SALMOS
ÑAUPAJ KAJ LIBRO
(Salmos 1–41)
1 Kusisqamin pichus sajra runaspa yuyaychasqankuman jina mana kausakojqa,
juchasapa runaspa ñanninta mana purejqa,+
allin kajmanta asikojkunawanpis mana khuskachakojqa.+
2 Astawanqa Jehová Diospa leyninta mayta munakun.+
Tuta pʼunchay Diospa leyninta leerispa tʼukurin.*+
3 Chay runaqa kanqa correshaj yaku kantupi plantasqa sachʼa jina,
tiemponpi poqoj sachʼa jina,
laqhesnin mana qawipoj sachʼa jina.
Tukuy ima ruwasqanpitaj allin renqa.+
4 Sajra runastajrí mana ajinachu kanku.
Paykunaqa wayraj apaykachasqan paja jinalla* kanku.
5 Chayrayku sajra runasqa juiciopi juchachasqa kanqanku.+
Nitaj mayqen juchayoj runapis kanqachu cheqan runas tantasqa kashanku chay chaupipeqa.+
6 Jehová Diosqa cheqan runaspa ñanninkuta allin ñawiwan qhawan.+
Sajra runaspa ñanninkutaj chinkaponqa.+
2 ¿Imajtintaj naciones chʼajwashankuri?
¿Imajtintaj runaspis manakajta thutushankuri?+
2 Jallpʼapi kaj reyesqa maqanakupaj wakichikunku,
kuraj autoridadespis ujchaykukuspa uj runa jinalla oqharikunku+
3 Paykunaqa ninku: “Watawarqanchej chay cadenasninta pʼitirana,*
waskhasnintapis phaskarakuspa choqana”, nispa.
4 Cielopi kamachej Reyqa asiykukonqa.
Jehová Diosqa paykunata asipayanqa.
5 Jaqay tiempopi Diosqa sinchʼi phiñakuyninpi paykunawan parlanqa.
Sinchʼi kʼajaj phiñakuyninwan paykunata mancharichenqa,
7 Jehová Diospa nisqanta* willasaj.
8 Mañakullaway, noqataj nacionesta herenciata jina qopusqayki,
jallpʼatapis tukuyninta qopusqayki.+
10 Chayrayku reyes, kunanqa yachayniyoj kasqaykichej yachakuchun.
Jallpʼapi kaj jueces, qankunapis kʼamichikusqaykichejta japʼikuychej.
11 Jehová Diosta sirviychej payta manchachikuspa.
Kusikuychej payta jatunpaj qhawaspa.
12 Diospa wawanta jatunchaychej.*+ Pajtataj Diosqa phiñakuspa
kausay ñanmanta chinkachisunkichejman.+
Imajtinchus payqa ujllata sinchʼita phiñakun.
Kusisqamin kanku Diospi tukuy pakakojkunaqa.
Davidpa takiynin, wawan Absalonmanta ayqekushajtin.+
3 Ay Jehová Diosníy, ¿imaraykutaj enemigosniy chay chhikapuni kankuri?+
¿Imaraykutaj chay chhikapuni contrayta oqharikushankuri?+
2 Ashkhas noqapaj parlashanku:
“Diosqa payta mana salvanqachu”,+ nispa. (Sélah).*
3 Qantajrí Jehová Diosníy, muyuyniypi jarkʼawaj escudo jina kanki.+
Qanmin jatunchawanki,+ qanmin kallpachawanki.+
Jehová Diosqa yanapawanpuni.+
7 Jehová Diosníy, sayarispa yanapariway. Diosníy, salvaway ari.+
Qanmin tukuy enemigosniyta quijadasninkupi sajmanki.
Qanmin sajraspa kirusninkutapis muchharanki.+
8 Jehová Diosníy, salvacionqa qanllamanta jamun.+
Bendicionniykeqa nacionniyki patapi kashan. (Sélah).
Takichejpaj. Kay takiytaqa cuerdasniyoj tocanasta waqachispa takina. Davidpa takiynin.
4 Cheqanta ruwaj Diosníy,+ uyarillaway ari qhaparikamojtiy.
Yanapariway llakiyniymanta lluspʼinaypaj.
Khuyarikuway ari. Uyarillaway ari mañakususqayta.
2 Runa masis, ¿maykʼajkamataj kʼumuykachachiwankichej?
¿Maykʼajkamataj manakaj imasta munakunkichej? ¿Maykʼajkamataj llullakunkichej? (Sélah).*
3 Kayta yachaychej: Jehová Diosqa payta kasukoj runata allinpaj qhawanqa.
Jehová Diosman qhaparikusaj, paytaj uyarimuwanqa.
4 Phiñakuspaqa ama juchallikuychejchu.+
Sonqollaykichejpi imatapis niychej, camaykichejpitaj chʼinlla kakuychej. (Sélah).
5 Diosman imallatapis qoshaspaqa* tukuy sonqo qoychej.
Jehová Diospi atienekuychej.+
6 Ashkha runas nishanku: “¿Pitaj allin imasta qowasunri?”, nispa.
Jehová Diosníy, noqaykuwan kʼacha kay ari.*+
7 Diosníy, qanmin sonqoyta kusiywan juntʼachinki,
ashkha trigota oqharejkunamanta, mosoj vinoyoj kajkunamantapis aswan kusisqaraj kani.
8 Winkuykuytawan* ni imata manchachikuspa puñukapusaj,+
qanllamin Jehová Diosníy, ni ima llakiyniyojta kausachiwanki.+
Takichejpaj. Nehilotman jina* takinapaj. Davidpa takiynin.
5 Jehová Diosníy, uyarillaway ari mañakususqayta.+
Diosníy, uyarillay ari phutikusqayta.
2 Reyníy, Diosníy, uyarillaway ari yanapata mañakuspa qhaparikamusqayta.
Diosníy, qanmanta mañakushayki.
3 Jehová Diosníy, tutamanta mañakusojtiy yachani uyariwasqaykita.+
Tutamanta llakiyniyta willakusqayki,+ imatachus ninawaykitataj suyakusaj.
4 Diosníy, qanqa mana sajra ruwaykunawan kusikoj Dioschu kanki.+
Diosníy, ni mayqen sajra runapis qanwan khuskaqa tiyakunmanchu.+
5 Ni mayqen jatunchakoj runatapis jatunpaj qhawawajchu.
Sajra kajta ruwajkunatapis chejnikunki.+
6 Llulla runastaqa tukuchinki.+
Jehová Diosqa chejnikun* runa wañuchista, engañaj runastapis.+
7 Noqarí mayta munakuwasqaykirayku*+ wasiykiman+ yaykusaj.
Qanta yupaychasunaypaj* santo temployki qhawarisqa qonqorikusaj.+
8 Jehová Diosníy, cheqan ñanniykita pusaway enemigosniymanta jarkʼawaspa.
Ñanniykita mana urmaspa purinaypaj yanapaway.+
9 Paykunaj ima nisqankupis mana creenapaj jinachu.
Sonqonkoqa millay ruwaykunawan juntʼa kashan.
Tonqorinkoqa sepultura jina kicharisqa,
siminkuwanqa miskʼita parlaspa llunkʼukunku.+
10 Diostajrí paykunata juchachanqa.
Paykunaqa chay kikin yachachinakusqankupi urmanqanku.+
Diosníy, ñaupaqeykimanta paykunata qharqoy, ashkha juchasta ruwasqankurayku.
Paykunaqa qanpa contraykita oqharikunku.
11 Qanpi pakakojkunarí kusisqa kanqanku.+
Paykunaqa allin kusisqa qhaparikonqanku.
Ñakʼarichiyta munajkunamanta paykunata jarkʼanki.
Paykunataj sutiykita munakusqankurayku kusikonqanku.
12 Jehová Diosníy, qanmin cheqan runastaqa bendecinki.
Qanmin paykunataqa allinpaj qhawaspa jarkʼanki, escudowanpis muyuykuchiwaj jina.+
Takichejpaj. Kay takiytaqa cuerdasniyoj tocanasta waqachispa takina, seminit* templeman jina. Davidpa takiynin.
6 Jehová Diosníy, ama phiñasqa kashaspaqa kʼamiwaychu.
Diosníy, ama sinchʼi phiñasqa kashaspaqa jasutʼiwaychu.+
2 Jehová Diosníy, khuyarikuway ari, kallpayqa tukukapushanña.
Jehová Diosníy, sanoyachiway ari,+ tullusneyqa manchariywan kharkatitishan.
3 Sinchʼi llakisqa kashani.+
Jehová Diosníy, ¿maykʼajkamataj ñakʼarisajri?+
4 Jehová Diosníy, jamuy ari libranawaykipaj.+
Diosníy, mayta munakuwasqaykirayku salvaway.+
5 Wañuspaqa niña pipis qanmanta parlanñachu.*
¿Pitaj Sepulturapi* yupaychasonqari?+
6 Jikʼun jikʼunta waqasqaypi saykʼuniña.+
Tutantin waqasqaypi camaypis chʼaranllaña.*
Chay jinata waqasqaypi puñunaypis qochallaña.+
7 Waqasqaypi ñawiypis niña ñawichu.+
Enemigosniy chay jinata ñakʼarichiwasqankurayku ñawisniypis chharpullaña.
8 Qankuna sajra imasta ruwajkuna, chinkaychej ñaupaqeymanta.
Imaraykuchus Jehová Diosqa waqasqayta uyarenqapuni.+
9 Jehová Diosqa rogakusqayta uyarenqa.+
Jehová Diosqa mañakusqayta tukuy sonqo uyarenqa.
10 Tukuy enemigosniy pʼenqaypi rikhurenqanku, llakiypitaj.
Ujllata pʼenqaypi rikhurispa ayqenqanku.+
Davidpa llakiy takiynin. Kaytaqa Jehová Diosman takerqa, Cuspa parlasqanrayku, Cusqa Benjamín ayllumanta* karqa.
7 Jehová Diosníy, qanpi pakakuni.+
Tukuy qhatiykachawajkunamanta libraway ari, salvawaytaj.+
3 Jehová Diosníy, sichus juchayoj kani chayqa,
sitajchus ima sajratapis ruwarqani chayqa,
4 sichus allin kajta ruwapuwarqa chay runa masiypaj mana allin kajta ruwarqani chayqa,+
sitajchus qhasillamanta enemigoypa imantapis qhechorqani chayqa,*
5 ujnin enemigoy qhepaymanta taripamuwaspa japʼiwachun.
Pampapitaj wañuchinawankama saruwachun.
Ajinamanta kʼumuykachachisqa kanaypaj. (Sélah).*
6 Jehová Diosníy, sinchʼi phiñakuyniykipi sayarikuy.
Phiñasqa enemigosniypa contranta sayaykuy.+
Sayarispa yanapariway, justiciatataj ruwachipuway.+
7 Muyuyniykipi naciones tantakuchunku.
Qanrí patamantapacha paykunata juzganki.
8 Jehová Diosqa tukuy runasta juzganqa.+
Jehová Diosníy, justiciata ruwapuway cheqan kajta ruwasqayman jina,
mana juchayoj kasqayman jinataj.+
9 Diosníy, kayta mañarikuyki, sajra runaspa ruwasqasninkuta tukuchiy.
Cheqan runatarí yanapariy.+
Qanllamin cheqan Diosqa kanki.+ Qanmin runaj sonqontaqa allinta qhawaykunki,*+ sonqon ukhupi imatachus yuyasqantapis.+
10 Diosmin jarkʼawaj escudoyqa.+ Paymin salvan cheqan sonqoyoj runastaqa.+
11 Diosmin cheqan Juezqa.+
Diosqa sajra runasta sapa día juchachan.
13 Diosqa wañuchej armasninta wakichenqa.
Payqa laurarishaj flechasninta wakichenqa.+
14 Qhawariy sajra imasta yuyaychakoj runata.
Payqa mana allin imasta wakichin, chantá llullakun.+
15 Chay runaqa uj tʼoqota ukhuta allan,
chantaqa allasqan tʼoqollamantaj urmaykun.+
16 Chʼajwasta rikhurichisqanqa payllamantaj chayanqa.+
Abusivo kasqanpis payllapajtaj kanqa.
17 Jehová Diosta jatunchasaj cheqan kayninrayku.+
Jehová Diospa sutinpaj takiykunata takisaj,+ payllamin Aswan Patapi kaj Diosqa.+
Takichejpaj. Guititman jina* takinapaj. Davidpa takiynin.
8 Señor Jehová Diosniyku, sutiykeqa may jatunmin tukuy jallpʼantinpi.
Jatun kayniykitaqa cielomantapis aswan patamanraj churanki.*+
2 Qanmin enemigosniykiman kallpaykita rikuchinki
wawaspa parlasqankuwan, ñuñushaj wawitaspa parlasqankuwanpis.+
Chaywanqa enemigoykita chʼinyachinki, pichus manchay sajra, churanakusunkitaj chayta.
3 Makiykiwan* ruwasqasniykita qhawarispa, jinallataj cielota,
killata, ruwasqayki estrellastapis qhawarispaqa, noqa nini:+
4 ¿Imataj wañoj runa kasqa paymanta yuyarikunaykipajri?
¿Imataj runaj wawan kasqa payta cuidanaykipajri?+
5 Runataqa casi angelesta jina ruwarqanki.*
Runamanqa jatun kayta, allinpaj qhawasqa kaytapis coronata jina churaykorqanki.
6 Makiykiwan ruwasqasniykita runaj mandonman churarqanki.+
Tukuy imata chakisnin uraman churarqanki:
7 tukuy uywasta, wakasta,
kʼita animalesta,+
8 pʼisqosta, mar qochapi pescadosta,
mar qochapi tukuy kausajkunatawan.
9 Señor Jehová Diosniyku, sutiykeqa may jatunmin tukuy jallpʼantinpi.
Takichejpaj. Mut-labenman jina* takinapaj. Davidpa takiynin.
א [álef]
9 Jehová Diosníy, tukuy sonqoywan jatunchasqayki.
Tʼukuna imasta ruwasqaykimantapis willarasaj.+
2 Maytapuni kusikusaj. Diosníy, qanrayku kusikusaj.
Aswan Patapi kaj Diosníy, sutiykita jatunchaspa takisaj.+
ב [bet]
3 Enemigosneyqa ayqekushajtinku+
ñaupaqeykipi urmaspa wañonqanku.
4 Qanmin noqaman sayasqa kanki, justiciatapis ruwapuwanki.
Kamachina tiyanaykipi tiyaykukuspa justiciawan juzganki.+
ג [guímel]
5 Qanmin nacionesta juchachanki,+ sajra runastapis tukuchinki,
sutisninkuta wiñaypaj wiñaynintinpaj chinkachispa.
6 Enemigosniytaqa wiñaypajña chinkachinki.
Diosníy, qanmin llajtasninkuta chinkasqata chinkachinki,
nitaj pipis paykunataqa yuyarenqañachu.+
ה [he]
7 Jehová Diostajrí wiñaypaj kamachenqa kamachina tiyananpi.+
Payqa kamachina tiyananman tiyaykun justiciawan juzgananpaj.+
8 Diosqa kay jallpʼapi tiyakojkunata justiciawan juzganqa.+
Payqa tukuy nacionesta cheqan kajman jina juzganqa.+
ו [waw]
10 Sutiykita rejsejkunaqa qanpi atienekonqanku.+
Jehová Diosníy, qanta maskʼasojkunataqa* ni jaykʼaj saqerparinkichu.+
ז [zayin]
11 Sion orqopi tiyakoj Jehová Diosman takiykunata takiychej.
Ruwasqasninmanta tukuy laya* runasman willaychej.+
12 Diosqa llakiypi kajkunamanta yuyarikonqa, paykunata wañuchejkunawantaj pagachikonqa.+
Payqa mana qonqanqachu yanapata mañakusqankuta.+
ח [jet]
13 Jehová Diosníy, khuyarikuway ari. Qhawarimuy ari, chejniwajkunaqa ñakʼarichishawanku.
Qanllamin wañuy patapi kashajtiy librawayta yachanki.+
14 Chaywanqa tʼukuna ruwasqasniykita willarasaj Sion llajtaj punkusninpi,*+
maytataj kusikusaj salvawasqaykimanta.+
ט [tet]
15 Nacionesqa allasqanku tʼoqollamantaj chinkaykunku.
Chakisninkutapis pakasqanku chʼipasllapitaj chʼipaykuchikunku.+
16 Jehová Diosqa rejsisqamin juiciopi nisqanta ruwachisqanrayku.+
Sajra runarí makinpa ruwasqasnillanpitaj chʼipaykukun.+
י [yod]
17 Sajra runasqa Sepulturaman* chayanqanku.
Diosmanta qonqapoj tukuy nacionespis chayllamantaj chayanqanku.
18 Wajchasrí qonqasqa jina kajtinkupis, manapuni qonqasqachu kanqanku.+
Llampʼu sonqoyojkunaj suyakusqankupis juntʼakonqapuni.+
כ [kaf]
19 Jehová Diosníy, sayarikuy. Ama runaqa atipachunchu.
Nacionesqa ñaupaqeykipi juzgasqa kachunku.+
20 Jehová Diosníy, paykunata sinchʼita manchaykuchiy.+
Tukuyninku yachachunku wañoj runaslla kasqankuta. (Sélah).
ל [lámed]
10 Jehová Diosníy, ¿imajtintaj karullamanta qhawamunkiri?
¿Imajtintaj llakiy tiempopi pakakunkiri?+
2 Sajra runaqa runaykachaspa wajcha runata qhatiykachan.+
Jinapis chay sajra runaqa wakichisqan trampasllapitaj urmanqa.+
3 Sajra runaqa tukuy imata munapayasqanmanta alabakun.+
Qhapajyayta munaj runatapis allin rinanta nin.
נ [nun]
Jehová Diostataj pisipaj qhawan.
4 Sajra runaqa jatunchakusqanrayku ni imata ruwanchu Diosman qayllaykunanpaj.
Payqa nin “Diosqa mana kanchu”+ nispa, chayllata payqa yuyan.
5 Chay sajra runataqa ima ruwasqanpipis allin rin.+
Jinapis leyesniykitaqa mana entiendeyta atinchu.+
Payqa tukuy enemigosninmanta burlakun.
6 Payqa sonqonpi nin:
“Ni jaykʼaj ima llakiypis qhatiriwanqachu.
Ni jaykʼaj llakiypi rikukusajchu”,+ nispa.
פ [pe]
7 Sajra runaj simenqa juntʼa kashan llullakuywan, maldeciywan, runata manchachiywan ima.+
Simenqa manakaj imasllata parlan, runa masinpa sonqontapis nanachin.+
8 Ranchos chaynejpi pakakuspa runasta suyaykun.
Ujllata llojsimuspataj mana juchayoj runata wañuchin.+
ע [ayin]
Sajra runaqa allinta qhawan pitachus japʼinanta.+
9 Payqa sumajta pakaykukuspa runata suyaykun, imaynatachus leonpis pakakuspa animalesta suyaykun ajinata.+
Wajcha runata japʼerqonanpaj suyaykun.
Chantá wajcha runataqa trampanwan japʼerqon.+
10 Sajra runaqa chay japʼisqan runata saruran, kʼumuykachachintaj.
Ajinata wajcha runasqa sajra runaj makinman urmanku.
11 Chay sajra runaqa sonqonpi nin: “Diosqa sajra ruwasqasniyta qonqan.+
Waj ladota qhawashan.
Ni reparanchu”,+ nispa.
ק [qof]
13 ¿Imajtintaj sajra runa Diosta pisipaj qhawanan kasqari?
Sajra runaqa sonqonpi nin: “Diosqa mana cuentata mañawanqachu”, nispa.
ר [resh]
14 Qantajrí Diosníy, qhawamushanki pikunachus sajra imasta ruwashasqankuta, runa masinkuta ñakʼarichishasqankutapis.
Chayrayku paykunamanqa ruwasqankuman jina qopunki.+
Mana piniyoj runaqa qanman kutirikamun.+
Qanmin mana tatayoj wawataqa yanapanki.+
ש [shin]
15 Sajra runaj makinta pʼakiray.+
Sajra ruwasqasninmanta castigay.
Chaywanqa niña sajra ruwasqasninta rikunkiñachu.
16 Jehová Diosqa wiñaypaj wiñaynintinpaj Rey.+
Nacionesqa kay jallpʼamanta chinkachisqaña kanku.+
ת [taw]
17 Jehová Diosníy, qanmin llampʼu sonqoyoj runaspa mañakusqankuta uyarinki.+
Qanmin sonqosninkuta cheqanyachinki.+ Qanmin llampʼu sonqoyoj runasta uyarinki.+
18 Qanmin justiciata ruwapunki wajcha wawaspaj, jinallataj kʼumuykachachisqa kajkunapajpis.+
Chaywanqa jallpʼallamanta ruwasqa runaqa manaña paykunata manchachenqachu.+
Takichejpaj. Davidpa takiynin.
11 Jehová Diospi pakakuni.+
Qhasillata runasqa nishawanku:
“Pʼisqo jina orqoman phawapuychej.
2 Qhawariychej, sajra runasqa flechana arcosninkuta* chay jinata matʼirishanku.
Flechataqa arcosninkuman churaykushanku,
laqhamantapacha cheqan sonqoyoj runasta flechaykunankupaj.
3 Kaypeqa mana justicia kanchu, ni leyestapis valechinkuchu,*
¿imatataj cheqan runa ruwayta atinmanri?”, nispa.
4 Jehová Diosqa santo templonpi kashan.+
Jehová Diospa kamachina tiyananqa cielopi kashan.+
Payqa kikin ñawisninwan rikumushan, runataqa ñawisninwan allinta qhawamushan.+
5 Jehová Diosqa allinta qhawamushan cheqan runasta, sajra runastapis.+
Payqa chejnikun maqanakusta gustachikojkunata.+
6 Diosqa sajra runaspaj trampasta churanqa, patankumantaj ninata, azufretawan parachimonqa.+
Diosqa sajra runasta qʼoñi wayrawan castiganqa.
7 Jehová Diosqa cheqan kajtapuni ruwan.+ Payqa cheqan kajta munakun.+
Cheqan runasqa khuyakuyninta rikonqanku.+
Takichejpaj. Seminit* templeman jina tocanaswan takinapaj. Davidpa takiynin.
12 Jehová Diosníy, salvaway ari. Manaña ni pi kanchu atienekunaypaj jinaqa.
Atienekunapaj jina runasqa chinkapunku.
2 Purajmanta llullanakunku.
Siminkuwanqa runasta llunkʼukunku, parlasqankuwantaj chʼaukiyanku.*+
3 Jehová Diosqa kantumanta chinkachenqa llunkʼusta,
jatunchakojkunatapis.+
4 Paykunaqa nishanku: “Siminchejqa may atiyniyoj.
Imatapis parlanalla.
¿Pitaj imatapis niwasunmanri?”,+ nispa.
5 Jehová Diosqa nin: “Wajchasta kʼumuykachachinku,
wajchasta ñakʼarichinku,+
chayrayku noqa oqharikusaj wajchasta libranaypaj.
Noqamin wajchasta salvasaj chay chejnikojkunamanta”, nispa.
6 Jehová Diospa nisqasnenqa may llimphu.+
Tʼuru hornopi llimphuchasqa qolqe metal jina, qanchis kutita ninapi chʼuwachasqa jina.
7 Qanmin Jehová Diosníy, paykunata cuidanki.+
Qanmin sajra runasmanta sapa ujninkuta wiñaypaj jarkʼanki.
8 Runasqa wajkunata inkitanku sajra imasta ruwanankupaj,
chayrayku sajra runasqa imatapis ruwarpallanku.+
Takichejpaj. Davidpa takiynin.
13 Jehová Diosníy, ¿maykʼajkamataj qonqawankiri? ¿Wiñaypajchu qonqawanki?
¿Maykʼajkamataj uyaykita pakawankiri?+
2 ¿Maykʼajkamataj kay jina llakisqallapuni kasajri?
¿Sapa diachu sonqoyqa nanasqallapuni kanqa?
¿Maykʼajkamataj enemigosniy atipawanqankuri?+
3 Jehová Diosníy, qhawarimuway ari, uyarimuway ari.
Diosníy, ama wañuypi puñukapunaypaj kallpachariway ari.
4 Amataj enemigosniy ninankupaj: “Atipanchej”, nispa.
Urmajteyqa ama saqeychu enemigosniy kusikunankuta.+
5 Noqaqa munakuyniykipi atienekuni.+
Sonqoyqa kusikonqa salvawajtiyki.+
6 Jehová Diosman takisaj, mayta bendeciwasqanrayku.+
Takichejpaj. Davidpa takiynin.
14 Mana yuyayniyoj runasqa* sonqonkupi ninku:
“Mana Jehová Diosqa kanchu”,+ nispa.
Paykunaqa sajra imasta ruwanku, ruwasqasninkoqa manchay millachikunapaj jina.
Ni pipis allin kajtaqa ruwanchu.+
2 Jehová Diostajrí cielomantapacha runasta qhawamushan,
uj yachayniyoj runallatapis rikunanpaj, Jehová Diosta maskʼaj uj runallatapis rikunanpaj.+
3 Tukuyninku sajra ñanta japʼirinku.+
Tukuyninku sajra imasllata ruwanku.
Ni pipis allin kajtaqa ruwanchu,
nipuni ujllapis.
4 ¿Nichu ujnillankupis chay sajra runasmantaqa entiendenku?*
Paykunaqa llajta masisniyta mana khuyarispa ñakʼarichinku.*
Jehová Diosmanpis mana qhaparikunkuchu.
5 Chay sajra runasqa sinchʼitapuni mancharikonqanku,+
Jehová Dios cheqan runaswan kasqanrayku.
6 Qankuna sajra runasqa, wajcha runaj yuyaychakusqanta pantachiyta munashankichej.
Chay wajcha runatajrí Jehová Diospi pakakun.+
7 Israelpa salvacionnenqa Sionmanta chayamuchun.+
Jehová Dios presochasqa llajtanta kacharichispa pusakanpojtin,
Jacobqa mayta kusikuchun, chaypacha Israelqa mayta kusikuchun.
Davidpa takiynin.
15 Jehová Diosníy, ¿pitataj wasiykiman* wajyarikuwajri?
¿Pitaj santo orqoykipi tiyakuyta atinmanri?+
2 Chaypeqa tiyakuyta atinman mana juchayoj runalla,+
cheqan kajta ruwaj runalla,+
sonqonpitaj mana llullakuspa parlaj runalla.+
3 Payqa mana pimantapis llullakuspa parlanchu,+
runa masintaqa mana ima sajratapis ruwanchu,+
amigosnintapis mana qhasimanta tumpanchu.+
4 Payqa mana masichakunchu millay kausayniyoj runaswan.+
Jehová Diosta manchachikoj runastataj jatunpaj qhawan.
Ruwasaj nisqantaqa juntʼanpuni, mana allinninpaj kajtinpis.+
5 Qolqetapis mana interesniyojta manun.+
Nitaj pagaykuchikunchu mana juchayoj runaj contranta parlananpajqa.+
Ajinata kausakoj runaqa sinchʼita sayanqa.+
Davidpa takiynin.*
16 Diosníy, jarkʼakuway ari. Qanpi noqaqa pakakuni.+
2 Jehová Diosta nerqani: “Qanmin Jehová Diosqa kanki, qanmin allin imastaqa qowanki.
3 Kay jallpʼapi qanpaj tʼaqasqa kajkunamin sonqoyta mayta kusichinku,
pikunachus jatunchasqa kanankupaj jina kanku chaykuna”,+ nispa.
4 Waj diosesta yupaychaymanta wañurejkunaqa llakiyllata yapakunku.+
Chay diosespajqa ni jaykʼaj yawarta chʼajchusajchu,
nitaj sutisninkutapis oqharisajchu.+
5 Jehová Diosmin herenciayqa, paymin tocawaj parteyqa,+ paymin copaytaqa juntʼachin.+
Diosníy, qanmin herenciaytaqa qhawanki.
6 Herenciata jina qonawaykipaj midipuwasqaykeqa mayta kusichiwan.
Sonqo juntʼasqa kashani herenciaywan.+
7 Jehová Diosta jatunchasaj, paymin yuyaychawan.+
Tutasnin tʼukurispaqa sumajta yuyaychakuni.+
Pay paña ladoypi kasqanrayku sinchʼita sayasaj.+
9 Chayrayku sonqoypi kusisqa kashani, allin kusisqapuni kashani.
Mana manchachikuspa kausakuni.
10 Diosníy, allinta yachani Sepulturapi* mana saqerparinawaykita.+
Qanta kasukoj runataqa mana pʼampakuna juskʼupi saqerparinkichu.+
11 Qanmin kausay ñanta rejsichiwanki.+
Allinpaj qhawawajtiykeqa sonqo juntʼasqa kani.+
Paña ladoykipi kaspaqa wiñaypaj kusisqa kasaj.
Davidpa mañakuynin.
17 Jehová Diosníy, mañakuyki justiciata ruwapunawaykita. Uyarillaway ari.
Diosníy, yanapata mañakusqayta uyarillaway ari.
Mana llullakuspachu mañakushayki, uyarillaway ari.+
2 Cheqan kajman jina juzgaway ari.+
Cheqan runa kasqayta rikunaykita munani.
3 Qanmin sonqoyta allinta watuwanki, chʼisenqa allinta qhawaykuriwanki.+
Qanmin sonqoyta llimphuchawanki.*+
Ajinata watuwaspaqa rikunki mana ima sajratapis wakichisqayta,
nitaj parlaspapis pantasqayta.
4 Runasqa imatapis ruwachunku,
noqaqa niwasqaykiman jina mana suwaspa ñanninkutaqa purinichu.+
5 Yanapariway ñanniykita purinallaypajpuni,
chaywanqa mana lluskʼasajchu.+
6 Diosníy, uyarinawaykita yachaspa qhaparikamushayki.+
Uyarillaway ari. Mañakususqayta uyarillaway ari.+
7 Runasqa contraykita oqharikunku. Paykunamanta ayqekamojkunataj paña makiykipi pakakoj jamunku.
Diosníy, qanmin paykunata salvanki.
Paykunata khuyarikuy ari tʼukuna imasta ruwaspa.+
8 Diosníy, ñawi papaykita jina cuidaway.+
Lijrasniyki* urapi pakaykuway.+
9 Jarkʼakuway ñakʼarichishawanku chay sajra runasmanta.
Jarkʼakuway wañuchiyta munaspa muyuykuwanku chay enemigosniymanta.+
10 Chay runasqa rumi sonqosman tukupunku,
mayta jatunchakuspataj parlanku.
11 Kunantaj chay sajra runasqa muyuykuwayku.+
Paykunaqa ñawillankupi purichiwayku ima ratopis urmachinawaykupaj.*
12 Sajra runasqa león jina kanku. Leonqa mayta wañurishan ima animaltapis mitharqonanpaj.*
Chay runasqa maltón león jina kanku. Maltón leonqa pakaykukuspa suyan ima animaltapis japʼerqonanpaj.
13 Jehová Diosníy, sayarikuy ari chay sajra runaswan tinkunaykipaj,+ paykunata atipanaykipaj.
Chay sajra runaspa makinkumanta espadaykiwan kacharichiway ari.
14 Jehová Diosníy, kay mundo runasmanta atiyniykiwan kacharichiway ari.
Chay runaspa herenciankoqa kay kausaylla.+
Qanmin paykunamanqa allin imasta ashkhata qonki.+
Paykunataj chay chhika wawasninkuman herenciata saqenku.
15 Noqatajrí, cheqan runa kasqayrayku, ñaupaqeykipi allinpaj qhawasqa kani.
Ñaupaqeykipi rijchʼarispaqa sonqo juntʼasqa kani.+
Takichejpaj. Jehová Diospa kamachin Davidpa takiynin. Davidqa Jehová Diospaj kayta takerqa, maypachachus Jehová Dios Davidta librarqa tukuy enemigosninpa makinmanta, Saulpa makinmantawan chaypacha. Davidqa kay jinata takerqa:+
18 Jehová Diosníy, mayta munakuyki. Qanmin kallpayqa kanki.+
2 Jehová Diosmin pakakunay chhanka, paymin jarkʼachasqa lugarniy, paymin salvawajniy.+
Diosneyqa pakakunay chhanka,+ paypi noqaqa pakakuni.
Paymin jarkʼawaj escudoyqa, may atiyniyoj salvawajniy,* paymin pakakunayqa.+
3 Jehová Diosman qhaparikuni, paylla jatunchanapaj jina.
Paymin enemigosniymanta salvawanqa.+
4 Wañoyqa waskhasninwan wataykuwarqa.+
Ni imapaj valej runasqa yaku jina may chhika jamuspa sinchʼita mancharichiwarqanku.+
5 Sepulturaj* waskhasnenqa matʼita wataykuwarqanku.
Wañuchej trampas ñaupaqeypi kasharqanku.+
6 Llakiyniypi Jehová Diosman qhaparikorqani.
Qhaparikuspa Diosniymanta yanapata mañakorqani.
Paytaj templonmantapacha parlasqayta uyarimorqa.+
Yanapata mañakuspa qhaparikusqayqa ninrisninman chayarqa.+
7 Chaypacha jallpʼaqa kharkatiterqa, kuyurerqataj.+
Orqospa cimientosnenqa kharkatiterqanku.
Kayman jaqayman kuyurerqanku Dios sinchʼita phiñakusqanrayku.+
8 Diospa senqanmantaqa qʼoshñi llojsimorqa.
Siminmantapis sinchʼita laurarishaj nina llojsimorqa.+
Kʼajarishaj brasas paymanta llojsimorqanku.
9 Payqa uraykamushaspa cielota tiyaykuchimorqa.+
Chakisnin urapitaj yana phuyus karqa.+
10 Querubinpi* montasqa phawaykamorqa.+
Angelpa lijrasninpi* imata jina patamanta kachaykakamorqa.+
11 Chantaqa laqha phuyuswan pʼampaykukorqa,+
chʼujlla ukhupipis kashanman jina.
Payqa chay yana laqha phuyuswan muyuykusqa kasharqa.+
12 Diospa ñaupaqenmantaqa rayos lliuj lliuj nispa kʼancharimorqa.
Phuyusmantaqa granizowan kʼajarishaj brasaswan tʼakakamorqa.
13 Chaypacha Jehová Diosqa cielomanta qhorurun qhorurun nichimorqa.+
Patapi kaj Diosqa granizowan kʼajaj brasaswantaj
parlasqanta uyarichimorqa.+
14 Flechasninta kachaykamuspa enemigosniyta tukuy ladoman ayqeracherqa.+
Lliuj lliujkunata kachaykamuspa paykunata musphaykachacherqa.+
15 Jehová Diosníy, kʼamisqaykirayku, senqaykimantapis sinchʼi wayrata jina samamusqaykirayku,+
mayuspa ukhu pampasnin rikukamorqa,+
jallpʼaj cimientosninpis yachakamorqa.
16 Diospa makenqa patamantapacha taripamuwarqa,
japʼiwaspataj yaku ukhumanta orqhomuwarqa.+
17 Diosqa chay kallpasapa enemigoymanta kacharichiwarqa.+
Chejniwajkunamanta librawarqa, noqamanta aswan kallpayoj kashajtinkupis.+
18 Desgracia patapi kashajtiy chay enemigosneyqa contrayta oqharikorqanku,+
Jehová Diostajrí yanapawarqa.
19 Diosqa jarkʼachasqa lugarman apawarqa.
Noqawan sonqo juntʼasqa kasqanrayku kacharichiwarqa.+
21 Jehová Diospa ñannintapuni purini,
Diosniymantaqa mana karunchakunichu, paymanta karunchakoyqa jatun jucha.
22 Juiciopi nisqasnintaqa yuyarikunipuni.
Kamachisqasnintapis manapuni pisipaj qhawasajchu.
23 Diospa ñaupaqenpi mana juchayoj kakusaj.+
Mana pantanaypaj allinta qhawarikusaj.+
24 Jehová Diosqa cheqan runa kasqayman jina pagapuwachun,+
paypa ñaupaqenpi mana juchayoj kasqayman jina.+
25 Munakusojtaqa munakullankitaj.+
Mana juchayoj runaqa reparanqa mana juchayoj kasqaykita.+
26 Llimphu runawanqa, llimphullataj kanki.+
Chʼauka runawanrí, mana chʼaukiyachikullawajchu.*+
28 Jehová Diosníy, qanmin lamparayta japʼichipuwanki.
Diosníy, qanmin laqhapi kashajtiy kʼanchawanki.+
29 Yanapayniykiwanqa tropa suwaswanpis maqanakullayman.+
Diospa atiyninwanqa perqa patatapis wasaykullayman.+
30 Diospa* ruwasqasnenqa mana pantayniyoj.+
Jehová Diospa nisqanqa llimphu.+
Diosqa paypi pakakojkunapaj jarkʼakuna escudo.+
31 Jehová Diosmanta aswanqa mana waj Diosqa kanchu.+
¿Pitaj Diosninchej jina pakakuna chhanka kasqari?+
32 Diosmin kallpata qowan.+
Paymin ñanniytaqa llimphuchanqa.+
33 Diosqa chakisniyta ligerosman tukuchin tarukaj chakisninta jina.
Chayrayku qaqa puntasman wicharispa sayayta atillani.+
34 Diosqa makisniyta sumajta yachachin wañuchinaku maqanakupaj.
Makisniywanqa cobremanta flechana arcotapis* matʼiyta atini.
35 Qanmin escudoykiwan jarkʼawanki.+
Qanmin paña makiykiwan japʼiwanki.
Kʼumuykukoj sonqo kasqaykirayku jatunpaj qhawasqa kani.+
36 Diosníy, qanmin purinay ñanta anchoyachinki.
Chayninta purispaqa mana lluskʼasajchu.+
37 Enemigosniytaqa qhatiykusaj atipanaykama.
Mana kutimusajchu paykunata wañurachinaykama.
38 Enemigosniytaqa mana ujtawan sayarikunankupaj jina pʼaltarparisaj.+
Paykunataqa chakisniywan sarurasaj.
39 Diosníy, qanmin wañuchinaku maqanakupaj kallpata qowanki.
Qanmin enemigosniyta ñaupaqeyman urmarachinki.+
40 Qanmin enemigosniyta ñaupaqeymanta ayqechinki.
Noqataj chejnikuwajkunata wañurachisaj.+
41 Enemigosneyqa yanapata mañakuspa qhaparikunku, nitaj pipis paykunata salvanchu.
Jehová Diosmanpis qhaparikunku, paytajrí mana uyarimunchu.
42 Paykunataqa ñutʼuta tʼunarqosaj wayraj apasqan jallpʼata jina.
Callesmantaj wijchʼurasaj tʼuruta jina.
43 Diosníy, qanmin librawanki churanakoj llajta masisniymanta.+
Nacionespi uma kanaypaj churawanki.+
Noqataqa mana rejsisqay runas sirviwanqanku.+
44 Paykunaqa nisqayta mana simiymanta uyarispapis kasuwanqanku.
Waj llajtayoj runasqa ñaupaqeyman jamuspa kʼumuykukonqanku.+
45 Waj llajtayoj runasqa manchachikonqanku.
Jarkʼachasqa lugaresninkumanta kharkatitispa jamonqanku.
46 Jehová Diosmin kausaj Diosqa. Yupaychasqa kachun pakakunay Chhankaqa.+
Jatunchasqa kachun salvawaj Diosqa.+
47 Diosqa noqarayku enemigosniymanta vengakun.+
Payqa chakisniy uraman runasta churan.
48 Diosqa librawan sinchʼi phiñasqa enemigosniymanta.
Diosníy, qanmin pataman oqhariwanki contraypi maqanakojkuna mana imananawankupaj.+
Qanmin librawanki qhasillamanta ñakʼarichiwayta munaj runamanta.
49 Chayrayku Jehová Diosníy, naciones ukhupi jatunchasqayki.+
Sutiykita jatunchaspa takirisaj.+
50 Diosqa tʼukuna imasta ruwaspa churasqan reyta salvan.+
Diosqa ajllakusqanta munakun.+
Diosqa Davidta munakun, jinallataj miraynintapis wiñaypaj wiñaynintinpaj.+
Takichejpaj. Davidpa takiynin.
19 Cieloqa Diospa jatun kayninta rejsichishan.+
Pata cieloqa Diospa ruwasqasninmanta willashan.+
2 Cieloj parlaynenqa sapa día yaku jina phullchimushan.
Cieloqa sapa chʼisi Diospa yachayninta rejsichishan.
3 Mana ima parlaypis uyarikunchu, nitaj ima palabrapis.
Cieloj parlaynenqa mana uyarikunchu.
4 Ajinapis parlaynenqa jallpʼantinman chayan.
Willaynenqa jallpʼaj kʼuchusninkama chayan.+
Diosqa cielopi uj wasita intipaj ruwapun.
5 Inteqa cuartonmanta llojsimoj novio jina.
Inteqa mayta kusikun, imaynatachus kallpasapa runa atipanakupi correspa kusikun ajinata.
