APAKUK
1 Kadeik ehu me soukohp Apakuk* alehdi nan kaudiahl ehu:
2 Maing Siohwa, ia erein ei pahn patohwan likilikwer peksawas, ahpw komwi sohte ketin karonge?+
Ia erein ei pahn patohwan pekipeki sawas komwi en ketin doareikitalla? Dahme kahrehda komw sohte ketin katokehdi tiahk lemei?+
3 Dahme kahrehda komw ketin wiahiong ie I en kilang wiewia suwed?
Oh dahme kahrehda komw ketin kanengamahiong aramas me kin kaloke meteikan?
Dahme kahrehda ohla oh tiahk lemei kin mi mwohi?
Oh dahme kahrehda akamai oh pei kin tohto?
4 Eri kosonned solahr manaman,
Oh pwung pahrek sohte kin wiawi.
Pwe me suwed kapilpenehr me pwung;
Ihme kahrehda pwung pahrek pireklahr.+
5 “Kilang wehi kan oh tehk kanahieng!
Kumwail kangkakil ni pwuriamwei oh pwuriamweikihla kowahlap;
Pwe mehkot pahn wiawi nan amwail rahn akan
Me kumwail sohte pahn kamehlele mehnda ma kumwail pahn rong koasoipe.+
Re kin kakahnseli wasa laud kan nin sampah
Pwe ren kihsang ihmw kan me kaidehn imwarail.+
7 Re me kamasepwehk oh kelemw.
Re pein koasoanehdi dahme pwung oh manaman en kaunda.*+
Neirail oahs en mahwen kan tangewei;
Neirail oahs kan kohdo sang wasa doh.
Re marahra rasehng ikel me pihrdiong pohn seike.+
Ni ar kohpene kariswei, re rasehng kisinieng en palimese,+
Oh re kin toukada me selidi kan rasehng pihk.
Re kouruhrki wasa kelpene kehlail kan koaros;+
Re koasoakehda pwehl oh kalowehdi wasa pwukat.
12 Maing Siohwa, komw sou kin ketin ieias kohkohlahte?+
Maing ei Koht, ei Koht Sarawi, komw sohte pahn ketin pwoula.*+
Maing Siohwa, komw ketin idihiraildahr pwe ren wia kadeik;
13 Silangomwi kan* me nohn sarawi en mahsanih me suwed,
Oh komw sohte kak ketin kanengamahiong me suwed.+
Eri, dahme kahrehda komw ketin kanengamahiong me widing+
Oh ketin nennenwei ni aramas suwed men eh kin kadallehla aramas emen me pwung sang ih?+
14 Dahme kahrehda komw ketin wiahiong aramas en duwehte mwahmw en nansed,
Duwehte mahn kerep kan me sohte ar kaun?
15 E* kin apihkihda soahng pwukat koaros selin kehs ehu.
E kin koliraildi nan eh uhk,
Oh kihirailpene nan eh uhk en laid.
Ihme kahrehda e kin perenda kowahlap.+
16 Ihme kahrehda e kin wiahda meirong kan ong eh uhko
Oh wiahda meirong kan* ong eh uhk en laido;
Pwe sang ni mepwukat pwaise tohtohla,*
Oh kene mwenge kan me mwahu.
17 Ia duwe, e pahn kin audehda oh kihkihsang kanengen eh uhko?*
E pahn kin kemekemehla wehi kan ni eh sohte poakeirailla?+
I pahn mwasamwasahnte pwe I en kilang dahme e pahn ketin mahsanih ni eh doadoahngkin ie
Oh dahme I pahn patohwan sapengki ni ei ale peneu.
2 Siohwa eri ketin sapengkin ie:
3 Pwe mie ahnsou ehu me kileldi ong kaudiahl wet en pweida,
Oh met mwadang kohkolahng imwio,* oh met kaidehn likamw pwoat.
Mehnda ma e pahn pwand,* awiawihte!*+
Pwe e uhdahn pahn pweida.
E sohte pahn pwand!
4 Kilang ih me aklapalap;
E sohte pwung nan eh mohngiong.
Ahpw me pwung men pahn momour pwehki eh lelepek.*+
5 Mehlel, pwehki wain me widing,
Ohl aklapalapo sohte pahn lel eh mehn akadei.
