Rongamwahu en Luk
3 Ni kaeisek limaun sounpar en mwehin Sihsar Daipirius, ni ahnsou me Pontius Pailet wia kepinahn Sudia, Erod*+ wia kaunen wehin Kalili, oh rie pwutak Pilip wia kaunen wehin Iduria oh Trakonaidis, oh Lisanias wia kaunen wehin Apilihn, 2 oh ni mwehin kaunen samworo Anas oh Kaiapas,+ Sohn+ nein Sekaraia ahpw alehdi poahngoak sang rehn Koht nan sapwtehn.+
3 Ih eri kohla wasa koaros limwahn Sordan, oh e kin kalohkihong aramas akan ren papidaisla pwe en wia kilelepen arail koluhla ong mahkpen diparail kan,+ 4 nin duwen eh ntingdier nan pwuhken soukohp Aiseia: “Ngihl ehu kin liklikwer nan sapwtehn: ‘Kumwail kaunopada elen Siohwa!* Kumwail kainenehla sapwellime ahl akan.+ 5 Wahu koaros anahne audaudla, oh nahna oh dohl koaros en patapatala; ahl pirek kan anahne inenla, oh ahl sapahrek kan en pahrekla; 6 oh aramas koaros pahn kilang duwen Koht eh pahn ketikihda komour.’”+
7 Ih eri tepida koasoiaiong pokon me kodohng papidaisla reh: “Kumwail kadaudok en sineik pwoisin kan, ihs me ndaiong kumwail en tangasang engieng en Koht me kohkohdo?+ 8 Eri, kapwarehda wah kan me kasalehda koluhla. Kumwail dehr tepida nda nan kapehdomwail, ‘Se samanki Eipraam.’ Pwe I ndaiong kumwail me Koht kak ketin wiahkihda takai pwukat seri kei ong Eipraam. 9 Ni mehlel, sileo miher nin tepin tuhkeo. Eri, tuhke koaros me sohte kin wa mwahu pahn paldi oh lekdekiong nan kisiniei.”+
10 Pokono ahpw idek reh: “Eri a, dahme se anahne wia?” 11 E sapeng irail nda: “Aramas emen me ahneki likou riau* en kihong me sohte ah, oh me mie kene mwenge en pil wia soahngohte.”+ 12 Sounrik daksis kan pil kodohng reh pwe ren papidaisla+ oh re ndaiong ih: “Sounpadahk, dahme se anahne wia?” 13 E ndaiong irail: “Dehr idingki aramas en pwain* daksis laudsang dahme koasoandier.”+ 14 Pil irail me kin iang sounpei idek reh: “Dahme se anahne wia?” Oh e ndaiong irail: “Dehr wiakauwe* emen de karaunlikamwih emen,+ ahpw itarki omw kepwe kan.”*
15 Aramas ako ahpw kin kasikasik oh irail koaros kin medemedewe nan kapehdirail* duwen Sohn, “Iei ih me Krais?”+ 16 Sohn sapengkin irail koaros: “Ngehi, I kin papidaisihkin kumwail pihl, ahpw emen me manaman sang ie pahn ketido oh I sohte warohng sapwadada selin sapwellime suht.+ E pahn ketin papidaisihkin kumwail ngehn sarawi* oh kisiniei.+ 17 Sapwellime sapwel en kihsang kilin wihd miher nin lime pwe en ketin kamwakelehda douluhl wasahn kihsang kilin krein* kan oh ketikipene wihd ko nan sapwellime imwen nahk, ahpw kilin wihd ko, e pahn ketin isingkihla kisiniei me sohte kak kunla.”
18 E pil kihda kaweid tohto teikan oh pousehlahte kalohkihong aramas akan rongamwahu. 19 Ahpw pwehki Sohn panawiheki Erod, kaunen wehin Kalili, me pid ahn rieo pwoudo Erodias, oh pil eh wiewia suwed kan koaros, 20 Erod pil kapatahiong soahng suwed ehu nan mwekid pwukat koaros: E salihedi Sohn nan imweteng.+
21 Ni ahnsou me aramas ako koaros papidaisla, Sises pil ketin papidaisla.+ Ni eh wie loulou, nanleng pa ritpeseng,+ 22 oh ngehn sarawi* ni mwomwen mwuroi men kohdi powe, oh ngihl ehu ahpw kohsang nanleng, me mahsanih: “Kowe me nei Pwutak kompoake; I kin kupwurperenkin uhk.”+
23 Ni ahnsou me Sises+ ketin tapiada sapwellime doadoahk, e sounpar 30,+ aramas akan kin nda me
ih nein Sosep,+
Sosep nein Eli,
24 Eli nein Madad,
Madad nein Lipai,
Lipai nein Melki,
Melki nein Sanaai,
Sanaai nein Sosep,
25 Sosep nein Madadaias,
Madadaias nein Eimwos,
Eimwos nein Nahum,
Nahum nein Esli,
Esli nein Nakai,
26 Nakai nein Maad,
Maad nein Madadaias,
Madadaias nein Semein,
Semein nein Sosek,
Sosek nein Soda,
27 Soda nein Sohanan,
Sohanan nein Rehsa,
Rehsa nein Serupapel,+
Serupapel nein Sealtiel,+
Sealtiel nein Neri,
28 Neri nein Melki,
Melki nein Adi,
Adi nein Kosam,
Kosam nein Elmadam,
Elmadam nein Er,
29 Er nein Sises,
Sises nein Elieser,
Elieser nein Sorim,
Sorim nein Madad,
Madad nein Lipai,
30 Lipai nein Semion,
Semion nein Sudas,
Sudas nein Sosep,
Sosep nein Sonam,
Sonam nein Elaiakim,
31 Elaiakim nein Melea,
Melea nein Menna,
Menna nein Madada,
Madada nein Nadan,+
Nadan nein Depit,+
32 Depit nein Sehsi,+
Sehsi nein Oped,+
Oped nein Pohas,+
Pohas nein Salmon,+
Salmon nein Nahson,+
33 Nahson nein Aminadap,
Aminadap nein Arni,
Arni nein Esron,
Esron nein Peres,+
Peres nein Suda,+
34 Suda nein Seikop,+
Seikop nein Aisek,+
Aisek nein Eipraam,+
Eipraam nein Tera,+
Tera nein Nahor,+
35 Nahor nein Seruk,+
Seruk nein Reu,+
Reu nein Pelek,+
Pelek nein Eper,+
Eper nein Sela,+
36 Sela nein Keinan,
Keinan nein Arpaksad,+
Arpaksad nein Sehm,+
Sehm nein Noha,+
Noha nein Lamek,+
37 Lamek nein Medusala,+
Medusala nein Enok,
Enok nein Sared,+
Sared nein Maalaleel,+
Maalaleel nein Keinan,+
38 Keinan nein Enos,+
Enos nein Sehd,+
Sehd nein Adam,+
Adam sapwellimen Koht.