Lapalahpie+
Pahn mihmi pahn mwetehn Me Keieu Manamano.+
2 I pahn patohwanohng Siohwa: “Komwi me ei wasahn ruk, ei wasahn ruk kehlail,+
Ei Koht me I kin likih.”+
3 Pwe e pahn ketin kapituhkasang en sounpoar menpihro lidip,
Sang ni soumwahu lusulus keper.
4 E pahn ketin koaduhpwalkinuhkedi* wunen sapwellime pehnpihr kan,
Oh ke pahn rukula pahn sapwellime pehnpihr kan.+
Sapwellime lelepek+ pahn wia mehn sansar laud ehu+ oh dihd* kehlail ehu.
5 Ke sohte pahn masak mehkot keper nipwong,+
De pil arep me kin pipihr nin rahn,+
6 De pil soumwahu lusulus me kin wawaiseli nan rotorot,
De pil kamwomwala me kin wiawi nin rahn.
7 Aramas kid pahn pwupwudi limwahmw
Oh aramas nen pahn pwupwudi ni omw palimaun,
Ahpw met sohte pahn kerendohng uhk.+
9 Pwehki omw nda: “Siohwa iei ei wasahn ruk,”
Ke wiahkihla Wasa Lapalahpie omw wasahn kousoan;*+
10 Sohte kahpwal pahn lelohng uhk,+
Oh sohte kalokolok pahn kerendohng imwomw impwal.
11 Pwe e pahn ketin ruwesehki sapwellime tohnleng kan+ duwen kowe,
Pwe ren sinsileiuk nan alomw kan koaros.+
14 Koht ketin mahsanih: “Pwehki e kin poakohng ie,* I pahn kapitala ih.+
I pahn pere ih pwehki e ese* mwarei.+
15 E pahn likwerih ie, oh I pahn sapeng.+
I pahn ieiang ih nan eh apwal.+
I pahn kapitala ih oh kalinganahda ih.