E mehwo duwehte Sousou;*
E duwehte mehla oh sohte kak medla.
E kin usehlahte kihkihpene wehi koaros
Oh kihpene aramas koaros ong pein ih.+
6 Ia duwe, aramas pwukat koaros sou pahn kepitkin ih, ni ar doadoahngki lepin kahs ehu, kahk kan oh senserere?+
Re pahn nda:
‘Meid suwediong ih me kin kihpene dahme kaidehn ah
—Ia uwen werei?—
Oh me kin kalaudehla douluhl eh pweipwand!
7 Ia duwe, irail me kamangaiong uhk mwohni sou pahn mwadangete uhda?
Re pahn pwourda oh itik uhk kehlail,
Oh ke pahn wiahla mehkot me re pahn kulih.+
8 Pwehki ke kulihadahr wehi tohto,
Aramas koaros me luhwehdi pahn kulihiuk,+
Pwehki omw kakerehdi ntahn aramas
Oh omw tiahk lemeiong sampah,
Ong kahnimw kan oh irail me kousoan loale.+
9 Meid suwediong emen me ale mwohni ni ahl mwersuwed ong eh peneinei,*
Pwe en wiahda pese ni wasa ile,
Pwehn pitsang manaman en kahpwal!
10 Ke koasoanehdi en kanamenekihala omw peneinei.*
Sang ni omw kamwomwala aramas tohto ke wiahda dihp ong pein kowe.+
11 Pwe takai ehu pahn likwer sang ni dihdo,
Oh sang ni pwelengen tuhkehn ihmwo rehu pwoat pahn sapeng.
12 Meid suwediong emen me kin kauwada kahnimw ehu sang ni kakerkerdien nta,
Oh me kin wiahda kisin kahnimw ehu sang ni suwed!
13 Kilang! Kaidehn Siohwa kaunen karis en sounpei me ketin kahrehiong aramas akan en doadoahk laud pwehn kamwenge kisiniei,
Oh wehi kan en kapwangeirailda ong mehkot sohte katepe?+
15 Meid suwediong emen me kin kihong ienge kan mehkot ren nim,
Oh kapatahiong lingeringer oh mwehl, pwehn kasakawihirailla,
Pwehn kilang arail kilisou!
16 Ke pahn direkihla mwamwahlla a kaidehn lingan.
Pil kowe—nim oh kasalehda omw sohte sirkumsais.*
Kep me mi ni palimaun en limen Siohwa pahn kodohng uhk,+
Oh kanamenek pahn kipehdi omw lingan;
17 Pwe tiahk lemei me wiawihong Lepanon pahn kipeiukedi,
Oh kamwomwala me kamasakada mahn akan pahn kodohng uhk,
Pwehki omw kakerehdi ntahn aramas
Oh omw tiahk lemei nin sampah,
Ong kahnimw kan oh irail me kousoan loale.+
18 Ia kamwahupen sansal perperda ehu
Me aramas emen wiahda?
Ia kamwahupen sansal mete ehu oh sounpadahngki soahng likamw akan,
Mehnda ma me wiahdao kin likih,
Oh kin wiahda koht soh katepe kan me sohte kak lokaia?+
19 Meid suwediong emen me kin ndaiong lepin tuhke pwoat, “Pwourda!”
De ndaiong takai ehu me sohte kak lokaia, “Pwourda! Kaweid kiht!”
20 Ahpw Siohwa ketiket nan tehnpese sarawio.+
Aramas en sampah pwon, kumwail nennenla mwohn silangi!’”+
3 En soukohp Apakuk kapakap, ni koulen kedepwidepw kan:*
2 Maing Siohwa, I patohwan rongehr rongopomwi.
Maing Siohwa, I lemmwikihda omwi wiewia kan.
Komwi en ketin pwurehng wia mepwukat ni ahnsou me koasoandi!*
Komwi en ketin kasansalehda mepwukat ni ahnsou me koasoandi.*
Komwi en ketin tamataman en kasalehda kadek kalahngan erein ahnsoun pingpingo.+
Sapwellime roson lapalap kipehdi nanleng;+
Sampah direkihla kapingpe.
4 E kin ketin lingaling rasehng marain.+
Marain riau piripir sang nin lime,
Wasa me sapwellime roson kin rirla ie.
