Deuteronomio
32 “Cielo, uyariway imatachus parlasaj chayta,
jallpʼa, qanpis uyariy simiypa nisqasninta.
2 Yachachisqayqa para jina jichʼakamonqa,
parlasqasneyqa chhulla jina kanqa,
pasto patapi chhulla para jina,
plantaspaj sumaj para jina.
3 Noqaqa Jehová Diospa sutinta rejsichisaj.+
Qankunataj niychej Diosninchej may jatun kasqanta.+
Payqa atienekunapaj jina Dios,+ mana jaykʼajpis mana cheqan kajtaqa ruwanchu.+
Payqa cheqanmin, cheqan kajtapunitaj ruwan.+
Mana cheqan ñanta purejkuna kankichej, sajra imasta ruwajkunataj.+
¿Manachu payqa Tataykichej, ruwasojniykichejtaj?+
¿Manachu pay ruwasorqachej, nación kanaykichejpajtaj churasorqachej?
7 Unay watasmanta yuyarikuychej.
Ñaupa tiempo runaspi tʼukuriychej.
Tatasniykichejta tapurikuychej, paykunataj willasonqachej.+
Qankunamanta kurajkunata tapukuychej, paykunataj willasonqachej.
8 Maypachachus Aswan Patapi kaj Dios nacionesman herenciankuta qoporqa,+
chantá Adanpa wawasninta* tʼaqararqa chaypacha,+
payqa llajtaspaj lindesta* churarqa,+
Israelpa wawasnin mashkhachus kasqankuman jina.+
9 Jehová Diospa herencianqa nacionnillantaj.+
Paypa herencianqa Jacob.+
10 Paytaqa chʼin jallpʼapi tarerqa,+
chʼusaj jallpʼapi, maypichus kʼita animalespa waqaynillan uyarikun chaypi.+
Paytaqa sumajta jarkʼarqa, cuidarqataj.+
Ñawi papanta jina waqaycharqa.+
11 Imaynatachus uj águila thapan patata phawaykachaspa
irpitasninta phawayta yachachin,
chantá lijrasninta* kicharispa irpitasninta japʼin,
paykunatataj lijrasninpi apan,+
12 ajinallatataj Jehová Diosqa sapallan payta* pusaykacharqa.+
Mana ima diospis paywan karqachu.+
Paymanqa mikhucherqa qaqamanta llojsimoj miskʼita,
sinchʼi duro chhankamanta llojsimoj aceiteta,
14 jinallataj waka lechemanta mantequillata, oveja lecheta, cabra lecheta,
sumaj wira ovejasta,
Basanmanta carnerosta,* chivosta,
aswan sumaj trigota ima.+
Payqa uvas chʼirwasqamanta vinota tomarqa.
15 Jesurunqa* wirayaykuytawan, mayta jaytʼaykacharqa.
Payqa wirayaykorqa, manchayta rakhuyaykorqa llosqʼolla kanankama.+
Payqa ruwajnin Diosta saqerparerqa,+
salvajnin Chhankata pisipaj qhawarqa.
16 Waj dioskunata yupaychaspa Diosta phiñacherqanku.+
Millay imasta yupaychaspa Diosta rabiacherqanku.+
17 Diosman jaywananku karqa chay ofrendastaqa demoniosman qararqanku,+
mana rejsisqanku dioskunaman,
chaypachallaraj rikhurej dioskunaman,
mayqenkunatachus ñaupa tatasniykichej mana rejserqankuchu chay dioskunaman.
18 Qanqa qonqaporqanki pakakunayki Chhankamanta,+ tataykimanta.
Qanqa mana yuyarikorqankichu kausayta qosoj Diosmanta.+
19 Jehová Diosqa chayta rikuspa paykunata qhesacharqa,+
qhari wawasnin, warmi wawasninpis payta phiñachisqankurayku.
20 Chayrayku payqa nerqa: ‘Noqaqa mana paykunata qhawarisajchu.+
Qhawallasaj imapichus tukonqanku chayta.
Paykunaqa millay sajra runas kanku.+
Mana atienekunapaj wawas kanku.+
21 Qhasi dioskunata yupaychaspa phiñachiwanku,*+
qhasi manakaj santosman kʼumuykukuspa yawarniyta tʼimpurichiwanku.+
Chayrayku noqapis mana kasuy llajtawan paykunata celosachisaj,+
mana yuyayniyoj nacionwan yawarninkuta tʼimpurichisaj.+
22 Kʼajaj phiñakuyneyqa nina jina laurarin.+
Chay ninaqa Sepultura* ukhutapis ruphaykonqa.+
Kay jallpʼatapis, chaypi poqojtapis qʼalata lauraykonqa.
Orqospa cimientosnintapis qʼolarparenqa.
23 Llakiykunasninkuta astawan yapasaj.
Tukuynin flechasniyta paykunapi tukuchisaj.
24 Yarqhaywan llauchhiyanqanku.+
Calentura onqoy* paykunata tukuchenqa, ni uj puchuyojtaj chinkachisqas kanqanku.+
25 Jawapeqa espada wawasninkuta wañurachenqa.+
Wasinku ukhupitaj sinchʼi manchachikuy kanqa.+
Ajina kanqa jovenespajpis, doncellaspajpis,
ñuñoj wawaspajpis, yuraj chujcha runaspajpis.+
26 Noqaqa niyman karqa: “Paykunata tukuynejman tʼaqarachisaj.
Ajinamanta runasqa manaña paykunamanta yuyarikonqankuchu”, nispa.
