21 Ni arail kerenlahng Serusalem oh lel Pedpeiti pohn Nahnahn Olip, Sises ahpw poaronehla tohnpadahk riemen,+ 2 oh mahsanihong ira: “Kumwa kohwei nan kisin kahnimw mwohnen oh ni ahnsou me kumwa pahn lel mwo, kumwa pahn diar dongki men me wie sensel oh nah me pwul emen mi reh. Kumwa lapwairahda oh kahreirahdo rehi. 3 Ma mehmen ndaiong kumwa mehkot, kumwa pahn nda, ‘Kauno ketin anahne ira.’ Ni ahnsowohte e pahn mweidohng kumwa.”

29 Oh ni eh ketin kerenlahng Pedpeiti oh Pedani ni nahna me adaneki Nahnahn Olip,+ e ahpw poaronehla tohnpadahk riemen,+ 30 mahsanih: “Kumwa kohwei nan kisin kahnimw mwohnen oh mwurin amwa pedolong loale, kumwa pahn diar dongki pwul men me wie sensel me saikinte aramas dake. Kumwa lapwahda oh kahrehdo ih wasaht. 31 Ahpw ma mehmen idek rehmwa, ‘Dahme kumwa lapwalapwahki dongkien?’ kumwa pahn nda, ‘Kauno ketin anahne.’” 32 Me pekederla ko eri kohieila oh diarada nin duwen me e mahsanihong ira.+ 33 Ahpw ni ara lapwalapwa dongkio, me naineki ko ahpw ndaiong ira: “Dahme kumwa lapwalapwahki dongkien?” 34 Ira nda: “Kauno ketin anahne.”