No nkoraẑa n̈utru

Anos tudu no ta da balur garandi pa nkoraẑamentu ku no ta da n̈utru suma ermons ku irmas. Ma nkoraẑa n̈utru i ka so sta juntu. Biblia falanu pa no nkoraẑa i fortalisi fe di n̈utru. (Rom 1:​11, 12) Kal ki alguns manera ku no pudi fasi kila?

Nkoraẑa utrus ku bu palabras. Pur isemplu, ora ku no na da kumentarius na runion, no pudi konsentra na Jeova, na si Palabra i na si povu, en ves di konsentra na no kabesa. Ora ku no na papia ku no ermons ku irmas no pudi disidi papia di asuntus ku ta nkoraẑa.

Nkoraẑa utrus atraves di bu disisons ku asons. Pur isemplu, alguns disidi manti na sirvisu di tempu kompletu mesmu ku difikuldadis ke tene. Utrus ta mati sempri runions di metadi di semana mesmu ke tene manga di tarbaju pa fasi o e tene un purblema di saudi gravi.

Sera ki bu ta nkoraẑa bu ermons ku irmas atraves di bu palabras ku asons? I sera ki bu ta nota di ke ku bu ermons ku irmas ta fala o fasi pa nkoraẑau?