6 Inteqa cieloj ujnin kantunmanta llojsimuspa,
ujnin kantunkama muyuykun.+
Nitaj imapis ruphayninmantaqa pakakunchu.
7 Jehová Diospa leynenqa mana pantayniyoj.+ Runataqa kallpanman kutirichin.+
Jehová Diospa yuyarichisqasnenqa atienekunapaj jina.+ Mana yachayniyojtaqa yachayniyojman tukuchin.+
8 Jehová Diospa kamachisqasnenqa cheqanpuni, sonqota kusichin.+
Jehová Diospa kamachisqanqa llimphu, allin yachayta qon.*+
9 Jehová Diosta manchachikoyqa+ allinmin, wiñaypajtaj kanqa.
Jehová Dios juiciopi nisqasnenqa cheqapuni, cheqantaj kanku.+
10 Qorimanta nisqaqa aswan munana kanku,
may chhika chʼuwachasqa qorimantapis aswan munana.+
Panalmanta surumoj abeja miskʼimantapis aswan miskʼiraj.+
11 Diosníy, leyniykiwan kay kamachiykitaqa yachacherqanki cheqan ñanmanta mana karunchakunanpaj.+
Chayta kasukoyqa jatun bendicionta apamun.+
12 ¿Pitaj pantasqasninta reparakuyta atillanmanri?+
Diosníy, mana reparakuspalla juchallikusqayta perdonariway.
13 Diosníy, jarkʼaway ari ama runaykachaspa imatapis ruwanaypaj.+
Ama saqeychu runaykachanayta.+
Chaywanqa mana juchachana kasaj,+
millay juchastapis mana ruwasajchu.
14 Diosníy, parlasqaypis sonqoypi yuyasqaypis kusichisunanta munani.+
Jehová Diosníy, qanmin kanki pakakunay Chhanka,+ Salvawaj Diosniytaj.+
Takichejpaj. Davidpa takiynin.
20 Jehová Diosqa llakiy pʼunchaypi kashajtiyki mañakusqaykita uyarichun.
Jacobpa Diosnin jarkʼasuchun, paypa sutinta oqharisqaykirayku.+
2 Diosqa santo lugarninmantapacha yanapata kachaykamusuchun.+
Sionmantapacha kallpachamusuchun.+
3 Diosqa tukuy jaywanasta qosqaykita yuyarikuchun.
Tukuy sonqo japʼikuchun* qʼolachina* ofrendaykita. (Sélah).*
4 Sonqoykej munasqanta qosuchun.+
Yanapasuchuntaj imatachus ruwayta munasqaykipi allin risunanpaj.
5 Kusisqa qhaparisqayku* enemigosniykita atipaspa salvawasqaykumanta.+
Diosninchejpa sutinta jatunchasqayku.+
Jehová Diosqa juntʼachun tukuy mañakusqaykita.
6 Kunanqa allinta yachani Jehová Diosqa ajllakusqanta salvasqanta.+
Diosqa paypa mañakusqanta santo cielonmantapacha kutichimun,
7 Wakenqa carretasninkupi atienekunku, wakintaj caballosninkupi atienekunku.+
Noqanchejrí Jehová Diosninchejpa sutinta oqharispa yanapata mañakunchej.+
8 Enemigosninchejqa lluskʼaspa urmanku.
Noqanchejrí sayariytawan sinchʼillatapuni sayanchej.+
9 Jehová Diosníy, reyta salvay.+
Diosqa* yanapawasun paymanta yanapata mañakusqanchej pʼunchaypi.+
Takichejpaj. Davidpa takiynin.
21 Jehová Diosníy, reyqa kusikun kallpayoj kasqaykimanta.+
Payqa mayta kusikun salvasqaykimanta.+
2 Sonqonpi imatachus munasqanta qorqanki.+
Imatachus mañakususqantapis qollarqankitaj. (Sélah).*
3 Paymanqa ashkha bendicionesta qonki.
Umanmanpis sumaj qorimanta ruwasqa coronata churaykunki.+
4 Payqa kausayta mañakusorqa, qantaj kausayta qorqanki.+
Ashkha watasta qorqanki wiñay wiñaypaj kausakunanpaj.
5 Salvasqaykirayku payqa jatunchasqa kashan.+
Paymanqa jatunpaj qhawasqa kayta, jatun atiytawan qonki.
6 Payta churanki wiñaypaj bendecisqa kananpaj.+
Paytaqa mayta kusichinki paywan khuska kasqaykirayku.+
7 Chayrayku reyqa Jehová Diospi atienekun.+
Payqa mana jaykʼajpis kuyuchisqachu kanqa, Aswan Patapi kaj Dios payta munakusqanrayku.+
8 Makiykeqa tukuy enemigosniykita japʼenqa.
Paña makiykeqa chejnisojkunata japʼenqa.
9 Señalasqa tiempopi paykunaj contrankuta sayarejtiyki, kʼajarishaj hornoman jina paykunata churaykunki.
Jehová Diosqa kʼajaj phiñakuyninpi paykunata tukuchenqa, ninataj paykunata chinkarparichenqa.+
10 Paykunaj mirayninkuta kay jallpʼamanta chinkachinki.
Runaspa wawasninkutapis chinkachinki.
11 Paykunaqa contraykita sajra imasta ruwayta munarqanku.+
Imaymanasta wakichinku, chay wakichisqankutaj mana allinchu llojsenqa.+
12 Imaraykuchus flechaykiwan apuntaspallaraj
paykunata ayqerachinki.+
13 Jehová Diosníy, sayarikuy kallpaykita rikuchinaykipaj.
Qanta jatunchaspa takisqayku* kallpayoj kasqaykirayku.
Takichejpaj. Kaytaqa takina “Sutʼiyayta purej taruka” nisqa tonoman jina. Davidpa takiynin.
22 Diosníy, Diosníy, ¿imaraykutaj saqerpariwankiri?+
¿Imajtintaj mana salvaj jamuwankichuri?
¿Imajtintaj llakiywan qhaparikamusqayta mana uyarimuwankichuri?+
2 Diosníy, pʼunchayqa qhaparikamuyki, nitaj uyarimuwankichu.+
Tutanpis qhaparikamullaykipuni.
3 Qantajrí Diosníy, santo kaj Dios kanki.+
Israelpa yupaychasusqanwan muyurisqa kanki.
4 Tatasniykoqa qanpi atienekorqanku.+
Qanpi atienekusqankurayku paykunata salvallajpuni kanki.+
5 Qanman qhaparikamorqanku, salvarqankitaj.
Qanpi atienekorqanku, nitaj pʼenqaypi rikhurerqankuchu.+
6 Noqatarí runasqa asipayawanku, chejnikuwanku,
khuruta jinalla qhawawanku, manataj runata jinachu.+
7 Tukuy rikuwajkunaqa asikuwanku,+
noqata pisipaj qhawawaspa parlanku, umankuta khiwirispataj ninku:+
8 “Jehová Diosmantajqa atienesqa karqa á. ¡Pay librachun á!
Diospajqa allin munasqa. ¡Salvachun á!”,+ nispa.
9 Qanmin mamaypa wijsanmanta nacechiwarqanki.+
Qanmin cuidawarqanki mamay ñuñuchishawajtin.
10 Nacekusqaymantapacha cuidawanki.
Mamaypa wijsanpi kasqaymantapacha qanmin Diosniy kanki.
11 Ama noqamanta karupi kaychu, llakiykunaqa chayamushawanña.+
Qanlla yanapayta atiwanki, mana waj yanapawajqa kanchu.+
12 Enemigosneyqa may chhika torrillos jina maqanawankupaj muyuykuwanku.+
Paykunaqa Basán pampasmanta kallpasapa toros jina kanku.+
13 Enemigosneyqa ñaupaqeypi siminkuta jatunta kicharinku+
qhaparirishaj león jina, japʼisqan animaltapis mitharashanman jina.*+
14 Yaku jina jichʼasqa kani.
Tukuy tullusniy chʼutasqa kashanku.
Sonqoyqa abeja panal jina
ukhuypi unuyapushan.+
15 Kallpayqa tukukapun, kʼanalla jina chʼakipacha kashan.+
Qalloyqa simiyman kʼaskaykun.+
Qan tʼoqoman churawanki wañunaypaj.+
16 Enemigosneyqa alqos jina muyuykuwanku,+
suwas jina tropalla muyuykuwanku,+
uj león jina makisniyta chakisniytawan khanishawanku.+
17 Tullusneyqa+ yachakamushanña.
Enemigosneyqa qhawamushawanku, ñawillankupi purichishawanku.
19 Jehová Diosníy, ama karumanta qhawamullawaychu.+
Qanmin kallpay kanki, usqhayllata jamuspa yanapariway ari.+
20 Libraway ari ama espadawan wañuchinawankupaj.
Salvaway ari ama chay phiña alqos wañuchinawankupaj.+
21 Salvaway ari leonpa siminmanta,+ salvaway ari torospa wajrasninkumanta.
Uyarillaway ari, salvaway ari.
23 Jehová Diosta yupaychajkuna, payta alabaychej.
Jacobpa miraynin kajkuna tukuyniykichej Diosta jatunchaychej.+
Israelpa miraynin kajkuna tukuyniykichej Diosta yupaychaychej.
24 Diosqa wajcha runaj ñakʼarisqanta mana jaykʼajpis mana rikojmanqa tukunchu, nitaj millachikunchu.+
Mana chay wajcha runamantaqa uyanta pakanchu.+
Diosqa uyarin yanapata mañakusqanta.+
25 Diosníy, jatun congregación chaupipi jatunchasqayki.+
Ruwasaj nisqaytaqa juntʼasaj Diosta yupaychajkunaj ñaupaqenkupi.
26 Llampʼu sonqoyoj runasqa mikhuspa sajsakonqanku.+
Jehová Diosta maskʼajkunaqa payta jatunchanqanku.+
Qankunaqa wiñaypaj kusisqa kausakuychej.
27 Runasqa jallpʼaj tukuy kʼuchusninmanta Jehová Diosta yuyarikuspa payman jamonqanku.
Diosníy, nacionesmanta tukuy ayllus* ñaupaqeykipi qonqorikonqanku.+
28 Jehová Diosmin kamachej Reyqa.+
Payqa nacionesta kamachishan.
29 Jallpʼamanta tukuy qhapaj runasqa sumajta mikhonqanku, Diospa ñaupaqenpitaj kʼumuykukonqanku.
Ñutʼu jallpʼaman tukuy kutejkunaqa Diospa ñaupaqenpi qonqorikonqanku.
Ni mayqenninku kausashaj qhepakuyta atenqachu.
30 Wawasninkoqa Diosta sirvenqanku.
Chay jamoj mirayqa Jehová Diosmanta uyarenqanku.
31 Runasqa jamuspa Diospa cheqan ruwasqasninmanta parlanqanku.
Niraj nacekushanku chaykunamanqa Diospa ruwasqasninta willanqanku.
Davidpa takiynin.
23 Jehová Diosqa ovejitanta jina michikuwan.+
Ni ima faltawanchu.+
2 Qʼomer pampaspi samarichiwan.
Samarikunaypajqa ashkha yakuyoj lugaresman pusawan.+
Sutinrayku cheqan ñanninta pusawan.+
4 Manchay laqha wayqʼosta purejtiypis,+
mana manchachikunichu,+
imaraykuchus qanmin noqawan kashanki.+
Varaykiwan tojnuykiwan kallpachawanki.*
5 Enemigosniypa rikunanta ashkha mikhunata qowanki.+
Umayta aceitewan jawiwanki.+
Copaytapis juntʼitata juntʼachipuwanki.+
6 Kausashajteyqa Dios khuyakuwanqa, munakuwanqataj.+
Kausashaspaqa Jehová Diospa wasinpi tiyakusaj.+
Davidpa takiynin.
24 Jallpʼapis, chaypi tukuy ima kajpis Jehová Diospata.+
Poqoj jallpʼapis, chaypi tiyakojkunapis paypata.
2 Diosmin jallpʼaj cimientosnintaqa allinta churarqa mar qocha patapi.+
Paymin jallpʼataqa sumajta sayacherqa mayus patapi.
3 ¿Pitaj Jehová Diospa orqonman wichariyta atinmanri?+
¿Pitaj santo lugarninpi sayasqa kayta atinmanri?
4 Pichus mana juchayoj, chʼuwa sonqoyojtaj kashan chay.+
Pichus noqaj kausayniyrayku* mana llullakuspachu jurarqa,
nitaj qhasipajchu jurarqa chay.+
5 Ajina kausayniyoj runaqa Jehová Diosmanta bendicionesta japʼenqa.+
Chay runaqa salvaj Diosninpa+ ñaupaqenpi cheqan runapaj qhawasqa kanqa.
6 Ajinamin kanku Diosta maskʼajkunaqa.
Jacobpa Diosnin, ajinamin kanku qanpa ñaupaqeykipi allinpaj qhawasqa kayta munajkunaqa. (Sélah).*
7 Punkus, jatunyaychej,+
unayniyoj punkus, kicharikuychej
jatunchasqa Rey yaykunanpaj.+
8 ¿Pitaj kay jatunchasqa Reyri?
Payqa Jehová Dios, kallpayoj atiyniyojtaj.+
Payqa Jehová Dios, maqanakupi tinkunanpaj wapu.+
9 Punkus, jatunyaychej,+
unayniyoj punkus, kicharikuychej
jatunchasqa Rey yaykunanpaj.
10 ¿Pitaj payri? ¿Pitaj kay jatunchasqa Reyri?
Payqa angelesta kamachej Jehová Dios, paymin jatunchasqa Reyqa.+ (Sélah).
Davidpa takiynin.
א [álef]
25 Jehová Diosníy, qanmanta mañarikusqayki.
ב [bet]
2 Diosníy, qanpi atienekuni.+
Ama saqeychu pʼenqaypi rikhurinayta.+
Ama saqeychu ñakʼarisqaymanta enemigosniy kusikunankuta.+
ג [guímel]
3 Qanpi atienekojkunaqa,* ni jaykʼaj pʼenqaypi rikhurenqankuchu.+
Qhasillamanta wasanchajkunarí pʼenqaypi rikhurenqanku.+
ד [dálet]
4 Jehová Diosníy, ñanniykita rejsichiway.+
Diosníy, imaynatachus ñanniykita purinayta yachachiway.+
ה [he]
5 Cheqan ñanniykita purichiway, yachachiwaytaj.+
Qanmin salvawaj Diosneyqa kanki.
ו [waw]
Tuta pʼunchay qanpi atienekuni.*
ז [zayin]
6 Jehová Diosníy, yuyarikuy khuyakoj Dios kasqaykita,
llajtaykitapis munakusqaykitapuni.+
ח [jet]
7 Ama yuyarikuychu joven kashaspa juchallikusqaymanta, nillataj mana kasukusqaymantapis.
Jehová Diosníy, munakuwasqaykirayku yuyarikuway.+
Qanmin kʼacha Diosqa kanki.+
ט [tet]
8 Jehová Diosqa kʼacha, cheqan Diostaj.+
Chayrayku payqa juchasapasman rejsichin may ñantachus purinankuta.+
י [yod]
9 Diosqa llampʼu sonqoyoj runasta allin kajta ruwanankupaj yanapanqa.+
Llampʼu sonqoyoj runasman ñanninta rejsichenqa.+
כ [kaf]
10 Jehová Diospa yuyarichisqasninta runas kasukojtinku,+ tratontapis+ jatunpaj qhawajtinku,
payqa paykunata munakonqapuni, nitaj jaykʼajpis paykunata qonqanqachu.
ל [lámed]
11 Jehová Diosníy, sutiykirayku+
perdonariway pantasqayta, chay pantasqay may jatun kajtinpis.
מ [mem]
12 Uj runa Jehová Diosta manchachikojtenqa,+
Diosqa chay runaman rikuchenqa mayqen ñantachus ajllakunanta.+
נ [nun]
13 Chay runaqa bendiciones patapi kausakonqa.+
Wawasnintaj tukuynin jallpʼata herenciata jina japʼenqanku.+
ס [sámekh]
ע [ayin]
15 Jehová Diospipuni atienekuni.+
Payqa chakisniyta trampamanta* kacharichiwanqa.+
פ [pe]
16 Diosníy, qhawarimullaway ari, khuyarikullaway ari.
Noqaqa mana piniyoj sapay kashani.
צ [sadé]
17 Llakeyqa sonqoyman astawan yapaykukun.+
Diosníy, llakiyniyta chinkachiy.
ר [resh]
18 Qhawarimullaway ari, kay jina llakisqa kashani, kay jina phutisqa kashani.+
Diosníy, tukuy juchasniyta perdonaway ari.+
19 Qhawarimullay ari, enemigosneyqa may chhika kanku.
Paykunaqa chay jinata chejnikuwanku.
ש [shin]
20 Diosníy, kausayniyta waqaychay, salvawaytaj.+
Ama saqeychu pʼenqaypi rikhurinayta, noqaqa qanpi atienekuni.
ת [taw]
21 Mana juchachana kasqaypis cheqan kasqaypis waqaychawachun.+
Diosníy, qanpipuni atienekuni.*+
22 Diosníy, Israel llajtata tukuy llakiykunasninmanta libray ari.
Davidpa takiynin.
26 Jehová Diosníy, justiciata ruwapuway ari, noqaqa mana juchachana kausakuni.+
Noqaqa mana iskayrayaspa Jehová Diospipuni atienekuni.+
2 Jehová Diosníy, allinta sonqoyta qhawaykuriway, imaynachus kasqaytapis tanteariway.
Sonqoyta, sonqoy ukhupi yuyasqaytapis llimphuchaway.*+
3 Diosníy, munakuwasqaykita yuyarikuspa,
cheqan ñanniykita purini.+
4 Mana llulla runaswanqa purinichu.+
Puraj uya runasmantapis karunchakuni.*
5 Juchasapa runaswan masichakuytaqa nipuni allinpajchu qhawani.+
Ni imarayku sajra runaswanqa purinichu.*+
6 Mana juchayoj kasqayta rikuchinaypaj makisniyta mayllakusaj.
tʼukuna ruwasqasniykitapis willanaypaj.
8 Jehová Diosníy, tiyakusqayki wasitaqa mayta munakuni.*+
Jatun kʼanchayniyki lliphipirishan chay lugartaqa mayta munakuni.+
9 Ama juchasapastawan khuskataqa chinkachiwaychu.+
Ama runa wañuchistawan khuskataqa wañuchiwaychu.
10 Chay runaspa makisninkoqa millay ruwaykunawan juntʼa kashan.
Paykunaqa llukʼichikuymanta mayta wañurishanku.*
11 Noqatajrí mana juchachana kausakusaj.
Diosníy, salvaway ari. Diosníy, khuyarikuway ari.
12 Sumaj pampapi sayashani mana urmanaypaj jina.+
Ashkha tantasqa runas* ukhupi Jehová Diosta yupaychasaj.+
Davidpa takiynin.
Jehová Diosqa kausayniyta waqaychan,+
¿pitá manchachikuymanri?
Guerrapis contrayta jatarichun,
Diosllapipuni atienekusaj.
4 Uj imata Jehová Diosmanta mañakuni,
chaytapunitaj maskʼasaj.
Jehová Diospa wasinpi kakuyta munani tukuy kausayniypi.+
Chhankaj pata puntanmantaj churawanqa, enemigosniy mana imananawankupaj.+
6 Chayrayku kunanqa atipani muyuykuwanku chay enemigosniyta.
Kusiywan qhaparirispa Diospa toldo wasinpi uywa wañuchisqata jaywasaj.
Jehová Diosta jatunchaspa takirisaj.
7 Jehová Diosníy, qhaparikamusqayta uyarillaway ari.+
Khuyarikuwaspa uyarimullaway ari.+
8 Sonqoyqa nin: “Qanmin kayta kamachiwarqayku:
‘Noqata maskʼawaychej’, nispa”.
Jehová Diosníy, maskʼasqaykipuni.+
9 Ama noqamanta uyaykita pakaychu.+
Ama kamachiykitaqa phiñakuyniykipi qhesachaychu.
Qanlla yanapawajniy kanki.+
Salvawaj Diosníy, ama wijchʼurpariwaychu, ama sapayta saqerpariwaychu.
12 Ama enemigosniyman jaywaykuwaychu,+
imaraykuchus llulla testigos contrayta parlashanku,+
paykunaqa maqasaj nishawanku.
13 Sichus mana creeymanchu karqa kausashaspallaraj Jehová Diospa kʼacha kayninta rikunayta chayqa,
imapichus tukuymanpis karqa.+
14 Jehová Diospipuni atienekuy.+
Kallpachakuy, sinchʼita sayallaypuni.+
Jehová Diospipuni atienekuy.
Davidpa takiynin.
28 Jehová Diosníy, qanman qhaparikamuyki. Qanmin kanki pakakunay Chhankaqa.+
Ama mana uyariwajmanqa tukuychu.
Chʼinlla kaspa mana parlamuwajtiykeqa,
wañusqa runa jinallaña kasaj.+
2 Yanapata mañakuspa qhaparikamusqayta uyarimullaway ari.
Santo wasiykej aswan ukhu kaj cuarton qhawarisqa makisniyta oqharini, qanmanta mañakusunaypaj.+
3 Ama sajra runastawan khuskataqa chinkachiwaychu. Paykunaqa sajra imasllata ruwanku,+
runa masinkutapis kʼachamanta parlapayanku, sonqonkutajrí sajra imaswan juntʼa kashan.+
4 Paykunamanqa ruwasqankuman jina pagapuy,+
chay sajra ruwasqankuman jina qopuy.
Makisninkoj ruwasqanman jina pagapuy,
chay ruwasqankuman jina qopuy.+
5 Paykunaqa Jehová Diospa ruwasqasninta mana reparayta munankuchu,+
nillataj makisninwan ruwasqasnintapis.+
Chayrayku Diosqa paykunata urmachenqa, manataj sayarichenqachu.
6 Jehová Diosqa jatunchasqa kachun,
yanapata mañakusqayta uyariwasqanrayku.
7 Jehová Diosmin kallpayqa,+ jarkʼakunay escudotaj.+
Pay yanapawan, sonqoytaj kusisqa kashan.
Chayrayku takispa payta jatunchasaj.
8 Jehová Diosmin llajtanpaj kallpanqa.
Payqa sumaj jarkʼachasqa lugar jina, paymin ajllakusqanta salvan.+
9 Diosníy, llajtaykita salvay, herenciayki kajkunata bendeciy.+
Paykunataqa ovejitasta jina michiy, wiñaypajtaj marqʼarikuspa* apaykachay.+
Davidpa takiynin.
29 Jehová Diosta jatunchaychej atiyniyoj kajkuna.
Jehová Diosta jatunchaychej atiyniyoj kasqanrayku, kallpayoj kasqanrayku.+
2 Jehová Diosta jatunchaychej sutin jatunchanapaj jina kasqanrayku.
Llimphu ropasta* churakuspa* Jehová Diospa ñaupaqenpi qonqorikuychej.*
3 Jehová Diospa parlasqanqa phuyus patapi* uyarikun.
Jatunchasqa Diospa parlasqanqa qhorurun nispa sonarimun.+
Jehová Diosqa yana phuyus patapi* kashan.+
4 Jehová Diospa parlasqanqa may atiyniyoj.+
Jehová Diospa parlasqanqa may sumaj.
5 Jehová Diospa parlasqanqa cedro sachʼasta pʼakiran.
Jehová Diosqa Líbano orqospi cedro sachʼasta tʼunaran.+
6 Diosqa Líbano orqosta uña torillota jina phinkiykachachin.
Sirión orqotapis+ kʼita torillota jina phinkiykachachin.
7 Jehová Dios parlajtenqa lliuj lliujkuna lliphipirin.+
8 Jehová Diospa parlasqanqa chʼin pampata kharkatichin.+
Jehová Diosqa Cadés+ chʼin pampata kharkatichin.
9 Jehová Diospa parlasqanqa tarukasta mancharichin, tarukastaj manchariywan wacharanku.
Diospa parlasqanqa montepi tukuy sachʼasta qʼara kʼaspisllata sayachin.+
Templonpitaj tukuypis ninku: “Diosqa jatunchasqa kachun”, nispa.
10 Jehová Diospa kamachina tiyananqa ashkha yakus patapi* kashan.+
Jehová Diosqa kamachina tiyananpi wiñay wiñaypaj rey jina tiyasqa kashan.+
11 Jehová Diosqa llajtanman kallpata qonqa.+
Jehová Diosqa allin kausaywan llajtanta bendicenqa.+
Davidpa takiynin. Wasita inaugurasqankumanta takiy.
30 Jehová Diosníy, salvawasqaykirayku* jatunchasqayki.
Mana saqerqankichu ñakʼarisqaymanta enemigosniy kusikunankuta.+
2 Jehová Diosníy, yanapata mañakuspa qanman qhaparikamorqayki, qantaj sanoyachiwarqanki.+
3 Jehová Diosníy, Sepulturamanta* sayarichimuwanki.+
Qanmin kausachiwanki. Qanmin wañuymanta* librawanki.+
4 Jehová Diosta kasukojkuna, alabanzasta takipuychej.+
Santo sutinta jatunchaychej.+
Chʼisiyaykuytaqa waqashasunman, sutʼiyaytatajrí may kusisqa kasunman.+
6 Ni ima llakiyniyoj kashajtiy nerqani:
“Noqataqa ni jaykʼaj ima llakiypis qhatiriwanqachu”, nispa.
7 Jehová Diosníy, ñaupaqeykipi allinpaj qhawasqa kashajteyqa, uj orqota jina sinchʼita sayachiwarqanki.+
Noqamanta uyaykita pakaykuwajtiykitaj, sinchʼita mancharikorqani.+
8 Jehová Diosníy, qanman mana saykʼuyta qhaparikamorqayki.+
Jehová Diosníy, mana saykʼuyta mañakorqayki khuyakunawaykita.
9 Wañojtiy, ¿ima allintaj kanman? Pʼampakuna tʼoqoman* yaykojtiy, ¿ima allintaj kanman?+
¿Ñutʼu jallpʼaqa yupaychasunkimanchu?+ ¿Ñutʼu jallpʼaqa cheqan Dios kasqaykita willanmanchu?+
10 Jehová Diosníy, uyarimuway, khuyarikuwaytaj.+
Jehová Diosníy, yanapariway ari.+
11 Llakisqa waqashajtiy kusisqata tusuchiwarqanki.
Qanmin qhashqa ropayta orqhowaspa, kusiywan pʼachallichiwarqanki,
12 alabanzasta takipusunaypaj, mana chʼinlla kanaypaj.
Jehová Diosníy, wiñay wiñaypaj jatunchasqayki.
Takichejpaj. Davidpa takiynin.
31 Jehová Diosníy, qanpi pakakuni.+
Ni jaykʼaj pʼenqaypi rikhurisajchu.+
Cheqan Dios kasqaykirayku libraway ari.+
2 Kʼumuykakamuspa uyariway ari.
Usqhayta jamuspa salvaway ari.+
Orqopi sumaj jarkʼachasqa lugarniy kay ari.
Salvakunaypaj sumaj jarkʼachasqa wasi jina kay ari.+
3 Qanmin kanki pakakunay chhanka. Qanmin kanki jarkʼachasqa lugarniy.+
Sutiykirayku+ ñanniykita pusawanki, cuidawankitaj.+
5 Diosníy, makisniykiman kausayniyta* churani.+
Jehová Diosníy, cheqa kajta parlaj Dios, qanmin salvawarqanki.+
6 Noqaqa Jehová Diospi atienekuni.
Qhasi manakaj santosta yupaychajkunata chejnikuni.
7 Diosníy, munakuwasqaykirayku maytapuni kusikusaj.
Qanmin rikunki imayna llakisqachus kashasqayta.+
Qanmin yachanki sinchʼi phutisqa kashasqayta.
8 Mana enemigosniypa makisninkumanqa jaywaykuwarqankichu,
astawanpis sumaj jarkʼachasqa lugarpi allinta sayachiwanki.
9 Jehová Diosníy, khuyarikuway ari, sinchʼi llakisqapuni kashani.
Phutikuspa waqasqaypi ñawisniypis chharpullaña,+ tukuy ukhuypis tʼunasqa.+
Pantasqayrayku kallpayqa pisiyapushan.
Tukuy cuerpoytaj llauchʼiyapushan.*+
11 Tukuy enemigosniypa burlakunanku kani,+
astawanraj vecinosniypajqa.
Rejsisqasniypis noqamanta karunchakuwanku,
callepi rikuwaspaqa noqamanta ayqekunku.+
12 Niña yuyarikuwankuchu, qonqasqata qonqapuwanku, wañusqañapis kayman jina.
Yuru pʼakisqa jina kani.
13 Runasta uyarini sajra imasta noqamanta parlasqankuta.
Tukuynejpi noqapajqa manchachikuylla tiyan.+
Paykunaqa contrayta uj runa jinalla oqharikunku,
wañuchinawankupajtaj yachachinakunku.+
14 Jehová Diosníy, noqaqa qanpi atienekuni.+
Noqaqa nini: “Qanmin Diosneyqa kanki”,+ nispa.
15 Kausayneyqa makisniykipi kashan.
Enemigosniypa makisninkumanta libraway ari, qhatiykachawajkunamanta libraway ari.+
16 Kamachiykiwanqa kʼacha kay ari.*+
Munakuwasqaykirayku salvaway ari.
17 Jehová Diosníy, qanman qhaparikamusaj, manataj pʼenqaypi rikhurisajchu.+
Sajra runas pʼenqaypi rikhurichunku.+
Sepulturapi* chʼinyachisqa kachunku.+
18 Llulla imasta parlaj runasqa chʼinyachunku.+
Paykunaqa cheqan runaj contranta burlakuspa, jatunchakuspataj parlanku.
19 Diosníy, allin kʼachapuni kanki.+
Ashkha bendicionesta waqaychanki qanta manchikusojkunaman qonaykipaj.+
Kʼacha kasqaykitaqa qanpi pakakojkunaman rikuchinki tukuy runaspa rikunankuta.+
20 Paykunataqa qayllaykipi kaj chʼujllapi pakaykunki,+
contrankuta sajra imasta wakichej runasmanta.
Paykunataqa chʼujllaykipi pakaykunki,
paykunaj contrankuta parlajkunamanta.+
21 Jehová Diosqa jatunchasqa kachun,
paymin munakuwaspa tʼukuna imasta ruwarqa,+ llajtapi soldadoswan muyurisqa kashajtiy.+
22 Noqaqa sinchʼita mancharikuspa nerqani:
“Enemigosneyqa ñaupaqeykipi wañuchiwanqanku”,+ nispa.
Qantajrí, uyarimuwarqanki yanapata mañakuspa qhaparikamusqayta.+
23 Jehová Diosta tukuy kasukojkuna, payta munakuychej.+
Jehová Diosqa payman kʼaskasqa kajkunata jarkʼan.+
Jatunchakojkunatataj sinchʼita castigan.+
Davidpa takiynin. Maskil.*
32 Kusisqamin runaqa pantasqanta Dios perdonajtin, juchantapis pampachajtin.*+
3 Juchayta mana willakuspa chʼinlla kashajteyqa, tuta pʼunchay waqasqaypi llauchʼillaña karqani.+
4 Niña allin ñawiwan qhawawasqaykeqa llasa qʼepi jina tuta pʼunchay ñitʼiykuwarqa.+
Kallpayqa tukukaporqa, imaynatachus qʼoñi tiempopi yakoqa vausispa tukukapun ajinata. (Sélah).*
5 Juchayta willakorqayki.
Pantasqaytaqa mana pakarqaykichu.+
Noqa nerqani: “Jehová Diosman pantasqasniyta willakusaj”,+ nispa.
Qantajrí Diosníy, pantasqasniyta, juchasniytapis perdonawarqanki.+ (Sélah).
Nitaj ima llakiypis qhatirenqachu.
7 Qanmin pakakunay kanki.
Qanmin ima llakiymantapis jarkʼawanki.+
Salvawasqaykirayku tukuynejpi noqapajqa kusiylla tiyan.+ (Sélah).
8 Qanmin nerqanki: “Allin yuyayta qosqayki, mayqen ñantachus rinaykitapis rikuchisqayki.+
Noqa yuyaychasqayki, qhawamusqaykitaj.+
9 Ama caballo jinaqa chayri mula jinaqa kaychejchu, mana entiendeyta atejqa.+
Chaykunataqa chukaru kasqankurayku frenowanpuni, jakimawanpuni sayachina.
Chaywanpuni kasuchikunki”, nispa.
10 Sajra runasqa ashkha nanayniyoj kanku.
Jehová Diospi atienekojkunarí, paypaj munasqa kasqankuta rikonqanku.+
11 Cheqan runas, Jehová Diospa ruwasqanmanta kusikuychej, sonqo juntʼasqataj kaychej.
Cheqan sonqoyoj runas, kusiymanta qhapariychej.
33 Cheqan runas, kusiywan qhapariychej Jehová Dios allin imasta ruwasqanmanta.+
Allinpuni cheqan runas Diosta jatunchanankoqa.
2 Arpata tocarispa Jehová Diosman graciasta qoychej.
Chunka cuerdasniyoj tocanata waqachispa alabanzasta takiripuychej.
3 Mosoj takiyta takiripuychej.+
Kusiywan qhaparirispa, kʼachituta tocariychej.
4 Jehová Diospa palabranqa cheqanpuni.+
Tukuy ima ruwasqanqa atienekunapaj jinapuni.
5 Payqa cheqan kajta munakun, nitaj wakillanman kutikuspachu juzgan.+
Jallpʼaqa Jehová Diospa munakuyninwan juntʼa kashan.+
6 Cieloqa Jehová Diospa parlasqannejta ruwasqa karqa.+
Cielopi tukuy ima kajpis siminpa samaynillanwan* ruwasqa karqa.
7 Diosqa mar yakusta tantaykun, perqaswanpis jarkʼaykuchinman jina.+
Diosqa qhollchoqeyashaj yakusta depositoman jallchʼaykun.
8 Jallpʼantinmanta tukuy runasqa Jehová Diosta manchachikuchunku.+
Jallpʼapi tiyakojkunaqa Diosta jatunpaj qhawachunku.
9 Pay parlarqa, tukuy imataj ruwasqa karqa.+
Pay kamacherqa, tukuy imataj sayachisqa karqa.+
10 Jehová Diosqa nacionespa wakichisqankuta pantachin.+
Payqa llajtaspa yuyaychakusqankuta mana allinman tukuchin.+
11 Jehová Diospa munaynintajrí* wiñaypaj sayanqa,+
sonqonpi munasqanpis wiñaypaj wiñaynintinpaj kanqa.
12 Kusisqamin uj nación Jehová Dios chay nacionpa Diosnin kajtenqa.+
Kusisqamin uj llajtaqa sichus Dios chay llajtata paypata kananpaj ajllakun chayqa.+
13 Jehová Diosqa cielomantapacha qhawamushan.
Payqa tukuy runasta rikumushan.+
14 Diosqa tiyakun chaymantapacha
allinta qhawamushan kay jallpʼapi tukuy tiyakojkunata.
15 Diosqa tukuy runaspa sonqonkuta yachachin.*
Paymin runaspa tukuy ruwasqasninkuta allinta qhawan.+
16 Reytaqa ashkha tropa soldadospis mana salvayta atillankumanchu.+
Kallpasapa runaqa may jina kallpayoj kashaspapis mana salvakuyta atillanmanchu.+
17 Caballosqa mana runata salvayta atinkumanchu.+
May jina kallpayoj kashaspapis, mana pitapis salvayta atinkumanchu.
18 Jehová Diostajrí payta manchikojkunata cuidan,+
munakuyninta suyakojkunata.
19 Ajinapi paykunata wañuymanta librananpaj,
yarqhay tiempo kajtintaj kausachinanpaj.+
20 Noqanchejqa Jehová Diosta suyakushanchej yanapanawanchejpaj.
Paymin yanapawanchej, jarkʼawanchejtaj.+
21 Sonqonchejqa kusikun imatachus Dios ruwapuwasqanchejmanta.
Noqanchejqa santo sutinpi atienekunchej.+
22 Jehová Diosníy, munakuyniykeqa patallaykupipuni kakuchun.+
Noqaykoqa qanta suyakushayku yanapanawaykupaj.+
Davidpa qhelqasqan takiy. Kay takiytaqa qhelqarqa Abimelecpa ñaupaqenpi locoman tukusqantawan,+ maypachachus Abimelecqa ñaupaqenmanta qharqorqa, Davidtaj riporqa chaypacha.
א [álef]
34 Jehová Diostaqa tukuy tiempo jatunchallasajpuni.
Simeyqa payta mana saykʼuspa yupaychallanqapuni.
ב [bet]
2 Jehová Diospa jatuchaj ruwasqasninmanta parlasaj.+
Llampʼu sonqo runasqa uyarenqanku, kusikonqankutaj.
ג [guímel]
3 Jehová Diosta noqawan khuska jatunchaychej.+
Khuska sutinta jatunchanachej.
ד [dálet]
4 Jehová Diosmanta mañakorqani, paytaj uyarimuwarqa.+
Paymin tukuy llakiyniymanta librawarqa.+
ה [he]
5 Kusisqamin kanku Diospi atienekojkunaqa.
Paykunaqa ni jaykʼaj pʼenqaypi rikhurenqankuchu.
ז [zayin]
6 Noqa wajchaqa qhaparikamorqayki, qantajrí Jehová Diosníy, uyarimuwarqanki,
tukuy llakiykunasniymantataj librawarqanki.+
ח [jet]
ט [tet]
8 Jehová Diosta allinta rejsiychej, reparaychejtaj imayna kʼachachus kasqanta.+
Kusisqamin paypi pakakoj runaqa.
י [yod]
9 Jehová Diospaj tukuy tʼaqasqa kajkuna, payta manchachikuychej.
Payta manchachikojkunataqa ni imapis faltanchu.+
כ [kaf]
10 Kallpasapa leonesqa wakin kuti yarqhasqa purinkuman.
Jehová Diosta maskʼajkunapajrí allin imasqa kanqapuni.+
ל [lámed]
11 Jamuychej wawasníy, uyariwaychej.
Yachachisqaykichej Jehová Diosta yupaychayta.*+
מ [mem]
12 Sichus kusisqa kausakuyta munanki chayqa,
sichus allin imasta rikunaykipaj unayta kausakuyta munanki chayqa,+
נ [nun]
Amataj simiykeqa llullakuchunchu.+
ס [sámekh]
14 Sajra imasta ruwaymanta karunchakuy, allin imastataj ruway.+
Wajkunawan allinta kausakuyta maskʼay,* ajinata kausakunaykipaj kallpachakuy.+
ע [ayin]
15 Jehová Diosqa cheqan runasta qhawamushan.+
Yanapata mañakuspa qhaparikusqankuta uyarimushan.+
פ [pe]
16 Jehová Diosqa sajra imasta ruwajkunaj contrankupi kashan.
Paykunaqa wañuranqanku, nitaj pipis kay jallpʼapi paykunataqa yuyarenqañachu.+
צ [sadé]
17 Jehová Diosqa cheqan runaspa qhaparikusqankuta uyarerqa.+
Payqa tukuy llakiyninkumanta librarqa.+
ק [qof]
18 Jehová Diosqa sonqo pʼakisqa runaspa qayllallanpi kashan.+
Paymin llakisqa kajkunataqa salvan.+
ר [resh]
19 Cheqan runataqa imaymana llakiykuna qhatirin.+
Jehová Diostajrí chay tukuy llakiykunamanta libran.+
ש [shin]
20 Payqa tukuy tullusninta waqaychashan.
Ni uj tullullanpis pʼakisqachu karqa.+
ת [taw]
21 Sajra runasqa desgraciapi rikukuspa wañonqanku.
Cheqan runasta chejnikojkunaqa juchayoj rikhurenqanku.
22 Jehová Diosqa kamachisninpa kausayninkuta salvashan.
Paypi pakakojkunaqa ni mayqenninku juchayojqa rikhurenqachu.+
Davidpa takiynin.
35 Jehová Diosníy, contraypi kajkunamanta jarkʼakuway.+
Noqawan maqanakushanku chaykunawan maqanakuy.+
3 Tʼojsina lanzaykita, maqanakupaj hachaykitawan oqharikuspa qhatiykachawajkunaj contrankuta sayaykuy.+
Niwaytaj: “Noqa salvasqayki”,+ nispa.
4 Wañuchiwayta munajkunaqa* pʼenqaypi rikhurichunku, kʼumuykachachisqataj kachunku.+
Wañuchinawankupaj yuyaychakojkunaqa kʼumuykachachisqa ripuchunku.
5 Wayraj apasqan paja jina* kachunku.
Paykunataqa Jehová Diospa angelnin ayqechichun.+
6 Jehová Diospa angelnin paykunata qhatiykojtenqa,
ñanninkoqa laqha kachun, lluskʼataj.
