LISON 1

1 Deus ta preokupa ku nos?

AOS, mundu sta ŝeiu di purblemas. Geras, disastri di natureza, duensas, koitadesa, kurupson i utrus malis ta kansa milyons di jintis. Abo tambi bu pudi sta preokupadu ku es kusas. Kin ki pudi judanu? Sera ki i ten kin ku ta preokupa ku nos?

Un mame pega si fiju — Amor ki Deus tene pa nos, i mas amor ki un minjer ta tene pa si fiju ki na mamanta

No pudi sta sertu, di ki na bardadi Deus ta preokupa ku nos. Na si Palabra Sagradu, el i fala: “Nta un minjer pudi diskisi di si fiju ki na mamanta, tok i ka na sinti pena di kil ki padi? Ma nin ki diskisi, ami N ka na diskisi di bo.”a

Es ta konsolanu! Amor ki Deus tene pa nos, i mas amor ki un minjer ta tene pa si fiju ki na mamanta — un di sintimentu mas forti na pekaduris. Nunka Deus ka na abandonanu! Na bardadi, el i judanu ja di un manera garandi dimas. Es i kal? Pa manera ki mostranu ke ki pudi pui pa no tene un vida filis ki sedu — fe di bardadi.

Tene fe di bardadi na pui pa bu sedu filis. Es tipu di fe na judau ivita manga di purblemas i lida ku utrus purblemas ki bu ka pudi ivita. Tambi i na judau pertusi di Deus, tisiu pas na korson i tene un pensamentu susegadu. Es fe di bardadi na lebau pa un futuru ki bu na dimira — vida ku ka ta kaba na Paraisu!

Ma ke ki fe di bardadi? I kuma ki bu pudi tenel?

a Jubi Isaias 49:15 na Palabra di Deus.