6 E ketin uhdi oh itik sampah.+
Ni eh ketin iroirwei, e ketin kahrehiong wehi kan ren lus.+
Nahna poatopoat kan kamwutumwutdi,
Dohl en mahs kan poaridi.+
E kin ketin keid nan ahl en mahs akan.
7 I kilangehr kahpwal nan impwal en Kusan kan.
Likoun impwal kan en sapwen Midian rerrer.+
8 Maing Siohwa, ia duwe, pillap kan me komw ketin engiengkihda kowahlap?
Komwi ketin engieng pahn mepwukat?
De komwi ketin engieng pahn sehd?+
9 Sapwellimomwi kesik ketieu kohsangehr nan kidipe oh onopadahr.
Sokon kan* idihdida sang ni kahula ehu.* (Selah)
Komw ketin pwalangkihpeseng sampah pillap kan.
10 Nahna kan tantatkihseli ar medek ni ar kilangkomwihda.+
Keteu mosul ehu pwilido nan sahpwo.
Pihl loal kan ngiringirisek laud.+
Re kohda ile.
11 Ketipin oh maram mihmihte nan ara wasa ileile.+
Sapwellimomwi arep kan kohieila duwehte marain.+
Duwehte lioal sapwellimomwi ketieu me lingaling.
12 Komw ketin kotehwei sampah ni engieng.
Komw ketin tiakedi wehi kan ni engieng.
13 Komw ketieila ong komourpen sapwellimomwi aramas akan, pwehn doarehla sapwellimomwi me keidio.
Komw ketin kamwutepene kaunen imwen me suwed.
Ihmwo sansalda sang ni poahsoane lel ni kadoke.* (Selah)
14 Komw ketin doakoahkihdi moangen nah sounpei kan pein nah dipwisoun mahwen kan*
Ni ar kohdo rasehng melimel pwehn kamwarahkitpeseng.*
Re perenda ni ar kadallehla me lokolok men ni rir.
15 Komw ketin tangkihwei sapwellimomwi oahs kan pohn sehdo,
Pohn ilok laud kan nansedo.
Tih kat luwetala;+
Nehi kat wie rerrer.
Ahpw I pahn nennenlahte ni ei awiawih rahnen apwalo,+
Pwe met kohkodohng aramas akan me mahweniong kiht.
17 Mehnda ma tuhke pik sohte masalpeseng,
Oh sohte wahn kreip kan;
Mehnda ma tuhke olip sohte pweida,
Oh mwaht akan sohte kihda mwenge;
Mehnda ma sohla pelin sihpw nan kehl,
Oh sohte kou nan dewen kou kan;
18 Ahpw, ngehi, I pahn perenkihda Siohwa;
I pahn pereperenki Koht, sounkomourpei.+
19 Kaun Wasa Lapalahpie Siohwa iei ei kehl;+
E pahn ketin wiahiong nehi kat en duwehte nehn tie men
Oh ketin kahrehiong ie I en keid pohn wasa ileile kan.+
Ong kaunen sounkoul kan; sang ni nei keseng sahl kan.
Kakete wehwehki “Pwoalehdi Teng.”
De “wahu.”
De kakete, “ar kehl iei ar koht.”
De kakete, “se sohte pahn mehla.”
De “ong peneu.”
LI, “Pwoaren silangomwi kan.”
Me iei, imwintihti mehn Kaldia.
De “meirong ediniei kan.”
LI, “doalkihda leh tohto.”
De kakete, “usehlahte usada nah kedlahs?”
De “pohn pelien tuhke kan.”
De “maledengki.”
De “pweida.”
De “ma e mwomwen pwand.”
De “ngoangkihte awih.”
De kakete, “pwoson.”
LI, sheʼohl′. Kilang KLL.
De “wehi.”
De “wehi.”
De kakete, “oh wasasseli.”
De “koulen mwahiei kan.”
De kakete, “ni at ahnsou.”
De kakete, “ni at ahnsou.”
Kilang KLL.
De “kana.”
De kakete, “arep kan.”
De kakete, “Inoun kahula kan en keinek kan kohda.”
LI, “tepinwere.”
LI, “nah sokon kan.”
LI, “kamwarahkiepeseng.”
LI, “oh kapehdiet rerada.”