7 Mana ima sajrata ruwashajtiy paykunaqa sumaj pakasqa trampata churaykunku japʼinawankupaj.
Mana ima sajrata ruwashajtiy paykunaqa tʼoqota allanku chayman chinkaykunaypaj.
8 Paykunataqa ujllata desgracia qhatirichun,
chay churasqanku trampallawantaj japʼichikuchunku,
chayman urmaykuspa wañuchunku.+
9 Noqatajrí kusikusaj Jehová Diospa ruwasqasninmanta.
Kusikusaj salvanawanpaj imastachus ruwasqanmanta.
10 Tukuy kallpaywan nisaj:
“Jehová Diosníy, mana pipis qan jinaqa kanchu.
Qanmin mana piniyojkunataqa kallpasapaspa makinkumanta libranki.+
Qanmin mana piniyojkunata, wajchastapis suwasmanta libranki”,+ nispa.
12 Paykunapaj allin kajta ruwashajtiypis, paykunaqa sajra kajwan pagawaspa+
sonqoyta nanachiwanku.
13 Onqosqa kashajtinku noqaqa qhashqa ropata churakoj kani,
sonqoyta nanachikuspa ayunaj kani.
Paykunapaj mañapusqayta Dios mana uyariwajtinpis,
14 llakisqa purej kani, amigoypis hermanoypis wañupunman jina.
Allin phutisqa purej kani mamaypis wañupunman jina.
15 Paykunataj llakiypi kashajtiy kusisqa tantaykukorqanku.
Pakaykukuspa suyaykuwarqanku waykhaykunawankupaj.
Imaymanasta niwaspa sonqoyta nanachiwarqanku, mana chʼinyaspataj astawan qhasimanta tumpaykuwarqanku.
16 Sajra runasqa* mana pʼenqarikuspa burlakuwanku.
Noqapaj phiñasqa kasqankurayku kirusninkutapis kʼarurachinku.+
17 Jehová Diosníy, ¿maykʼajkamataj qhawamullankiri?+
18 Noqataj jatun congregación chaupipi graciasta qosqayki.+
Ashkha tantasqa runas ukhupi jatunchasqayki.
19 Ama saqeychu qhasillamanta chejnikuwajkuna asikunawankuta.
Ama saqeychu qhasillamanta chejnikuwajkuna+ burlakunawankuta.+
20 Paykunaqa mana munankuchu ni pi sonqo tiyaykusqa kausakunanta.
Astawanpis runa masinkuwan allinta kausakojkunaj contrankuta imaymana llulleriosta parlanku.+
21 Siminkuta jatunta kicharinku tumpaykunawankupaj,
nishankutaj: “Qhawariymá, qhawariymá, taripaykunchej”, nispa.
22 Jehová Diosníy, qanmin chaytaqa qhawamushanki. Ama chʼinllaqa kakuychu ari.+
Jehová Diosníy, ama karullamantaqa qhawamuwaychu ari.+
23 Jehová Diosníy, rijchʼariy ari, jamuspa jarkʼakuway.
Justiciata ruwapuway ari.
24 Jehová Diosníy, cheqan Dios kasqaykiman jina justiciata ruwapuway ari.+
Ama saqeychu enemigosniy llakiypi kasqaymanta kusikunankuta.
25 Amataj jaykʼajpis nichunkuchu: “Chayqa á, chaytapuni munasharqanchej”, nispa.
Ama jaykʼajpis nichunkuchu: “Atipasqata atipaykunchej”,+ nispa.
26 Llakiypi kasqaymanta kusikojkunaqa,
tukuyninku pʼenqaypi rikhurichunku, kʼumuykachachisqataj kachunku.
Noqamanta aswan sumaj runas kasqankuta creekojkunaqa pʼenqaypi rikhurichunku, kʼumuykachachisqataj kachunku.
27 Cheqan kajman jina kausakusqaymanta kusikojkunaqa kusisqa qhaparichunku,
mana saykʼuspa nichunku:
“Jehová Diosqa jatunchasqa kachun, payqa kusikun paypa kamachin wajkunawan allinta kausakojtin”,+ nispa.
Takichejpaj. Jehová Diospa kamachin Davidpa takiynin.
36 Sajra runataqa sajra sonqollantaj apaykachan.
Diostaqa mana manchachikunchu.+
2 Payqa anchata alabakusqanrayku,
ni pantasqantapis reparakunchu, nitaj sonqonpis nananchu chay pantasqanmanta.+
3 Parlaspaqa llullakun, runaspa sonqonkutapis nanachin.
Payqa mana reparanchu imaynatachus allin kajta ruwananta.
4 Camanpi kashaspapis sajra imasta wakichishallanpuni.
Payqa mana allin ñanta japʼirin.
Mana allin kajtapis mana chejnikunchu.
5 Jehová Diosníy, munakuyniykeqa cielokamapuni chayan.+
Atienekunapaj jina kasqaykipis phuyuskamapuni chayan.
6 Diosníy, justiciaykeqa may jatuchaj orqos jina.+
Juiciopi nisqasniykeqa may chhika ukhu yakus jina.+
Jehová Diosníy, qanmin runatapis, animalestapis waqaychanki.+
7 Diosníy, munakuyniykeqa may sumajpuni.+
Lijrasniykej* llanthunpi runasqa pakakunku.+
8 Wasiykipeqa may chhika mikhuna tiyan, paykunataj sajsakunankukama mikhunku.+
Qanmin paykunamanqa sumaj imasta ashkhata qonki, may chhika yakuyoj mayumantapis ujyachishawaj jina.+
9 Qanmin kausay yaku juturi kanki.+
Kʼanchayniykiwanqa kʼanchayta rejsiyta atiyku.+
10 Rejsisojkunataqa munakullaypuni.+
Cheqan sonqoyoj runaspajpis justiciata ruwapullaypuni.+
11 Ama saqeychu jatunchakoj runasqa chakisninkuwan saruranawankuta.
Ama saqeychu sajra runasqa makinkuwan vakiyanawankuta.
12 Sajra imasta ruwajkunaqa urmanku.
Qanmin paykunataqa urmachinki, niñataj paykuna sayariyta atinkuchu.+
Davidpa takiynin.
א [álef]
37 Ama sajra runaspa ruwasqankumanta phiñakuychu.
Amataj sajra imasta ruwajkunamanta envidiakuychu.+
2 Paykunaqa qhora jina chay rato qawiponqanku,+
llullu qhora jinataj chʼakisqata chʼakiponqanku.
ב [bet]
3 Jehová Diospi atienekuspa allin kajta ruway.+
Jallpʼaykipi tiyakuy, imata ruwaspapis allin kajtapuni ruway.+
4 Jehová Diosta yupaychaspa kusikuy,
paytaj sonqoykej munasqanta qosonqa.
ג [guímel]
5 Kausayniykita Jehová Diospa makinman churay.+
Paypi atienekuy, paytaj yanapasonqa.+
6 Diosqa cheqan runa kasqaykita tukuyman rejsichenqa.
Payqa justiciaykita kʼancharichenqa imaynatachus chaupi pʼunchaypi inti kʼancharin ajinata.
ד [dálet]
7 Jehová Diospa ñaupaqenpi chʼinlla kakuy,+
pacienciawan suyakuy.
Ama sajra runapaj phiñakuychu
sajra imasta wakichisqanpi allin rejtinpis.+
ה [he]
8 Ama rabiakuychu, nitaj phiñakuychu.+
Ama phiñasqallaqa kaychu, pajtataj mana allin kajta ruwawaj.
9 Sajra runasqa tukuchisqa kanqanku.+
Jehová Diospi atienekojkunarí* kay jallpʼata herenciata jina japʼenqanku.+
ו [waw]
10 Uj chhikamantawanqa niña sajra runas kanqankuñachu.+
Maypichus karqanku chaynejta qhawarejtiykeqa,
manaña kanqankuñachu.+
11 Llampʼu sonqoyoj runastajrí kay jallpʼata herenciata jina japʼenqanku,+
ni ima llakiyniyojtaj allin kusisqa kausakonqanku.+
ז [zayin]
12 Sajra runasqa cheqan runaspa contranta imaymana sajrata wakichinku.+
Kirusninkutapis cheqan runaspa contrankuta phiñasqas kʼarurachinku.
13 Jehová Diostajrí chay sajra runasmanta asikonqa.
Payqa yachan ima pʼunchaychus chay sajra runas wañunankuta.+
ח [jet]
14 Sajra runasqa espadankuta orqhokunku, flechanapaj arconkutapis* matʼinku,
mana piniyojkunata, wajchastawan tukuchinankupaj,
cheqan kajta ruwajkunatapis wañuchinankupaj.
15 Jinapis chay espadankoqa paykunaj sonqollankutataj tʼojsiykonqa.+
Flechana arcosninkupis tʼunasqa kanqa.
ט [tet]
16 Aswan allinmin cheqan runaj pisi kapuynenqa,
sajra runaj ashkha kapuyninmanta nisqaqa.+
17 Sajra runaspa makisninkoqa pʼakirasqa kanqa,
cheqan runastataj Jehová Dios yanapanqa.
י [yod]
18 Jehová Diosqa sumajta yachan mana juchayoj runas imapichus rikukusqankuta.
Paykunamanqa herenciata qonqa wiñaypaj wiñaynintinpaj.+
19 Paykunaqa desgracia patapi kaspapis mana llakikonqankuchu.
Yarqhay tiempopi kaspapis ashkha mikhunayoj kanqanku.
כ [kaf]
20 Sajra runastajrí wañonqanku.+
Jehová Diospa enemigosnenqa sumaj qʼomer pasto jina uj ratolla kanqanku,
qʼoshñi jinalla chinkaponqanku.
ל [lámed]
21 Sajra runaqa manukuspapis mana kutichipuyta yachanchu.
Cheqan runatajrí kʼacha, qorikuytapis yachan.+
22 Diospa bendicionninta japʼejkunaqa kay jallpʼata herenciata jina japʼenqanku.
Pikunatachus Dios maldecin chay runastajrí tukuchisqa kanqanku.+
מ [mem]
23 Sichus uj runaj purisqan Jehová Diosta kusichin chayqa,+
Diosqa chay runaman rikuchenqa maynintachus purinanta.+
24 Chay runaqa urmaspapis mana pampapi wijchʼusqachu qhepakonqa.+
Jehová Diosmin chay runataqa makinmanta japʼishan.+
נ [nun]
25 Unayqa joven karqani, kunantaj viejoña kani,
jinapis ni jayk’aj rikorqanichu Diosqa cheqan runata saqerparisqanta,+
26 Chay cheqan runaqa tukuy sonqo wajkunaman manuriyta yachan.+
Wawasnintaj Diosmanta bendicionta japʼenqanku.
ס [sámekh]
27 Sajra imasta ruwaymanta karunchakuy, allin imastataj ruway,+
wiñaypajtaj kausanki.
ע [ayin]
Diosqa paykunata waqaychanqa.+
Sajra runaspa wawasninkutajrí tukuchisqa kanqanku.+
29 Cheqan runasqa kay jallpʼata herenciata jina japʼenqanku,+
kay jallpʼapitaj wiñaypaj kausakonqanku.+
פ [pe]
30 Cheqan runaqa yachayniyoj kaymanta parlan,
cheqan kajtataj parlan.+
31 Diosninpa leynenqa sonqonpi kashan.+
Purishajtenqa mana lluskʼanqachu.+
צ [sadé]
32 Sajra runaqa cheqan runata wateqan
wañuchiyta munaspa.
33 Jehová Diostajrí mana chay cheqan runataqa sajra runaj makinpi saqerparenqachu,+
nitaj juchayoj kasqanta nenqachu, juiciopi chay sajra runa chʼataykushajtenqa.*+
ק [qof]
34 Jehová Diospi atienekuy,* ñannintataj puriy.
Payqa jatunpaj qhawasusqanrayku kay jallpʼata herenciata jina qosonqa.
Qanqa rikunki sajra runas tukuchisqa kasqankuta.+
ר [resh]
35 Mana sonqoyoj sajra runata rikorqani
jallpʼanpi jatun sachʼa jina sumajta wiñarishajta.+
36 Chay sajra runaqa ujllata wañuspa chinkaporqa.+
Chay runataqa maskʼarqani, nitaj tarerqanichu.+
ש [shin]
37 Mana juchayoj runata reparay.
Cheqan runata qhawariy.+
Chay runapajqa aswan qhepaman allin kausay kanqa.+
38 Diosta mana kasukojkunarí tukuchisqa kanqanku.
Sajra runasqa chinkachisqa kanqanku.+
ת [taw]
39 Jehová Diosqa cheqan runasta salvan.+
Desgracia patapi kashajtinku paymin jarkʼachasqa lugarninku.+
40 Jehová Diosmin paykunata yanapaspa libranqa.+
Diosmin sajra runaspa makinkumanta kacharichispa salvanqa.
Imaraykuchus paykunaqa Diospi pakakunku.+
Davidpa takiynin. Kay takeyqa runas yuyarikunankupaj.*
38 Jehová Diosníy, ama rabiasqa kashaspaqa kʼamiwaychu ari.
Ama phiñasqa kashaspaqa kʼamiwaychu ari.+
2 Flechasniykeqa ukhuykamapuni tʼojsiykuwanku,
makiykiwan ñitʼiykuwaspataj ñakʼarichishawanki.+
3 Phiñachisusqayrayku allin onqosqa kashani.
Juchallikusqayrayku manapuni allinchu kashani.*+
4 Pantasqasneyqa umay patata wasarishan,+
llasa qʼepi jina ancha llasapuni noqapajqa.
5 Sonso kaspa pantani,
chayrayku nanasqasniymanta qʼeya sururishan, asnarishantaj.
6 Phutisqa kasqaypi kʼumu kʼumullaña purini.
Tuta pʼunchay llakisqalla kani.
7 Ukhoyqa kʼajarishawan,
allin onqosqa kashani.+
8 Cuerpoyqa tunuyasqa kashan, qʼala tʼunasqataj.
Sonqoy allin nanasqa kasqanrayku, llakiyta qhaparikushani.
9 Jehová Diosníy, qan yachanki imatachus munasqayta.
Phutikusqaytapis rikumushanki.
10 Sonqoyqa phataj jinaña pharaqeshan, niña kallpaypis kanchu,
ñawisniypis chharpuyapun.+
11 Amigosniypis rejsisqasniypis nanasqasniyta rikuspa ayqekuwanku.
Aswan kʼaskasqa amigosniypis karunchakuwanku.
12 Wañuchiwayta munajkunaqa* trampasta churaykuwanku.
Ñakʼarichiwayta munajkunaqa wañuchinawankupaj parlanakunku.+
Paykunaqa tuta pʼunchay imaymana llulleriosta yuyaychakunku.
13 Noqatajrí, pisi ninripis kayman jina paykunata mana uyarej tukuni.+
Opapis kayman jina chʼinlla kani.+
14 Mana uyarej runa jina kani,
simeyqa ni imata kutichikunchu.
15 Jehová Diosníy, yanapanawaykita suyakusharqani.+
Jehová Diosníy qanmin yanapawarqanki.+
16 Noqaqa nerqani: “Pantajteyqa ama noqamanta asikuchunkuchu,
amataj noqamanta aswan sumaj runas kasqankuta yuyakuchunkuchu”, nispa.
17 Urmanaypajña kasharqani.
Nanayneyqa manapuni kitakorqachu.+
18 Pantasqayta rimarerqani.+
Juchata ruwasqaymantaqa llakisqa kasharqani.+
19 Enemigosniytajrí allin wapus kanku, kallpasapastaj.
Qhasillamanta chejniwajkunaqa ashkhayaykunku.
20 Paykunapaj allin kajta ruwashajtiypis, sajra kajwan pagawarqanku.
Paykunaqa jarkʼawarqanku manaña allin kajta ruwanaypaj.
21 Jehová Diosníy, ama saqerpariwaychu.
Diosníy, ama karullamantaqa qhawamuwaychu ari.+
22 Usqhayllata jamuspa yanapariway ari.
Jehová Diosníy, qanmin salvawaj Diosneyqa kanki.+
Takichejpaj. Kaytaqa takina Jedutún*+ nisqa tonoman jina. Davidpa takiynin.
2 Chʼinlla karqani, ni imata parlarqanichu.+
Nipuni allin kajmantapis parlarqanichu.
Nanayniytajrí sinchʼi karqa.
3 Ukhuypi sonqoyqa kʼajarerqa.
Tʼukurishajtiytaj sonqoyqa laurarisharqa.
Nerqanitaj:
4 “Jehová Diosníy, yanapariway ari, yachanaypaj maykʼajkamachus kausanayta,
mashkha unaytachus kausanaytapis.+
Ajinamanta yachasaj kausayneyqa pisi tiempollapaj kasqanta.
5 Diosníy pisillata kausachiwanki.+
Tukuy kausayneyqa ni imapischu qanpajqa.+
Tukuy runas sinchʼi kallpayoj rijchʼakojtinkupis, mana imapischu kanku, uj samay jinalla kanku.+ (Sélah).*
6 Runaspa kausaynenqa llanthu jinalla pasapun.
Qhasillapaj afanakunku.
Qolqeta tantanku qhapajyanankupaj, nitaj yachankuchu pipajchus kananta.+
7 Jehová Diosníy, jina kajtin, ¿imapitaj atienekuymanri?*
Diosníy, qanllapi atienekuni.*
8 Perdonaway ari, chay mana kasukusqayrayku ama llakiypi rikhurinaypaj.+
Ama saqeychu wampu runas* burlakunawankuta.
10 Amaña castigawaychu.
Makiykiwan maqawasqaykirayku tukukushaniña.
11 Qanmin runataqa pantasqanmanta castigaspa cheqanchanki,+
munasqa imasnintapis thuta jina tukuchinki.
Tukuy runasqa uj samay jinalla kanku.+ (Sélah).
12 Jehová Diosníy, mañakususqayta uyarillaway ari.
Yanapata mañakuspa qhaparikamususqayta uyarillaway ari.+
Ama waqashajta qhawallawaychu ari.
Ñaupaqeykipeqa wajyarisqa forasterolla kani.+
Ñaupa tatasniy jinallataj forasterolla kani.+
13 Amaña ajina phiñasqa qhawamuwaychu ari,
chaywanqa manaraj wañupushaspa, manaraj chinkapushaspa kusisqa kasaj”.
Takichejpaj. Davidpa takiynin.
40 Jehová Dios yanapanawanta pacienciawan suyakorqani.*
Paytaj uyarinawanpaj kʼumuykakamorqa, yanapata mañakusqaytataj uyariwarqa.+
2 Payqa orqhomuwarqa qhollchoqeyashaj yakuyoj tʼoqomanta,
tʼuru tʼoqomanta orqhomuwarqa.
Chhanka pataman churawaspataj
allinta sayachiwarqa.
3 Chantá Diosninchejqa mosoj takiyta simiyman churawarqa,+
payta alabanapaj takiyta.
Ashkha runas rikonqanku imatachus noqarayku ruwasqanta,
Jehová Diospitaj atienekonqanku.
4 Kusisqamin runaqa Jehová Diospi atienekojtin,
mana machu machu runaswan, nitaj llulla runaswanpis khuskachakojtin.
5 Jehová Diosníy,
qanmin may chhika imasta ruwanki.
Qanmin tʼukuna imasta noqaykupaj ruwanki, imatachus noqaykupaj munasqaykitapis ruwanki.+
Mana pipis qan jinaqa kanchu.+
Sichus chay ruwasqasniykimanta willarayta munayman, parlaytataj munayman chayqa,
ancha ashkhapuni kanman willaranaypaj.+
6 Mana munarqankichu uywa wañuchisqasta, nitaj ofrendastapis.+
Astawanqa ninrisniyta kichariwarqanki uyarinaypaj.+
Mana mañakorqankichu qʼolachina* ofrendasta, nitaj jucharayku ofrendastapis.+
7 Noqataj nerqani: “Kaypi kashani.*
Kʼuyuna libropi* noqamanta qhelqasqa kashan.+
8 Diosníy, munayniykita ruwaspa maytapuni kusikuni.*+
Leyniykeqa sonqoy ukhupipuni kashan.+
9 Diosníy, cheqan kasqaykimanta sumaj willaykunata jatun congregación chaupipi willasaj.+
Jehová Diosníy, simeyqa manapuni chʼinyanqachu,+
chaytaqa allinta yachanki.
10 Cheqan kasqaykitaqa mana sonqoypi pakaykunichu.
Atienekunapaj Dios kasqaykita, salvaj Dios kasqaykitapis willanipuni.
Jatun congregación chaupipi kashaspaqa mana pakanichu munakoj Dios kasqaykita, nitaj cheqan Dios kasqaykitapis”,+ nispa.
11 Jehová Diosníy, khuyakullawaypuni ari.
Munakuwasqaykirayku, cheqan Diostaj kasqaykirayku jarkʼakuway ari.+
12 Llakiykunasneyqa may chhika kanku, mana yupay atina.+
Pantasqasneyqa may chhika kanku, niña yachanichu imatachus ruwanayta.+
Pantasqasneyqa chujchasniymantapis aswan ashkharaj kanku.
Niña valorniypis kanchu.
13 Jehová Diosníy, salvallaway ari.+
Jehová Diosníy, usqhayllata jamuspa yanapariway ari.+
14 Wañuchiwayta munajkunaqa*
tukuyninku pʼenqaypi rikhurichunku, kʼumuykachachisqataj kachunku.
Llakiypi kasqaymanta kusikojkunaqa,
kʼumuykachachisqa kaspa ayqechunku.
15 Asipayawajkunaqa
pʼenqaypi rikhurispa ayqechunku.
16 Qanta maskʼasojkunatajrí,+ mayta kusikuchunku,+
kusisqa kachunku tʼukuna imasta paykunapaj ruwasqaykimanta.
Salvanaykita mayta suyakojkunaqa nichunku:
“Jehová Diosqa jatunchasqa kachun”,+ nispa.
17 Noqaqa mana piniyoj wajcha kani.
Jehová Dios qhawarimuwachun ari.
Diosníy, qanmin yanapawanki, qanmin salvawanki.+
Diosníy, usqhayllata jamuy ari.+
Takichejpaj. Davidpa takiynin.
41 Kusisqamin pichus wajcha runasta khuyakojqa.+
Jehová Diosmin chay runata libranqa llakiy patapi kashajtin.
2 Jehová Diosmin chay runata waqaychanqa, kausachenqataj.
Waj runaspis kusisqa kasqanta rikonqanku.+
Diosníy, ni jaykʼaj chay runataqa enemigosninman jaywaykuwajchu.+
3 Jehová Diosmin chay runataqa kallpachanqa camanpi onqosqa kashajtin.+
Diosníy, qanmin chay runataqa allinta cuidanki camanpi onqosqa kashajtin.
4 Noqa mañarikorqayki: “Jehová Diosníy, khuyarikuway ari.+
Sanoyachiway ari,+ contraykita juchallikuni”,+ nispa.
5 Enemigosneyqa sajrata noqapaj parlanku, paykunaqa ninku:
“Wañullachunña, wañojtenqa niña pipis payta yuyarikonqañachu”, nispa.
6 Sichus ujninku waturikuwaj jamun chaypis, payqa llullakuspa parlan.
Qhawarawajlla jamuwan parlakunawanpaj.
Rispataj cuentarakamun.
7 Tukuy chejniwajkunaqa chhichinakushanku.
Mana allinta ruwanawankupaj yachachinakushanku, nishankutaj:
8 “Sinchʼita onqoykun.
Kunanqa wijchʼurayashan, manaña kutirenqachu”,+ nispa.
9 Noqawan allinta kausakoj amigoypis, mayqenpichus atienekoj kani,+
pitajchus noqawan khuska mikhoj,* chaymin contrayta oqharikun.+
10 Qantajrí Jehová Diosníy, khuyarikuway ari, sanoyachiway ari.
Sanoyapuspaqa paykunawan pagachikusaj.
11 Maypachachus enemigoyqa mana atipawanqachu,
chaypacha yachasaj allinpaj qhawawasqaykita.+
12 Qanmin noqataqa sinchʼita sayachiwanki tukuy sonqo qanta kasukusqayrayku.*+
Qanmin wiñaypaj allin ñawiwan qhawawanki.+
13 Israelpa Diosnin Jehovaqa
wiñaypaj wiñaynintinpaj jatunchasqa kachun.+
Amén, amén.*
ISKAY KAJ LIBRO
(Salmos 42–72)
Takichejpaj. Maskil.* Corejpa wawasninpa takiynin.+
42 Diosníy, imaynatachus tarukaqa chʼakichikuspa yakumanta wañurin,
ajinata noqapis sirvisunaymanta mayta wañurini.
2 Yakumantapis chʼakisqa kayman jina Diostaqa maytapuni sirviyta munani, kausaj Diostaqa sirviytapuni munani.+
¿Maykʼajtaj Diospa wasinman riyta atisajri?+
3 Waqayneyqa tuta pʼunchay mikhunaytaj ujyanaytaj.
Diantinta runasqa burlakuwanku, “¿maytaj chay Diosniykiri?”+ nispa.
4 Sapa yuyarikuspa waqarikuni.
Unayqa ashkha ukhu Diospa wasinman rej kayku.
Noqaqa ñaupaqenkuta rej kani paykunata pusaspa.
Manchay kusisqa rej kayku, qhaparirispa, Diosman graciasta qospa,
ashkha ukhupis fiestata ruwashaykuman jina.+
5 ¿Imajtintaj sonqoy mana tiyaykuyta atinchuri?+
¿Imajtintaj llakisqalla kashaniri?
Diosta suyakullasajpuni.+
Diostaqa jatunchallasajpuni, yachani salvanawanta.+
6 Diosníy, manapuni sonqoy tiyaykunchu.+
Chayrayku qanmanta yuyarikuni,+
Jordán jallpʼasmantapacha, Hermón orqo puntasmantapacha,
Mizar orqomantapacha.
7 Yakusniykeqa sinchʼita sonarispa phajcharimun,
mayuman chayaykuspataj mayta qhollchoqeyarin.
Llakiykunaqa chay qhollchoqeyaj yakusniyki jina pʼampaykuwan.+
8 Pʼunchayqa Jehová Dios jatun munakuyninta rikuchiwanqa.
Tutantaj noqaqa Diospaj takirisaj, noqaqa kausayta qowaj Diosmanta mañakusaj.+
9 Diosqa pakakunay chhanka, noqa payta tapusaj:
“¿Imajtintaj qonqawankiri?+
¿Imajtintaj llakisqalla purinay kasqa enemigosniy ñakʼarichiwajtinkuri?”,+ nispa.
10 Chejnikuwaspa enemigosneyqa burlakuwanku.
Diantinta paykunaqa burlakuwanku, “¿maytaj chay Diosniykiri?”+ nispa.
11 ¿Imajtintaj sonqoy mana tiyaykuyta atinchuri?
¿Imajtintaj llakisqalla kashaniri?
Diosta suyakullasajpuni.+
Diostaqa jatunchallasajpuni, yachani pay salvanawanta, Diosniytaj kasqanta.+
43 Diosníy, justiciata ruwapuway ari.+
Kay mana kasukoj nacionmanta jarkʼakuway ari.+
Sajra runamanta, llulla runamanta libraway ari.
2 Qanmin Diosniy kanki, qanmin jarkʼachasqa lugarniy kanki.+
¿Imaraykutaj qonqawankiri?
¿Imajtintaj llakisqalla purinay kasqa enemigosniy ñakʼarichiwajtinkuri?+
3 Kʼanchayniykita, cheqan kayniykitawan apachimuway,+
chaykuna pusawachunku+
santo orqoykiman, yupaychana toldoykimanpis.+
4 Noqataj Diosníy, altarniykiman jamusaj.+
Diosníy, qanman jamusaj, qannejtamin kusisqa kani.
Diosníy, arpata tocarispa jatunchasqayki+ Diosníy.
5 ¿Imajtintaj sonqoy mana tiyaykuyta atinchuri?
¿Imajtintaj llakisqalla kashaniri?
Diosta suyakullasajpuni.+
Diostaqa jatunchallasajpuni, yachani pay salvanawanta, Diosniytaj kasqanta.+
Takichejpaj. Corejpa wawasninpa takiynin.+ Maskil.*
44 Diosníy, ninrisniykuwan uyariyku,
ñaupa tatasniyku willawayku,+
chay ñaupa ñaupa wataspi
paykuna kausashajtillankuraj imastachus ruwasqaykita.
2 Nacionestaqa jallpʼasninkumanta kallpaykiwan orqhorqanki,+
chay nacionestaqa atipaspa jallpʼasninkumanta qharqorqanki.+
Chay jallpʼastataj ñaupa tatasniykuman tiyakunankupaj qoporqanki.+
3 Ñaupa tatasniykoqa mana espadaswan maqanakuspachu chay jallpʼastaqa japʼikaporqanku.+
Chay nacionestaqa mana kallpankuwanchu atiparqanku.+
Paykunaqa atiparqanku yanapayniykiwan, kallpaykiwan,+ paykunata allinpaj qhawasqaykirayku,
paykunata munakusqaykiraykutaj.+
4 Diosníy, qanmin Reyniy kanki.+
Jacobta yanapariy ari, chaywanqa atipasqata atipanqa.
5 Atiyniykiwanqa enemigosniykuta ayqechisqayku.*+
Contraykupi oqharikojkunata sutiykipi sarurasqayku.*+
7 Diosníy, qanmin enemigosniykumanta salvawarqayku.+
Qanmin kʼumuykachacherqanki, chejnikuwayku chay enemigosniykuta.
9 Qantajrí saqerpariwayku, kʼumuykachachiwaykutaj,
nitaj noqaykuwan khuska guerraman rinkichu.
10 Enemigosniyku qhatiykuwasqaykutapis qhawallanki.+
Chejnikuwayku chay enemigosniykoqa tukuy ima munasqankuta qhechuwayku.
11 Qanmin enemigosniykuman jaywaykuwayku, ovejasta jina wañuchinawaykupaj.
Qanmin waj nacionesman ayqerachiwayku.+
12 Nacionniykitaqa baratollapi venderparinki,+
nitaj imatapis ganankichu vendesqaykimanta.
13 Waj nacionespa ñaupaqenkupi pʼenqaypi rikhurichiwayku.
Muyuyniykupi tiyakojkunaqa burlakuwayku, asipayawaykutaj.
14 Qanqa nacionespa asikunankuman tukuchiwayku.+
Runasqa umankuta khiwirispa asipayawayku.
15 Noqaqa diantinta kʼumu kʼumulla purini.
Pʼenqaypi rikhurispa uyayta ni mayman churayta atinichu.
16 Ajina kashani chay jinata burlakuwaspa tukuy imata niwasqankurayku,
enemigoyku noqaykumanta vengakusqanrayku.
17 Chay tukuy imas qhatirishawajtiykupis noqaykoqa mana qanta qonqaykuchu,
tratoykitapis valechiyku.+
18 Sonqoykoqa mana qanmanta karunchakunchu.
Noqaykoqa mana ñanniykimanta wistʼuykapuykuchu.
19 Qantajrí, maypichus kʼita alqos tantakunku chaypi enemigosniyku atipanawaykuta qhawallanki,
sinchʼi llakiypitaj rikhurichiwayku.
20 Sichus Diosninchejpa sutinta qonqasunman,
sitajchus makisninchejta oqharispa waj diosmanta mañakusunman chayqa,
21 ¿nichu chaytaqa Dios reparanqa?
Payqa allinta yachan imachus runaj sonqonpi kasqanta.+
23 Jehová Diosníy, rijchʼariy ari, ¿imajtintaj puñushankiri?+
Rijchʼariy ari, ama wiñaypajqa wijchʼuwaykuchu.+
24 ¿Imajtintaj uyaykita pakaykuwaykuri?
¿Imajtintaj llakisqa kashajtiyku, kʼumuykachachisqa kashajtiykupis qhawallawaykuri?
25 Pampapi wijchʼusqa kashayku,
pampaman ñitʼisqa kashayku.+
26 Diosníy, sayarispa yanapawayku ari.+
Munakuwasqaykurayku salvawayku ari.+
Takichejpaj. Kaytaqa takina “Lirio tʼikas” nisqa tonoman jina. Corejpa wawasninpa takiynin.+ Maskil.* Munakuymanta takiy.
45 Sonqoyqa qhallallarishan sumaj willaykunawan.
Noqaqa uj reymanta+ takirisaj.
Qalloyqa sumajta copiayta yachajpa*+ lapiznin jina+ kachun.
2 Reyníy, runaspa wawasninmantaqa qanmin aswan alajito* kanki.
Simiykimantaqa miskʼi parlaykuna llojsimun.+
Chayrayku Diosqa wiñaypaj bendecisunki.+
3 Atiyniyoj reyníy,+ espadaykita+ chumpiykiman sumajta japʼiykuchiy, caderayki chayman,
allinpaj qhawasqa kaywan, jatun kaywantaj pʼachallikuy.+
4 Jatun kayniykipi atipanaykipaj ñaupajman rillaypuni.+
Caballoykipi montasqa maqanakuy kʼumuykukoj sonqoyoj runasrayku, cheqa kajrayku, justiciarayku.+
Paña makiykitaj tʼukuna imasta ruwanqa.
5 Flechasniykeqa may filo puntasniyoj, tukuy laya* runastataj ñaupaqeykiman urmarachishan.+
Flechasqa reypa enemigosninpa sonqosninkuman satʼirakushan.+
6 Diosmin kamachinaykipaj atiyta qosonqa* wiñaypaj wiñaynintinpaj.+
Gobiernoykej kamachina varanqa justiciata ruwanapaj varamin.+
7 Cheqan kajta munakorqanki,+ sajra kajtataj chejnikorqanki.+
Chayrayku Diosqa, Diosniykeqa aceitewan jichʼaspa ajllasorqa,+ waj reykunamanta nisqataj qanman aswan kusiyta qosorqa.+
8 Ropaykeqa ima munayta qʼaparishan mirra mirralla,* áloe aloella,* canela canelalla.*
Marfilwan kʼachanchasqa sumaj kamachina wasipi tocasqankuta uyarispa kusirikunki.
9 Reyespa warmi wawasnenqa, respetasqa warmiswan khuska kashanku.
Reinapis paña ladoykiman tiyaykun, Ofirmanta+ qoriwan sumaj kʼachanchasqa.
10 Uyariway warmi wawáy, allinta uyariway, tukuy sonqo uyariway.
Tataykej familianta qonqay, llajtaykitapis qonqay.
11 Kʼachita kasqaykiwanqa reypa sonqonta suwanki.
Paymin señorniykeqa,
chayrayku paypa ñaupaqenpi kʼumuykukuy.
12 Tiro nacionqa* jamuspa regalosta apamusonqa.
Aswan qhapaj runaspis allin ñawiwan qhawanaykita mañakusonqanku.
13 Kamachina wasipi* reypa warmi wawanqa sumaj kʼachanchasqa kashan.
Ropanqa qoriwan kʼachanchasqa kashan.
14 Paytaqa reypaman pusaykonqanku, sumaj bordasqa ropayojta.
Qhepanta jamoj doncellastapis reypa ñaupaqenman pusallanqankutaj.
15 Paykunataqa sumaj kusisqasta pusamonqanku,
reypa kamachina wasinmanqa may kusisqas yaykonqanku.
16 Reyníy, wawasniykitaqa tukuy jallpʼantinta kamachinankupaj churanki.
Paykunaqa ñaupa tatasniykej cuentankumanta yaykonqanku.+
17 Noqaqa sutiykita rejsichisaj tukuy qhepa wawasman.+
Chaywanqa tukuy laya runas jatunchasonqanku wiñaypaj wiñaynintinpaj.
Takichejpaj. Corejpa wawasninpa takiynin.+ Alamot* tonoman jina. Takiy.
46 Diosqa pakakunanchej, kallpanchejtaj.+
Llakiypi kaspaqa paywan yanapachikullasunman.+
2 Chayrayku jallpʼa kuyurejtinpis,
mar qocha ukhuman orqos chinkaykojtinkupis mana manchachikusunchu.+
3 Mar qocha mancharinata sonarejtinpis, mayta phosoqeyarejtinpis+ mana manchachikusunchu.
Sinchʼita qhollchoqeyaspa orqosta kuyurichejtinpis manapuni manchachikusunchu. (Sélah).*
4 Uj mayu tiyan, chay mayutaj ashkha juchʼuy mayusman partikun, chaykunataj Diospa llajtanpi+ tiyakojkunata kusichin.
Chay llajtaqa Aswan Patapi kaj Diospa santo llajtan, may kʼachitu yupaychana toldontaj.
5 Diosqa llajtan chaupipi kashan,+ llajtantaqa mana thuñiyta atinkumanchu.
Diosqa sutʼiyamuyta llajtanta yanapaj jamonqa.+
6 Nacionesqa chʼajwasharqanku, gobiernospis wijchʼusqas karqanku.
Dios jatunmanta parlasqantawan jallpʼaqa unuyaporqa.+
7 Jehová Diosqa angelespa kamachejnin, paymin noqanchejwan kashan.+
Jacobpa Diosnin pakakunanchejqa. (Sélah).
8 Jamuspa rikuychej Jehová Diospa ruwasqasninta,
qhawariychej ima tʼukunastachus kay jallpʼapi ruwasqanta.
9 Diosqa jallpʼantinpi guerrasta tukuchin.+
Diosqa flechana arcosta* pʼakiran, tʼojsina lanzastapis tʼunata ruwan,
soldadospa carretasninkutapis ninawan ruphaykuchin.
10 Payqa nin: “Amaña contraypi kaychejchu. Yachaychej noqa Dios kasqayta.
11 Jehová Diosqa angelespa kamachejnin, paymin noqanchejwan kashan.+
Jacobpa Diosnin pakakunanchejqa.+ (Sélah).
Takichejpaj. Corejpa wawasninpa takiynin.+
47 Tukuy llajtas tʼajllarikuychej,
Diosta jatunchaychej, kusisqastaj qhapariychej.
2 Aswan Patapi kaj Jehová Diosqa manchay tʼukunapuni.+
Paymin jallpʼantinpi jatun Rey.+
3 Diosqa llajtasta makinchejman churan.
Payqa nacionesta chakinchej uraman churan.+
4 Diosqa herenciata ajllapuwanchej.+
Jacobqa chay herencianmanta kusikun. Diosqa Jacobta munakun.+ (Sélah).*
5 Diosqa kamachina tiyananman wicharin, runas kusisqa qhaparishajtinku.
Jehová Diosqa putututa waqachishajtinku wicharin.
6 Alabanzasta takiychej, Diospaj alabanzasta takiychej.
Alabanzasta takiychej, Reyninchejpaj alabanzasta takiychej.
7 Diosmin Reyqa tukuy jallpʼantinpi.+
Alabanzasta takiychej, yachayniyojtaj kaychej.
8 Kunanqa Diosmin nacionespa Reynenqa.+
Diosmin santo kamachina tiyananpi tiyaykun.
9 Nacionesta kamachejkunaqa tantaykukunku
Abrahanpa Diosninpa nacionninwan.
Jallpʼapi kamachejkunaqa Diospata kanku.
Diosqa may jatunchasqa kashan.+
Takiy. Corejpa wawasninpa takiynin.+
48 Jehová Diosqa may jatun, paylla jatunchanapaj jina
Diosninchejpa llajtanpi, santo orqon patapi.
Sion orqoqa kʼachitu, jatuntaj, tukuy jallpʼantinpaj may kusiy.+
3 Chay llajtaj sumaj ruwasqa torresninpi Diosqa rejsichikun
sumaj pakakuna kasqanta.+
4 Reyesqa tantaykukorqanku.*
Paykunaqa khuska jamorqanku.
5 Paykunaqa llajtata rikuspa tʼukorqanku.
Ni imanakuyta atispa allin mancharisqa ayqekorqanku.
6 Chay kikinpi manchariywan kharkatiterqanku.
Paykunaqa nanaywan nacechikoj warmi jina qhaparikorqanku.
7 Inti llojsimuy ladomanta phukumoj wayrawan Tarsis barcosta phirinki.
8 Uyarisqanchejtaqa kunan rikunchej
Jehová Diospa llajtanpi, Diosninchejpa llajtanpi. Paymin angelesta kamachejqa.
Diosqa llajtanta allinta sayachenqa wiñaypaj.+ (Sélah).*
9 Diosníy, temployki ukhupi kashajtiykoqa
mayta munakuwasqaykupi tʼukuriyku.+
10 Diosníy, imaynatachus sutiykita jallpʼantinpi rejsinku,
ajinallatataj jallpʼantinpi jatunchasonqanku.+
Atiyniykiwanqa cheqan kajtapuni ruwanki.+
12 Sionta muyuriychej, muyuyninta purimuychej.
Torresninta yupaychej.+
13 Allinta qhawariychej sumaj ruwasqa perqasninta.+
Qhawarimuychej sumaj ruwasqa torresninta,
jamoj wawasman willarinaykichejpaj.
14 Kay Diosmin Diosninchejqa+ wiñaypaj wiñaynintinpaj.
Paymin pusaykachawasun wiñaypaj wiñaynintinpaj.*+
Takichejpaj. Corejpa wawasninpa takiynin.+
49 Tukuy llajtas kayta uyariychej.
Mundontinpi tukuy tiyakojkuna allinta uyariychej.