27 Chaywanpis mana munarqanichu enemigosninku jatunchakunankuta.+
Mana Jehová Dioschu kayta ruwan”, nispa.
28 Paykunaqa mana yuyayniyoj* nación kanku.
Mana imatapis entiendeyta atinkuchu.+
29 Sichus yuyayniyoj kankuman chayqa,+ tukuy kay imaspi tʼukurinkuman.+
Imapichus paranankutapis reparakunkuman.+
30 ¿Imaynatataj uj runalla 1.000 runasta qhatiykunmanri?
¿Imaynatataj iskay runaslla 10.000 runasta ayqechinmanri?+
Chayqa kanman pakakunanku Chhanka saqerparejtillan.+
Jehová Dios enemigosninkoj makinman jaywaykojtillan.
31 Paykunaj pakakunanku chhankaqa, mana pakakunanchej Chhanka jinachu.+
Chaytaqa enemigosninchejpis yachanku.+
Uvasninkoqa venenoyoj.
33 Vinonkoqa katarispa venenon jina,
cobra katarispata wañuchej venenon jina.
34 ¿Manachu tukuy chaytaqa sonqoypi jallchʼashani?
¿Manachu chaytaqa pirwaypi jallchʼaykuspa sellaykuni?+
Paykunaj tukukunanku pʼunchayqa qayllapiña kashan,
imapichus rikukunankoqa chayamushanña’.
Ajinata khuyakonqa pisi kallpasllaña kasqankuta rikuspa,
chantá mana piniyoj kajkunallaña, pisi kallpayojkunallaña qhepakusqankuta rikuspa.
37 Chaypacha payqa nenqa: ‘¿Maytaj diosesninkuri?+
¿Maypitaj kashan pakakunanku chhankari?
38 ¿Maytaj ofrendasninkoj wirasninta mikhojkunari?*
¿Maypitaj kashanku vino ofrendasninkuta ujyajkunari?+
Paykuna sayarichunku qankunata yanapaj,
paykuna pakakunaykichej kachunku.
Noqalla wañuchini, kausachinitaj.+
Noqalla nanachini,+ sanoyachinitaj.+
Mana pipis makiymanta wajta kacharichiyta atinchu.+
40 Noqaqa makiyta cieloman oqharispa
“wiñay kausayniyrayku jurani”:+
41 Maypachachus lliphirishaj espadayta sumajta filochasaj,
makisniytataj wakichisaj justiciata ruwanaypaj chaypacha,+
noqaqa enemigosniywan pagachikusaj,+
chejnikuwajkunatataj castigasaj.
42 Flechasniyta yawarwan machaykuchisaj,
wañusqaspa yawarninkuwan, presochasqaspa yawarninkuwan.
Espadaytaj aychata mikhonqa,
enemigosta kamachejkunaj umasninkoj aychanta’.
43 Naciones, kusikuychej Diospa nacionninwan khuska,+
Diosqa kamachisninpa yawarninmanta vengakonqa,+
enemigosninwan pagachikonqa.+
Payqa nacionninpa jallpʼasninkumanta juchasta pichanqa”, nispa.
44 Ajinata Moisesqa Nunpa wawan Hoseawan*+ jamuspa, chay takiyta parlarqa israelitas uyarinankuta.+ 45 Moisesqa tukuy chay palabrasta israelitasman niytawan 46 nerqa: “Imastachus yachakunaykichejpaj nishaykichej chaytaqa, sonqoykichejpi japʼikuychej,+ wawasniykichejmantaj kamachiychej kay Leypi kaj tukuy palabrasta kasukunankuta.+ 47 Kay nisqasneyqa mana qhasi parlaykunallachu kanku, manachayqa kausayniykichej kanku.+ Chayta kasukuspa unayta kausakunkichej, Jordán mayuta chimpaspa japʼikunkichej chay jallpʼaspi”, nispa.
48 Chay diapacha Jehová Diosqa Moisesman nerqa: 49 “Wichariy Abarim orqoman,+ Nebo orqoman.+ Chay orqoqa Moab jallpʼapi kashan, Jericó chimpapi. Chay orqomanta rikumunki Canaán jallpʼata, mayqentachus israelitasman qosaj paykunajta kananpaj chay jallpʼata.+ 50 Chantá qanqa maymanchus wicharinki chay orqopi wañupunki, imaynatachus hermanoyki Aaronpis Hor orqopi+ wañuporqa ajinata. 51 Qankunaqa israelitaspa ñaupaqenkupi mana kasuwarqankichejchu Zin nisqa chʼin jallpʼapi, Cadespi, Meribapi yaku+ phullchirimorqa chaypacha. Chaypi qankunaqa israelitaspa ñaupaqenkupi mana jatunchawarqankichejchu.+ 52 Chayrayku qanqa karullamanta chay jallpʼata rikunki, mayqentachus israelitasman qosaj chayta. Chaywanpis mana chay jallpʼamanqa yaykunkichu”,+ nispa.