Melkahka kan
Ong sounpihtih keseng. En sapwellimen Siohwa ladu Depit melkahka.
2 Pwe e kin nohn kapohlih pein ih
Kahrehda e sohte kak kilangada oh tatki eh sapwung.+
3 Lokaia kan me kohsang nan ewe me kamedek oh widing;
E sohte kin wehwehki ia mwomwen eh pahn wia me mwahu.
4 E pil kin medemedewe pilahn mwersuwed pohn eh peht.
E kin idawehn ahl sapwung;
E sohte kin soikala dahme suwed.
5 Maing Siohwa, sapwellimomwi limpoak loalopwoat kin leldalahng nanleng,+
Sapwellimomwi lelepek kin leldahla ni depwek kan.
Maing Siohwa, komw kin ketin mweidohng aramas oh mahn akan ren momour.*+
7 Maing Koht, ia uwen kesempwal en sapwellimomwi limpoak loalopwoat!+
Aramas akan kin diar wasahn ruk pahn mwetehn omwi pehnpihr kan.+
8 Re kin nim soahng me keieu mwahu kan* nan tehnpasomwi lao re medla,+
Oh komw kin ketin kahrehiong irail en nimpil sang nan pillap en sapwellimomwi peren.+
10 Komw ketin pousehlahte kasalehiong irail kan me esei komwi sapwellimomwi limpoak loalopwoat,+
Oh sapwellimomwi pwung ong irail akan me ahneki mohngiong pwung.+
11 Komw dehr ketin mweidohng nehn me aklapalap en tiakiehdi
De pehn me suwed en kasareiehla.
12 Irail akan me kin wia me suwed pwupwudier;
Re wonohnehr oh sohte kak pwourda.+