2 Tukuy laya runas,*
wajchapis qhapajpis, tukuyniykichej uyariychej.
3 Noqaqa yachaywan parlasaj.
Yachakonqataj sonqoypi allin yachaywan yuyaychakusqayta.+
4 Sumaj yachaywan nisqasta* allinta uyarisaj.
Arpata tocaspataj mana entiendey atinasta sutʼinchasaj.
5 Enemigosniy sajra imasta ruwaspa urmachiyta munawajtinkoqa,
ni imarayku manchachikusajchu chay llakiypi kaytaqa.+
7 Paykunaqa ni mayqenninku uj runallatapis salvayta atinkumanchu.
Nitaj ni imatapis Diosman pagayta atinkumanchu uj runaj kausayninraykoqa.+
8 Chay runasqa qhapaj kaspapis, kausayninkuta salvanankupaj ni imankuwan pagayta atinkumanchu,
kausayninkoqa may chhika valen.
9 Paykunaqa ni imata pagayta atinkumanchu uj runa mana wañuspa wiñaypaj kausananpajqa.+
10 Paykunaqa yachanku yachayniyoj runaspis wañusqankuta.
11 Paykunaqa munanku wasisninku wiñaypaj kananta.
Paykunaqa munanku chay tiyakusqanku wasis wiñaypaj wiñaynintinpaj kananta.
Jallpʼasninkumanpis sutisninkuta churanku.
12 Jinapis runasqa allinpaj qhawasqa kaspapis wañunku,+
animalesmantaqa mana aswan sumajchu kanku, animales jinallataj wañunku.+
13 Mana yuyayniyojkunaqa kay ñanta japʼirinku,+
paykuna parte kajkunapis, pikunachus qhasi manakaj parlasqankuta japʼikunku chaykuna. (Sélah).*
14 Chay runasqa ovejas jina wañuchisqa kanqanku, chantá Sepulturaman* chayanqanku.
Wañoyqa chay runasta ovejasta jina michenqa.
Sutʼiyamojtenqa cheqan runas paykunata kamachenqanku.+
Paykunaqa chinkasqata chinkaponqanku.+
Sumaj wasisninkupi tiyakunankumantaqa, Sepulturalla*+ wasinku kanqa.+
15 Noqatataj Dios kacharichiwanqa Sepulturaj* makinmanta.+
Paymin chaymanta orqhowanqa. (Sélah).
16 Ama llakikuychu uj runa qhapajyajtenqa,
wasintapis aswan sumajman tukuchejtenqa.
17 Wañuspaqa ni imata apanqachu.+
Ni kapuynintapis apanqachu.+
18 Kausashaspaqa mayta kusikun qhapaj kasqanmanta.+
Runasqa qhapajyajkunata alabankupuni.+
19 Jinapis chay runaqa ñaupa tatasnin jina wañullanqataj.
Paykunaqa niña ujtawan kʼanchayta rikonqankuñachu.
20 Chayta mana entiendej runasqa allinpaj qhawasqa kaspapis,+
animalesmantaqa mana aswan sumajchu kanku, animales jinallataj wañunku.
Asafpa takiynin.+
50 Tukuy dioskunamanta aswan patapi kaj Jehová Diosqa+ parlan.
Diosqa jallpʼantinmanta tukuy runasta wajyachin,
inti llojsimuy ladomantapacha, inti chinkaykuy ladokama tukuy tiyakojkunata.
2 Diosqa may jina kʼachitu Sion llajtamantapacha+ lliphipirimun.
3 Diosninchejqa jamonqa, manataj chʼinllachu kanqa.+
Paypa ñaupaqenpi ninaqa sinchʼita laurarishan.+
Muyuyninpitaj wayrawan wayrawan loco para jichʼarikushan.+
5 “Tantamuychej noqata kasuwajkunata,
pikunachus uywa wañuchisqata jaywawaspa noqawan tratota ruwanku chaykunata”,+ nispa.
6 Cieloqa Diospa justicianta willan.
7 “Israel nacionníy, uyariway, noqa parlasaj.
Israel, qanpa contraykita parlasaj.+
Noqamin Dios kani, Diosniyki kani.+
8 Mana uywa wañuchisqasta jaywawasqaykimantachu kʼamishayki,
nitaj qʼolachina* ofrendasta mana faltayta ñaupaqeyman churasqaykimantachu.+
9 ¿Imapajtaj waka kanchaykimanta* uj torollaykitapis apaymanri?
¿Imapajtaj kanchasniykimanta chivosniykitapis apaymanri?+
10 Tukuynin monte animalesqa noqajta kanku.+
Tukuynin orqosmanta animalespis noqajllatataj kanku.
11 Orqospi kaj tukuynin pʼisqosta rejsini.+
Mana yupay atina kʼita animalesqa noqajta kanku.
12 Yarqhachikuyman chayqa, mana willaykimanchu,
jallpʼaqa noqajta, jallpʼapi tukuy ima kajpis noqajllatataj.+
13 ¿Mikhujchu kasqani toro aychataqa?
¿Tomajchu kasqani cabra yawartaqa?+
14 Diosman graciasta qoy, chayqa uywa qʼolachisqa jaywanayki jina kanqa.+
Aswan Patapi kaj Diosman imatachus ruwasaj nisqaykitapis juntʼay.+
16 Sajra runatataj Diosqa nenqa:
“¿Ima nispataj kamachisqasniyta willarankiri?+
¿Ima nispataj tratoymanta parlankiri?+
18 Suwata rikuspaqa allinpaj qhawanki,+
qhenchaswantaj allinta kausakunki.
19 Simiykeqa sajra imasta parlananpaj churasqa.
Simiykeqa llullakuyman yachasqa.+
21 Chay imasta ruwashajtiyki, noqaqa qhawallarqayki.
Qantaj yuyarqanki qan jina yuyasqayta.
Kunanqa kʼamisqayki,
juchasniykitapis uyaykipi sutʼita nisqayki.+
22 Chay nisqaypi tʼukuriychej ari, qankuna Diosta qonqajkuna.+
Pajtataj mitharaykichejman,* nitaj pipis jarkʼakusonqachejchu.
23 Agradecekuwaj runaqa jatunchawan, uywa qʼolachisqa jaywanatapis qoshawanman jina.+
Cheqan kausayniyoj runataqa
noqa salvasaj”,+ nispa.
Takichejpaj. Davidpa takiynin. Profeta* Natanqa mana manchachikuspa Davidta reparacherqa Bat-Sebawan juchallikusqanta.+ Chayrayku Davidqa kay takiyta qhelqarqa.
51 Diosníy, munakuwasqaykirayku khuyarikuway ari.+
Jatun khuyakuyniykirayku juchasniyta pichaway ari.+
2 Pantasqayta mayllaway ari.+
Juchayta llimphuchaway ari.+
3 Allinta yachani mana kasukusqayta.
Chay juchaytaqa mana qonqayta atinichu.+
4 Diosníy, qanpa contraykita juchallikorqani.+
Imatachus mana allinpajchu qhawanki, chaytapuni ruwarqani.+
Chayrayku kʼamiwaspaqa maychus kajllata kʼamishawanki.+
Juchayoj kasqayta nispaqa kajllata parlashanki.
5 Noqaqa juchayoj nacekorqani.
Mamaypa wijsanpi rikhurisqaymantapacha juchasapa kani.+
6 Diosníy, mayta kusikunki llimphu sonqoyoj runata rikuspa.+
Yanapariway sonqoy yachayniyoj kananpaj.
7 Hisopo qhorawan juchaymanta llimphuchaway ari, chaywanqa llimphu kasaj.+
Mayllaway ari, chaywanqa ritʼimantapis aswan yuraj kasaj.+
8 Diosníy, ujtawan kusisqa kayta munani.
Chaywanqa kay jinata ñakʼarichiwajtiykipis kusisqa kasaj.*+
9 Juchasniyta perdonaway ari.+
Tukuy pantasqasniytapis perdonaway ari.+
10 Diosníy, llimphu sonqota qoway.*+
Allin sonqota qoway,+ kasukoj sonqota.
11 Ama ari ñaupaqeykimanta wijchʼuwaychu.
Amapuni espíritu santoykitaqa qhechuwaychu ari.
12 Diosníy, imaynatachus salvawajtiyki kusisqa kani, ajina kusiyta watejmanta qoway ari.+
Sonqoyta aysay tukuy sonqo kasukusunaypaj.
13 Diosníy, juchasapasman ñanniykita rejsichisaj,+
ajinamanta paykunaqa qanman kutirikamonqanku.
14 Diosníy, qanllamin salvawanki.+ Perdonaway ari runata wañuchisqaymanta.+
Chaywanqa justiciaykita kusisqa willamusaj.+
15 Jehová Diosníy, parlajta saqellaway ari,
qanta jatunchasunaypaj.+
16 Diosníy, qanqa mana ima jaywanatapis munankichu, munawajchus chayqa, noqaqa jaywaykimanña karqa.+
Manallataj qʼolachina* ofrendatapis munankichu.+
17 Astawanpis Diosqa uj nanasqa sonqota jaywanata munan.
Diosníy, qanqa mana wijchʼuyta yachankichu sonqon pʼakisqa, sonqon nanasqa runataqa.+
18 Diosníy, kʼacha kasqaykirayku Sion llajtapaj allin kajta ruwapuy ari.
Jerusalén llajtaj perqasninta watejmanta ruwachiy ari.
19 Chaypacha Diosníy qanqa kusikunki cheqan kausayniyoj runas jaywanasta qosusqankumanta,
jinallataj qʼolachisqa jaywanasta jaywasusqankumantapis, uywasta qʼolachispa jaywasusqankumantapis.
Chaypachamin altarniyki patapi torosta qʼolachenqanku.+
Takichejpaj. Maskil.* Davidpa takiynin. Edomita Doegqa Saulman willaykamorqa Ahimelecpa wasinman David risqanta.+
52 Qanrí kallpasapa, ¿imaraykutaj runaykachanki mana allinta ruwasqaykimanta?+
¿Nichu reparanki Diospa munakuynin mana tukukuyniyoj kasqanta?+
2 Qalluykeqa filo cuchillo jina.*+
Runata chʼaukiyanaykipajqa* sumajta yuyaychakunki, llullakunkitaj.+
3 Allin kajta ruwanaykimantaqa, sajra kajta ruwayllamanta wañurinki.
Maychus kajta parlanaykimantaqa, llullakunaykipaj churasqa kanki. (Sélah).*
4 Simiykeqa llullakunanpaj churasqa.
Parlasqaykiwan runaspa sonqonta nanachinki. Chaypajqa churasqa kanki.
5 Chayrayku Diosqa ujllata pampacharpasonqa.+
Ujllata japʼispa toldo wasiykimanta* orqhosonqa.+
Kay jallpʼamanta tʼirasonqa.+ (Sélah).
Kay runaqa atienekun sajra imasta yuyaychakusqan allin rinanpi”, nispa.
8 Noqarí Diospa wasinpi olivo sachʼa jina qhallallarisaj.
Noqaqa atienekuni Dios wiñaypaj wiñaynintinpaj munakunawanpi.+
9 Wiñaypaj wiñaynintinpaj jatunchasqayki yanapawasqaykirayku.+
Ruwasqayki sumaj kasqanrayku
sutiyki may atiyniyoj kasqanpi atienekusaj,+ qanta kasukojkunaj rikunankuta.
Takichejpaj. Mahalat* tonoman jina. Maskil.* Davidpa takiynin.
53 Mana yuyayniyoj runasqa* sonqonkupi ninku:
“Mana Jehová Diosqa kanchu”,+ nispa.
Paykunaqa mana allin imasllata ruwanku, millay imasllata ruwanku.
Ni pipis allin kajtaqa ruwanchu.+
2 Diostajrí cielomantapacha runasta qhawamushan,+
uj yachayniyoj runallatapis rikunanpaj, Jehová Diosta maskʼaj uj runallatapis rikunanpaj.+
3 Tukuyninku sajra ñanta japʼirinku.
Tukuyninku sajra imasllata ruwanku.
Ni pipis allin kajtaqa ruwanchu,
nipuni ujllapis.+
4 ¿Nichu ujnillankupis chay sajra runasmantaqa entiendenku?*
Paykunaqa llajta masisniyta mana khuyarispa ñakʼarichinku.*
Jehová Diosmanpis mana qhaparikunkuchu.+
5 Chay sajra runasqa sinchʼitapuni mancharikonqanku.
Paykunaqa ni jaykʼaj chay jinataqa mancharikorqankurajchu.
Israel, contraykita maqanakojkunaj tullusninkuta Diosqa tukuy ladoman wijchʼuranqa.
Qanmin paykunataqa pʼenqaypi rikhurichinki, Jehová Dios paykunata chejnisqanrayku.
6 Israelpa salvacionnenqa Sionmanta chayamuchun.+
Jehová Dios presochasqa llajtanta kacharichispa pusakanpojtin,
Jacobqa mayta kusikuchun, chaypacha Israelqa mayta kusikuchun.
Takichejpaj. Kay takiytaqa cuerdasniyoj tocanasta waqachispa takina. Maskil.* Davidpa takiynin. Maypachachus zifeosqa Saulman willaykamorqanku: “Davidqa jallpʼasniykupi pakakushan”, nispa chaypacha.+
54 Diosníy, sutiykirayku salvaway ari.+
Atiyniykiwan jarkʼakuway ari.+
2 Diosníy, mañakusqayta uyarillaway ari.+
Parlasusqayta uyarillaway ari.
3 Enemigosneyqa contrayta oqharikunku.
Mana sonqoyoj runas wañuchiwayta munanku.*+
Chay runasqa mana Diosta valechinkuchu.+ (Sélah).*
4 Diosmin noqataqa yanapawan.+
Noqaman kutisqa kajkunatapis Jehová Dios yanapashan.
5 Diosqa enemigosniypa millay sajra ruwasqasninkuta paykunallamantaj kutiykuchenqa.+
Diosníy, nisqaykiman jina paykunata tukuchiy.+
6 Diosníy, tukuy sonqo uywa wañuchisqasta jaywasqayki.+
Jehová Diosníy, sutiykita jatunchasaj chay ruwasqayki sumaj kasqanrayku.+
7 Diosmin ima llakiypi kashajtiypis librawan.+
Noqaqa kikin ñawisniywan rikusaj enemigosniy urmasqankuta.+
Takichejpaj. Kay takiytaqa cuerdasniyoj tocanasta waqachispa takina. Maskil.* Davidpa takiynin.
55 Diosníy, mañakusqayta uyariway ari.+
Khuyarikunawaykita mañakusqaytaqa, ama mana uyarejmanqa tukuychu ari.*+
2 Diosníy, uyarillaway ari, yanaparillaway ari.+
Llakiywanqa ni imanakuyta atishanichu.+
Phutisqa kashani.
3 Enemigosneyqa ñakʼarichinawankuta nishanku.
Sajra runasqa mana khuyarispa ñakʼarichishawanku.
Paykunaqa sinchʼitapuni ñakʼarichishawanku.
Manchay phiñasqas noqapaj kashanku, maytapuni chejnikuwanku.+
4 Sonqoy nanawan.+
Wañuyta manchachikuni.+
5 Manchariytaj kharkatiytaj japʼiwan.
Kharkatishallaniña.
6 Kutin kutita nini: “Paloma jinallapis lijrasniyoj* kayman.
Maymanpis phawapuyman manaña llakikunaypaj.
7 Karuman phawapuyman.+
Chʼinnejpi tiyakamuyman.+ (Sélah).*
8 Sinchʼi wayramanta, sinchʼi paramantawan karuman phawapuyman.
Usqhay usqhayta phawapuyman pakakamunaypaj”, nispa.
9 Jehová Diosníy, chay sajra runaspa umankuta muyuchiy,+ yuyaychakusqankutapis pantachiy.*
Llajta ukhupeqa chʼajwasta, maqanakusta rikuni.
10 Chaytaqa tuta pʼunchay llajtaj perqa patasninpi rikuni.
Llajta ukhupeqa sajra ruwaykunalla tiyan, llakiy kausaylla tiyan.+
11 Chay llajta ukhupeqa ñakʼariylla tiyan.
Plazanpeqa runasta chʼaukiyashanku,* ñakʼarichishankutaj.+
12 Mana enemigoychu burlakuwan.+
Enemigoychus burlakuwanman chayqa, aguantakullayman.
Mana chejnikuwaj runachu contrayta oqharikushan.
Chejnikuwaj runachus contrayta oqharikunman chayqa, paymanta pakakuyman.
13 Qanqa amigoy kashaspa contrayta oqharikushanki, qanwan noqawan kikinkamalla kanchejpis.+
Qanqa amigoy kanki, sumajta rejsiyki.+
14 Qanwan noqawanqa sumajta kausakoj kanchej.
Diospa wasinmanpis ashkha runaswan khuska yaykurej kanchej.
15 Enemigosneyqa tukuchisqa kachunku.+
Sepulturapi* kausashaj pʼampasqa kachunku.
Paykunaqa sajra imasllata yuyaychakunku, sonqonkupeqa sajra imaslla tiyan.
16 Noqarí Diosman qhaparikusaj.
Jehová Diosmin salvawanqa.+
17 Chʼisiyayta, tutamanta, jinallataj chaupi pʼunchaytapis llakiywanqa ni imanakuyta atinichu, waqashallaniña.+
Diostajrí mañakusqayta uyarimuwan.+
18 Diosqa kacharichiwanqa contrayta maqanakojkunamanta.
Paylla kacharichiwanqa chay chhika enemigosniymanta.+
19 Diosqa kamachina tiyananpi unaymantapachaña tiyasqa kashan.+ (Sélah).
Paymin qhaparikusqayta uyarenqa, enemigosniypa contrantataj sayaykonqa.+
Chay runastaj Diosta mana manchachikusqankurayku+
mana cambiayta munanqankuchu.
20 Amigoyqa amigosninpa contrallantataj maqanakoj sayaykorqa.+
Ni trato ruwasqaykutapis valecherqachu.+
21 Parlasqasnenqa mantequillamanta aswan llampʼu,+
sonqonpirí maqanakuyllata yuyaychakun.
Parlasqasnenqa aceitemanta aswan lluskʼaman rijchʼakojtinpis,
filochasqa espadas jina kanku.+
22 Tukuy llakiyniykita Jehová Diosman saqepuy.*+
Paytaj sayachisonqa.+
Payqa ni jaykʼaj saqenqachu cheqan runa urmananta.*+
23 Qantajrí Diosníy, chay sajra runastaqa sepulturaman chayachinki.+
Chay runasqa runa wañuchis kanku, llullastaj. Paykunaqa jóvenes wañonqanku.+
Noqarí Diosníy, qanpi atienekusaj.
Takichejpaj. “May karupi chʼinlla kakoj paloma” nisqa tonoman jina takinapaj. Davidpa takiynin. Miktam.* Maypachachus filisteosqa Davidta Gatpi japʼerqanku chaypacha.+
56 Diosníy, runasqa contrayta oqharikunku. Khuyarikuway ari.
Sapa día noqawan maqanakushanku, sapa día ñakʼarichishawanku.
2 Enemigosneyqa sapa día noqawan tinkunku.
Ashkha runasqa atipanawankuta yuyaspa wapu wapulla noqawan maqanakushanku.
3 Manchachikuspaqa,+ qanpi atienekuni Diosníy.+
4 Diospi atienekuni. Diosta jatunchani imatachus ruwananta nisqanrayku.
Diospi atienekuni, mana manchachikunichu.
¿Imanawanqataj runari?+
5 Enemigosneyqa sapa día ñakʼarichishawanku.
Paykunaqa ñakʼarichinallawankupaj yuyaychakunku.+
6 Enemigosneyqa saltaykamunawankupaj pakayllamanta wateqamuwanku.+
Paykunaqa wañuchiwayta munaspa,
ñawillankupi purichiwanku.+
7 Sajra kayninkuman jina paykunaman pagapuy.
Diosníy, kʼajaj phiñakuyniykipi nacionesta castigay.+
8 Diosníy, qanmin yachanki enemigosniymanta ayqekuspa maykunaspichus purisqayta.+
Diosníy, waqasqaytaqa sapa sutʼuyta* botellaykipi* waqaychay ari.+
Diosníy, yachani tukuy ñakʼarisqayta libroykipi qhelqasqaykita.+
9 Yanapata mañakusqaytawan enemigosneyqa ayqenqanku.+
Kaytaqa allinta yachani: Dios noqaman sayasqa kashan.+
10 Diospi atienekuni. Diosta jatunchani imatachus ruwananta nisqanrayku.
Jehová Diospi atienekuni. Diosta jatunchani imatachus ruwananta nisqanrayku.
11 Diospi atienekuni, mana manchachikunichu.+
¿Imanawanqataj runari?+
12 Diosníy, imatachus ruwasaj nisusqayta juntʼasaj.+
Agradecekuspa uywa wañuchisqasta jaywasqayki.+
13 Qanmin wañuymanta salvawanki.+
Takichejpaj. Kaytaqa takina “Ama chinkarparichiwaychu” nisqa tonoman jina. Davidpa takiynin. Miktam.* Maypachachus Davidqa Saulmanta ayqekuspa cuevapi pakaykukorqa chaypacha.+
57 Diosníy, khuyarikuway ari, khuyarikullaway ari.
Noqaqa qanpi pakakuni.+
Tukuy problemasniy tukukunankama lijrasniyki* urapi pakakuni.+
2 Aswan Patapi kaj Diosman qhaparikuni.
Diosmin* chay tukuy problemasniymanta librawan.
3 Diosqa cielomantapacha yanapamuwaspa salvawanqa.+
Diosmin pantachenqa mithayta* munawajkunata. (Sélah).*
Diosqa ajinata yanapawanqa munakuwasqanrayku, cheqan Diostaj kasqanrayku.+
4 Leones muyuykuwanku.+
Sajra runas chaupipi puñuni, paykunaqa runa mikhu leones jina kanku.
Kirusninkoqa tʼojsina lanzas jina kanku, flechas jinapuni kanku.
Qallunkupis sumaj filochasqa espada jina.+
5 Diosníy, may jina jatunchus kasqaykita cielopi rikuchiy,
tukuy jallpʼantin jatun kayniykita rikuchunku.+
6 Enemigosneyqa trampata churawanku chakisniymanta japʼinawankupaj.+
Noqataj sinchʼi phutisqa kashani.+
Paykunaqa ñanniypi uj juskʼuta allanku.
Chay juskʼumanqa paykunallataj chinkaykunku.+ (Sélah).
7 Diosníy, sonqoyqa qanllapaj.+
Sonqoyqa qanllapaj.
Alabanzasta takispa jatunchasqayki.
8 Sonqóy, rijchʼariy.
Cuerdasniyoj tocana, rijchʼariy. Qanpis arpa, rijchʼariy.
Noqapis tutamanta rijchʼarisaj.+
9 Jehová Diosníy, runaspa ñaupaqenkupi jatunchasqayki.+
Nacionespa ñaupaqenkupi alabanzasta takipusqayki.+
10 Munakuyniykeqa may jina jatun, cielokamapuni chayan.+
Cheqan kayniykipis phuyuskama chayan.
11 Diosníy, may jina jatunchus kasqaykita cielopi rikuchiy,
tukuy jallpʼantin jatun kayniykita rikuchunku.+
Takichejpaj. Kaytaqa takina “Ama chinkarparichiwaychu” nisqa tonoman jina. Davidpa takiynin. Miktam.*
58 ¿Chʼinlla kashaspa atiwajchejchu justiciamanta parlayta?+
¿Runaslla kashaspa atiwajchejchu justiciawan juzgayta?+
2 Mana atiwajchejchu. Qankunaqa sajra imasllata sonqoykichejpi wakichikunkichej.+
Chayrayku runas ukhupeqa sajra imasllata ruwankichej.+
3 Sajra runasqa nacekusqankumantapacha sajra ñanta japʼirinku.
Paykunaqa nacekusqankumantapacha mana allin ñanta japʼirinku, llullastaj kanku.
4 Parlasqankupis katarej venenon jina.+
Paykunaqa mana uyarejman tukunku, ninrisninkuta wiskʼaykoj kataris jina.*
5 Chay katarisqa layqa* runaspa parlasqankuta mana uyariyta munallankuchu,
allinta layqayta yachajtinkupis.
6 Diosníy, chay leonespa kirusninkuta muchharay.
Jehová Diosníy, quijadasninkuta pʼakiray.
7 Paykunaqa chinkachunku urayta ripoj yaku jina.
Diosqa flechana arconta* matʼichun, paykunata flechaspataj urmarachichun.
8 Purisqanpi chʼakipoj* chʼuru jina* kachunku.
Sullusqa wawa jina ni jaykʼaj intita rikuchunkuchu.
9 Khishkarara chʼajra* lauraspa niraj mankaykita qʼoñichishajtin,
Diosqa sinchʼi wayrawan chay khishkarara chʼajrata apachenqa, chʼakipis qʼomerpis kachun.+
10 Cheqan runasqa kusikonqanku Dios vengakusqanta rikuspa.+
Chakisninkoqa sajra runaspa yawarninkupi chʼaranchakonqa.*+
11 Chaypacha runasqa nenqanku: “Cheqan runapajqa bendición kanpuni.+
Diosqa kanpuni, paymin kay mundota juzgan”,+ nispa.
Takichejpaj. Kaytaqa takina “Ama chinkarparichiwaychu” nisqa tonoman jina. Davidpa takiynin. Miktam.* Maypachachus Saulqa Davidta wañuchiyta munaspa, runasta kacharqa Davidpa wasinta wateqamunankupaj chaypacha.+
59 Diosníy, salvaway ari enemigosniymanta.+
Jarkʼaway ari contraypi oqharikojkunamanta.+
2 Libraway ari sajra imasta ruwajkunamanta.
Salvaway ari runa wañuchismanta.
3 Paykunaqa japʼinawankupaj wateqashawanku.+
Jehová Diosníy, noqaqa mana juchallikorqanichu, nitaj pejpa contrantapis oqharikorqanichu,
chay kallpasapa runastaj waykhaykuwanku.+
4 Ni ima sajrata ruwashajtiypis, paykunaqa usqhayllata wakichikunku phawaykamunawankupaj.
Diosníy, yanapata mañakuspa qhaparikamushayki, yanapariway ari. Qhawarimuy ari imastachus ruwawasqankuta.
5 Jehová Diosníy, qanmin kanki angelespa kamachejnin, qanmin kanki Israelpa Diosnenqa.+
Diosníy, sayarikuspa qhawarimuy imastachus naciones ruwashasqankuta.
Ama khuyaychu chay wasanchajkuna sajra runastaqa.+ (Sélah).*
6 Chay runasqa sapa día chʼisiyaykuyta kutimunku japʼiwayta munaspa.+
Alqos jina phiñakuspa*+ llajtata muyuykachanku.+
7 Siminkumanta millay parlaykuna llojsimun.
Parlasqankoqa tʼojsikoj espada jina nanachikun.+
Paykunaqa ninku: “Ni pi yachanqachu kay nisqanchejtaqa”,+ nispa.
8 Qantajrí Jehová Diosníy, paykunamanta asikunki.+
Tukuy nacionesmanta asikunki.+
9 Diosníy, qanmin kallpay kanki, qanllapi suyakusaj.+
Diosníy, qanmin pakakunay kanki.+
10 Diosqa mayta munakuwan, paymin yanapawaj jamonqa.+
Diospa yanapayninwanqa enemigosniy urmasqankuta rikusaj.+
11 Diosníy, amaraj paykunata wañuchiychu, ajinamanta llajta masisniy yuyarikunankupaj.
Enemigosniytaqa atiyniykiwan kayman jaqayman puriykachachiy.
Jehová Diosníy, paykunata urmachiy ari, qanmin jarkʼakunayku escudo kanki.+
12 Chay runasqa siminkuwan juchallikunku,
runata maldecinku, llullakunkutaj.
Chayrayku chay runasqa jatunchakusqankupi urmachunku.+
13 Chay runastaqa phiñakuyniykipi tukuchiy.+
Paykunata tukuchiy chinkasqata chinkanankupaj.
Sutʼinta paykunaman rejsichiy Jacobtaqa Dios kamachishasqanta, jinallataj jallpʼantintapis kʼuchusninkama.+ (Sélah).
14 Chʼisiyaykuyta kutimuchunku.
Alqos jina phiñakuspa* llajtata muyuykachachunku.+
15 Mikhunata maskʼaspa kayman jaqayman purichunku.+
Ama saqeychu sajsanankuta, amallataj uj lugartapis tarichunkuchu puñunankupaj.
16 Noqatajrí, takirisaj may kallpayoj kasqaykimanta.+
Tutamanta kusisqa willasaj munakuyniykimanta.
Qanmin pakakunay kanki.+
Llakiypi kajtiy qanman ayqekamuyta atini.+
17 Diosníy, qanmin kallpay kanki, alabanzasta takipusqayki.+
Diosmin pakakunayqa, Diosqa mayta munakuwan.+
Takichejpaj. Kaytaqa takina “Yuyarinapaj lirio tʼika” nisqa tonoman jina. Miktam.* Davidpa takiynin. Yachachinapaj. Maypachachus Davidqa Aram-Naharaim llajtawan, jinallataj Aram-Zobá llajtawan maqanakusharqa, chaypacha Joabqa kutimuspa 12.000 edomitasta wañuracherqa Kachi mayu chaypi.+
60 Diosníy, qanmin saqerpariwayku, qanmin sarurawayku.+
Noqaykupaj phiñasqa kashanki. Diosníy, watejmanta japʼikapuwayku ari.
2 Jallpʼata kharkatichispa lajrarpachinki.
Diosníy, chay lajrasqasninta llutʼaykuy ari, phirikunanpajña kashan.
3 Diosníy, chay jinata nacionniykita ñakʼarichinki.
Vinota ujyaykuchiwayku machasqa jina chankaykachanaykupaj.*+
4 Qanta manchachikojkunapaj uj señalta churapuwayku,
chayman ayqekuspa flechaswan mana japʼichikunaykupaj. (Sélah).*
5 Ajinamanta munasqa wawasniykeqa kacharichisqa kasqayku.*
Diosníy, kallpaykiwan salvawayku, uyarillawayku ari.+
6 Diosqa santo kayninpi* nin:
“Sichemtaqa* herenciata jina kusisqa qopusaj.+
Sucot mayutapis* midispa qopusaj.+
7 Galaadqa noqajta, Manasespis noqajllatataj.+
Efrainqa umaypaj casco jina.
Judataj kamachina tojnuy jina.+
8 Moabqa mayllakunay chʼillami jinalla.+
Edommanqa jukʼutaywan* choqaykusaj.+
Filisteata atipaykusaj, kusisqataj qhaparisaj”,+ nispa.
9 Diosníy, ¿pitaj pusawanqa soldadoswan muyurisqa llajtata atipanaypajri?*
¿Pitaj Edomkama pusawanqari?+
10 Qanlla pusawaykuman Diosníy, kunantajrí qanllataj saqerpariwayku.
Manaña soldadosniykuwanpis maqanakuman rishankichu.+
11 Diosníy, llakiypi kashayku, yanapariwayku ari.
Runasqa mana salvayta atiwaykumanchu.+
12 Dioslla kallpata qowasun.+
Paymin enemigosninchejta saruranqa.+
Takichejpaj. Kay takiytaqa cuerdasniyoj tocanasta waqachispa takina. Davidpa takiynin.
61 Diosníy, uyarillaway ari, yanapata mañakuspa qhaparikamuyki.
Uyarillaway ari mañakususqayta.+
2 Ni imanakuyta atispa
jallpʼaj kʼuchusninmantapacha qhaparikamusqayki.+
Jatun chhanka patapi sayachiway.+
3 Qanmin pakakunayqa kanki.
Enemigoymanta pakakunaypaj sumaj torre jina kanki.+
5 Diosníy, qanmin uyarinki imastachus ruwasaj nisqayta.
Qanmin qowanki herenciata, sutiykita jatunchajkunaman qoyta yachanki chayta.+
6 Reytaqa astawan kausachinki.+
Payqa ashkha watasta kausanqa.
7 Payqa Diospa ñaupaqenpi wiñaypaj tiyakonqa.+
Payta munakusqaykirayku, paymanta ni jaykʼaj qonqapusqaykirayku yanapariy.+
8 Sutiykita jatunchaspa wiñaypaj takisaj.+
Imatachus ruwasaj nisqaytapis sapa día juntʼasaj.+
Takichejpaj. Kaytaqa takina Jedutún* nisqa tonoman jina. Davidpa takiynin.
62 Noqaqa chʼinlla suyakushani Dios libranawanta,
pay salvawanqa.+
2 Paymin pakakunay chhankaqa, paymin pakakunayqa, pay salvawanqa.+
Ni jaykʼaj chankaykachachiwaspa* urmachiwanqankuchu.+
3 ¿Maykʼajkamataj runata qhatiykachankichej wañuchiyta munaspari?+
Qankunaqa tukuyniykichej runaspa patanman urmaykushaj perqa jina kankichej. Urmaykushaj rumi perqa jina kankichej.
4 Paykunapura yachachinakunku chay runata kʼumuykachachinankupaj.
Llullakuspapuni kusisqa kanku.
Siminkuwan bendecinku, sonqonkupitaj maldecinku.+ (Sélah).*
5 Noqaqa chʼinlla suyakushani Dios libranawanta,+
imaraykuchus tukuy ima suyakusqayqa paymanta jamun.+
6 Paymin pakakunay chhankaqa, paymin pakakunayqa, pay salvawanqa.
Ni jaykʼaj urmachiwanqankuchu.+
7 Diosmanta kashan salvasqa kanayqa, respetasqa kanaypis.
Diosmin pakakunaypaj sumaj chhankaqa, paymin pakakunayqa.+
8 Llajta masis, Diospipuni tukuy tiempo atienekuychej.
Sonqoykichejpi kaj imasta Diosman willakuychej.+
Diosmin pakakunanchejqa.+ (Sélah).
9 Runasqa uj samay jinalla kanku.
Runasqa mana atienekuna kanku.+
Tukuyninkuta pesasunman chayqa, wayramantapis aswan pisiraj pesankuman.+
10 Ama yuyaychejchu runata engañaspa allillan kanaykichejtaqa.
Ama yuyaychejchu suwakuspa allinta kausanaykichejtaqa.
Qhapajyaspaqa ama chay kapuyniykichej piensarisqalla kaychejchu.+
11 Iskay kutita Diosta uyarini nisqanta:
“Ateyqa Diospata”,+ nispa.
12 Jehová Diosníy, qanmin allinta ruwashanki.+
Qanmin sapa ujman qonki ruwasqasninkuman jina.+
Davidpa takiynin, Judaj chʼin jallpʼasninpi kashajtin.+
63 Diosníy, qanmin Diosniy kanki. Qanta maskʼashayki.+
Yakumanta jina qanmanta chʼakisqa kashani.+
Qanmanta chʼakisqa kasqayrayku desmayapushaniña.
Wañushaniña kay tʼajra pampapi, kay mana yakuyoj chʼaki jallpʼapi.+
2 Ajinata qanmanta wañurej kani santo lugarniykipeqa,
kallpaykita, jatun kayniykitawan rikuspa.+
4 Tukuy kausayniypi jatunchasqayki.
Sutiykita oqharispa qanmanta mañakusaj.
5 Sonqo juntʼasqa kani aswan allinninta, aswan sumajninta japʼisqaymanta.
Chayrayku jatun kusiywan takirispa yupaychasqayki.+
6 Camaypi sirisqa* kashaspa qanmanta yuyarikuni,
tutasnin qanpi tʼukurini.+
7 Qanmin yanapawayta yachanki.+
Lijrasniyki* urapeqa kusisqa takirikuni.+
8 Qanman kʼaskasqa kani.
Qanmin paña makiykiwan sumajta japʼiwanki.+
9 Wañuchiwayta munajkunatajrí,
wañuyman chayanqanku.
10 Espadawan wañuchisqa kanqanku.
Ayasninkutaqa* atojkuna mikhukaponqanku.
11 Reytajrí imastachus Dios paypaj ruwapunanmanta kusikonqa.
Diospa sutinpi jurajkunaqa kusikonqanku.
Llulleriosta parlajkunarí chʼinyachisqas kanqanku.
Takichejpaj. Davidpa takiynin.
64 Diosníy, rogakuspa mañakusqayta uyarillaway.+
Yanapariway mana enemigosniyta manchachikunaypaj.
2 Jarkʼakuway chay sajra runasmanta, paykunaqa pakayllapi manakaj imasta contrayta wakichinku.+
Jarkʼakuway ari, sajrata ruwajkunamanta.
3 Qallunkutaqa espadata jina filoyachinku.
Sonqota nanachej parlayninkutaqa flechasta jina wakiykuchinku.
4 Mana juchayoj runamantaj pakayllamanta kachaykunku,
ujllata mana manchachikuspa kachaykunku.
5 Sajra kajta ruwanankupajqa purajmanta yanapanakunku.
Allinta yachachinakunku chay wakichisqanku trampasta pakanankupaj.
Paykunaqa ninku: “Ni pi rikonqachu”,+ nispa.
6 Paykunaqa yuyaychakunku waj jinasmantañataj sajra kajta ruwanankupaj.
Pakayllapi wakichikunku sajra kajta ruwanankupaj, mana ni piman willaspa.+
Sonqonkupi imachus kasqanqa mana yachay atina.
7 Diostajrí paykunaman flechaswan kachaykonqa,+
flechasqa ujllata paykunaman satʼirakonqa.
8 Chay runaspa yachachinakusqankoqa, paykunallatataj tukuchenqa.+
Chayta rikojkunaqa paykunapaj kʼarajta rimaspa umankuta khiwirenqanku.
9 Chaypacha tukuy runas manchachikonqanku,
parlanqankutaj Diospa ruwasqasninmanta,
allintataj reparanqanku imatachus Dios ruwasqanta.+
10 Cheqan runaqa Jehová Diospa ruwasqasninmanta kusikonqa, paypitaj pakakonqa.+
Cheqan sonqoyoj runasqa tukuyninku kusikonqanku.
Takichejpaj. Davidpa takiynin. Takiy.
65 Diosníy, Sion orqopi+ jatunchasqa kanki.
Imatachus qanpaj ruwasaj nisqaykuta ruwasqayku.*+
2 Diosníy, qanmin runaspa mañakusqankuta uyarinki, qanman tukuy laya* runas jamonqanku.+
3 Pantasqasneyqa may chhika kanku, manaña noqapichu kani.+
Jinapis Diosníy, qanmin juchasniykuta perdonayta yachanki.+
5 Qanmin mañakusqaykuta uyarispa justiciaman jina tʼukuna imasta ruwanki.+
Diosníy, qanmin salvawayku.
Jallpʼantinmanta tukuy runas qanpi atienekunku,+
mar qocha patapi aswan karupi kajkunapis.
6 Atiyniykiwan orqosta allinta sayacherqanki.
May jina atiyniyoj kanki.+
7 Qanmin mar qochata tiyaykuchinki qhollchoqeyashajtin.+
Qanmin yakuta tiyaykuchinki oqharikuspa qhollchoqeyashajtin, nacionestapis chʼinyachinki chʼajwashajtinku.+
8 Karu lugarespi tiyakojkunapis tʼukonqanku chay ruwasqasniykimanta.+
Chay ruwasqasniykirayku inti llojsimuynejmanta inti yaykuynejkama tukuy tiyakojkunaqa kusiywan qhaparenqanku.
9 Qanmin jallpʼata sumajta cuidanki.
Sumaj jallpʼaman tukuchinki, sumajta poqochinki.+
Qanmin mayusmanpis yakuta juntʼachinki.
Runas mikhunankupajpis qanmin poqochinki.+
Ajinata jallpʼataqa poqonanpaj ruwarqanki.
10 Qanqa surkʼasta joqʼochanki, llankʼasqa jallpʼatapis pampachanki.
Jallpʼataqa parawan llampʼuyachinki. Chay jallpʼataqa bendecinki sumajta poqonanpaj.+
11 Watantinta allin imasta qowayku.
Purinki chay ñankunaqa allin imaswan juntʼa kashan.+
12 Chʼin jallpʼaspi pastoqa qʼomeryarishan.+
Lomaspis may kʼachituta tʼikarishan.+
13 Pasto pampaspi uywasqa juntʼa karishan.
Ura pampaspipis trigoqa pampasta chinkaykurishan.+
Ajinata tukuy jallpʼantin kusisqa karishan, takirishanmanpis jina.+
Takichejpaj. Takiy. Salmo.
66 Jallpʼapi tukuy tiyakojkuna, Diosta jatunchaspa kusiywan qhapariychej.+
2 Diospa sumaj sutinta jatunchaspa takiychej.
Payta jatunchaychej, payta yupaychaychej.+
3 Diosta niychej: “Ruwasqasniykeqa manchay tʼukunapajpuni.+
May atiyniyoj kasqaykirayku
enemigosniykeqa ñaupaqeykipi kharkatenqanku.+
4 Jallpʼapi tukuy tiyakojkuna ñaupaqeykipi kʼumuykukonqanku.+
Alabanzasta takipusonqanku.
