23 “Kayta niy Aaronman, wawasninmanwan: ‘Israelitasta bendecishaspaqa+ kay jinata niychej:

24 “Jehová Diosqa bendecisuchun,+ waqaychasuchuntaj.

25 Jehová Diosqa qanwan kʼacha kachun,*+ allin ñawiwantaj qhawasuchun.

26 Jehová Diosqa qanwan kʼacha kachun, sonqo tiyaykuytataj qosuchun”, nispa’.+

27 Paykunaqa israelitasta bendecinankupaj sutiyta oqharichunku,+ noqataj paykunata bendecisaj”,+ nispa.

8 ”Chaypacha Jehová Diosqa Leví+ aylluta* tʼaqakorqa, Jehová Diospa trato ruwasqan arca nisqa cajata+ apanankupaj, Jehová Diospa ñaupaqenpi sirvinankupaj, sutinpitaj israelitasta bendecinankupaj,+ imaynatachus kunankama ruwashanku ajinata.

5 ”Chaymantaj qayllaykonqanku levita sacerdotes, imaraykuchus paykunataqa Jehová Diosniykichej ajllan payta sirvinankupaj,+ Jehová Diospa sutinpitaj bendecinankupaj.+ Chantapis paykuna ninanku tiyan imaynatachus allinchanankuta uj runata imanasqankumanta chayri wañuchisqankumanta uj demanda kajtin.+

13 Amrampa qhari wawasnenqa karqanku Aaronwan+ Moiseswan.+ Aaronta, wawasnintawan churarqanku Aswan Santo Lugarllapipuni sirvinankupaj.+ Jehová Diospa ñaupaqenpi jaywanasta qʼolachinankupaj,* payta sirvinankupaj, sutinpitaj runasta bendecinankupaj wiñaypaj.+