LISON 6
Ke ku manda Deus kumpu tera?
DEUS kumpu tera pa i sedu un bon kau nunde ku jintis na mora. Si Palabra fala sin: “Seu la riba i di SIÑOR, ma i da omis tera.” — Salmu 115:16.
Antis di Deus kumpu purmeru omi, ki sedu Adon, i kuji un lugar pikininu na tera i fasil un jardin bonitu i comal di Eden. Palabra di Deus fala ki riu Eufrates i ku riu Tigri (Idekel) teneba kumsada la na Eden.a I ta pensadu kuma jardin di Eden staba na lugar ki aos i parti lesti di Turkia. Na bardadi, jardin di Eden staba li na tera!
Deus kumpu Adon i pul na jardin di Eden “pa i labral, i toma konta del.” (Kumsada 2:15) Mas tardi, Deus kumpu un minjer pa Adon, ku sedu Eva. Deus fala es kasadu: “Bo padi ciu, bo inci mundu, bo manda riba del.” (Kumsada 1:28) Ku sertesa, Deus ‘ka kumpu tera pa i limpu, sin nada, ma i formal pa i tene moraduris.’ — Isaias 45:18.
Ma Adon ku Eva, rebela kontra Deus, pa manera ki e disobdisi si leis ku diskarna. Deus tira elis fora di Jardin di Eden. Asin Paraisu pirdidu. Danu ki kausadu pa pekadu di Adon bai mas lunju. Palabra di Deus falanu: “Pekadu yentra na mundu pabia di un omi; i tisi mortu. Asin tambi mortu pasa pa tudu jintis pabia tudu peka.” — Romanus 5:12.
Sera ki Deus abandona rason ki pui i kumpu tera — pa i sedu un paraisu nunde ki jintis filis na mora nel? Nau! Deus fala: “Palabra ku N papia . . . i ka na riba amonton pa mi, ma i na fasi kil ki di ña vontadi; i na bai dianti na kil ku N mandal pa i fasi.” (Isaias 55:11) Asin Paraisu na pudu mas li na tera!
Kuma ki vida na Paraisu na sedu? Jubi purmesas ki Palabra di Deus mostranu na dus paẑina dianti.
a Palabra di Deus na Kumsada 2:10-14 fala: “Un riu sai na Eden pa regua jardin. I bin rapati, i torna na kuatru riu pikininu. Nomi di ki purmeru riu i Pison. . . . Nomi di sugundu riu i Jion. . . . Nomi di terseru riu i Tigri [o, Idekel]. Es ta bai pa Asiria na ladu di saida di sol. Nomi di kuartu riu i Eufrates.” Lugar izatu nunde ki staba ki dus purmeru riu i ka kunsidu.