Sutiykita jatunchaspa takenqanku”, nispa.+ (Sélah).*
5 Jamuspa rikuychej Diospa ruwasqasninta.
Imastachus runaspaj ruwapusqanqa manchay tʼukunapuni.+
6 Mar qochata chʼaki pampaman tukucherqa.+
Llajta masisninchejqa purispa mayuta pasarqanku.+
Chaypi noqanchejqa kusikorqanchej tʼukuna imasta noqanchejrayku ruwasqanmanta.+
7 Diosqa atiyninwan wiñaypaj kamachenqa.+
Payqa nacionesta allinta qhawamushan.+
Kʼullukojkunaqa* ama jatunchakuchunkuchu.+ (Sélah).
8 Llajtas, Diosninchejta jatunchaychej.+
Tukuy uyarichunku payta jatunchasqaykichejta.
9 Paymin kausachiwanchej.+
Payqa mana urmajta saqewanchejchu.+
10 Diosníy, qanmin allinta qhawarimuwayku.+
Qanmin chʼuwachawayku, imaynatachus qolqe metalta chʼuwachanku ajinata.
11 Qanmin chʼipaykiwan japʼiykuwayku.
Qanmin llakiykunata manchay llasa qʼepita jina qʼepirichiwayku.
12 Runas sarunawaykuta saqerqanki.
Nina chaupinta, yaku chaupinta pasarqayku.
Chantá qanmin sumaj lugarman pusawarqayku samarikunaykupaj.
13 Diosníy, wasiykiman yaykusaj qʼolachina* ofrendas aparisqa.+
Imatachus ruwasaj nisusqaytaqa juntʼasaj.+
14 Imatachus parlarqani chaytaqa ruwasaj,+
imatachus llakiypi kashaspa parlarqani chayta.
15 Sumaj wira uywasta qʼolachipusqayki,
carnerosta* qʼolachispa qʼoshñichipusqayki.
Torostawan chivostawan jaywasqayki. (Sélah).
16 Qankuna, Diosta manchachikojkuna jamuspa uyariwaychej,
willasqaykichej imatachus Dios noqapaj ruwasqanta.+
17 Diosman qhaparikorqani,
jatuncharqanitaj.
18 Sichus sonqoypi sajra imas kanman karqa chayqa,
Jehová Diosqa mana uyariwanmanchu karqa.+
19 Diosqa uyariwarqa.+
Payqa mañakusqayta sumajta uyariwarqa.+
20 Jatunchasqa kachun Diosqa. Paymin mañakusqayta uyariwarqa.
Payqa munakuwarqapuni.
Takichejpaj. Kay takiytaqa cuerdasniyoj tocanasta waqachispa takina. Salmo. Takiy.
67 Diosmin khuyakuwasun, bendeciwasuntaj.
Paymin noqanchejwan kʼacha kanqa.*+ (Sélah).*
2 Chaywanqa Diosníy, jallpʼantinpi ñanniykita rejsenqanku,+
salvawasqaykutaqa tukuy naciones yachanqanku.+
3 Diosníy, llajtas jatunchasuchunku.
Tukuy llajtas jatunchasuchunku.
4 Nacionesqa kusikuchunku, kusiywantaj qhaparichunku.+
Qanmin llajtasta maychus kajta juzganki.+
Qanmin jallpʼantinmanta nacionesta pusaykachanki. (Sélah).
5 Diosníy, llajtas jatunchasuchunku.
Tukuy llajtas jatunchasuchunku.
6 Jallpʼaqa poqonqa.+
Dios bendeciwasun, Diosninchej bendeciwasun.+
7 Diosmin bendeciwasun,
jallpʼantinmanta runastaj Diosta yupaychanqanku.+
Takichejpaj. Davidpa takiynin. Salmo. Takiy.
68 Dios sayarikusqantawan, enemigosnenqa ayqekonqanku.
Payta chejnikojkunapis paypa ñaupaqenmanta ayqenqanku.+
2 Diosníy, qʼoshñita jina paykunata chinkarparichiy.
Imaynatachus abeja panalqa ninapi unuyapun,
ajinallatataj sajra runasqa Diospa ñaupaqenpi wañuchunku.+
3 Cheqan runastajrí kusikuchunku.+
Diospa ñaupaqenpi allin kusisqa kachunku,
jatun kusiywan kusikuchunku.
4 Diospaj takiychej. Sutinta jatunchaspa takiychej.+
Chʼaki pampasta* montasqa pasashan chaypaj takipuychej.
Paypa sutenqa Jehová,*+ kusikuychej paypa ñaupaqenpi.
6 Diosqa sapanku kajkunaman wasita qon tiyakunankupaj.+
Presostapis kacharichispa allin kausayman chayachin,+
7 Diosníy, nacionniykita pusashajtiyki,+
chʼin pampasta pasashajtiyki (Sélah)*
8 jallpʼaqa kuyurerqa.+
Cielomantaqa para jichʼakamorqa Dios chaypi kasqanrayku.
Sinaí orqopis kharkatiterqa, Israelpa Diosnin chaypi kasqanrayku.+
9 Diosníy, qanmin sumajta parachimunki.
Qanmin saykʼusqa kamachisniykita mayta kallpachanki.
10 Paykunaqa jaraykipi tiyakorqanku.+
Diosníy, kʼacha kasqaykirayku wajchastaqa yanaparerqanki.
11 Jehová Diosqa ujta kamachin.
Sumaj willaykunata willaj warmisqa may chhika soldados jina kanku.+
12 Ejercitospa reyesninkoqa ayqekunku,+ tukuyninku ayqenku.
Wasipi qhepakoj warmisqa japʼillankutaj qosasninku guerrapi saqueamusqankuta.+
13 Ninata japʼichikuspa qʼarapampearqankichej chaypis,
qankunaqa uj palomata japʼinkichej, qolqe metal lijrasniyojta,*
oro puro phurusniyojta.
14 Maypachachus Tukuy Atiyniyoj Diosqa jallpʼamanta reyesta tukuy ladoman ayqeracherqa+
chaypacha Zalmonpi ritʼerqa.*
15 Basán+ orqoqa Diospa orqonmin.
Basán orqoqa ashkha puntasniyoj.
16 Puntasniyoj orqos, ¿imajtintaj envidiakunkichej
Dios tiyakunanpaj ajllakun chay orqomantari?+
Chaypi Jehová Diosqa wiñaypaj tiyakonqa.+
17 Diospata guerrapaj carretasnenqa chunka waranqas kanku, waranqa waranqas.+
Jehová Diosqa Sinaí orqomanta santo lugarman jamun.+
18 Diosníy, pataman wicharerqanki.+
Presosta apakaporqanki.
Runasta apakaporqanki regalosta jina.+
Jehová* Diosníy, kʼullukojkunatapis apallarqankitaj+ paykunawan khuska tiyakunaykipaj.
19 Jehová Diosqa jatunchasqa kachun. Paymin llakiyninchejta sapa día apaysiwanchej uj llasa qʼepita jina.+
Diosmin* salvawanchej. (Sélah).
20 Diosninchejqa noqanchejta salvaj Diosmin.+
Tukuyta Kamachej Señorninchej Jehová Diosmin wañuymanta salvawanchej.+
21 Diosqa enemigosninpa umasninkuta pʼaltarparenqa,
pikunachus juchallapipuni purishanku chaykunaj umasninkuta pʼaltarparenqa.+
22 Jehová Diosqa ninña: “Paykunata Basanmanta kutichimusaj.+
Mar qocha ukhusmanta orqhomusaj,
23 yawarninkupi chʼallpaqeyanaykichejpaj,+
alqosniykichejpis chay yawarta llajwanankupaj”, nispa.
24 Diosníy, runasqa kamachisniykita rikunku kusisqa yaykumushajta.
Reyníy, ajinatamin kamachisniykeqa atipasqaykirayku yaykumunku santo lugarman.+
25 Takejkunaqa ñaupajta rishanku, cuerdasniyoj tocanasta waqachejkunataj qhepankuta rishanku.+
Chaupinkutataj sipaskuna rishanku panderetasta tocarispa.*+
26 Ashkha runas chaupipi Diosta jatunchaychej.
Jehová Diosta jatunchaychej. Israelta rikhuricherqa chay Diosmin* kausayta qosunkichej,+ payta jatunchaychej.
27 Sullkʼa kaj Benjamín aylloqa*+ atipashan.
Judá ayllumanta kuraj kamachejkunapis atipashallankutaj, paykunawan khuskataj ashkha runas chʼajwarispa atipashallankutaj.
Jinallataj Zabulón ayllumanta kuraj kamachejkuna, Neftalí ayllumanta kuraj kamachejkunapis atipashallankutaj.
28 Israel, Diosniykeqa kallpata qosunanta nin.
Diosníy, kallpaykita rikuchiy. Qanmin noqaykuta yanapawayku.+
30 Diosníy, kʼamiy caña hueca chaupispi kanku chay phiña animalesta.
Kʼamiy chay tropa torosta,+ torillosninkutawan,
ajinamanta llajtas qonqorikuspa kʼumuykukunankupaj, qolqe metaltapis apamunankupaj.
Diosqa guerrallata munajkunata chʼeqerachin.*
31 Egiptomanta bronce imasta orqhomonqanku.*+
Cus jallpʼamanta usqhay usqhayllata Diospaj regalosta apamonqanku.
32 Jallpʼamanta gobiernos, Diospaj takiychej.+
Jehová Diospaj alabanzasta takiychej. (Sélah).
33 Diospaj takiychej, payqa pasashan unayniyoj cielospa cielonta.+
Paypa parlasqanqa sinchʼita sonarin, karuman uyarikun.
34 Diosta jatunchaychej atiyniyoj kasqanrayku.+
Diosqa Israelta kamachishan.
Diosqa cielomantapacha atiyninta rikuchimun.
35 Diosqa manchay tʼukunatapuni santo wasinmanta jamun.+
Paymin Israelpa Diosnenqa.
Paymin llajtanman kallpata, atiytapis qon.+
Diosqa jatunchasqa kachun.
Takichejpaj. Kaytaqa takina “Lirio tʼikas” nisqa tonoman jina. Davidpa takiynin.
69 Salvaway Diosníy, yakupi augakushaniña.+
2 Tʼuru ukhuman chinkaykuni, chakiypis mana pampaman taripanchu.+
Yaku chaupiman chinkaykuni,
correshaj yakutaj apakapuwan.+
3 Mayta qhaparikusqaypi niña kallpaypis kanchu.+
Chʼajallaña kani.
Dios yanapanawanta suyakusqaypi ñawiypis niña ñawichu.+
Qhasillamanta enemigosniyman tukojkunaqa ashkhayaykunku,
wañuchiwaytataj munanku.
Noqaqa mana suwakorqanipischu paykunataj munajta mana munajta pagachiwanku.
5 Diosníy, qan allinta yachanki imayna wampuchus kasqayta.
Juchayqa mana qanmanta pakasqachu kashan.
6 Jehová Diosníy, Tukuyta Kamachej Señor, angelespa kamachejnin,
qanpi atienekojkunaqa ama pʼenqaypi rikhurichunkuchu noqaraykoqa.
Israelpa Diosnin,
qanta maskʼasojkunaqa ama kʼumuykachachisqa kachunkuchu noqaraykoqa.
7 Noqaqa qanrayku kʼumuykachachisqa kani.+
Anchataña kʼumuykachachiwanku.+
8 Hermanosneyqa mana rejsisqata jina qhawawanku.
Kikin hermanosniy forasterota jinalla qhawawanku.+
9 Wasiykita sinchʼita munakusqayqa, nina jina sonqoypi laurarishan.+
Chejnisojkunaqa qanpaj sajrata parlanku, chaytaj noqaman chayawan.+
10 Sonqoyta nanachikuspa ayunarqani,*
chaymantapis burlakuwarqanku.
11 Qhashqa ropata churakorqani,
paykunataj burlakuwarqanku.
12 Llajta punkupi tiyarajkunaj parlakunanku kani.
Machasqaspa takipayananku kani.
13 Jehová Diosníy, mañakususqayqa qankama chayamuchun
maychus khuyakunawayki tiempopi.+
Diosníy, mayta munakuwasqaykirayku uyarimuway,
qanllamin salvaj Diosqa kanki.+
14 Diosníy, kay tʼurumanta orqhoway.
Ama chinkaykojta saqewaychu.
Chejniwajkunamanta libraway.
Ukhu yakusmantapis orqhoway.+
15 Ama saqeychu chay chhika correshaj yakus apakapunawankuta.+
Ama saqeychu yaku ukhuman chinkaykunayta.
Ama saqeychu ukhu pozo* oqoykunawanta.+
16 Jehová Diosníy, munakuwasqaykirayku uyarimuway.+
Jatun khuyakuyniykirayku qhawarimuway.+
17 Ama kamachiykimantaqa uyaykita pakaychu.+
Llakiypi kashani, usqhayllata uyarimuway ari.+
18 Qayllaykamuway Diosníy, salvaway.
Enemigosniymanta libraway.
19 Qan yachanki pʼenqaypi rikhurisqayta, kʼumuykachachisqa kasqayta, sarurawasqankutapis.+
Qan rikushanki tukuy enemigosniyta.
20 Chay jinata ruwawasqankurayku sonqoyqa sinchʼita nanawan, chay sinchʼi nanayniytaj mana sanoyanchu.*
Khuyakunawankuta munarqani, nitaj pipis khuyakuwarqachu.+
Sonqochanawankuta munarqani, nitaj pipis sonqochawarqachu.+
21 Mikhunata qonawankumantaqa venenota qowarqanku.+
Chʼakiwajtintaj vinagreta qowarqanku.+
22 Sumaj mikhunankoqa paykunapaj trampa kachun.
Qhapaj kasqankupis paykunapaj lazo jina kachun.+
23 Ñawisninku laqhayachun manaña rikunankupaj.
Chakisninkuta* mana kallpayojman tukuchiy.
24 Paykunata castigay.
Sinchʼi rabiaykeqa paykunata taripachun.+
25 Campamentonkoqa* chʼinpacha qhepakuchun.
Toldo wasisninkupeqa* ni pi tiyakuchunchu.+
26 Paykunaqa pitachus jasutʼerqanki chay runata qhatiykachanku.
Pikunatachus nanaykucherqanki chay runaspa llakiyninku parlarisqa kanku.
27 Paykunataqa juchankurayku mana khuyarispa castigay.
Ama paykunataqa cheqan runasta jina qhawaychu.
28 Sutisninkuta kausay libromanta chinkachiy.+
Ama sutisninkoqa cheqan runaspa sutisninkuwan khuska rikhurichunchu.+
29 Noqaqa llakisqa kashani, manchay nanaywantaj.+
Salvaway Diosníy, jarkʼakuway.
30 Diospa sutinta jatunchaspa takisaj.
Graciasta qospa Diosta jatunchasaj.
31 Chaymin Jehová Diospa sonqonta astawan juntʼanqa torota jaywanamanta nisqaqa.
Chaymin Diospa sonqonta astawan juntʼanqa sumajnin torillota* jaywanamanta nisqaqa.+
32 Llampʼu sonqo runasqa Dios kʼacha kasqanta rikuspa kusikonqanku.
Diosta maskʼajkuna, sonqoykichejqa tʼikarichun.
33 Jehová Diosqa wajchaspa qhaparikusqankuta uyarishan.+
Presochasqa kamachisnintaqa mana saqerpayanqachu.+
34 Cielopis jallpʼapis Diosta jatunchachunku.+
Mar qochaspis chaypi tukuy ima kajpis Diosta jatunchachunku.
35 Diosqa Sionta salvanqa,+
Judapi kaj llajtastapis watejmanta sayarichenqa.
Kamachisnenqa chaypi tiyakonqanku, chay jallpʼataj paykunajta kanqa.
36 Chay jallpʼataqa kamachisninpa wawasnin herenciata jina japʼenqanku.+
Chay jallpʼapeqa Diospa sutinta munakojkuna+ tiyakonqanku.
Takichejpaj. Davidpa takiynin. Kay takeyqa runas yuyarikunankupaj.*
70 Diosníy, salvaway ari.
Jehová Diosníy, usqhayllata jamuspa yanapariway ari.+
2 Wañuchiwayta munajkunaqa*
pʼenqaypi rikhurichunku, kʼumuykachachisqataj kachunku.
Llakiypi kasqaymanta kusikojkunaqa,
kʼumuykachachisqa kaspa ayqechunku.
3 Asipayawajkunaqa
pʼenqaypi rikhurispa ayqechunku.
4 Qanta maskʼasojkunatajrí,
mayta kusikuchunku tʼukuna imasta paykunapaj ruwasqaykimanta.+
Salvanaykita mayta munajkunaqa nichunku:
“Dios jatunchasqa kachun”, nispa.
5 Noqaqa mana piniyoj wajcha kani.+
Diosníy, usqhayllata jamuspa yanapariway ari.+
Diosníy, qanmin yanapawanki, qanmin salvawanki.+
Jehová Diosníy, usqhayllata jamuy ari.+
71 Jehová Diosníy, qanpi pakakuni.
Ni jaykʼaj pʼenqaypi rikhurisajchu.+
2 Cheqan Dios kasqaykirayku salvaway ari, libraway ari.
Kʼumuykakamuspa uyariway ari, salvaway ari.+
3 Diosníy, qaqa patapi sumaj jarkʼachasqa lugarniy kay,
chayman ima ratopis rinaypaj.
Pillatapis kachamuway salvanawanpaj.
Qanmin kanki pakakunay chhanka, qanmin kanki sumaj jarkʼachasqa lugarniy.+
4 Diosníy, libraway chay sajra runaspa makinkumanta.+
Kacharichiway chay mana sonqoyoj sajra runaspa makinkumanta.
5 Tukuyta Kamachej Señor Jehová Diosníy, qanpi atienekuni.
Joven kasqaymantapacha qanpi atienekuni.+
6 Nacekusqaymantapacha qannejta kausani.
Qanmin yanapawarqanki mamaypa wijsanmanta llojsimushajtiy.+
Chayrayku mana saykʼuspa yupaychayki.
7 Runasqa tʼukulla qhawawanku.
Qanqa kallpayoj kanki, noqaj pakakunaytaj.
8 Qanta jatunchasunaypaj simeyqa alabanzaswan juntʼa kashan.+
Tuta pʼunchay jatun kayniykimanta willaspa kani.
9 Viejoña kajtiypis ama wijchʼurpawaychu.+
Kallpay tukukojtinpis ama saqerpariwaychu.+
10 Enemigosneyqa contrayta parlashanku.
Wañuchiwayta munajkunapis yachachinakushanku.+
11 Nishankutaj: “Paytaqa Dios saqerparin.
Qhatiykuspa japʼimuna, ni pi salvanqachu”,+ nispa.
12 Diosníy, ama karullamanta qhawamuwaychu ari.
Diosníy, usqhayllata jamuspa yanapariway ari.+
13 Contrariosneyqa
pʼenqaypi rikhurichunku, wañuchunkutaj.+
Ñakʼarichiwayta munajkunaqa
pʼenqaypi rikhurichunku, kʼumuykachachisqataj kachunku.+
14 Noqarí qanpi suyakullasajpuni,
astawantaj yupaychasqayki.
15 Justiciaykimanta willarasaj.+
Salvanaykipaj imastachus ruwasqaykimanta tuta pʼunchay parlasaj,
16 Tukuyta Kamachej Señor Jehová Diosníy,
rispa willasaj imastachus jatun atiyniykiwan ruwasqaykita.
Justiciallaykimanta parlasaj.*
17 Diosníy, qanmin joven kasqaymantapacha yachachiwarqanki.+
Kunankamapis willashallanipuni tʼukuna imasta ruwasqaykimanta.+
18 Diosníy, viejoña kajtiypis, yuraj umaña kajtiypis ama wijchʼurpariwaychu.+
Chaywanqa qhepa wawasmanpis willarisaj atiyniykimanta,
tukuynin jamoj wawasman willarisaj kallpaykimanta.+
19 Diosníy, justiciaykeqa cielokamapuni chayan.+
Qanmin jatuchaj imasta ruwarqanki.
Diosníy, ni pipis qan jina waj Diosqa kanchu.+
20 Diosníy, llakiypi rikhurinayta, ñakʼarinaytapis saqellarqanki,+
ajinapis kunanqa kallpayman kutirichiway,
jallpʼaj ukhu ukhusninmanta orqhomuway.+
21 Yanapariway ari allinpaj qhawasqa kanaypaj.
Jarkʼakuway Diosníy, sonqochaway.
22 Qanmin atienekunapaj Dios kanki,+
chayrayku cuerdasniyoj tocanasta tocarispa jatunchasqayki.
Israelpa Santo Diosnin,
arpata waqachispa alabanzasta takiripusqayki.*
23 Salvawasqaykirayku+ takiykunata takiripusqayki.
May kusisqa qhaparispa takiripusqayki.+
24 Tuta pʼunchay justiciaykimanta willasaj.*+
Wañuchiyta munawajkunaqa pʼenqaypi rikhurenqanku, kʼumuykachachisqataj kanqanku.+
Salomonmanta.
72 Diosníy, reyman leyesniykita rejsichiy.
Reypa wawanmanpis justiciaykita rejsichiy.+
2 Diosníy, pay kamachisniykita justiciawan jarkʼakuchun.
Wajcha kamachisniykitapis justiciawan jarkʼakuchun.+
3 Orqosqa allin kausayta runaspaj apamuchunku.
Lomaspis justiciata apamuchunku.
7 Pay kamachishajtenqa cheqan runas tʼikarenqanku.+
Allin kausaytaj wiñaypaj kanqa,+ cielopi killa mana kanankama.
8 Pay kamachenqa ujnin mar qochamantapacha ujnin mar qochakama,
9 Chʼaki jallpʼaspi tiyakojkunaqa reypa ñaupaqenpi kʼumuykukonqanku.
Reyqa enemigosninta atipanqa.+
10 Tarsismanta reyes, yaku chaupipi churusmanta* reyespis regalosta apamonqanku.+
Sabamanta reyes, Sebamanta reyespis regalosta reyman jaywanqanku.+
11 Tukuy reyes paypa ñaupaqenman kʼumuykukonqanku.
Tukuy naciones payta sirvenqanku.
12 Pay pobresta salvanqa yanapata mañakuspa qhaparikojtinku.
Salvallanqataj wajchasta, mana piniyojkunatapis.
13 Payqa mana imayoj runasta, wajchastapis khuyanqa.
Paymin pobresta* salvanqa.
14 Paykunataqa ñakʼarichej runasmanta, sajra runasmantawan salvanqa.
Paykunaj kausayninkoqa* paypa qhawayninpi may valorniyoj kanqa.
15 Reyqa unayta kausachun. Paymanqa Sabamanta qorita qochunku.+
Runasqa mana saykʼuspa Diosmanta paypaj mañapuchunku,
tuta pʼunchay jatunchachunku.
16 Jallpʼapeqa ashkha trigo poqonqa.+
Orqo puntaspi trigoqa mana oqhariy atinata poqonqa.
Reypa chajrasnenqa maytapuni poqorenqa, Líbano monte sachʼas jinapuni.+
Llajtaspitaj runasqa may chhika kanqanku jallpʼantinmanta pasto jinapuni.+
Runasqa paynejta bendicionta japʼichunku.+
Tukuy nacionestaj kusisqa kasqanta nichunku.
18 Jehová Diosqa jatunchasqa kachun, paymin Israelpa Diosnin.+
Paylla tʼukuna imasta ruwan.+
19 Sumaj sutenqa wiñaypaj jatunchasqa kachun.+
Jatun kaynintaj jallpʼantinman juntʼaykuchun.+
Amén, amén.*
20 Kaypi tukukun Jesejpa wawan David Diosmanta mañakusqanqa.+
KINSA KAJ LIBRO
(Salmos 73–89)
Asafpa+ takiynin.
73 Diosqa allin imastapuni Israelpaj ruwapun, payqa kʼachapuni llimphu sonqoyojkunawan.+
2 Noqatajrí casipuni cheqan ñanmanta wistʼuykaporqani.
Yaqhapuni lluskʼarqani.+
3 Noqaqa rikorqani sajra runasta allinta kausakusqankuta.
Chayrayku chay jatunchakoj runasmanta* envidiakusharqani.+
4 Paykunaqa mana ima nanayniyoj wañunku,
paykunaqa mana onqonkuchu.+
5 Paykunajtaqa ni ima llakiyninkupis kanchu waj runaspata jinaqa.+
Paykunaqa mana sufrinkuchu waj runas jinaqa.+
6 Chayrayku paykunaqa manchayta runaykachanku, chaytaj collarninku jina.*+
Atiyninkuwan sajrata ruwasqankoqa ropanku jina.
7 Chay jina wira kasqankupi niña ñawinkupis yachakunñachu.
Tukuy ima tantasqankoqa sonqonkupi munasqankumantapis aswan ashkharaj.
8 Burlakuspa sajra imasta parlanku.+
Manchay wapu wapulla runasta manchaykuchinku.+
9 Parlaspaqa may maylla parlanku cielomantapis parlamushankuman jina.
Paykunaqa umata oqharispa jallpʼapi puriykachanku mayta parlaspa.
10 Diospa kamachisninpis* paykunaman sayasqa rikhurinku.
Paykunaqa chay runaspa ashkha yakunkumanta ujyanku.
11 Chay runastaj ninku: “¿Dios yachanmanchu á?+
¿Aswan Patapi kaj Diosqa yachanmanchu imachus kashasqanta?”, nispa.
12 Chaykunaqa sajra runas kanku, paykunapaj kausayqa fácil.+
Paykunaqa astawan astawan qhapajyashanku.+
13 Qhasillatasina noqaqa llimphu sonqoyoj kani.
Qhasilla mana juchayoj kani.*+
14 Ajinata tuta pʼunchay problemasneyqa kallajpuni.+
Sapa paqarin kʼamichikoj kani.+
15 Chaykunasmantachus parlayman karqa chayqa,
kamachisniykitachá wasanchayman karqa.
16 Chay imasta entiendeyta munarqani,
nitaj entienderqanichu.
17 Diospa santo wasinman yaykusparaj
allinta repararqani imasmanchus sajra runas chayasqankuta.
19 Ajinata paykunaqa ujllata chinkachisqa kanku,+
ujllata mancharinata tukuchisqa kanku.
20 Jehová Diosníy, imaynatachus rijchʼarispa mosqokusqaykuta qonqayku,
ajinallatataj paykunataqa rijchʼarispa qonqayman churay.
21 Sonqoyqa nanasqa kasharqa.+
Sonqoy ukhupi* nanayqa anchañapuni karqa.
22 Mana yuyayniyoj karqani, mana yachayniyojtaj.
Ñaupaqeykipeqa mana yuyayniyoj animal jinalla karqani.
23 Kunanqa Diosníy, mana kacharikuspa qanwan kashani.
Qanmin paña makiymanta japʼishawanki.+
25 Diosníy, qanllamin cielopi kapuwanki yanapanawaykipaj.
Qan noqawan kasqaykirayku mana imapis faltawanchu.+
26 Kallpay pisiyapojtinpis, yuyayniy chinkapojtinpis,
Diosqa sonqoyta waqaychan, paymin pakakunay chhanka, paymin herenciayqa wiñaypaj wiñaynintinpaj.+
27 Qanmanta karullapi kajkunaqa wañonqanku.
Qanmin kantumanta tukuchinki chay qhenchachakuspa saqerpasojkunata.+
28 Noqapajrí allinpuni Diosman qayllaykusqayqa,+
Tukuyta Kamachej Señor Jehová Diospi noqaqa pakakuni,
ajinamanta tukuy ruwasqasninta willaranaypaj.+
74 Diosníy, ¿imajtintaj wiñaypaj kay jinata saqerpariwaykuri?+
¿Imajtintaj chay jinata phiñakunki michishanki chay ovejitasniykipajri?+
2 Diosníy, kamachisniykimanta yuyarikuy. Paykunataqa unayña ajllakorqanki.+
Chay ayllutaqa* herenciayki kananpaj librarqanki.*+
Yuyarikuy maypichus tiyakorqanki chay Sion orqomanta.+
3 Qhawarimuy unaypaj thuñisqa lugarta.+
Enemigoykeqa santo lugarniykipi tukuy imata thuñiykun.+
4 Contraykipi kajkunaqa atipasqankurayku temployki ukhupi qhaparirinku.+
Paykunaqa chay ukhupi banderasninkuta señalta jina churaykunku.
5 Chay runasqa rijchʼakorqanku montepi kaj sachʼasta hachaswan pampachaj runasman.
6 Paykunaqa hachaswan barretaswan temploykej kʼachanchanasninta+ tʼunaykunku.
7 Paykunaqa temploykita ruphaykuchinku.+
Sutiykita jatunchan chay tiyakusqayki lugarta millayman tukuchinku, sarurankutaj.
8 Paykunapis wawasninkupis sonqonkupi ninku:
“Diosta yupaychana lugarestaqa nacionnintinpi ruphachina tiyan”, nispa.
9 Manaña ima señaltapis rikuykuchu, niña noqaykupaj ima señalpis kanchu.
Niña profetaspis kankuñachu.
Nitaj mayqenniykupis yachaykuchu maykʼajkamachus ajinallapuni kananta.
10 Diosníy, ¿maykʼajkamataj chay contraykipi kajkuna burlakusonqankuri?+
¿Wiñaypajchu enemigoykeqa sutiykita saronqa?+
11 ¿Imaraykutaj paña makiykiwan mana paykunata tukuchinkichuri?+
Makiykita oqharispa paykunata tukuchiy.*
12 Diosníy, qanmin unaymantapachaña Reyniy kanki.
Qanmin jallpʼantinpi kamachisniykita salvanki.+
13 Diosníy, qanmin kallpaykiwan mar yakusta qhollchoqeyacherqanki.+
Mar ukhusmanta may jatuchaj animalespa umasninkuta pʼaltarparerqanki.
14 Qanmin Leviatanpa* umanta* pʼaltarparerqanki.
Runasmantaj mikhukapunankupaj qorqanki, chʼaki jallpʼaspi tiyakojkunaman.
15 Qanmin yaku juturista, mayustapis rikhuricherqanki.+
Ashkha yakuyoj mayustapis chʼakirparicherqanki.+
16 Qanmin pʼunchayta jinallataj tutatapis rikhuricherqanki.
Kʼanchaytapis intitapis rikhuricherqanki.+
17 Qanmin jallpʼaman lindesta* churarqanki.+
Qʼoñi tiempotapis, chiri tiempotapis rikhuricherqanki.+
18 Jehová Diosníy, yuyarikuy chay enemigos chay jinata insultasusqankuta.
Chay jinata chay mana yuyayniyoj runasqa sutiykita sarurashanku.+
19 Ama ari jurkʼutitaykita millay phiña animalesman jaywaykuychu.
Ama jaykʼajpis qonqaychu sarurasqa kamachisniykita.
20 Yuyarikuy noqaykuwan tratota ruwasqaykita.
Jallpʼaj laqha kʼuchusninpeqa sajra runaslla sayanku.
21 Ama ari kʼumuykachachisqa runaqa sonqo pʼakisqa ripuchunchu.+
Wajchaspis, pobrespis sutiykita jatunchachunku.+
22 Diosníy, sayarikuspa qanpaj justiciata ruway.
Yuyarikuy chay wampu runas tuta pʼunchay burlakususqankuta.+
23 Ama qonqaychu contrariosniyki imastachus nishasqankuta.
Churanakusojkunaj chʼajwasqankoqa astawan astawan cieloman oqharikushan.
Takichejpaj. Kaytaqa takina “Ama chinkarparichiwaychu” nisqa tonoman jina. Asafpa+ takiynin. Takiy.
75 Gracias niyku Diosníy, gracias niyku.
Sutiykeqa qayllaykupi kashan,+
runaspis tʼukuna ruwasqasniykita willashanku.
2 Qan ninki: “Juzganaypaj uj tiempota churaytawanqa
uj rejllata juzgani.
3 Jallpʼapis chaypi tukuy tiyakojkunapis kharkatishajtinku,*
jallpʼaj machonesninta* sumaj sayasqata japʼerqani”, nispa. (Sélah).*
4 Noqaqa runaykachajkunata nini: “Ama runaykachaychejchu”, nispa.
Sajra runastapis nini: “Ama wapu wapulla puriychejchu kallpayoj kani nispaqa.
5 Ama manchay wapu wapulla puriychejchu kallpayoj kani nispaqa.
Ama may maylla parlaychejchu.
6 Jatunpaj qhawasqa kayqa
mana inti llojsimuynejmantachu jamun, nitaj inti yaykuynejmantachu jamun, nillataj sur ladomantachu* jamun.
7 Diosmin Juezqa.+
Payqa wakinta kʼumuykachachin, wakintataj jatunchan.+
8 Jehová Diosqa makinpi copata japʼishanña.+
Vinopis phosoqeyarishanña, qhoraswan sumaj chajrusqaña kashan.
Diosqa chayta jichʼaykamonqa.
Jallpʼapi tukuy sajra runastaj chayta qonchuntinta ujyaykonqanku”,+ nispa.
9 Noqatajrí, Diospa ruwasqasninta wiñaypaj willasaj.
Jacobpa Diosninpaj alabanzasta takirisaj.
10 Diosqa nin: “Sajra runasta mana kallpayojta rikhurichisaj.
Cheqan runastaj aswan kallpayoj kanqanku”, nispa.
Takichejpaj. Kay takiytaqa cuerdasniyoj tocanasta waqachispa takina. Asafpa+ takiynin. Takiy.
76 Diosqa Judapi sumaj rejsisqa.+
Diospa sutenqa Israelpi may rejsisqa.+
2 Chʼujllanqa Salempi+ kashan.
Wasenqa Sionpi kashan.+
3 Chaypi Diosqa laurarishaj flechasta pʼakerqa,
escudosta pʼakerqa, espasdasta pʼakerqa, maqanakunapaj armastapis.+ (Sélah).*
4 Diosníy, kʼancharispa mayta lliphipirinki.
Monte animalesniyoj jatuchaj orqosmantapis aswan jatunraj kanki.
5 Wapu runasqa tukuy imankuta qhechuchikunku.+
Maqanakojkunaqa niña imatapis ruwayta atinkuchu.+
Tukuyninku wañunku.
6 Diosníy, Jacobpa Diosnin, kʼamisqaykirayku
carretata apaj runaqa caballonwan khuska wañurpan.+
7 Diosníy, qanllamin manchay tʼukuna kanki.+
Sinchʼi phiñasqa kashajtiyki, ¿pitaj ñaupaqeykipi sayayta atinmanri?+
8 Diosníy, qanmin cielomantapacha juzgamorqanki.+
Runasqa mancharikuspa chʼinlla karqanku,+
9 Dios juzgananpaj sayarikusqanrayku,
tukuy llampʼu sonqo runasta salvananpaj sayarikusqanrayku.+ (Sélah).
10 Runas phiñakuspa imatapis ruwajtinkoqa jatunchasqa kanallaykipaj kanqa.+
Rabiakuspa imatawanpis ruwajtinkoqa jatunchasqa kanallaykipajtaj kanqa.
11 Jehová Diosman niychej imatachus paypaj ruwapunaykichejta, juntʼaychejtaj.+
Muyuyninpi kajkunaqa tukuy sonqo paypaj regalosta apamuchunku.+
12 Diosqa kurajkunata kʼumuykachachenqa runaykachasqankurayku.
Payqa jallpʼamanta reyesta manchaykuchenqa.
Takichejpaj. Kaytaqa takina Jedutún* nisqa tonoman jina. Asafpa+ takiynin. Salmo.
77 Diosman jatunmanta qhaparikusaj.
Diosman qhaparikusaj, paytaj uyarimuwanqa.+
2 Llakiy pʼunchaypi kaspa Jehová Diosta maskʼani.+
Tutanqa mana saykʼuyta makisniyta Diosman oqharini.
Nitaj sonqochakuyta atinichu.
3 Diospa ruwasqasninta yuyarikuspaqa, khuyarikunawanta munani.+
Llakisqa kasqaypi niña kallpaypis kanchu.+ (Sélah).*
4 Diosníy, ni ñawiytapis chʼirmiykojta saqewankichu.
Llakisqa kasqaypi niña parlaytapis atinichu.
5 Unay tiemposta yuyarikuni.+
Ñaupa watasta yuyarikuni.
6 Chʼisisnenqa takisqaymanta yuyarikuni.+
Sonqoy ukhupi tʼukurini.+
Sonqoypi sumajta piensarikuni.
7 ¿Wiñaypajchu Jehová Diosqa qonqawasun?+
¿Manañachu ujtawan khuyakuwasun?+
8 ¿Niñapunichu munakuwasun?
¿Ruwasaj nisqantaqa niñachu jaykʼajpis juntʼanqa?
9 ¿Qonqanchu Diosqa khuyakuyta?+
¿Phiñasqa kaspachu manaña khuyakuwanchej? (Sélah).
10 ¿Nillasajpunichu: “Kaymá llakichiwanqa:+
Aswan Patapi kaj Diosqa manaña yanapawanchejchu”, nispa?
11 Jehová* Diospa ruwasqasninta yuyarikusaj.
Diosníy, yuyarikusaj tʼukuna imasta unay ñaupa tiempospi ruwasqaykita.
12 Tukuy ruwasqasniykipi yuyasaj.
Ruwasqasniykipi tʼukurisaj.+
13 Diosníy, ñankunasniykeqa llimphu kanku.
Diosníy, ¿ima diostaj qan jina jatunri?+
14 Qanmin cheqa Diosqa* kanki, qanmin tʼukuna imasta ruwanki.+
Qanmin runasman kallpaykita rejsichinki.+
15 Atiyniykiwan nacionniykita kacharicherqanki,+
Jacobpa wawasninta, Josejpa wawasnintawan. (Sélah).
16 Yakusqa rikusorqanku Diosníy.
Yakusqa rikususpa mancharerqanku.+
Ukhu yakuspis qhollchoqeyarqanku.
17 Phuyusqa yakuta jichʼaykamorqanku.
Cieloqa allin phuyusqa qhorurun qhorurun nispa sonarimorqa.
Rayosniykeqa kʼancharispa kayman jaqayman urmaramorqanku flechas jina.+
18 Qhorurun nichimusqaykeqa+ carretaspa ruedasnin jina sonarimorqa.
Rayosqa jallpʼantinta kʼanchaykamorqanku.+
Jallpʼataj kharkatiterqa, kuyurerqataj.+
19 Ñanniykitaqa mar chaupinta kicharerqanki.+
Purinayki ñanqa ashkha yaku chaupinta pasarqa.
Nitaj lastroyki karqachu runas rikunankupajqa.
20 Nacionniykimanta kajkunataqa ovejitasta jina pusarqanki.+
Paykunataqa Moiseswan Aaronwan cuidacherqanki.+
78 Llajta masisníy, uyariychej yachachisqayta.
Allinta uyariychej parlasqayta.
Unay ñaupa tiemposmanta mana entiendey atinasta parlasaj.+
3 Chay imastaqa uyarerqanchejña yachanchejtaj,
chay imastaqa tatasninchej willawarqanchejña.+
4 Chay imasta mana pakaspa wawasninchejman willasunchej.
Sumaj imasta ruwasqanmanta willasunchej.+
5 Diosqa Jacobpa chaupinpi leyta churarqa,
Israelpi leyta churarqa.
Diosqa ñaupa tatasninchejta kamacherqa
wawasninkuman chay imasta willanankuta.+
6 Ajinamanta qhepa wawas,
niraj nacekoj wawas yachanankupaj.+
Paykunapis wawasninkuman willanankupaj.+
7 Wawasninkupis Diospi creenankupaj.
8 Ajinamanta mana ñaupa tatasninku jina kanankupaj.
Chay ñaupa tatasninkoqa kʼullus* karqanku, mana kasukojchu kanku.+
Iskay sonqolla Diosta sirvej kanku.+
Mana tukuy sonqochu kasukoj kanku.
9 Efraín ayllumanta* kajkunaqa maqanakunankupaj listo kasharqanku flechana arcosninku* japʼirisqaña,
maqanakunanku kashajtintaj ayqekorqanku.
