Manual pa Runion Vida ku Ministeriu — 2025 | Juliu

28 DI JULIU–3 DI AGUSTU

DITUS 24

Kantiku 38 ku orason | Introduson (1 min.)

RIKESAS DI PALABRA DI DEUS

1. Fortalisi bu kabesa pa situasons difisil

(10 min.)

Kontinua aumenta bu kuñisimentu ku jiresa. (Dit 24:5; w23.07 paẑina 17 paragrafu 15)

Kontinua ora, lei Biblia kada dia i mati runions mesmu si bu sta disanimadu. (Dit 24:10; w09-T 15/12 paẑina 18 paragrafu 12 ku 13)

Tene fe ku amor forti pa Jeova ta judanu nguenta difikuldadis. (Dit 24:16; w20.12-TPO paẑina 15)

Un irma ku tene un duensa gravi sta kontenti na tarbaja ku si amiga na pregason di kasa pa kasa. I sta na mostra un kusa na si tablet pa un minjer ku firma na si porta.

2. Diskubri joias spiritual

(10 min.)

Dit 24:27 — Ke ku no pudi aprindi des ditu? (w09-T 15/10 paẑina 12)

Bu resposta
Kal joias spiritual ku bu diskubri na leitura di Biblia des semana ku bu misti konta?

Bu resposta

3. Leitura di Biblia

(4 min.) Dit 24:1-20. (th studu 11)

FASI BU MINJOR NA MINISTERIU

4. Kumsa kombersa

(2 min.) TUSTUMUÑU INFORMAL. Kombersa kaba antis di bu da tustumuñu. (lmd lison 2 pontu 4)

5. Kumsa kombersa

(3 min.) KASA PA KASA. (lmd lison 3 pontu 4)

6. Kumsa kombersa

(3 min.) TUSTUMUÑU PUBLIKU. Splika algin ku bu na papia kel aserka di no programa di studu di Biblia, i dal karton pa studu di Biblia. (lmd lison 4 pontu 3)

7. Diskursu

(3 min.) lmd apendisi A pontu 11 — Tema: Deus danu un mensaẑen importanti. (th studu 6)

NO VIDA KRISTON

Kantiku 99

8. No juda n̈utru na situasons difisil

(15 min.) Konsiderason.

Un duensa ku ta laga, disastri natural, manifestason, gera o pirsigison pudi kontisi di repenti. Ora ku un des kusas kontisi, no ermons ku irmas ta juda n̈utru tambi e ta nkoraẑa n̈utru. Ma, mesmu si no ka afetadu diretamenti, no ta sinti pa no ermons ku afetadu i no ta fasi tudu ku no pudi pa juda elis. — 1 Kor 12:25, 26.

Fotos: Ermons ku irmas sta na juda se ermos na fe di manga di manera. 1. Ermons ku irmas sta na kumpu mas un Salon di Renu ku dana pabia di disastri natural. 2. Ermons ku irmas sta na risibi diritu un mame ku si fiju femia ku refuẑia. 3. Un irma sta na fasi oferta na kaŝa di kontribuison na Salon di Renu. 4. Ermons ku irmas na Salon di Renu sta na da diferentis kusas pa se ermons ku irmas ku refuẑia. 5. Vuluntarius sta na dividi pakotis di bidons di yagu. 6. Un ermon sta na ora.

Lei 1 Reis 13:6 ku Tiagu 5:16b. Dipus fasi asistensia es purgunta:

Ke ku manda orasons ku servus di Deus ta fasi pa utrus tene puder?

Bu resposta

Lei Markus 12:42-44 ku 2 Koríntius 8:1-4. Dipus fasi asistensia es purgunta:

I pudi sedu di kuma diñeru ku no tene pa da pa oferta pa obra mundial pa juda no ermons ku sta na nesesidadi i ka ciu, mesmu asin pabia ki bon da?

Bu resposta

Mostra VIDEO Ermons fortalisidu oca ku obra proibidu. Dipus fasi asistensia es purguntas:

Kal sakrifisius ku alguns fasi pa juda se ermons na fe ku moraba na tera nunde ku no obra proibidu, na Europa di lesti?

Bu resposta
Mesmu ku no obra proibidu, kuma ku no ermons obdisi mandamentu di junta i nkoraẑa n̈utru? — Eb 10:24, 25

Bu resposta