21 Ni arail kerenlahng Serusalem oh lel Pedpeiti pohn Nahnahn Olip, Sises ahpw poaronehla tohnpadahk riemen,+ 2 oh mahsanihong ira: “Kumwa kohwei nan kisin kahnimw mwohnen oh ni ahnsou me kumwa pahn lel mwo, kumwa pahn diar dongki men me wie sensel oh nah me pwul emen mi reh. Kumwa lapwairahda oh kahreirahdo rehi. 3 Ma mehmen ndaiong kumwa mehkot, kumwa pahn nda, ‘Kauno ketin anahne ira.’ Ni ahnsowohte e pahn mweidohng kumwa.”

11 Eri ni arail kerenlahng Serusalem, Pedpeiti oh Pedani+ ni Nahnahn Olip, e ahpw poaronehla sapwellime tohnpadahk riemen+ 2 oh mahsanihong ira: “Kumwa kohwei nan kisin kahnimw mwohnen oh ni ahnsowohte me kumwa pahn pedolong wasao, kumwa pahn diar dongki pwul men me wie sensel me saikinte aramas dake leledo met. Kumwa lapwahda oh kahrehdo ih wasaht. 3 A ma mehmen ndaiong kumwa, ‘Dahme kumwa wiahki men?’ kumwa nda, ‘Kauno ketin anahne oh e pahn mwadang kapwurupwurodo.’” 4 Ira eri kohieila oh diarada dongki pwul men eh sensel ni wenihmwo limwahn ahlo, oh ira lapwahda.+ 5 Ekei irail me kesikesihnen wasao ahpw ndaiong ira: “Dahme kumwa wiewia, lapwalapwahki dongkien?” 6 Ira ahpw ndaiong irail dahme Sises mahsaniho, irail eri mweidirahla.