10 Dioswan tratota ruwasqankutaqa mana respetarqankuchu.+
Nitaj Leynintapis kasukorqankuchu.+
11 Imatachus Dios paykunapaj ruwasqantapis qonqaporqanku.+
Sumaj tʼukuna imasta paykunaman rikuchisqantapis qonqaporqanku.+
13 Payqa mar qochata kicharerqa chayninta pasanankupaj,
yakutaqa perqata jina sayacherqa.+
14 Pʼunchayqa phuyuwan paykunata pusaykachaj,
tutantaj nina kʼanchaywan.+
15 Chay chʼin lugarespi rumi chhankasta phatachispa
ashkha yakuta phullchichimorqa tomanankupaj. Yakoqa ashkhapuni karqa, mar yakus jinapuni.+
16 Yakuta qaqamanta phullchichimorqa.
Yakutaqa manchayta correricherqa, mayusta jinapuni.+
17 Jinapis paykunaqa chay tʼajra pampapi Aswan Patapi kaj Diospa contranta oqharikorqanku.
Ajinata paykunaqa Diospa contranta siga juchallikorqanku.+
18 Ima mikhunasmantachá wañurej kanku, chaykunata mañakuspa
sonqonkupi Diosta pruebaman churarqanku.+
19 Paykunaqa Diospaj rimarqanku:
“¿Kay chʼin pampaspi Diosqa mikhunata qoyta atiwasunmanchu?”,+ nispa.
20 Diostajrí chhankasta wajtaspa
yakuta phullchichimorqa, mayustaj purirerqa.+
Jinapis rimallarqankutaj: “¿Tʼantatarí qoyta atiwasunmanchu?
¿Aychatapis nacionninmanta kajkunaman qoyta atinmanchu?”,+ nispa.
21 Jehová Diostajrí paykunata uyarispa mayta phiñakorqa.+
Jacobta castigananpaj ninata+ kachaykamorqa.
Israelpaj sinchʼita phiñakorqa.+
22 Ajina karqa Diospi mana creesqankurayku.+
Mana creerqankuchu paykunata salvananta.
23 Ajinapi Diosqa cielopi yana phuyusta kamacherqa,
cielo punkustataj kicharerqa.
24 Diosqa paykuna mikhunankupaj maná nisqa mikhuyta parachimullarqapuni.
Paykunamanqa cielomanta trigota qorqa.+
25 Ajinapi runasqa angelespa+ tʼantankuta mikhorqanku.
Diosqa sajsakunankupaj jina paykunaman mikhunata qorqa.+
26 Diosqa inti llojsimuy ladomanta cielopi wayracherqa.
Sur ladomanta* wayratapis atiyninwan sinchʼita phukuchimorqa.+
27 Diosqa paykunapaj patamanta aychata parachimorqa, jallpʼata jina.
Ashkha pʼisqosta urmachimorqa, mar kantumanta tʼiyuta jina.
29 Paykunataj mikhorqanku mana atinankukama.
Diosqa mañakusqankuta qorqa.+
30 Paykunataj siga mikhuymanta wañurisharqanku.
Simillankupiraj mikhuna kashajtintaj,
31 Diosqa paykunapaj mayta phiñakorqa.+
Paykuna ukhumanta aswan kallpasapa runasta wañuracherqa.+
Israel ukhumanta jovenesta wañuracherqa.
32 Ajinapis paykunaqa astawanraj juchallikorqanku,+
tʼukuna imasta ruwasqanta rikushaspapis mana creerqankuchu.+
33 Chayrayku Diosqa kausasqanku pʼunchaykunata uj samayta jinalla tukuchiporqa.+
Kausasqanku watastapis mancharina imaswan ujllata tukuchiporqa.
34 Dios paykunata wañuchiyta qallarejtintaj, paykunaqa Diosta maskʼaj churakoj kanku.+
Juchankumanta kutirikuspa Diosta maskʼaj kanku.
35 Paykunaqa yuyarikoj kanku Diosqa pakakunanku Chhanka kasqanta.+
Yuyarikullajtaj kanku Aswan Patapi kaj Diosqa paykunata salvasqanta.+
36 Parlasqankuwanqa Diosta chʼaukiyayta* munaj kanku,
llullakojtaj kanku.
37 Iskay sonqolla Diosta sirvej kanku.+
Dioswan tratota ruwasqankutaqa manapuni respetajchu kanku.+
38 Diostajrí paykunata khuyakoj.+
Pantasqasninkuta perdonaj, nitaj paykunata chinkarparichejchu.+
Payqa kutin kutinta phiñakuyninta ñitʼiykukoj,+
manataj tukuy rabiantaqa kachaykojchu.
39 Diosqa yuyarikoj runalla kasqankuta.+
Diosqa yuyarikoj wayra jinalla pasaytawan chinkapusqankuta.*
40 Kutin kutinta paykunaqa chʼin pampaspi Diospa contranta oqharikorqanku.+
Chay tʼajra pampaspi sonqonta nanacherqanku.+
41 Sapa kuti Diosta pruebaman churarqanku.+
Israelpa Santo Diosninpa sonqonta nanacherqanku.
42 Paykunaqa mana yuyarikorqankuchu atiyniyoj kasqanta.
Mana yuyarikorqankuchu imaynatachus uj pʼunchay enemigosninkumanta kacharichisqantapis.+
43 Mana yuyarikorqankuchu Egipto jallpʼapi señalesta rikuchisqanta,+
nillataj Zoan cheqaspi milagrosta ruwasqantapis.
44 Diosqa Nilo mayusta yawarman tukucherqa.+
Egipciostaj mana chay yakusta ujyayta aterqankuchu.
45 Chantá Diosqa khanikoj chʼuspista* rikhuricherqa egipciosta ñakʼarichinanpaj.+
Chantá kʼaylankulastañataj* rikhuricherqa paykunata ñakʼarichinanpaj.+
46 Chantá yarqhasqa langostaswan egipciospa poqochisqankuta mikhuykucherqa.
Chajrasninkutaqa may chhika langostaswan tukuykucherqa.+
47 Uva sachʼasninkuta granizowan tukuracherqa.+
Higo sachʼasninkuta granizowan takaykucherqa.*
48 Animalesninkutapis granizowan wañuracherqa.+
Uywasninkutapis rayosta kachaykuspa wañuracherqa.
49 Sinchʼi phiñakuyninta paykunaman kachaykamorqa.
Rabianta, phiñakuyninta, llakiynintapis paykunaman chayachimorqa.
Tropa angelesta kachamorqa paykunata ñakʼarichinankupaj.
50 Chaypacha Diosqa phiñakuyninta mana ñitʼiykukorqachu.
Paykunataqa mana wañuymanta librarqachu,
onqoykunawan wañuracherqa.
51 Chantá egipciospa kuraj wawasninkuta wañuracherqa.+
Cam jallpʼapi, toldosninku ukhupi kuraj wawas nacekojkunata wañuracherqa.
52 Chaypacha Diosqa Egiptomanta nacionninta orqhomorqa.+
Ovejitasta jinataj chʼin pampaspi pusaykacharqa.
53 Sumajta cuidaspa paykunata pusaykacharqa.
Nitaj imatapis paykunaqa manchachikorqankuchu.+
Enemigosninkutaqa mar yakus pʼampaykorqa.+
54 Chantá Diosqa paykunata santo jallpʼasninman pusamorqa,+
mayqentachus kallpanwan japʼikaporqa chay orqosman.+
55 Nacionninpa ñaupaqenmanta waj nacionesta qharqorqa.+
Nacionninmanqa midispa herenciata partiraporqa.+
Israelpa ayllusninmanqa maypichus tiyakunankuta rikuchiporqa.+
56 Paykunataj Aswan Patapi kaj Diosta pruebaman churallarqankupuni, paypa contrantapis oqharikullarqankupuni.+
Yuyarichisqasnintapis mana kasukorqankuchu.+
57 Diostaqa saqerparej kanku, ñaupa tatasninku jinataj Diosta wasanchaj kanku.+
Paykunaqa mana atienekuna karqanku, mana sirvej wistʼu flechas jina.+
58 Pata lugarespi waj dioskunata yupaychaspa Diosta phiñachillarqankupuni.+
Santosninkuta yupaychaspa Diosta rabiachillarqankupuni.+
59 Diosqa chayta rikuspa mayta rabiakorqa.+
Chayrayku Israeltaqa chejnisqata chejnikorqa.
60 Chantá Diosqa Silopi kaj toldo wasinta saqerparerqa,+
mayqenpichus pay tiyakorqa runas chaupipi chay toldota.+
61 Diosqa saqellarqa chay toldonta enemigosnin apakapunankuta,
mayqenchus kallpanwan jatun kayninwantaj ninakoj chayta.+
62 Nacionninta espadawan wañuchicherqa.+
Chay herencianpaj sinchʼita phiñakorqa.
63 Jovenesnenqa ninawan ruphachisqa karqanku.
Doncellasninpajtaj mana casamiento takiykuna karqachu.
65 Chantá Jehová Diosqa puñusqamanta jina rijchʼarerqa,+
imaynatachus kallpasapa runa+ vinota tomaykuspa puñusqanmanta rijchʼarin ajinata.
66 Diosqa enemigosninta qhepaman kutiricherqa.+
Paykunataqa wiñaypaj pʼenqaypi rikhuricherqa.
67 Josejpa mirayninta* qhesacharqa.
Manataj Efraín aylluta ajllarqachu.
68 Astawanqa Judá aylluta ajllarqa,+
chay munakusqan Sion orqota.+
69 Santo wasintaqa cielota jina wiñaypaj sayacherqa,+
imaynatachus jallpʼata wiñaypaj ruwarqa ajinata.+
70 Kamachin Davidta ajllakorqa.+
Paytaqa ovejasta michishajtin pusamorqa,+
71 uñasniyoj ovejasta michishajtin.
Churarqataj Jacob nacionninta qhawananpaj,*+
Israel nacionninta qhawananpaj, mayqenchus herencian karqa chayta.+
Asafpa+ takiynin.
79 Diosníy, nacionesqa herenciaykiman yaykuykamunku.+
Santo temploykita chʼichichaykunku.+
Jerusalentaqa rumi montonesllataña saqerparinku.+
2 Kamachisniykitapis wañuchispa aycha mikhu pʼisqosman qaraykunku.
Kasukoj kamachisniykita wañuchispa phiña animalesman qaraykunku.+
3 Kamachisniykej yawarninkutaqa yakuta jina tukuynin Jerusalenpi chʼajchurpanku,
nitaj pipis kanñachu paykunata pʼampananpaj.+
4 Ladoykupi kaj nacionespaj asikunanku kayku.+
Muyuyniykupi kaj nacionesqa asipayawayku, burlakuwaykutaj.
5 Jehová Diosníy, ¿maykʼajkamataj phiñasqa kanki? ¿Wiñaypajchu phiñasqa kanki?+
¿Maykʼajkamataj chay phiñakusqayki nina jina laurarenqari?+
6 Mana rejsisunkuchu chay nacionesta castigay.
Sutiykita mana jatunchankuchu chay gobiernostapis castigay.+
7 Chay nacionesqa Jacobpa mirayninta llimphuta wañuchinku,
llajtankutapis chʼinta ruwanku.+
8 Diosníy, ama pagachikuwaykuchu ñaupa tatasniykoj pantasqankumantaqa.+
Diosníy, ama jina kaspa, usqhayllata khuyakuwayku ari,+
kay jinata chay nacionesqa kʼumuykachachiwayku.
9 Salvawaj Diosniyku,+ sumaj sutiykirayku
yanapariwayku ari.
Sutiykirayku kacharichiwayku, juchasniykutapis perdonawayku.+
10 ¿Ima kajtataj chay naciones ninanku kasqa “maytaj Diosninku” nispari?+
Noqaykoqa rikuyta munayku chay naciones castigasqa kanankuta
kamachisniykej yawarninkuta jichʼasqankumanta.+
11 Diosníy, uyariy presosta ay ay nispa phutikusqankuta.+
Jatun atiyniykiwan salvay wañunankupaj juchachasqa kanku chaykunata.+
12 Jehová Diosníy, ladoykupi kaj nacionestaqa qanchis kutita castigay+
contraykipi sayaykusqankurayku.+
13 Chaypacha noqayku kamachisniyki, pikunatachus michinki chay ovejitasniyki,+
wiñaypaj pachis nisqayku,*
Takichejpaj. Kaytaqa takina “Lirio tʼikas” nisqa tonoman jina. Yuyarikunapaj takiy. Asafpa+ takiynin. Salmo.
80 Israelta michej Diosníy, uyariwayku.
Qanmin Josejpa mirayninta ovejasta jina pusaykachashanki.+
Qanmin querubines* patapi*+ tiyasqa kashanki.
Diosníy, kʼanchaykamuy ari.
2 Diosníy, Efrainpa ñaupaqenpi, Benjaminpa ñaupaqenpi, Manasespa ñaupaqenpi
atiyniykita rikuchiy.+
Jamuspa salvawayku.+
3 Diosníy, watejmanta allinpaj qhawawayku ari.+
Noqaykuwan kʼacha kay,* salvawaykutaj.+
4 Jehová Diosníy, angelespa kamachejnin, ¿maykʼajkamataj phiñakunki kamachisniyki qanmanta mañakusojtinku?+
5 Waqayninkutaqa sapa día tʼantata jina mikhuchinki.
Waqayninkutaqa yakuta jina ashkhata ujyachinki.
6 Ladoykupi kaj nacionesqa maqanakushanku noqaykuta japʼikapunawaykupaj, qantaj qhawashallanki.
Ladoykupi kaj nacionesqa manchayta burlakuwayku.+
7 Diosníy, angelespa kamachejnin, watejmanta allinpaj qhawawayku ari.
Noqaykuwan kʼacha kay,* salvawaykutaj.+
8 Uj uva sachʼata+ Egiptomanta orqhomorqanki.
Nacionesta jallpʼasninkumanta qharqospataj chayman plantaykorqanki.+
9 Uj trechota chay uva sachʼapaj llimphuchaporqanki,
uva sachʼataj chaypi saphichakuspa chay jallpʼaman juntʼaykorqa.+
10 Orqosta llanthuykorqa,
ramasnenqa Diospa plantasqan cedro sachʼasta llanthuykorqa.
12 ¿Imajtintaj chay uva sachʼaj rumi perqasninta urmaykuchinki,+
13 Monte khuchisqa qʼalata dañuykunku,
kʼita animalespis mikhuykunku.+
14 Diosníy, angelespa kamachejnin, kutinpuy ari.
Cielomantapacha qhawarimuy.
Chay uva sachʼata cuiday ari.+
15 Qanllataj chay uva sachʼataqa* paña makiykiwan plantarqanki.+
Qhawariy chay wawata,* qanmin kallpayojta ruwarqanki jatunchasqa kanaykipaj.+
16 Qʼala ruphasqa kashan,+ kʼutusqataj.
Kʼamisqallaykiwan runasqa wañuranku.
17 Yanapariy paña ladoykipi kaj runata.
Yanapariy runaj wawanta, paytaqa kallpayojta ruwarqanki jatunchasqa kanaykipaj.+
18 Chaywanqa mana qanmanta karunchakusqaykuchu.*
Diosníy, kausachillawaykupuni sutiykita jatunchanaykupaj.
19 Jehová Diosníy, angelespa kamachejnin, watejmanta allinpaj qhawawayku ari.
Noqaykuwan kʼacha kay,* salvawaykutaj.+
Takichejpaj. Guititman jina* takinapaj. Asafpa+ takiynin.
81 Kusiywan qhaparispa Diosta yupaychaychej, paymin kallpanchejqa.+
Kusisqa takiripuychej, Jacobpa Diosninta yupaychaychej.
2 Tocayta qallariychej, panderetatapis* oqharikuychej.
Sumaj afinasqa arpata tocariychej cuerdasniyoj tocanastawan khuska.
4 Dios chay leytaqa Israelman qorqa.
Jacobpa Diosnin chaytaqa kamacherqa.+
5 Diosmin chaytaqa kamacherqa Egiptoj contranta sayarishajtin,+
Diosmin chaytaqa Joseman kamacherqa yuyarikunanpaj.+
Uj parlayta uyarerqani, nitaj reparayta aterqanichu pichus parlamushasqanta.*
6 Kay jinata uyarerqani: “Israelpa hombronmanta llasa qʼepita oqharerqani.+
Canastatapis makinmanta qhechorqani.
7 Qanmin llakiypi kashaspa qhaparikamorqanki, noqataj kacharicherqayki.+
Yana phuyumantapacha kutichimorqayki.+
Meribá* yakuspi pruebaman churarqayki.+ (Sélah).*
8 Nacionníy, yuyaychasqayta uyariway.
Israel, uyarillaway ari,+
9 chaywanqa mana waj dioskuna chaupiykipi kanqachu,
nitaj waj dioskunaman kʼumuykukunkichu.+
10 Noqamin Jehová Diosniyki kani.
Noqamin Egiptomanta orqhomorqayki.+
Simiykita allinta kichariy, sajsanata mikhuchisqayki.+
11 Jinapis nacionneyqa nisqayta mana uyarerqachu.
Israelqa mana kasuwarqachu.+
12 Chayrayku qhawallarqani chay mana uyarikoj sonqonkuta kasunankuta.
Paykunaqa imachus paykunaman allin rijchʼarqa chayta ruwarqanku.+
13 Kay nacionnillaypis kasuwanman.+
Israelqa ñannillaypipis purinman.+
14 Noqaqa chay rato paykunaj enemigosninkuta sarurayman.
Contrankupi kajkunataqa castigayman.+
15 Jehová Diosta chejnikojkunaqa paypa ñaupaqenpi manchariywan kharkatitenqanku,
wiñaypajtaj chinkachisqa kanqanku.
16 Diosqa nacionninta sumaj trigowan uywanqa.+
Chhankamanta orqhosqa abeja miskʼiwan sajsachenqa”.+
Asafpa+ takiynin.
82 Diosqa lugarninpi sayaykun, dioskuna tantasqa kashanku chaypi.+
Payqa chay dioskunata juzgaspa* kayta nin:+
2 “¿Maykʼajkamataj mana allintachu juzgankichejri?+
¿Maykʼajkamataj sajra runasman sayakunkichejri?+ (Sélah).*
3 Wajchasman kutikuychej, mana tatayojkunamanpis.+
Justiciata ruwapuychej mana piniyojkunapaj, pobrespajpis.+
4 Libraychej wajchasta, pobrestapis.
Paykunata salvaychej sajra runaspa makinkumanta”, nispa nin Diosqa.
5 Chay juezkunaqa mana yachankuchu, nitaj entiendenkuchu.+
Paykunaqa laqhapi purishanku.
Mana justicia kanchu, leyestapis mana valechinkuchu.*+
6 Diosqa kay jinata nin: “Noqa nini: ‘Qankunaqa dioskuna kankichej.*+
Tukuyniykichej Aswan Patapi kaj Diospa wawasnin kankichej.
7 Jinapis qankunaqa runas jinalla wañunkichej.+
Mayqen kamachejkunapis kawajchej jinalla wañunkichej’, nispa”.+
8 Diosníy, sayarispa kay jallpʼapi nacionesta juzgay.+
Qanpatamin tukuy nacionesqa.
Takiy. Asafpa+ takiynin.
83 Diosníy, ama chʼinllaqa kaychu.+
Diosníy, amapuni chʼinqa kaychu, ama qhawakullaychu ari.
2 Qhawariy, enemigosniykeqa maqanakupi tinkunankupaj oqharikunku.+
Chejnisojkunaqa contraykita oqharikunku.
3 Paykunaqa pakayllapi sumajta yachachinakunku nacionniykej contranta.
Pakayllapi imaymanasta wakichikunku munasqa kamachisniykej contranta.
4 Paykuna ninku: “Jamuychej, paykunata nacionnintinta tukuchina,+
manaña jaykʼajpis Israel suti yuyarisqa kananpaj”, nispa.
5 Paykunaqa uj yuyaylla oqharikunankupaj yachachinakunku.
Contraykipi ujchaykukunku:+
8 Asiriapis+ paykunaman ujchaykukun.
Asiriaqa Lotpa wawasninman sayasqa kashan.+ (Sélah).*
9 Paykunata ruway imaynatachus Madianta ruwarqanki ajinata.+
Paykunata ruway imaynatachus Sisarata, Jabintawan ruwarqanki Cisón mayupi* ajinata.+
10 Paykunaqa En-Dorpi wañuchisqa karqanku.+
Jallpʼa patapitaj wanu jina wijchʼurayarqanku.
11 Kamachejkunasnintaqa ruway imaynatachus Orebta, Zeebtapis ruwarqanki ajinata.+
Kuraj kamachejkunasninkutapis Zebahta jina, Zalmunata jina ruway.+
12 Paykunaqa nerqanku: “Dios tiyakun chay jallpʼata japʼikapuna”, nispa.
13 Diosníy, paykunataqa chʼaki khishkata jina wayrawan apachiy,+
pajata jina wayrawan apachiy.
14 Imaynatachus ninaqa monteta ruphaykun,
imaynatachus ninaqa orqosta yanallata rupharparin,+
15 ajinata paykunata qhatiykuy loco paraykiwan,+
ajinata paykunata manchariykuchiy sinchʼi wayraykiwan.+
16 Jehová Diosníy, paykunata kʼumuykachachiy,
sutiykita maskʼanankupaj.
17 Pʼenqaypi rikhurichunku, mancharisqallapuni kachunku.
Kʼumuykachachisqa wañuchunku.
18 Runasqa yachachunku sutiyki Jehová kasqanta.+
Runasqa yachachunku, tukuy jallpʼantinpi qanlla Aswan Patapi kaj Dios kasqaykita.+
Takichejpaj. Guititman jina* takinapaj. Corejpa wawasninpa+ takiynin. Salmo.
84 Jehová Diosníy, angelespa kamachejnin,
tiyakusqayki lugartaqa mayta munakuni.+
Kausaj Diostaqa tukuy sonqoywan tukuy kallpaywan, kusisqa yupaychayta munani.
3 Pʼisqetuspis chaypeqa thapachakunku,
chaypi golondrina pʼisqetupis thapachakun,
irpitasnintaqa chaypi uywan,
sumaj altarniykej qayllanpi, Jehová Diosníy, angelespa kamachejnin,
Reyníy, Diosníy.
4 Kusisqa kanku wasiykipi tiyakojkunaqa.+
Paykunaqa mana saykʼuspa yupaychasunku.+ (Sélah).*
5 Kusisqa kanku qanmanta kallpata japʼejkunaqa.+
Paykunaqa wañushankuña wasiykiman rej ñanta japʼiriymanta.
6 Bacá nisqa wayqʼonta* pasashajtinku,
chay wayqʼoqa paykunapaj chʼuwa yakusniyojpis kanman jina karqa,
ñaupa paraspis sumajta qarpaykunman jina karqa.
7 Purispaqa mana saykʼonqankuchu.+
Sapa ujninku Sionman rispa, Diospa ñaupaqenman chayanqanku.
8 Jehová Diosníy, angelespa kamachejnin, mañakusqayta uyarillaway ari.
Jacobpa Diosnin, uyarillaway ari. (Sélah).
9 Qanmin jarkʼakunayku escudo kanki,+ qanmin Diosniyku kanki.*
Ajllakusqaykita qhawarimuy ari.+
10 Uj diallatapis patiosniykipi kayqa aswan sumaj waranqa diasta waj lugarpi kanamantaqa.+
Noqaqa ajllakuni Diosniypa wasi punkullanpipis kakuyta payta sirvispa,*
sajra runaspa wasinkupi tiyakunaymantaqa.
11 Jehová Diosqa inti jina kʼancharimuwanchej,+ escudo jinataj jarkʼakuwanchej.+
Payqa khuyakuwanchej, allinpajtaj qhawawanchej.
Jehová Diosqa mana michʼakuspa allin imasta qonqa
12 Jehová Diosníy, angelespa kamachejnin,
kusisqamin qanpi atienekoj runaqa.+
Takichejpaj. Corejpa wawasninpa+ takiynin. Salmo.
85 Jehová Diosníy, qanmin khuyakorqanki jallpʼaykipi kaj runasmanta.+
Qanmin Jacobpa wawasninta presos kashajtinku kacharicherqanki, kutichimorqankitaj.+
2 Nacionniykej pantasqasninta perdonarqanki.
Tukuy juchasninta pampacharqanki.+ (Sélah).*
3 Tukuy phiñakuyniykita ñitʼiykukorqanki.
Tukuy rabiaykitapis uj ladoman churarqanki.+
4 Salvawaj Diosniyku, watejmanta allinpaj qhawawayku.*
Amaña noqaykupaj phiñakuychu.+
5 ¿Wiñaypaj wiñaynintinpajchu noqaykupaj phiñakunki?+
¿Wiñaypaj wiñaynintinpajchu phiñasqa kanki?
7 Jehová Diosníy, munakuwasqaykuta rikuchiwayku ari.+
Salvawayku ari.
8 Jehová Diospa nisqanta uyarisaj, cheqa Diospa* nisqanta uyarisaj.
Payqa kasukoj kamachisninman allin kausaymanta willanqa.+
Chay kamachisnintaj ama watejmanta umata oqharichunkuchu.+
9 Diosqa listo kashan payta manchachikojkunata salvananpaj,+
ajinamanta sutʼi yachakonqa atiynenqa tiyakusqanchej jallpʼapi kasqanta.*
10 Munakuywan, cheqan kaywanqa khuska kanqanku.
Justiciawan allin kausaywantaj khuska purenqanku.+
11 Cheqan kayqa jallpʼamanta pʼutumonqa.
Justiciapis cielomantapacha qhawamonqa.+
13 Justiciaqa Diospa ñaupaqenta renqa,+
purinanpajtaj ñanta kichariponqa.
Davidpa mañakuynin.
86 Jehová Diosníy, uyarillaway ari, kutichimullaway ari,
kay jina llakisqa kashani, kay jina khuyay wajcha kani.+
2 Kausayniyta waqaychay, noqaqa qanta munakuspa kasukuyki.+
Qanpi atienekoj kamachiykita salvay ari.
Qanmin Diosneyqa kanki.+
3 Jehová Diosníy, khuyarikuway ari.+
Tuta pʼunchay qhaparikamuyki.+
4 Kay kamachiykita kusichiy ari.
Jehová Diosníy, qanman qayllaykamuyki.
5 Jehová Diosníy, qanmin kʼacha kanki,+ perdonanapajpis wakichisqa kashanki.+
Munakuyniykeqa may jina jatun, qanmanta yanapata mañakusojkunapaj.+
6 Jehová Diosníy, mañakususqayta uyarillaway ari.
Yanapata mañakuspa qhaparikamusqayta uyarillaway ari.+
7 Llakiypi kashaspa qhaparikamuyki.+
Noqa yachani uyarimunawaykita.+
8 Jehová Diosníy, ni mayqen diospis qanmanqa rijchʼakunchu.+
Ni pi kanchu ruwasqasniykita jina ruwajqa.+
9 Jehová Diosníy, rikhuricherqanki chay tukuy nacionesqa
10 Diosníy, qanmin atiyniyoj kanki, qanmin tʼukunasta ruwanki.+
Qanmin Diosqa kanki, qanllamin Diosqa kanki.+
11 Jehová Diosníy, ñanniykita rejsichiway.+
Cheqan ñanniykita purisaj.+
Yanapaway sutiykita tukuy sonqo manchachikunaypaj.*+
12 Jehová Diosníy, tukuy sonqo jatunchayki.+
Sutiykita wiñaypaj jatunchasaj.
13 Qanmin mayta munakuwanki.
Salvawarqankitaj Sepulturaj* ukhu ukhunmanta.+
14 Diosníy, runaykachajkunaqa contrayta oqharikunku.+
Mana khuyakuyta yachaj runasqa tropalla oqharikunku wañuchinawankupaj.
Nitaj qanta valechisunkuchu.+
15 Qantajrí Jehová Diosníy, khuyakoj Dios kanki, kʼacha sonqoyojtaj,*
pacienciayoj,* may jina munakuyniyoj, atienekunapaj jinataj.*+
16 Diosníy, qhawarimuway ari, khuyarikuway.+
Kamachiykimanqa kallpaykita qoy ari.+
Warmi kamachiykej wawantaqa salvay ari.
17 Chejnikuwajkunaman rikuchiy mayta munakuwasqaykita.
Paykunata kʼumuykachachiy.
Jehová Diosníy, qanmin yanapawanki, qanmin sonqochawanki.
Corejpa wawasninpa+ takiynin. Salmo. Takiy.
87 Diospa llajtanqa santo orqosnin patapi ruwasqa kashan.+
2 Jehová Diosqa Sion llajtaj punkusninta munakun,+
Jacobpa tukuy toldo wasisninta* munakusqanmantapis astawanraj.
3 Cheqa Diospa* llajtan, qanmanta sumajta parlashanku.+ (Sélah).*
4 Rahabta,*+ Babiloniatapis yupasaj rejsiwajkunatawan khuska.
Kaypi kashanku Filisteawan Tirowan Cuswan khuska.
Noqa sapa ujninkumanta kayta nisaj: “Kayqa Sionpi nacekorqa”, nispa.
5 Sion llajtamantataj nenqanku:
“Sionpi tukuyninku nacekorqanku”, nispa.
Aswan Patapi kaj Diosqa Sionta allinta sayachenqa.
6 Jehová Diosqa llajtasta anotashajtin, sapa ujninkumanta kayta nenqa:
“Kayqa Sionpi nacekorqa”, nispa. (Sélah).
7 Takejkunapis,+ rondapi tusojkunapis+ nenqanku:
“Noqapajqa qanmantamin tukuy ima jamun”,*+ nispa.
Takiy. Corejpa wawasninpa+ takiynin. Takichejpaj. Mahalat* tonoman jina por turno takinapaj. Ezrahíta Hemanpa+ takiynin. Maskil.*
2 Mañakusqayqa ñaupaqeykiman chayamuchun.+
Kʼumuykakamuspa uyarillaway, yanapata mañakuspa qhaparikamushayki.+
3 Kausayneyqa* ñakʼariywan juntʼa kashan.+
Kausayneyqa Sepulturaman* chinkaykunanpaj jinaña kashan.+
4 Pʼampakuna tʼoqoman chayajkunatawan khuskataña yupawanku.+
5 Wañusqaswan khuska saqerpayasqa jina kani,
imaynatachus wañusqas sepulturapi kashanku ajina.
Chay wañusqasmantaqa manaña yuyarikunkichu,
nitaj paykunataqa yanaparinkiñachu.
6 Ukhu ukhu tʼoqoman choqaykuwanki,
allin laqhaman wijchʼuykuwanki, chinkay ukhu laqhaman.
7 Allin rabiasqa noqapaj kashanki, ñitʼiykushawasqaykita reparani.+
Imaynatachus yaku oqharikuspa qʼajchakun, ajinata ruwasqasniykeqa noqaman qʼajchakamushanku. (Sélah).*
8 Rejsisqasniyta noqamanta ayqechinki.+
Paykunaj millachikunankuta ruwawanki.
Carcelpi jina wisqʼasqa kashani, mana ayqeyta atinichu.
9 Llakisqa kaspa chay jinata waqasqaypi ñawiypis niña ñawichu.+
Jehová Diosníy, tuta pʼunchay qhaparikamuyki,+
makisniyta oqharispa qhaparikamuyki.
10 ¿Wañusqaspaj tʼukunastachu ruwawaj?
¿Wañusqas sayarimunkumanchu alabasunankupaj?+ (Sélah).
11 ¿Aya pʼampanapeqa munakuyniykimanta parlankumanchu?
¿Ayas ismushanku chaypeqa* cheqan Dios kasqaykimanta parlankumanchu?
12 ¿Laqhapeqa yachakunmanchu tʼukunasta ruwasqaykeqa?
¿Justiciaykipis yachakunmanchu saqerasqa chʼin lugarespeqa?+
13 Noqatajrí Jehová Diosníy, yanapanawaykipaj qhaparikamuyki.+
Sapa paqarin mañakusqayta ñaupaqeykiman chayachimuni.+
14 Jehová Diosníy, ¿imajtintaj wijchʼuwanki?+
¿Imajtintaj uyaykita pakaykuwanki?+
15 Joven kasqaymantapacha
llakisqalla kausakuni, wañuy patapi kani.+
Kay jinata ñakʼarinayta saqellanki, imatachus ruwanaytapis niña yachakunichu.
16 Sinchʼi phiñakuyniyki atiykuwan.+
Chay ruwasqasniykiwan sinchʼita mancharichiwaspa wañuykuchishawanki.
17 Chay mancharichiwasqaykeqa tuta pʼunchay yaku jina muyuykuwan.
Tukuy ladomanta muyuykuwaspa jarkʼaykuwan.
18 Amigosniytapis noqawan kajkunatapis ayqechinki.+
Kunanqa laqhallaña amigoyqa.
Maskil.* Ezrahíta Etanpa+ takiynin.
89 Wiñay wiñaypaj takirisaj imastachus Jehová Dios munakuyninpi ruwasqanmanta.
Diosníy, tukuynin qhepa wawasman willasaj atienekunapaj jina kasqaykita.
2 Noqa nini: “Munakoyqa wiñaypaj sayachisqa kanqa.+
Diosníy, qanmin cheqan kayniykitaqa cielopi sinchʼita sayachinki”, nispa.
3 Diosqa nin: “Ajllakusqaywan uj tratota ruwani.+
Kamachiy Davidman juraspa nini:+
4 ‘Mirayniykitaqa+ wiñaypaj wiñaynintinpaj sayachisaj.
Kamachina tiyanaykitaqa wiñaypaj wiñaynintinpaj sayachisaj’,+ nispa”. (Sélah).*
5 Jehová Diosníy, cieloqa jatunchasunki tʼukunasta ruwasqaykimanta.
Cieloqa santo kamachisniyki ukhupi jatunchasunki atienekunapaj jina kasqaykimanta.
6 ¿Pitaj cielopi Jehová Dios jinari?+
Diospa wawasninmanta,+ ¿pitaj Jehová Dios jinari?
7 Diosqa respetasqa santo kamachisninpa tantakuyninkupi.+
Muyuyninpi kajkunapajpis Diosqa may jatun, manchay tʼukunataj.+
Tukuy imata cheqantapuni ruwanki.+
9 Diosníy, mar qocha phiñakojtin qanmin mansoyachinki.+
Yakusnin qhollchoqeyajtinpis qanmin tiyaykuchinki.+
10 Rahabtaqa*+ imata jina atipaspa wañurpachillanki.+
May jina kallpayoj makiykiwanqa enemigosniykita ayqerachinki.+
11 Cieloqa qanpata, jallpʼapis qanpallatataj.+
Qanmin ruwarqanki poqoj jallpʼata,+ chaypi tukuy ima kajtapis.
12 Norte ladota, sur ladotapis* qanmin rikhuricherqanki.
Tabor+ orqopis Hermón orqopis+ kusisqa sutiykita jatunchanku.
13 Makiykeqa atiyniyoj.+
Makiykeqa kallpayoj.+
Paña makiykeqa pataman oqharisqa kashan.+
14 Kamachina tiyanaykeqa justicia patapi sayachisqa kashan, cheqan kaj patapi sayachisqa kashan.+
Munakuywan, cheqan kaywanqa ñaupaqeykipi kashanku.+
15 Kusisqamin, kusiywan qhaparirispa yupaychasoj llajtaqa.+
Jehová Diosníy, paykunamin kʼanchayniykipi* purinku.
16 Paykunaqa tuta pʼunchay sutiykirayku kusikunku,
justiciaykirayku jatunchasqa kanku.
17 Qanmin paykunata aswan kallpayojta ruwanki,+ allinpajtaj qhawachinki.
Allinpaj qhawawasqaykurayku aswan kallpayoj kayku.+
18 Jehová Diosmin jarkʼakuna escudonchejta qowanchej,
Israelpa Santo Diosnin reyninchejta qowanchej.+
19 Jaqay tiempopeqa qanta kasukojkunaman mosqoypi jina nerqanki:
“Kallpata qoni uj wapu runaman.+
Llajtay ukhumanta ajllakusqayta jatunchani.+
21 Paytaqa makiywan yanapasaj.+
Paytaqa makiywan kallpachasaj.
22 Ni mayqen enemigonpis ñakʼarichenqachu.
Ni mayqen sajra runapis saruranqachu.+
23 Paypa ñaupaqenpi contrariosnintaqa phirisaj.+
Payta chejnikojkunataqa tukuchisaj.+
24 Cheqan kayniywan munakuyniywanqa paywan khuska kanqanku.+
Sutiyrayku paytaqa aswan kallpayojman tukuchisaj.
26 Paytaj niwanqa: ‘Qanmin Tatay kanki,
qanmin Diosniy kanki, qanmin salvawaj Chhankay kanki’,+ nispa.
28 Paytaqa wiñaypaj munakusaj.+
Paywan tratota ruwasqaypis ni jaykʼaj chinkanqachu.+
29 Miraynintaqa wiñaypaj sayachisaj,
kamachina tiyanantapis wiñaypaj sayachisaj cielota jina.+
30 Sichus wawasnin leyniyta mana kasunkumanchu,
nitaj kamachisqayman jinachu purinkuman chayqa,
31 sitajchus churasqay leyesta mana valechinkumanchu,
nitaj kamachisqaytapis kasukunkumanchu chayqa,
32 noqaqa mana kasukusqankumanta varawan jasutʼisaj,+
pantasqankumantapis seqʼosaj.
33 Jinapis ajllasqaytaqa munakullasajpuni,+
nisqaytapis juntʼasajpuni.
35 Santo kayniypi wiñaypaj ujllata jurani,
mana Davidman llullakusajchu.+
36 Miraynenqa wiñaypaj kallanqapuni,+
kamachina tiyananpis ñaupaqeypi wiñaypaj sayallanqapuni inti jina.+
37 Killa jina wiñay wiñaypaj sayachisqa kanqa,
imaynatachus killaqa cielopi mana faltayta* rikhurillanpuni ajinata”. (Sélah).
38 Jinapis Diosníy, qanllataj ajllakusqaykitaqa chejnispa wijchʼorqanki,+
qanllataj ajllasqaykipajqa phiñakorqanki.
39 Kamachiykiwan tratota ruwasqaykitaqa pisipaj qhawaspa mana valecherqankichu.
Coronantaqa pisipaj qhawaspa pampaman wijchʼorqanki.
40 Rumi perqasnintaqa tukuyninta urmaracherqanki.
Sumaj ruwasqa perqasnintaqa rumi montonesllamanña tukucherqanki.
41 Chaynejta pasajkunaqa tukuy imanta apakaporqanku.
Chay qayllanpi tiyakojkunaqa asipayarqanku.+
43 Espadanta mana sirvejman tukucherqanki.
Maqanakupipis mana yanaparqankichu atipananpaj.
44 Jatun kayninta ujllapi tukucherqanki,
kamachina tiyanantapis pampaman wijchʼorqanki.
45 Jovenllaraj kashajtin imata jina viejoyacherqanki,
pʼenqaypi rikhuricherqanki. (Sélah).
46 Jehová Diosníy, ¿maykʼajkamataj pakakunkiri? ¿Wiñaypajchu pakakunki?+
¿Maykʼajkamataj phiñakusqayki nina jina laurarenqari?
47 Diosníy, yuyarikuy pisillata kausasqayta.+
¿Qhasipajchu tukuy runastaqa rikhuricherqanki?
48 ¿Mayqen runataj kausallanmanpuni mana wañuspari?+
¿Atinmanchu runaqa Sepulturaj makinmanta* salvakuyta? (Sélah).
49 Jehová Diosníy, ¿maypitaj kashan ñaupa tiempospi munakuspa ruwasqasniykiri?
¿Manachu kamachiyki Davidmanqa cheqan kayniykipi jurarqanki chay imasta ruwanaykita?+
50 Jehová Diosníy, yuyarikuy ari, kamachisniykimanta chay jinata burlakusqankuta.
Chay jinata aguantanay tiyan, tukuy runaspa toreawasqankuta.
51 Jehová Diosníy, yuyarikuy imaynatachus kamachisniykimanta enemigosniyki burlakusqankuta,
ajllakusqaykitaqa chay jinata insultanku tukuy ima ruwasqanmanta.
52 Jehová Diosqa wiñaypaj wiñaynintinpaj jatunchasqa kachun. Amén, amén.*+
TAWA KAJ LIBRO
(Salmos 90–106)
Moisespa mañakuynin, payqa cheqa Diospa* kamachin karqa.+
90 Jehová Diosníy, qanmin unay ñaupa tiemposmantapacha pakakunayku* kanki.+
2 Diosníy, qanqa karqankiña niraj orqos ruwasqa kashajtinku,
niraj jallpʼata ruwashajtiyki, niraj poqoj jallpʼatapis ruwashajtiyki.+
Wiñaymantapacha wiñaykama qanmin Diosqa kanki.+
3 Qanmin wañoj runataqa jallpʼaman tukuchinki.
Qanmin ninki: “Runaspa wawasnin, jallpʼaman tukuychej”,+ nispa.
4 Qanpajqa Diosníy, waranqa watasqa qayna pʼunchay jinalla,+
tutan pisi horas jinalla.
5 Runastaqa ujllata tukuchinki,+ paykunaqa mosqoy jinalla kanku.
Tutamantaqa pʼutumoj pasto jinalla kanku.+
6 Tutamantaqa tʼikarispa qhallallarinku,
chʼisiyananpajtaj qawispa chʼakipunku.+
7 Sinchʼi phiñakuyniykeqa tukuchiwayku,+
sinchʼi rabiakusqaykipis mayta manchachiwayku.
8 Imaspichus pantasqaykutaqa allinta yachashanki.+
Pakaypi ruwasqaykutapis sutʼita rikumushanki.+
9 Sinchʼita phiñakusqaykirayku kausasqayku diasqa tukukapun.
Kausasqayku watasqa uj samay jinalla pasapun.
10 Noqaykoqa 70 watasta jinalla kausayku,
wapu kaspataj 80 watasta+ jinalla kausayku.
Jinapis kausayniykoqa llakiywan, phutiywan juntʼa kashan.
Chay watasqa usqhayllata pasapun, chantá chinkapuyku.+
11 ¿Pitaj yachayta atinman imayna sinchʼichus phiñakuyniyki kasqantari?
Sinchʼi phiñakuyniykeqa allin sinchʼipuni, manchachikuna kasqaykiman jinapuni.+
13 Jehová Diosníy, kutimuy ari.+ ¿Maykʼajtaj kutimunkiri?+
Kamachisniykimanta khuyakuy ari.+
14 Tutamanta jatun munakuyniykiwan juntʼachiwayku.+
Chaywanqa kusisqa qhaparisqayku,* tukuy kausayniykupitaj kusisqa kasqayku.+
15 Mashkha diastachus llakiypi rikhurichiwasqaykuman jina kusirichiwayku.+
Mashkha watastachus ñakʼarisqaykuman jina kusirichiwayku.+
16 Kamachisniykeqa ruwasqasniykita rikuchunku.
Wawasninkupis jatun atiyniykita rikuchunku.+
17 Jehová Diosninchejqa bendicionninta noqanchejman tʼakaykamuchun.
Diosníy, makisniykuwan ruwasqaykuta allinta sayachiy.
Makisniykuwan ruwasqaykuta allintapuni sayachiy.+
91 Aswan Patapi kaj Diospa pakasqa lugarninpi tiyakojqa,+
Tukuy Atiyniyoj Diospa llanthunpi pakakonqa.+
2 Jehová Diosta nisaj: “Qanmin kanki pakakunay, qanmin kanki sumaj jarkʼachasqa lugarniy.+
Diosníy, qanllapi atienekuni”,+ nispa.
3 Diosqa librasonqa pʼisqosta japʼejpa trampasninmanta,
tukuchej onqoymantapis.
4 Lijrasninpa* jatuchaj phurusninwan pakaykusonqa.
Lijrasnin urapi pakakunki.+
Atienekunapaj jina kasqanqa+ jatun escudo jina+ kanqa, jatun perqa jinataj.
6 Mana manchikunkichu laqhapi purej onqoyta,
nitaj khuskan pʼunchayta tukuchej onqoytapis.
7 Waranqa runas ladoykipi urmanqanku,
chunka waranqa runastaj paña ladoykipi.
Chaywanpis qantaqa ni ima pasasonqachu.+
8 Chay imastaqa ñawillaykiwan rikunki,
sajra runas castigasqa kashajtinku.
9 Qan nerqanki: “Jehová Diosqa pakakunay”, nispa.
Qanqa Aswan Patapi kaj Diospi pakakorqanki.+
13 Maltón leonpa patanta purillanki, cobra nisqa katarej patantapis.
Kallpasapa leonta sarunki, jatun kataritapis.+
14 Dios nerqa: “Paytaqa munakuwasqanrayku salvasaj.+
Sutiyta rejsisqanrayku jarkʼasaj.+
15 Pay qhaparikamuwanqa, noqataj uyarisaj.+
Llakiypi kashajtin paywan khuska kasaj.+
Noqa librasaj, allinpaj qhawachisaj.
16 Unayta kausachispa bendecisaj.+
Salvanaypaj imastachus ruwasqaytapis rikuchisaj”,+ nispa.
Salmo. Samarikuna pʼunchaypi takinapaj.
92 Allinpuni Jehová Diosman graciasta qoyqa.+
Aswan Patapi kaj Diosníy, allinpuni sutiykipaj alabanzasta takeyqa.
2 Tutamantaqa allinpuni munakuyniykimanta parlayqa.+
Chʼisisninpis allinpuni atienekunapaj jina kasqaykimanta parlayqa.
3 Chayta ruwasaj chunka cuerdasniyoj tocanata tocarispa, laudta* tocarispa,
sumajta waqarej arpata tocarispa.+
4 Qanmin Jehová Diosníy, ruwasqasniykiwan kusichiwanki.
Makiykej ruwasqasninta rikuspa kusiywan qhaparirini.
5 Jehová Diosníy, ruwasqasniykeqa manchay tʼukuna kanku.+
May jina yachayniyojpuni kanki.+
6 Mana allin yuyayniyoj runaqa chaykunata mana rejsiyta atinmanchu.
Ni pi wampu runapis kaytaqa entiendeyta atinmanchu:+
7 Sajra runas qhora jina wiñajtinku,
sajra ruwajkunapis tukuyninku tʼikarejtinku,
wiñaypaj tukuchisqa kanqanku.+
8 Qantajrí Jehová Diosníy, wiñaypaj jatunchasqa kanki.
9 Jehová Diosníy, qhawariy enemigosniyki atipasqa kasqankuta.
Enemigosniykeqa tukuchisqapuni kanqanku.
Diosníy, qanmin tukuy sajra ruwajkunata ayqerachinki.+
10 Noqatarí aswan kallpayojta ruwawanki, kʼita toro jina kallpayoj kanaypaj.
Sumajta frescarej aceitewan jawikusaj.+
11 Ñawisniywan kusisqa rikusaj contrariosniy atipasqa kasqankuta.+
Ninrisniywan uyarisaj noqawan tinkushanku chay sajra runas atipasqa kasqankuta.
12 Cheqan runastajrí, palmera jina tʼikarenqanku,
jatunta wiñanqanku Líbano orqospi cedro sachʼas jina.+
13 Jehová Diospa wasinpi plantasqa kashanku,
Diosninchejpa patiosninpi tʼikarinku.+
14 Machuyaspapis* poqollanqankupuni.+
Paymin pakakunay Chhanka,+ payqa ni jaykʼaj ima sajratapis ruwanchu.
93 Jehová Diosqa Reyña.+
Pʼachallisqa kashan sumaj jatun kaywan.
Jehová Diosqa kallpawan pʼachallisqa kashan.
Kallpataqa chumpita jina wataykukun.
Jallpʼaqa sumaj sayachisqa kashan.
Ni imapis kuyuchinmanchu.
2 Diosníy, kamachina tiyanaykeqa unaymantapachaña sumaj sayachisqa kashan.+
Qanqa wiñaymantapachaña karqanki.+
3 Jehová Diosníy, mayusqa qhollchoqeyarinku.
Mayusqa qhollchoqeyaspa sonarinku.
Mayusqa qhollchoqeyarispa wajtakamunku.
4 Diosninchejqa ashkha yakuspa sonasqanmantapis aswan sinchʼi,
mar qochapi qʼajchakoj yakusmantapis aswan kallpayoj.+
Ajina tʼukunamin cielopi Jehová Diosninchejqa.+
5 Diosníy, yuyarichisqasniykeqa atienekunapaj jinapuni.+
Jehová Diosníy, santo kayniykeqa wasiykita kʼachanchan wiñay wiñaypaj.+
94 Jehová Diosníy, vengakoj Dios.+
Vengakoj Diosníy, kʼancharichiy jatun kayniykita.
2 Sayariy Diosníy, qanmin jallpʼaj Jueznin kanki.+
Runaykachajkunamanqa ruwasqankuman jina kutichipuy.+
3 Jehová Diosníy, ¿maykʼajkamataj sajra runas kusikonqanku?
¿Maykʼajkamataj kusisqa kausanqanku?+
4 Wapu wapulla parlaykacharinku.
Tukuy sajrata ruwajkunaqa manchayta alabarikunku.
5 Jehová Diosníy, paykunaqa llajtaykita saruranku.+
Herenciaykita ñakʼarichinku.
6 Viudasta, forasterostapis wañuchinku,
mana tatayoj wawastapis wañuchinku.
7 Paykunaqa ninku: “Jehová* Diosqa mana rikumushanchu.+
Jacobpa Diosnenqa mana reparanchu”,+ nispa.
8 Kayta entiendeychej, qankuna mana yuyayniyojkuna.
Qankuna wampus, ¿maykʼajtaj yachayniyoj kankichej?+
9 ¿Nichu ninrita ruwajqa uyarimunman?
¿Nichu ñawita ruwajqa rikumunman?+
10 Nacionesta cheqanchajqa, ¿qankunatapunichu mana kʼamisunkichejman?+
Paymin runasmanqa yachayta qon.+
11 Jehová Diosqa allinta rejsin runaspa yuyasqankuta,
payqa yachan uj samay jinalla kasqankuta.+
12 Jehová* Diosníy, kʼaminki chay runaqa kusisqamin.+
Paymanqa leyniykita yachachinki.+
13 Chaywanqa llakiypi kajtinpis sonqo tiyasqa kanqa,
sajra runaspaj tʼoqo allasqa kanankama.+
14 Jehová Diosqa mana llajtanta qonqanqachu.+
Nitaj herenciantapis saqerparenqachu.+
15 Justiciaqa watejmanta sayachisqa kanqa.
Cheqan sonqoyoj kajkunataj chayman sayasqa kanqanku.
16 ¿Pitaj sajra runasmanta jarkʼakuwanqari?
¿Pitaj kutikuwaspa sajrata ruwajkunaj contranta oqharikonqari?
17 Jehová Dioschus mana yanapawanman karqa chayqa,
niraj imapi wañuymanña karqa.+
20 Diosníy, mana allin gobiernoswanqa* ni jaykʼaj ujchaykukuwajchu.
Chay gobiernosqa leypa sutinpi* problemasta rikhurichinku.+
21 Cheqan runataqa mana khuyarispa imatapis ruwaykullanku.+
Mana juchayoj runatapis juchayojta rikhurichinku wañuchinankupaj.+
22 Jehová Diostajrí, pakakunay kanqa.
Diosneyqa pakakunay chhanka.+
23 Diosqa chay sajra ruwasqankuta paykunallamantaj chayachenqa.+
Chay sajra ruwasqallankuwantaj tukuchenqa.
Jehová Diosninchejqa paykunata tukuchenqa.+
95 Jamuychej, kusiywan qhaparina Jehová Diosninchejman.
Kusiywan qhaparina Diosta jatunchaspa, paymin salvaj Diosninchejqa, paymin pakakunanchej Chhankaqa.+
2 Ñaupaqenman yaykuna graciasta qospa.+
Takirina, kusisqataj qhaparina Diosta jatunchaspa.
3 Jehová Diosmin jatun Diosqa.
Tukuy diosesmanta paymin aswan jatun Reyqa.+
4 Jallpʼaj ukhu wayqʼosnenqa paypa makinpi kashan,
orqo puntaspis paypata.+
6 Jamuychej, kʼumuykukuspa Diosta yupaychasunchej.
Jehová Diosninchejpa ñaupaqenpi qonqorikuna, paymin Ruwawajninchejqa.+
7 Paymin Diosninchejqa.
Noqanchejtaj llajtan kanchej.
Paymin ovejitasta jina qʼomer pampaspi michiwanchej.+
Sichus nisqanta kunan uyarinkichej chayqa,+
8 ama sonqoykichejta rumiyachiychejchu, imaynatachus ñaupa tatasniykichej Meribapi* ruwarqanku ajinataqa.+
Chay pʼunchay paykunaqa sonqonkuta rumiyacherqanku Masapi,* chay chʼin pampapi.+
9 Chaypacha ñaupa tatasniykichejqa pruebaman churawarqanku,+
tʼukuna ruwasqasniyta rikushaspapis contrayta oqharikorqanku.+
10 Chay tiempo runasta 40 watasta chejnikorqani,* nerqanitaj:
“Kay runaspa sonqonkoqa wistʼuykapullan.
Mana ñankunasniyta rejsinkuchu”, nispa.
11 Sinchʼita rabiakuspataj jurarqani:
“Mana noqawan khuska samarikonqankuchu”, nispa.+
96 Jehová Diospaj mosoj takiyta takiripuychej.+
Tukuy jallpʼantin, Jehová Diospaj takiripuychej.+
2 Jehová Diospaj takiychej. Sutinta jatunchaychej.
Sapa pʼunchay willaychej runasta salvasqanmanta sumaj willaykunata.+
3 Naciones ukhupi jatun kayninmanta willaychej,
tʼukunasta ruwasqanmanta llajtas ukhupi willaychej.+
4 Jehová Diosqa jatunmin, paylla jatunchanapaj jina.
Waj dioskunamanta nisqaqa, paylla aswan tʼukunapaj jina.
5 Waj nacionespa tukuy diosesninkoqa qhasi manakajlla kanku, dioses nisqalla kanku.+
Jehová Diostajrí cielota ruwarqa.+
6 Diospa ñaupaqenpi kashanku jatun atiynin, jatun kayninpis.+
Tiyakun chaymantaqa kallpanpis, kusiyninpis kʼancharimun.+
7 Ayllus,* Jehová Diosta jatunchaychej.
Jehová Diosta jatunchaychej atiyniyoj kasqanrayku, kallpayoj kasqanrayku.+
8 Jehová Diosta jatunchaychej sutin jatunchanapaj jina kasqanrayku.+
Regalota apamuspa patiosninman yaykuychej.
9 Llimphu ropasta* churakuspa* Jehová Diospa ñaupaqenpi qonqorikuychej.*
Ñaupaqenpi tukuy jallpʼantin kharkatichun.
10 Naciones ukhupi kayta willaychej: “Jehová Diosqa Reyña.+
Jallpʼaqa sumaj sayachisqa kashan, ni ima kuyurichinmanchu.
Diosqa runasta maychus kajta juzganqa”,+ nispa.
11 Cielosqa kusikuchunku, jallpʼapis kusikullachuntaj.
Mar qochaqa kusiywan sonarichun, mar qochapi tukuy ima kajpis kusikuchun.+
12 Tukuy jallpʼas kusikuchunku, chay jallpʼaspi tukuy ima kajpis kusikuchun.+
Tukuy monte sachʼaspis kusisqa qhaparichunku,+
13 Jehová Diospa ñaupaqenpi qhaparichunku. Payqa jamushan,*
payqa jallpʼata juzgaj jamushan.
97 Jehová Diosqa Reyña.+
Jallpʼaqa kusikuchun.+
Yaku chaupipi jallpʼa churuspis* tukuyninku kusikuchunku.+
2 Diosqa phuyuswan manchay laqhawan muyurisqa kashan.+
Kamachina tiyananqa cheqan kaj patapi sayachisqa kashan, justicia patapi sayachisqa kashan.+
4 Diospa rayosnenqa jallpʼantinta kʼanchaykamunku.
Jallpʼataj rayosta rikuspa kharkatitin.+
5 Orqosqa abeja panal jina unuyapunku Jehová Diospa ñaupaqenpi,+
jallpʼantinmanta Señorpa ñaupaqenpi.
6 Cielosqa justicianta willanku,
tukuynin llajtastaj jatun kayninta rikunku.+
7 Pʼenqaypi rikhurichunku makiwan ruwasqa santosta yupaychajkunaqa.+
Pʼenqaypi rikhurichunku qhasi manakaj diosesninkumanta alabakojkunaqa.+
Tukuy dioses, paypa ñaupaqenpi kʼumuykukuychej.*+
8 Sionqa Dios atipasqanta uyarispa kusikun.+
Jehová Diosníy, Judaj ranchosninpis* kusisqa kashanku
justiciata ruwasqaykimanta.+
9 Qanmin Jehová Diosníy, jallpʼantinmanta Aswan Patapi kaj Dios kanki.
Tukuy diosesmantaqa, qanllamin aswan patapi kanki.*+
10 Qankuna Jehová Diosta munakojkuna, sajra kajta chejniychej.+
11 Kʼanchayqa cheqan runaspaj lliphipirimun.+
Cheqan sonqoyojkunapaj kusiy tiempo chayamun.
12 Qankuna cheqan runas, Jehová Diosta yupaychaspa kusikuychej,
santo sutinta jatunchaychej.
Salmo.
98 Jehová Diospaj mosoj takiyta takipuychej.+
Payqa tʼukunasta ruwan.+
Paña makinwan, santo makinwan salvacionta apamun.+
2 Jehová Diosqa paymanta salvación jamusqanta rejsichin.+
Payqa nacionespa ñaupaqenpi justicianta rejsichin.+
3 Diosqa yuyarikun munakuynin, cheqan kayninpis Israel nacionpaj kasqanta.+
Tukuy jallpʼantin rikunku Diosninchej atipasqanta.*+
4 Tukuy jallpʼantin kusiywan qhaparispa Jehová Diosta jatunchaychej.
Kusikuychej, kusisqataj qhapariychej, alabanzastapis takiripuychej.+
5 Arpata tocarispa Jehová Diospaj alabanzasta takiripuychej,
arpata tocarispa takiripuychej.
6 Cornetasta waqachispa, putututa waqachispa+
kusisqa qhapariychej Reypa ñaupaqenpi, Jehová Diospa ñaupaqenpi.
7 Mar qochaqa kusiywan sonarichun, mar qochapi tukuy ima kajpis kusikuchun.
Jallpʼapis kusikuchun, jallpʼapi tukuy tiyakojkunapis kusikuchunku.
8 Mayusqa tʼajllarikuchunku,
orqospis uj kunkalla kusisqa qhaparichunku+
9 Jehová Diospa ñaupaqenpi. Payqa jallpʼata juzgaj jamushan.*
99 Jehová Diosqa Reyña.+ Llajtasqa kharkatichunku.
Diosqa kamachina tiyananpi tiyasqa kashan querubinespa* patanpi.*+ Jallpʼaqa thalakuchun.
2 Jehová Diosqa Sionpi may jatun.
Payqa tukuy llajtas ukhupi aswan jatun atiyniyoj.+
3 Diosníy, paykunaqa sumaj sutiykita jatunchachunku.+
Sutiykeqa may tʼukuna, santotaj.
4 Diosqa kallpayoj Rey, justiciatataj munakun.+
Qanmin Diosníy, cheqan kajtaqa sumajta sayachinki.
Qanmin Diosníy, justiciata, cheqan kajtawan+ Jacobpaj churarqanki.
5 Jehová Diosninchejta jatunchaychej,+ chaki sarunanpa+ ñaupaqenpitaj kʼumuykukuychej.*
Payqa santo.+
6 Moiseswan Aaronwanqa paypa sacerdotesnin karqanku.+
Samuelqa Diospa sutinta oqharejkunamanta ujnin karqa.+
Paykunaqa Jehová Diosman qhaparikoj kanku,
paytaj kutichimoj.+
7 Sayashaj phuyu ukhumantapacha Diosqa paykunata parlamoj.+
Paykunataj yuyarichisqasninta, qosqan leytapis kasukoj kanku.+
8 Jehová Diosniyku, qanmin paykunata uyarej kanki.+
9 Jehová Diosninchejta jatunchaychej.+
Santo orqonpa ñaupaqenpi kʼumuykukuychej.*+
Jehová Diosninchejqa santo.+
Graciasta qonapaj salmo.
100 Tukuy jallpʼantin kusiywan qhaparispa Jehová Diosta jatunchaychej.+
2 Jehová Diosta kusiywan sirviychej.+
Kusiywan qhaparispa ñaupaqenman yaykuychej.
3 Yachaychej Diosqa Jehová kasqanta.+
Paymin ruwawarqanchej, noqanchejtaj paypata kanchej.*+
Llajtan kanchej, qʼomer pastosninpi michisqan ovejitasnin kanchej.+
4 Graciasta qospa punkusninta yaykuychej.+
Payta alabaspa patiosninman yaykuychej.+
Graciasta qoychej. Sutinta jatunchaychej.+
5 Jehová Diosqa kʼacha.+
Munakuynenqa wiñaypaj kallanqapuni.
Cheqan kayninpis wiñaypaj wiñaynintinpaj.+
Davidpa takiynin. Salmo.
101 Munakuyniykimanta, justiciaykimantawan takirisaj.
Jehová Diosníy, alabanzasta qanpaj takiripusqayki.
2 Cheqanta purisaj, mana juchata ruwaspa.
Yanapariway Diosníy.
Noqaqa wasiy kʼuchupipis llimphu sonqoyoj,+ mana juchachana kausakusaj.
3 Ñawisneyqa mana ima millaytapis qhawanqachu.*
Cheqan ñanmanta wistʼuykapoj runaspa ruwasqasninkuta chejnini.+
Chaykunawanqa ni ima ruwanay kanchu.*
4 Sajra sonqoyoj runaqa noqamanta karupi kashan.
Ni ima sajra ruwaymanpis satʼikusajchu.
Runaykachaspa umata oqharejtapis
mana qhawallasajchu.
6 Kay jallpʼamanta Diosta kasukoj runastaqa allinpaj qhawasaj.
Paykunaqa noqawan khuska tiyakonqanku.
Mana juchayojkunaqa kamachisniy kanqanku.
7 Ni mayqen engañaj runapis wasiypi tiyakonqachu.
Llulla runapis mana ñaupaqeypi sayanqachu.
8 Sapa paqarin jallpʼantinmanta tukuy sajra runasta tukuchisaj.
Jehová Diospa llajtanmanta sajrata ruwajkunata llimphuta tukuchisaj.+
Llakisqa runaj mañakuynin. Llakisqa runa ni imanakuyta atispa* Jehová Diosman llakiyninta willakun.+
102 Jehová Diosníy, mañakusqayta uyarillaway ari.+
Yanapata mañakusqayqa qankama chayamuchun.+
2 Llakiypi kashajteyqa ama noqamanta uyaykita pakaykuychu.+
Mañakusqayta kʼumuykakamuspa uyarillaway ari.
Qhaparikamojteyqa usqhayllata uyariway Diosníy.+
3 Kausayneyqa qʼoshñi jina chinkaripushan.
Tullusneyqa ninapis ruphaykushanman jina kashan.+
4 Sonqoyqa phutisqa kashan, qawispa chʼakipoj qhora jina,+
niña yarqhawanpischu.
5 Chay jina llakisqa kasqaypi ay ay nishallaniña.+
Aychaypis tullusniyman kʼaskaykun.+
6 Chʼinnejpi utirayaj pili jina* kani.
Saqerasqa wasispi juku jina kani.
7 Siriykojteyqa* ni puñuypis atiwanchu.
Wasi pataspi sapallan purikoj pʼisqo jina kani.+
8 Enemigosneyqa tuta pʼunchay asipayawanku.+
Burlakuwajkunaqa sutiyta oqharispa maldecinku.
9 Ushphataqa tʼantata jina mikhushani.+
Ujyanaypis waqayniywan chajru kashan.+
10 Ajina kashani rabiakuspa phiñakusqaykirayku.
Qanqa pataman oqhariwaspapis wijchʼullawankitaj.
11 Kausayneyqa llanthu jinalla pasapushan.+
Qhora jina qawipushani.+
12 Qantajrí Jehová Diosníy, wiñay wiñaypaj kausanki.+
Sutiykeqa wiñay wiñaypaj yuyarisqa kanqa.+
13 Diosníy, qanmin sayarikuspa Sionta khuyakunki.+
Sionta khuyakunaykipaj tiempoña.+
Señalasqa tiempoqa chayamunña.+
15 Nacionesqa Jehová Diospa sutinta manchachikonqanku.
Tukuy jallpʼantinmanta reyespis Diospa jatun kayninta manchachikonqanku.+
16 Jehová Diosqa Sionta watejmanta sayarichenqa.+
Payqa may atiyniyoj kasqanta rejsichenqa.+
17 Wajcha runaj mañakuyninta uyarenqa.+
Mañakusqantaqa mana qhesachanqachu.+
19 Payqa patamantapacha qhawamun, santo lugarninmantapacha.+
Jehová Diosqa cielomantapacha jallpʼata qhawamun
20 presochasqa runaspa ay ay nisqankuta uyarinanpaj,+
wañunankupaj juchachasqa kanku chaykunata salvananpaj.+
21 Ajinamanta Jehová Diospa sutin Sionpi willakunanpaj,+
Jerusalenpitaj jatunchasqa kananpaj,
22 maypachachus nacionespis gobiernospis
tantakonqanku Jehová Diosta yupaychanankupaj chaypacha.+
23 Jovenllaraj kashajtiy kallpayta qhechuwan.
Kausanay tiempotapis pisiyachin.
24 Noqa nerqani: “Diosníy,
qanqa wiñay wiñaypaj kausanki,
ama noqata chinkarparichiwaychu manaraj viejoyashajtiy.+
25 Diosníy, qanqa unayña jallpʼaj cimientosninta churarqanki.
Qanmin cielotaqa makiykiwan ruwarqanki.+
26 Chay imasqa chinkarenqanku, qantajrí wiñaypaj kallankipuni.
Ropa jina thantakaponqanku.
Ropata jina cambianki, tukukaponqankutaj.
27 Qantajrí Diosníy, kikillanpuni kanki,* wiñaypaj kausallankipuni.+
28 Kamachisniykej wawasnenqa ni imata manchikuspa kausakonqanku.
Mirayninkoqa allinta kausakonqanku qanpa ñaupaqeykipi”,+ nispa.
Davidpa takiynin.
103 Noqaqa Jehová Diosta jatunchasaj.
Tukuy sonqoywan santo sutinta jatunchasaj.
2 Noqaqa Jehová Diosta jatunchasaj.
Ni jaykʼaj qonqasajchu tukuy ruwasqasninta.+
4 Payqa pʼampakunay tʼoqomanta salvawan.+
Payqa munakuwan khuyakuwantaj.+
7 Payqa ñankunasninta Moisesman rejsicherqa.+
Payqa ruwasqasninta Israelpa wawasninman rejsicherqa.+
11 Imaynatachus cieloqa jallpʼamanta allin patapipuni kashan,
ajinallataj Diospa munakuynenqa may jina jatun payta manchachikojkunapaj.+
12 Imaynatachus inti llojsimuy ladoqa may jina karupi kashan inti yaykuy ladomanta,
ajinata Diosqa pantasqasninchejta noqanchejmanta may jina karuman churan.+
13 Imaynatachus uj tata wawasninta khuyakun,
ajinallatataj Jehová Diosqa payta manchachikojkunata khuyakun.+
15 Wañoj runaqa qʼomer qhora jina pisillata kausan.+
Campo tʼika jina uj ratollapaj tʼikarparin.+
16 Wayra phukurimojtintaj chinkaripun,
manapis kanmanchu karqa jina.
17 Jehová Diospa munakuynintajrí wiñaypaj wiñaynintinpaj
payta manchachikojkunapaj.+
Justicianpis wawaspa wawasninpaj,+
18 pikunachus tratonta valechinku chaykunapaj,+
kamachisqasninta sumajta kasukunku chaykunapajpis.
19 Jehová Diosqa kamachina tiyananta cielopi sumajta sayachin.+
Payqa Rey jina tukuy imata gobernashan.+
20 Jehová Diosta jatunchaychej, qankuna may jina atiyniyoj angelesnin.+
Qankuna paypa nisqanta uyarispa+ kasukojkuna, payta jatunchaychej.
21 Jehová Diosta jatunchaychej, qankuna ejercitosnin kajkuna.+
Qankuna Diosta sirvejkuna, munayninta ruwajkuna, payta jatunchaychej.+
22 Jehová Diosta jatunchaychej, paypa tukuy ruwasqasnin,
payta jatunchaychej maypichá pay gobernashan chay tukuy lugarespi.
Noqaqa Jehová Diosta tukuy sonqoywan jatunchasaj.
104 Noqaqa Jehová Diosta jatunchasaj.+
Jehová Diosníy, may jatun kanki.+
Pʼachallisqa kashanki jatunpaj qhawasqa kaywan, jatun atiywantaj.+
2 Kʼanchaywan muyurisqa kashanki,+ kʼanchaywanpis pʼachallikuwaj jina.
Cielotaqa aysarinki toldo wasej* qhatananta jina.+
3 Diosqa phuyus patapi* alto cuartosninpaj vigasta churashan.+
Phuyusmin carretanqa.+
Carretanpitaj wayraj lijrasnin* patata purin.+
4 Angelesnintaqa kallpasapasman tukuchin.*
Kamachisnintaqa laurashaj ninaman tukuchin.+
5 Diosqa jallpʼata cimientosnin patapi sayachin.+
Chaymantataj wiñaypaj wiñaynintinpaj mana kuyuchisqachu kanqa.+
6 Diosníy, jallpʼataqa ashkha yakuwan pʼampaykorqanki, ropatapis churaykuwaj jina.+
Yakoqa orqostapuni pʼampaykorqa.
7 Kʼamejtiykitaj yakusqa ayqerqanku.+
Qhorurun nichimusqaykitawan mancharisqa ayqerqanku.
8 Orqosqa pataman oqharikorqanku,+ wayqʼostaj chinkaykorqanku
maypichá kanankuta nerqanki chayman.
10 Diosqa yakuta mayusninta kachaykun.
Yakoqa orqo chaupisninta correrin.
11 Chay mayusmanta tukuy monte animales yakuta tomanku.
Kʼita burrosqa chay mayuspi chʼakiyninkuta thasnunku.
12 Pʼisqosqa mayu kantuspi thapachakunku.
Sachʼaj ramasninpi juntʼa chʼajwarinku.
13 Diosqa pata cuartosninmantapacha orqosta qarpamun.+
Diosníy, tukuy ima ruwasqaykiwan jallpʼata sumajta sajsachinki.+
14 Diosqa uywaspaj pastota wiñachin.
Runaspajpis plantasta wiñachin.+
Ajinamanta jallpʼapi mikhuykunata poqochin.
15 Vinotapis qon runaj sonqonta qhallallarichinanpaj.+
Aceitetapis qon runaj uyanta kʼancharichinanpaj.
Tʼantatapis qollantaj runaman* kallpata qonanpaj.+
16 Jehová Diospa sachʼasnenqa sumaj qarpasqa kashanku.
Paymin cedro sachʼasnintaqa Líbano orqospi plantarqa.
17 Pʼisqosqa chay sachʼaspi thapachakunku.
Cigüeñasqa+ enebro sachʼaspi thapachakunku.
18 Orqo puntasqa kʼita cabraspa wasin.+
19 Diosqa killata ruwarqa tiemposta tʼaqananpaj.
Inteqa allinta yachan ima ratochus yaykupunanta.+
20 Diosníy, laqhayachisqaykitawan chʼisiyapun,+
montepitaj tukuy animales puriykachanku.
21 Maltón leonesqa animalesta japʼiyta munaspa qhaparirispa purinku.+
Chay leonesqa Diospa churasqan mikhunata maskʼanku.+
22 Inti llojsimojtintaj
chinkarinku, juskʼusninkupi winkumunku.*
23 Runataj llankʼananman rin,
tardeyaykunankama trabajamun.
24 Jehová Diosníy, ruwasqasniykeqa may chhika.+
Chay tukuy imastaqa allin yachayniykiwan ruwarqanki.+
Jallpʼaqa ruwasqasniykiwan juntʼa kashan.
25 Mar qochaqa may jatun, allin ukhutaj.
Mar qochaqa juntʼa kashan juchʼuy animaleswan, jatuchaj animaleswanpis.+
26 Barcospis mar qochanta purinku.
Leviatanpis*+ chayllapitaj purikun, paytaqa mar qochapi pujllakunanpaj ruwarqanki.
27 Tukuyninku suyakunku
mikhunata horanpi qonaykita.+
Makiykita kicharejtiykeqa sumaj imaswan sajsakunku.+
29 Uyaykita pakajtiykitaj ni imanakuyta atinkuchu.
Samayninkuta qhechojtiyki wañunku, jallpʼamantaj tukunku.+
30 Espirituykita kachamojtiykeqa ruwasqa kanku.+
Qanmin jallpʼa patatapis mosojyachinki.
31 Jehová Diospa jatun kaynenqa wiñaypaj kallanqapuni.
Jehová Diosqa ruwasqasninpi kusikonqa.+
32 Payqa jallpʼata qhawarimun, jallpʼataj kharkatitin.
Orqosta llankharin, orqostaj qʼoshñirinku.+
33 Tukuy kausayniypi Jehová Diospaj takisaj.+
Kausashaspaqa Diosniypaj alabanzasta takirisaj.+
34 Yuyasqayqa Diospa ñaupaqenpi sumaj kachun.*
Noqaqa Jehová Diosrayku kusikusaj.
35 Juchasapasqa jallpʼamanta chinkaponqanku,
sajra runaspis manaña kanqankuchu.+
Noqatajrí Jehová Diosta jatunchasaj. Jehová* Diosta jatunchaychej.*
105 Jehová Diosman graciasta qoychej,+ sutinta oqhariychej.
Ruwasqasninta llajtaspi rejsichiychej.+
2 Takipuychej, alabanzasta takipuychej.*
Tukuynin sumaj ruwasqasninpi tʼukuriychej.*+
3 Diospa santo sutinmanta tukuy sonqo parlaychej.+
Jehová Diosta maskʼajkunaj sonqonku kusisqa kachun.+
4 Jehová Diosta maskʼaychej,+ kallpanta mañakuychej.
Khuyakusunaykichejpaj tuta pʼunchay mañakuychej.
5 Yuyarikuychej allin tʼukunasta ruwasqanmanta.
Yuyarikuychej milagrosta ruwasqanmanta, castigosta apachimusqanmantapis.+
6 Chayta yuyarikuychej, kamachin Abrahanpa miraynin kajkuna,+
Jacobpa wawasnin kajkuna, ajllasqasnin kajkuna.+
7 Paymin Jehová Diosninchejqa.+
Kamachiykunasnenqa jallpʼantinpi churasqa kashan.+
8 Diosqa trato ruwasqanta wiñaypaj yuyarikunpuni.+
Nacionninpaj ruwasaj nisqantaqa ni jaykʼaj qonqanqachu.+
10 mayqentachus Jacobman garantiata jina qorqa chayta,
Israelmanpis unay wataspaj traton kananpaj qorqa chayta.
12 Chayta nerqa pisillaraj kashajtinku.+
Allin pisillarajpuni karqanku, paykunaqa forasteros jina purikusharqanku.+
13 Nacionmanta nación purerqanku.
Uj suyumanta waj suyuman riporqanku.+
14 Diosqa mana saqerqachu ni pi paykunata ñakʼarichinanta.+
Astawanqa paykunarayku reyestapis kʼamerqa,+
15 kay jinata nispa: “Ama ajllasqasniytaqa llankhankichejchu,
ama profetasniytaqa imanankichejchu”,+ nispa.
16 Diosqa jallpʼapi yarqhay kananta nerqa.+
Mana mikhunayojta rikhuricherqa.
17 Paykunaj ñaupaqenkuta uj runata kacharqa,
paytaqa esclavo kananpaj venderqanku, chay runaqa José karqa.+
19 Ajina karqa Diospa palabran juntʼakunankama.+
Jehová Diospa nisqanqa Joseta aswan allin runaman tukucherqa.*
20 Reyqa Joseta kacharinankuta kamacherqa.+
Llajtasta gobernajqa Joseta kacharicherqa.
21 Paytaqa wasinpi patrón kananpaj churarqa,
tukuy ima kapusqanta qhawananpaj churarqa.+
22 Reypa kuraj kamachisninta munasqanman jina kamachinanpaj,
kurajkunasninmanpis allin yachayta qonanpaj.+
23 Chantá Israelqa Egiptoman riporqa.+
Jacobqa forastero jina Cam jallpʼapi tiyakorqa.
25 Diosqa saqellarqa enemigosninku nacionninta chejnikunankuta.
Chayrayku enemigosninkoqa kamachisninpa contranta mana allin imasta yuyaychakorqanku.+
26 Diosqa kamachin Moisesta kacharqa,+
Aarontapis+ kachallarqataj, paytaqa Moiseswan khuska rinanpaj ajllarqa.
27 Paykunaqa egipciosman Diospa señalesninta rikucherqanku,
Cam jallpʼapi Diospa milagrosninta ruwarqanku.+
28 Paykunaqa Diospa nisqanta kasukorqanku.
Diosqa Egipto jallpʼata laqhayaykucherqa.+
29 Yakusnintaqa yawarman tukucherqa.
Pescadosninkutapis wañuracherqa.+
31 Diosqa khanikoj chʼuspista* kamacherqa jallpʼankuman juntʼaykunankuta,
zancudostapis* kamacherqa tukuynin jallpʼasninkuman juntʼaykunankuta.+
32 Parataqa granizoman tukucherqa.
Rayostapis* jallpʼankuman kachaykorqa.+
33 Uva sachʼasninkuta higo sachʼasninkutawan thantata ruwarqa,
jallpʼankupi kaj sachʼastapis pʼakirarqa.
34 Diosqa kamacherqa langostas Egipto jallpʼaman juntʼaykunankuta,
mana yupay atina manaraj phawaj langostas juntʼaykunankuta nerqa.+
35 Langostastaj tukuy qʼomerkunata mikhukaporqanku,
jallpʼaj poqosqanta mikhukaporqanku.
36 Chantá Diosqa egipciospa jallpʼankumanta tukuynin kuraj wawasta tukucherqa.+
Tukuynin ñaupajta nacekojkunata tukucherqa.
37 Diosqa nacionninta qolqeyojta, qoriyojta orqhomorqa,+
ayllusnin* ukhumantaqa ni pi desmayaporqachu.
38 Egipciosqa maytapuni israelitasta manchachikorqanku.+
Chayrayku ripusqankumanta kusikorqanku.
39 Diosqa israelitasta phuyuwan pakaykorqa.+
Tutantaj ninawan kʼancharqa.+
40 Aychata mañakojtinku yuthusta* paykunaman qorqa.+
Cielomanta tʼantata qospa paykunata sajsacherqa.+
41 Chhankata phatacherqa, yakutaj phullchimorqa,+
chay yakustaj chʼaki pampasta mayu jina purirerqa.+
42 Diosqa santo juramentonta yuyarikorqa, mayqentachus kamachin Abrahanman jurarqa chayta.+
43 Chayrayku nacionnintaqa kusisqata orqhomorqa.+
Ajllasqasnintaqa kusiymanta qhaparirishajta orqhomorqa.
44 Paykunamanqa nacionespa jallpʼasninkuta qoporqa.+
Waj runas trabajowan ruwakusqankuta paykunaqa japʼikaporqanku.+
45 Diosqa chayta ruwarqa imastachus kamacherqa chayta juntʼanankupaj,+
leyesnintapis kasukunankupaj.
Jehová* Diosta jatunchaychej.*
106 Jehová* Diosta jatunchaychej.*
Jehová Diosman graciasta qoychej kʼacha kasqanrayku.+
Munakuynenqa wiñaypaj kallanqapuni.+
2 Jehová Diospa jatun atiyninwan ruwasqasninmanta, ¿pitaj tukuysitunta willayta atinmanri?
Alabanapaj jina sumaj ruwasqasninmanta, ¿pitaj qʼalitunta willayta atinmanri?+
3 Kusisqa kanku cheqanta purejkuna,
pikunachus cheqan kajta ruwanku chaykuna.+
4 Jehová Diosníy, noqamanta yuyarikuy llajtaykita khuyakushajtiyki.+
Cuidaway Diosníy, salvaway.
5 Ajinamanta kusisqa kasaj ajllasqasniykita jina khuyakuwajtiyki,+
nacionniykiwan khuska kusikusaj,
herenciaykiwan khuska umata oqharispa jatunchasqayki.
6 Noqaykoqa ñaupa tatasniyku jina juchallikuyku.+
Mana allintachu ruwayku, sajra imasta ruwayku.+
7 Ñaupa tatasniykoqa Egiptopi tʼukuna imasta ruwasqaykita mana jatunpajchu qhawarqanku.*
Jatun munakuyniykimanta qonqaporqanku,
mar qocha kantullapiraj kashaspa contraykita oqharikorqanku, chay Puka mar kantullapiraj kashaspa.+
9 Chay Puka mar qochata kʼamerqa, qochataj chʼakirparqa.
Paykunataqa chay qochaj ukhu pampanta pusarqa tʼajra pampantapis pusashanman jinata.+
10 Contrarionkoj makinmanta kacharicherqa.+
Paykunataqa enemigonkoj makinmanta mañakaporqa.+
11 Yakoqa enemigosninkuta pʼampaykorqa,
ni ujpis kausashaj qhepakorqachu.+
12 Chaypacharaj Diospa ruwasaj nisqanta creerqanku.+
Paykunaqa alabanzasta takiporqanku.+
13 Ajinapis chay rato qonqarqanku chay ruwasqasninta.+
Manataj suyakorqankuchu Dios paykunata yuyaychananta.
14 Chay chʼin pampaspi paykunaqa sajra munayninkuta ruwarqanku.+
Chay tʼajra pampaspi Diosta pruebaman churarqanku.+
15 Diosqa mañakusqankuta paykunaman qorqa.
Chaypachataj paykunata sinchʼita onqoykucherqa, paykunataj llauchʼiyaspa wañurarqanku.+
16 Campamentonkupi* kashaspa Moisesmanta envidiakorqanku,
Aaronmantapis envidiakullarqankutaj,+ Jehová Diospa ajllasqan* kashajtinpis.+
17 Chaypacha jallpʼaqa kicharikuspa Datanta oqoykorqa,
Abiramwan tantasqa kajkunatapis pʼampaykorqa.+
18 Paykuna parte kajkunaj chaupinkupitaj nina laurarerqa.
Chay sajra runastaqa nina ruphaykorqa.+
19 Israelitasqa Horebpi uj waka uñata ruwakorqanku.
Chay metalmanta* ruwasqankumantaj kʼumuykukorqanku.+
20 Noqata yupaychanawankutaqa,
chay pasto mikhu torota yupaycharqanku.+
21 Diosninkuta qonqarqanku,+ paykunata salvashajtinpis,
Egiptopi tʼukunasta ruwashajtinpis,+
22 Cam jallpʼapi jatuchaj tʼukunasta ruwashajtinpis,+
Puka mar qochapi mancharina tʼukunasta ruwashajtinpis.+
23 Chayrayku Diosqa paykunata tukurpachisaj ninanpajña kasharqa,
ajllakusqan Moisestaj Diosta rogakorqa,
ama sinchʼi phiñakuyninpi paykunata tukurpachinanta.+
24 Paykunataj chay sumaj jallpʼata pisipaj qhawarqanku.+
Nisqanta mana creerqankuchu.+
25 Toldo wasisninkupi* siga thutorqanku.+
Jehová Diospa nisqanta mana uyarerqankuchu.+
26 Chayrayku Diosqa makinta oqharispa jurarqa,
paykunata chay chʼin jallpʼapi wañurachinanta,+
27 wawasninkutapis waj nacionesman chʼeqerachinanta,*
waj llajtaspi wañuranankupaj.+
29 Ruwasqasninkuwan Diosta phiñacherqanku.+
Chayrayku paykunata sinchʼi onqoywan castigarqa.+
30 Maypachachus Finehasqa sayarispa cheqan kajta ruwarqa,
chaypacha chay onqoyqa chinkarqa.+
31 Chayrayku Diosqa payta cheqan runapaj qhawarqa.
Ruwasqanqa wiñay wiñaypaj allinpaj qhawasqa kanqa.+
32 Meribá* yakus chaynejpi Diosta phiñacherqanku.
Paykunaj juchankurayku Moisesta mana allinchu rerqa.+
33 Moisesta rabiaykucherqanku.
Chayrayku Moisesqa mana allinta yuyaychakuspa parlaykorqa.+
34 Mana chay waj llajtayoj runasta chinkacherqankuchu,+
Jehová Dios chinkachinankuta kamachishajtinpis.+
36 Chay nacionespa diosesninkuta yupaychaspa karqanku.+
Chaytaj paykunapaj trampanku karqa.+
37 Qhari wawasninkuta, warmi wawasninkutapis
demoniosman qararqanku.+
38 Mana juchayojkunaj yawarninkuta siga jichʼasharqanku.+
Qhari wawasninkoj warmi wawasninkoj yawarninta jichʼarqanku,
chay wawasninkutaqa Canaanmanta santosman qararqanku.+
Jallpʼaqa chay yawarwan chʼichichakorqa.
39 Chay ruwasqankuwan millachikunaman tukorqanku.+
Chay imasta ruwaspa waj dioseswan qhenchachakorqanku.*
40 Chaypacha Jehová Diospa rabianqa llajtanpaj tʼimpurerqa,
herenciantaqa chejnisqata chejnikaporqa.
41 Paykunataqa kutin kutinta waj nacionespa makinkuman jaywaykorqa,+
chejnikojkunaj mandonkupi kanankupaj.+
42 Enemigosninkoqa paykunata ñakʼaricherqanku.
Paykunaqa enemigosninkoj makinkupi karqanku.
Ajinata pantasqankurayku kʼumuykachachisqa karqanku.+
45 Paykunarayku trato ruwasqanta yuyarikoj.
Jatun munakuyninrayku paykunata khuyakoj.+
46 Diosqa enemigosnillankuwantaj paykunata khuyachej,
pikunachus presosta apakaporqanku chaykunallawantaj.+
47 Jehová Diosníy, salvawayku ari.+
Naciones ukhumanta tantamuwayku ari,+
santo sutiykita yupaychanaykupaj,
may kusisqa qanta jatunchanaykupaj.+
48 Israelpa Diosnin Jehovaqa jatunchasqa kachun,
wiñaypaj wiñaynintinpaj jatunchasqa kachun.+
Tukuy runas nichunku “amén”* nispa.
Jehová* Diosta jatunchaychej.*
PHISHQA KAJ LIBRO
(Salmos 107–150)
107 Jehová Diosman graciasta qoychej, kʼacha kasqanrayku.+
Munakuynenqa wiñaypaj kallanqapuni.+
2 Chayta nichunku pikunatachus Jehová Dios enemigosninmanta kutichikaporqa chaykuna.
Pikunatachus enemigoj makinmanta kacharicherqa chaykuna.+
3 Chayta nichunku pikunatachus waj jallpʼasmanta tantamorqa+
inti llojsimuy ladomanta, inti yaykuy ladomanta,
4 Paykunaqa chʼin pampaspi, chʼaki jallpʼaspi kayman jaqayman purerqanku,
mana ñanta tarerqankuchu mayqen llajtallamanpis tiyakoj rinankupaj.
5 Yarqhasqastaj chʼakisqastaj kasharqanku.
Saykʼusqankupi desmayanankupajña kasharqanku.
6 Chay jinata ñakʼarishajtinku Jehová Diosman qhaparikorqanku.+
Diostaj paykunata chay ñakʼariymanta librarqa.+
8 Runasqa Jehová Diosman gracias nichunku+ munakuyninrayku,
runaspajpis tʼukuna imasta ruwapusqanrayku.+
9 Diosqa chʼakichikojta yakuwan sajsachin.
Yarqhasqatapis allin imaswan sajsachin.+
10 Wakenqa manchay laqhapi tiyakorqanku,
presos karqanku, cadenaswan watasqa ñakʼarerqanku.
11 Paykunaqa Diospa palabranta mana kasukorqankuchu.
Aswan Patapi kaj Diospa yuyaychasqanta mana valecherqankuchu.+
12 Chayrayku Diosqa paykunata kʼumuykachacherqa ñakʼarinankuta saqespa.+
Paykunaqa urmarqanku,* nitaj pipis yanaparej karqachu.
13 Ñakʼarishajtinku Jehová Diosman qhaparikorqanku yanapata mañakuspa.
Diostaj paykunata salvarqa chay ñakʼariymanta.
14 Diosqa paykunata sinchʼi laqhamanta orqhomorqa.
Watanasninkutapis pʼitirarqa.*+
15 Runasqa Jehová Diosman gracias nichunku munakuyninrayku,+
runaspajpis tʼukuna imasta ruwapusqanrayku.
16 Diosqa cobre punkusta urmacherqa,
chay punkuspa fierro trancanasnintapis pʼakirarqa.+
17 Paykunaqa wampus karqanku.
Pantasqankurayku, mana kasukusqankurayku ñakʼarerqanku.+
18 Ni imata mikhuyta munarqankuñachu,
wañuy patapiña kasharqanku.
19 Ñakʼarishajtinku Jehová Diosman qhaparikorqanku yanapata mañakuspa.
Diostaj paykunata salvarqa chay ñakʼariymanta.
20 Diosqa sanoyanankuta kamacherqa, sanoyarqankutaj.+
Paykunataqa tʼoqospi presos kashajtinku orqhomorqa.
21 Runasqa Jehová Diosman gracias nichunku munakuyninrayku,
runaspajpis tʼukuna imasta ruwapusqanrayku.
22 Diosman graciasta qospa jaywanasta qochunku.+
Ruwasqasninmanta kusiywan qhaparispa willachunku.
23 Mar yakusninta barcospi viajajkunaqa,
pikunachus chay chhika yakuspi purinku kausayta maskʼaspa,+
24 chaykuna rikunku Jehová Diospa ruwasqasninta,
ukhu yakuspi tʼukunasta ruwasqasnintapis.+
25 Paykunaqa rikunku parlasqallanwan sinchʼi wayrata jatarichisqanta,+
wayrataj mar yakusta qhollchoqeyachisqanta.
26 Yakoqa qhollchoqeyaspa paykunata pataman oqharin,
chantá watejmanta mar qocha chaupiman wijchʼuykullantaj.
Paykunaqa desgracia qhatirinanta yachaspa sinchʼita mancharikunku.
27 Machasqa jina kayman jaqayman chankaykachanku.*
Barcota sumajta apayta yachasqankoqa qhasi manakajlla.+
28 Ñakʼarishajtinku Jehová Diosman qhaparikunku yanapata mañakuspa.+
Diostaj paykunata salvan chay ñakʼariymanta.
29 Diosqa chay sinchʼi wayrata chʼinyachin,
marpi qhollchoqeyaj yakustaj tiyaykunku.+
30 Chay yakus tiyaykojtintaj paykunaqa kusikunku,
Diostaj maymanchá chayayta munarqanku chay mar kantuman chayachin.
31 Runasqa Jehová Diosman gracias nichunku munakuyninrayku,
runaspajpis tʼukuna imasta ruwapusqanrayku.+
32 Diosta jatunchachunku tantasqa runas chaupipi.+
Diosta alabachunku kurajkuna tantasqa kashanku chay chaupipi.
33 Diosqa mayusta chʼaki wayqʼosman tukuchin.
Yaku juturistapis chʼaki pampasman tukuchin.+
34 Sumajta poqoj jallpʼatapis mana poqoj jallpʼaman tukuchin,+
chaypi tiyakojkuna sajras kasqankurayku.
35 Diosqa chʼaki jallpʼasta qochasman tukuchin, totorasniyoj qochasman.
Tʼajra jallpʼastapis juturisniyoj jallpʼasman tukuchin.+
36 Chaymantaj yarqhasqa runasta tiyakunankupaj pusan,+
chaypi llajtata rikhurichispa tiyakunankupaj.+
37 Chajrasta tarpunku, uvasta plantanku.+
Chay churasqankutaj sumajta poqorin.+
38 Diosqa paykunata bendecin, paykunataj ashkhaman miranku.
Manataj qhawakullanchu uywasninku pisiyananta.+
39 Paykunataj ñakʼariy kajtin, llakiy kajtin, phutiy kajtin,
watejmanta pisiyapunku, kʼumuykachachisqataj kanku.
40 Diosqa kamachejkunata kʼumuykachachin.
Mana mayman riy atina chʼin pampaspitaj pawichispa purichin.*+
41 Wajchastataj jarkʼakun ama ñakʼarinankupaj,+
familiasninkutapis mayta mirachin, oveja tropata jina.
43 Yachayniyoj runaqa chay imasta sumajta reparanqa.+
Allinta tʼukurispataj tantearenqa imastachus Jehová Dios munakuywan ruwasqanta.+
Takiy. Davidpa takiynin.
108 Diosníy, sonqoyqa qanllapaj.
Tukuy sonqo alabanzasta takispa jatunchasqayki.+
2 Cuerdasniyoj tocana, rijchʼariy. Qanpis arpa, rijchʼariy.+
Noqapis tutamanta rijchʼarisaj.
3 Jehová Diosníy, runaspa ñaupaqenkupi jatunchasqayki.
Nacionespa ñaupaqenkupi alabanzasta takipusqayki.
4 Munakuyniykeqa may jina jatun, cielokamapuni chayan.+
Cheqan kayniykipis phuyuskama chayan.
5 Diosníy, may jina jatunchus kasqaykita cielopi rikuchiy,
tukuy jallpʼantin jatun kayniykita rikuchunku.+
6 Ajinamanta munasqa wawasniykeqa kacharichisqa kasqayku.*
Diosníy, kallpaykiwan salvawayku, uyarillaway ari.+
7 Diosqa santo kayninpi* nin:
“Sichemtaqa*+ herenciata jina kusisqa qopusaj.
Sucot mayutapis* midispa qopusaj.+
8 Galaadqa+ noqajta, Manasespis noqajllatataj.
Efrainqa umaypaj casco jina.+
Judataj kamachina tojnuy jina.+
9 Moabqa mayllakunay chʼillami jinalla.+
Edommanqa jukʼutaywan* choqaykusaj.+
Filisteata atipaykusaj, kusisqataj qhaparisaj”,+ nispa.
10 Diosníy, ¿pitaj pusawanqa jarkʼachasqa llajtata atipanaypajri?
¿Pitaj Edomkama pusawanqari?+
11 Qanlla pusawankiman Diosníy, kunantajrí qanllataj saqerpariwayku.
Manaña soldadosniykuwanpis maqanakuman rishankichu.+
12 Diosníy, llakiypi kashayku, yanapariwayku ari.+
Runasqa mana salvayta atiwaykumanchu.+
13 Dioslla kallpata qowasun.+
Paymin enemigosninchejta saruranqa.+
Takichejpaj. Davidpa takiynin. Salmo.
109 Diosníy, ama chʼinlla kaychu, qantamin jatunchayki.+
2 Sajra runaspis llulla runaspis contrayta parlanku.
Llullakuspa qhasi manakaj imasta noqamanta parlanku.+
3 Paykunaqa muyuykuwaspa kʼarajta rimawanku.
Qhasillamanta noqawan tinkoj churakunku.+
4 Paykunata munakushajtiypis qhasimanta tumpashawanku.+
Noqatajrí orakushallanipuni.
5 Paykunapaj allin kajta ruwashajtiypis mana allin kajwan pagawanku.+
Munakushajtiypis chejniwanku.+
6 Diosníy, uj sajra runata churay enemigoyta juzgananpaj.
Paña ladonpi uj runa sayaykuspa payta chʼataykuchun.*
7 Juzgashajtinku payqa juchayoj rikhurichun,
orakusqanpis juchallataj kachun.+
Kamachej cargontapis waj japʼichun.+
9 Wawasnenqa* mana tatayoj rikhurichunku,
warminpis viuda qhepakuchun.
10 Wawasnenqa* mañakuspa kayman jaqayman purichunku.
Thanta wasinkumanta llojsispa mikhunata maskʼachunku.
11 Payman manorqa chay runaqa tukuy imanta japʼikapuchun,
mana rejsisqa runastaj tukuy kapusqanta apakapuchunku.
12 Ama pipis paytaqa khuyarichunchu.
Mana tatayoj wawasnintapis ni pi khuyakuchunchu.
13 Mirayninmanta kajkunaqa tukuchisqa kachunku.+
Sutisninkupis jamoj wawaspa tiemponpi qonqasqa kachun.
14 Ñaupa tatasninpa pantasqankutaqa ama Jehová Dios qonqachunchu.+
Mamanpa juchanpis ama perdonasqachu kachun.
15 Jehová Diosqa ama qonqachunchu paykunaj ruwasqasninkuta.
Sutisninkuta jallpʼamanta chinkachichun.+
16 Chay runaqa mana ni pita khuyarikorqachu.+
Astawanpis wañuchinanpaj qhatiykacharqa
ñakʼarej runata,+ wajchata, sonqo nanasqatapis.+
17 Wajkunata maldeciymantaqa wañurej, chay maldiciontaj payllamantaj chayaykoj.
Wajkunata bendeciytaqa ni yuyallajpischu, ajinapi payqa ni ima bendiciontapis japʼejchu.
18 Maldicionesta parlasqanqa ropan jinapuni karqa,
chaytaj yaku jina cuerpon ukhuman jichʼaykusqa karqa,
aceite jina tullusnin ukhuman juntʼaykorqa.
19 Maldicionesta parlasqanqa payta maytʼuykuchun churakusqan ropapis kanman jina,+
watakusqan chumpipis kanman jina.
20 Jehová Diosqa ajinata kutichenqa qhasimanta tumpawajkunaman,+
contrayta millayta parlajkunamanpis.
21 Qantajrí Tukuyta Kamachej Señor Jehová Diosníy,
sutiykirayku yanapariway.+
Munakuyniyki sumaj kasqanrayku salvaway.+
23 Pasapoj llanthu jina chinkaripushani.
Langostata jina thalaspa wijchʼuwanku.
24 Mana mikhusqaypi moqosniypis llauchhullaña.
Tullullaña kashani, manchayta khuyayaykuni.
25 Runaspa asipayananku kani.+
Rikuwaspaqa asikuspa umankuta khiwirinku.+
26 Jehová Diosníy, yanapariway.
Munakuwasqaykirayku salvaway.
27 Yachachunku makiykiwan salvacionta apamusqaykita.
Jehová Diosníy, yachachunku qan chayta ruwasqaykita.
28 Maldeciwachunkupis qanqa bendecillawankipuni.
Contrayta oqharikojtinku pʼenqaypi rikhurichunku,
kay kamachiykitaj kusisqa kachun.
29 Contraypi oqharikojkunaqa kʼumuykachachisqa kachunku.
Mana mangasniyoj ropawan jina pʼenqaywan maytʼusqa kachunku.+
30 Simiywan Jehová Diosta tukuy sonqo jatunchasaj.
Ashkha runaspa ñaupaqenpi jatunchasaj.+
31 Diosqa wajcha runaj paña ladonpi sayanqa,
payta tumpajkunamanta salvananpaj.
Davidpa takiynin. Salmo.
110 Jehová Diosqa Señorniyta nerqa:
2 Jehová Diosqa churasonqa Sionmantapacha waj lugarestawan kamachinaykipaj. Nisonqataj:
“Enemigosniykej chaupinman yaykuspa atipay”,*+ nispa.
3 Soldadosniykita guerraman pusanki chay pʼunchaypi, kamachisniykeqa wakichisqa kanqanku yanapakunankupaj.
Joven kamachisniykeqa ashkha kanku, sutʼiyay chhulla jina.
Rijchʼayninkoqa may llimphu, maytataj lliphipirin.
4 Jehová Diosqa kayta jurarqa, manataj wajtachu parlanqa:
5 Jehová Diosqa pañaykipi kanqa.+
Payqa kʼajaj phiñakuynin pʼunchaypi reyesta saruspa pʼaltarparenqa.+
6 Payqa nacionesta juzgaspa castiganqa.+
Payqa chay nacionespi wañusqasta montonaykonqa.+
Payqa pʼaltarparenqa jallpʼantinta kamachejta.
7 Qantajrí,* ñan kantupi kaj mayumanta yakuta ujyanki.
Chaywan kallpacharikuspataj umaykita oqharinki.
111 Jehová* Diosta jatunchaychej.*+
א [álef]
Noqaqa tukuy sonqoywan Jehová Diosta jatunchasaj+
ב [bet]
cheqan runas tantasqa chaupipi, congregación chaupipi.
ג [guímel]
2 Jehová Diospa ruwasqasnenqa tʼukunapaj kanku.+
ד [dálet]
Ruwasqasninta tukuy munakojkunaqa chay imaspi sumajta tʼukurinku.*+
ה [he]
3 Ruwasqasnenqa manchay tʼukunapaj jina kanku, may jina sumajtaj.
ו [waw]
Justicianpis wiñay wiñaypaj kallanqapuni.+
ז [zayin]
4 Tʼukunapaj ruwasqasnenqa mana qonqanapaj jina.+
ח [jet]
Jehová Diosqa kʼacha sonqoyoj,* khuyakoj Diostaj.+
ט [tet]
5 Diosqa payta manchachikojkunaman mikhuyta qon.+
י [yod]
Trato ruwasqantaqa wiñaypaj yuyarikun.+
כ [kaf]
6 Diosqa llajtanman rejsichin atiyninwan ruwasqasninta
ל [lámed]
waj nacionespa herenciankuta paykunaman qopuspa.+
מ [mem]
7 Makinwan ruwasqasnenqa cheqan kajman jina, justiciaman jina ruwasqa kashanku.+
נ [nun]
Tukuy kamachisqasnenqa atienekunapaj jina kanku.+
ס [sámekh]
8 Sumaj sayachisqa kashanku kunanpis wiñaypajpis.
ע [ayin]
Cheqan kajman jina, justiciaman jinataj ruwasqa kashanku.+
פ [pe]
9 Paymin llajtantaqa kacharicherqa.+
צ [sadé]
Trato ruwasqanpis wiñaypaj kananta nerqa.
ק [qof]
Santomin sutenqa, manchay tʼukunataj.+
ר [resh]
10 Jehová Diosta manchachikuymin yachaypa qallariynenqa.+
ש [shin]
Kamachiykunasninta tukuy kasukojkunaqa may allin yayayniyoj kanku.+
ת [taw]
Diosqa wiñaypaj jatunchasqa kanqa.
112 Jehová* Diosta jatunchaychej.*+
א [álef]
ג [guímel]
2 Chay runaj miraynenqa jallpʼapi atiyniyoj kanqa.
ד [dálet]
Cheqan runasqa bendecisqa kanqanku.+
ה [he]
3 Wasinpeqa ashkha imasnin tiyan, qhapajtaj.
ו [waw]
Justicianqa wiñaypaj kallanqapuni.
ז [zayin]
4 Diosqa cheqan runaspaj kʼanchay jina laqhapi kʼancharin.+
ח [jet]
Payqa kʼacha sonqoyoj,* khuyakuyniyoj,+ cheqantataj ruwan.
ט [tet]
5 Wajkunaman mana michʼakuspa mañarej runataqa allin rin.+
י [yod]
Ruwanasnintaqa allinta ruwan cheqan kajman jinapuni.
כ [kaf]
6 Payqa ni jaykʼaj urmanqachu.+
ל [lámed]
Cheqan runaqa wiñaypaj yuyarisqa kanqa.+
מ [mem]
7 Mana allin willaykunataqa mana manchachikonqachu.+
נ [nun]
Sonqonqa Jehová Diospi atienekuspa sinchʼita sayan.+
ס [sámekh]
8 Tukuy sonqo Diospi atienekun. Mana manchachikunchu.+
ע [ayin]
Payqa rikonqa enemigosnin atipasqa kasqankuta.+
פ [pe]
9 Mana michʼakuspa rakʼirarqa, wajchasman jaywarqa.+
צ [sadé]
Justicianqa wiñaypaj kallanqapuni.+
ק [qof]
Aswan kallpayojman tukonqa, jatunchasqataj kanqa.
ר [resh]
10 Sajra runaqa chayta rikuspa phiñakonqa.
ש [shin]
Kirusninta kʼarurachenqa, chinkaponqataj.
ת [taw]
Sajra runaj munaynenqa ni jaykʼaj ruwakonqachu.+
113 Jehová* Diosta jatunchaychej.*
Jehová Diospa kamachisnin kajkuna, payta jatunchaychej.
Jehová Diospa sutinta jatunchaychej.
2 Jehová Diospa sutenqa jatunchasqa kachun,+
kunanmantapacha wiñaypaj wiñaynintinpaj.
3 Inti llojsimuy ladomantapacha inti chinkaykuy ladokama
Jehová Diospa sutenqa jatunchasqa kachun.+
4 Jehová Diosqa tukuy nacionesmanta aswan patapi kashan.+
Jatun kaynenqa cielomantapis aswan patapiraj kashan.+
5 ¿Pitaj Jehová Diosninchej jinari?+
Payqa patapi tiyakun.*
6 Payqa kʼumuykamuspa cielotawan jallpʼatawan qhawarimun,+
7 pobre runata pampamanta sayarichinanpaj.
Payqa wajcha runata ushpha patamanta oqharin,*+
8 kamachejkunatawan khuska tiyaykuchinanpaj,
llajtanpa kamachejkunasninkutawan khuska.
Jehová* Diosta jatunchaychej.*
114 Maypachachus Israelqa Egiptomanta llojsimorqa chaypacha,+
maypachachus Jacobpa familian waj parlayniyoj llajtamanta llojsimorqa chaypacha,
2 Judaqa Diospa santo lugarninman tukorqa,
Israelpis kamachiyninpi karqa.+
3 Mar qochataj chayta rikuytawan ayqekorqa.+
Jordán mayupis qhepaman kutirerqa.+
4 Jatuchaj orqosqa carneros jina* phinkiykacharqanku.+
Lomaspis corderitos jina phinkiykacharqanku.
5 Mar qocha, ¿imataj ayqechisorqari?+
Qanrí Jordán mayu, ¿imajtintaj qhepaman kutirerqankiri?+
6 Jatuchaj orqos, ¿imajtintaj carneros jina phinkiykacharqankichejri?
Lomas, ¿imajtintaj corderitos jina phinkiykacharqankichejri?
7 Jallpʼa, kharkatiy Señorpa ñaupaqenpi,
kharkatiy Jacobpa Diosninpa ñaupaqenpi.+
8 Diosqa chhankata yaku qochaman tukuchin, ashkha totorasniyoj qochaman.
Sinchʼi duro chhankastapis yaku juturisman tukuchin.+
115 Ama noqaykutaqa Jehová Diosníy, ama noqaykutaqa jatunchawaykuchu.
2 ¿Ima kajtataj naciones ninanku kasqa
“maytaj Diosninku” nispari?+
3 Diosninchejqa cielopi kashan.
Imatachá munan chayta ruwan.
4 Chay nacionespa santosninkoqa qolqellamanta, qorillamanta ruwasqa kanku.
Runaj ruwasqallan kanku.+
5 Simiyoj kanku nitaj parlankuchu.
Ñawisniyoj kanku nitaj rikunkuchu.+
6 Ninrisniyoj kanku nitaj uyarinkuchu.
Senqayoj kanku nitaj muskhinkuchu.
7 Makisniyoj kanku nitaj imatapis japʼiyta atinkuchu.
Chakisniyoj kanku nitaj puriyta atinkuchu.+
Nitaj kunkankumanta imapis uyarikunchu.+
8 Chay santosta ruwajkunaqa chay santos jinallataj kanqanku.+
Chay santospi atienekojkunapis chay santos jinallataj kanqanku.+
9 Israelitas, Jehová Diospi atienekuychej.+
Paymin yanapasojniykichej, paymin jarkʼakuna escudoykichej.+
10 Aaronpa mirayninmanta kajkuna,+ Jehová Diospi atienekuychej.
Paymin yanapasojniykichej, paymin jarkʼakuna escudoykichej.
11 Jehová Diosta manchachikojkuna, Jehová Diospi atienekuychej.+
Paymin yanapasojniykichej, paymin jarkʼakuna escudoykichej.+
12 Jehová Diosqa noqanchejmanta yuyarikun, bendeciwasuntaj.
Payqa Israelpa mirayninta bendicenqa.+
Aaronpa mirayninta bendicenqa.
13 Jehová Diosqa bendicenqa payta manchachikojkunata.
Payqa bendicenqa joventapis viejitotapis.*
15 Jehová Dios qankunata bendecichun.+
Paymin cielotawan jallpʼatawan ruwarqa.+
17 Wañusqasqa mana Jehová* Diosta jatunchankuchu,+
sepulturapi* pʼampasqa kajkunapis ni mayqenninku Diosta jatunchankuchu.+
18 Noqanchejtajrí Jehová* Diosta jatunchasun,
kunanmantapacha wiñaypaj wiñaynintinpaj.
Jehová* Diosta jatunchaychej.*
116 Jehová Diosta munakuni,
payqa uyariwanpuni, rogakuspa yanapata mañakusqaytaqa uyariwanpuni.+
2 Payqa kʼumuykakamuspa uyariwan,+
kausashaspaqa payman qhaparikullasajpuni.
3 Wañoyqa waskhasninwan wataykuwarqa.
Sepulturaqa makinpiña japʼishawarqa.*+
Llakiywan phutiywanqa dueñosniy karqanku.+
4 Chaypacha Jehová Diospa sutinta oqharispa qhaparerqani:+
“Jehová Diosníy, salvaway ari”, nispa.
5 Jehová Diosqa kʼacha sonqoyoj* Dios, cheqantataj ruwan.+
Diosninchejqa khuyakoj Dios.+
6 Jehová Diosqa mana yachayniyojkunata qhawamushan.+
Payqa sinchʼi llakisqa kashajtiy salvawarqa.
7 Jehová Dios noqapaj kʼacha kasqanrayku
kunanqa watejmanta samarikusaj.
8 Diosníy, qanmin wañuymanta librawarqanki.
Ñawisniypa waqaynintapis sayacherqanki, chakisniytapis mana lluskʼajta saqerqankichu.+
9 Noqaqa Jehová Diospa ñaupaqenpi kausallasajpuni, paypa ñaupaqenpi purillasajpuni.
10 May llakisqa kashajtiypis,
Diospi creesqayrayku parlarqani.+
11 Noqaqa mancharikuspa nerqani:
“Tukuy runas llullas kanku”,+ nispa.
12 ¿Imawantaj Jehová Diosman pagasaj
tukuy allin imasta ruwapuwasqanmantari?
13 Copamanta tomarisaj* Dios salvawasqanmanta agradecekunaypaj.
Jehová Diospa sutinta jatunchasaj.
16 Jehová Diosníy, mayta rogakuyki,
noqamin kamachiyki kani,
noqamin kamachiyki kani, esclavaykej wawan.
Qanmin watasqa kashajtiy kacharichiwarqanki.+
17 Diosníy, graciasta qospa jaywanasta qosqayki.+
Jehová Diospa sutinta jatunchasaj.
18 Jehová Diospaj imatachus ruwasaj nisqaytaqa juntʼasaj+
tukuy llajtanpa ñaupaqenpi,+
19 Jehová Diospa wasi patiosninpi,+
Jerusalén chaupipi.
Jehová* Diosta jatunchaychej.*+
117 Tukuy naciones, Jehová Diosta jatunchaychej.+
Qankuna llajtas, tukuyniykichej Diosta jatunchaychej.+
2 Munakuynenqa may jina jatun tukuy noqanchejpaj.+
Jehová Diospa cheqan kayninpis+ wiñaypaj kallanqapuni.+
Jehová* Diosta jatunchaychej.*+
118 Jehová Diosman graciasta qoychej, kʼacha kasqanrayku.+
Munakuynenqa wiñaypaj kallanqapuni.
2 Israelqa nichun:
“Munakuynenqa wiñaypaj kallanqapuni”, nispa.
3 Aaronpa mirayninmanta kajkuna nichunku:
“Munakuynenqa wiñaypaj kallanqapuni”, nispa.
4 Jehová Diosta manchachikojkuna nichunku:
“Munakuynenqa wiñaypaj kallanqapuni”, nispa.
5 Noqaqa llakiyniypi Jehová* Diosta wajyakorqani,
Jehová* Diostaj uyarimuwaspa sumaj jarkʼachasqa lugarman yaykuchiwarqa.+
6 Jehová Diosqa noqawan kashan, mana manchikusajchu.+
¿Imanawanqataj runari?+
7 Jehová Diosqa noqawan kashan yanapanawanpaj.+
Noqa rikusaj enemigosniy urmasqankuta.+
8 Aswan sumaj Jehová Diospi atienekuy,
runaspi atienekunamantaqa.+
9 Aswan sumaj Jehová Diospi atienekuy,
kamachejkunapi atienekunamantaqa.+
11 Chay nacionesqa muyuykuwarqanku, manchaytapuni muyuykuwarqanku.
Noqatajrí Jehová Diospa sutinpi
qhepaman kutiricherqani.
12 Abejas jinapuni muyuykuwarqanku.
Jinapis chay rato chinkachisqa karqanku, imaynatachus khishkaqa ruphaykuspa chinkapun ajinata.
Paykunataqa Jehová Diospa sutinpi
qhepaman kutiricherqani.+
13 Kallpawan tanqarpawarqanku* urmanaypaj,
Jehová Diostajrí yanapawarqa.
14 Jehová Diosmin pakakunay, paymin kallpayqa.
Paymin salvawan.+
15 Cheqan runaspa toldo wasisninkumanta* kusiy qhapariy uyarikun,
salvación paykunapaj chayamun.
Jehová Diospa paña makenqa may atiyniyoj.+
16 Jehová Diospa paña makenqa pataman oqharisqa kashan atipasqanmanta.
Jehová Diospa paña makenqa may atiyniyoj.+
17 Noqaqa mana wañusajchu, manapuni wañusajchu. Noqaqa kausasaj
18 Jehová* Diosqa sinchʼita kʼamiwarqa.+
Jinapis mana wañuyman jaywaykuwarqachu.+
20 Kaymin Jehová Diospa punkonqa.
Kayninta cheqan runas yaykonqanku.+
21 Uyarimuwasqaykirayku jatunchasqayki Diosníy.+
Qanmin salvawarqanki.
23 Chaytaqa Jehová Dios ruwarqa.+
Chayqa noqanchejpaj may tʼukunapuni.+
24 Kay pʼunchayta Jehová Diosqa rikhurichin.
Kay pʼunchaytaj mayta kusikusunchej, kusisqa kasunchej.
25 Jehová Diosníy, mayta rogakuyku. Salvawayku ari.
Jehová Diosníy, atipanaykupaj yanapawayku ari.
26 Bendecisqa kachun Jehová Diospa sutinpi jamojqa.+
Jehová Diospa wasinmantapacha qankunata bendecimuyku.
27 Jehovamin Diosninchejqa.
Paymin kʼanchayta qowanchej.+
28 Qanmin Diosniy kanki, qanta alabasqayki.
Diosníy, qanta jatunchasqayki.+
29 Jehová Diosman gracias niychej, payqa kʼacha.+
Munakuynenqa wiñaypaj kallanqapuni.+
א [álef]
119 Kusisqamin kanku ñanninkupi mana juchayoj purejkuna,
Jehová Diospa leyninpi purejkuna.+
3 Paykunaqa mana ima sajratapis ruwankuchu,
Diospa ñanninta purinku.+
4 Diosníy, qanmin kamachiwarqayku
leyesniykita allinta kasunaykuta.+
5 Sinchʼi sayasqa kayta munani+
kamachisqasniykita kasukuspa.
6 Chaywanqa mana pʼenqakusajchu+
kamachisqasniykita allinta estudiashajtiy.
7 Llimphu sonqowan jatunchasqayki
cheqanta juzgasqaykita yachaspa.
8 Kamachiwasqaykita kasukusaj,
Diosníy, amapuni qonqawaychu.
ב [bet]
9 ¿Imatá uj joven ruwanman llimphu kausayniyoj kananpaj?
Kausayninta allinta qhawarikunan tiyan, palabraykiman jina purinan tiyan.+
10 Noqaqa tukuy sonqo maskʼayki.
Amapuni saqeychu kamachisqasniykimanta wistʼuykapunayta.+
12 Jehová Diosníy, jatunchasqa kay.
Kamachisqasniykita yachachiway.
13 Simiywan willani
tukuy kamachisqasniykita.
15 Kamachisqasniykipi allinta tʼukurisaj.*+
Ñawisneyqa ñanniyki qhawarisqa kanqa.+
16 Churasqayki leyesqa noqapaj may munasqapuni kanku.
Palabraykitaqa mana qonqasajchu.+
ג [guímel]
17 Noqa kamachiykitaqa khuyakuway ari,
ajinamanta kausanaypaj, nisqaykitapis kasukunaypaj.+
18 Ñawisniyta kichariy sutʼita rikunankupaj,
leyniykej tʼukuna imasninta reparanankupaj.
19 Noqaqa kay llajtapi forastero jinalla kani,+
kamachisqasniykitaqa ama noqamanta pakaykuychu.
20 Diosníy, wañushaniña
kamachisqasniykita yachayta munaspa.
21 Qanmin kʼaminki may kasqankuta yuyakojkunata,
kamachisqasniykita mana kasusqankurayku maldecisqa kajkunata.+
22 Ama qhawallaychu burlakunawankuta, ama qhawallaychu kʼumuykachachisqa kanayta.
Noqaqa yuyarichisqasniykita kasukuni.
23 Kamachejkuna tantaykukuspa contrayta parlajtinkupis,
noqaqa kamachisqasniykipi tʼukurini.*
24 Yuyarichisqasniykita munakuni.+
Chaykunamin yuyaychawanku.+
ד [dálet]
25 Pampapi wijchʼusqa kashani, wañunaypaj jinaña kashani.+
Diosníy, niwasqaykiman jina ama wañojta saqewaychu.+
26 Imastachus ruwasqayta willarqayki, qantaj yanapawarqanki.
Kamachisqasniykita yachachiway.+
27 Kamachisqasniyki ima niytachus munasqanta entiendechiway,
28 Llakikusqaypi niña puñuypis chayawanchu.
Niwasqaykiman jina kallpachaway.
29 Llullakuyta noqamanta karunchay.+
Khuyawaspa leyniykita yachachiway.
30 Noqaqa cheqan ñanta purisaj.+
Reparani cheqanta juzgasqaykita.
31 Yuyarichisqasniykiman sumajta chʼipakuni.+
Jehová Diosníy, mana pʼenqaypi rikhuriyta munanichu.+
32 Kamachisqasniykita tukuy sonqo kasukusaj.
Qanmin sonqoytaqa wakichinki kamachisqasniykita japʼikunaypaj.
ה [he]
33 Jehová Diosníy, yachachiway+ leyesniykita kasuspa kausakunaypaj.
Chaywanqa mana saykʼuspa leyesniykita kasukusaj.+
34 Diosníy, yachayta qoway
leyniykita kasukunaypaj,
leyniykita tukuy sonqo juntʼanaypaj.
36 Sonqoyta yachachiy yuyarichisqasniykita munakunanpaj,
amataj munapayayta yachananpaj.+
37 Diosníy, yanapaway ñawisniy ama qhasi manakaj imasta qhawananpaj.+
Ñanniykita purichiway kausanaypaj.
38 Niwasqaykita juntʼay,
ajinamanta runasqa kasusonqanku.
39 Diosníy, manchachikuni chay pʼenqayta noqamanta karunchay.
Imaraykuchus juiciopi nisqasniykeqa allinpuni.+
40 Qhawariy, kamachisqasniykimanta wañushaniña.
Cheqan kasqaykirayku kausachiway.
ו [waw]
42 Chaywanqa kutichiyta atisaj pichus burlakushawan chayman.
Noqaqa nisqaykipi atienekuni.
43 Yanapaway mana manchikuspa cheqan nisqaykita willanaypaj.
Juzgaspa imatachus nisqaykipi noqaqa suyakuni.
44 Leyniykitaqa kasukusajpuni
wiñaypaj wiñaynintinpaj.+
45 Maymanpis rispaqa ni ima llakiyniyoj purisaj,+
leyesniykitaqa allinta estudiani kasukuyta munaspa.
46 Yuyarichisqasniykimanta reyespa ñaupaqenpi parlasaj,
mana pʼenqakusajchu.+
47 Kamachisqasniykeqa noqapaj may munasqapuni kanku,
ancha munasqapuni kanku.+
48 Kamachisqasniykita munakuspa makisniyta oqharispa orakusqayki,+
ז [zayin]
49 Yuyarikuy noqa kamachiykiman imatachus niwasqaykita,
chay niwasqaykita juntʼanaykita suyakushani.
50 Niwasqaykeqa llakisqa kajtiy sonqochawan.+
Nisqaykeqa kausachishawan.
51 May kasqankuta yuyakojkunaqa anchatapuni burlakuwanku.
Noqatajrí mana leyniykimanta wistʼuykapunichu.+
52 Jehová Diosníy, unay wataspi imastachus juiciopi nisqasniykita yuyarikuni.+
Chay nisqasniykiwantaj sonqochakuni.+
53 Sinchʼi rabiasqa kashani chay sajra runaspaj.
Chay runasqa leyniykita qonqanku.+
54 Maypi kashajtiypis
kamachisqasniykeqa sumaj takiysitus jina noqapaj kanku.
55 Jehová Diosníy, chʼisisnenqa sutiykita yuyarikuni+
leyniykita kasukunaypaj.
56 Chayta ruwayta yachani
kamachisqasniykita kasukusqayrayku.
ח [jet]
57 Jehová Diosmin herenciayqa.+
Diosníy, nisqasniykita kasukunayta niniña.+
59 Purisqay ñanniyta allinta qhawarikuni
kutirikamuspa yuyarichisqasniykiman jina purinaypaj.+
60 Noqaqa usqhay usqhayta, mana qhellarikuspa
kamachisqasniykita kasukuni.+
61 Sajra runasqa waskhaswan muyuykuwanku,
noqatajrí mana leyniykita qonqanichu.+
62 Chaupi tutata sayarini gracias nisunaypaj+
cheqanta juzgasqaykimanta.
64 Jehová Diosníy, munakuyniykeqa jallpʼantinman juntʼaykun.+
Yachachiway kamachisqasniykita.
ט [tet]
65 Jehová Diosníy, noqa kamachiykipajqa kʼacha kanki
nisqaykiman jinapuni.
66 Diosníy, allin yuyayta qoway, yachaytawan.+
Noqaqa kamachisqasniykipi atienekuni.
67 Unayqa wistʼuykapullaj kani,* ñakʼarejtaj kani.
Kunanqa nisqaykita kasukuni.+
68 Diosníy, qanqa kʼacha kanki,+ ruwasqasniykipis sumaj kanku.
Yachachiway kamachisqasniykita.+
69 May kasqankuta yuyakojkunaqa manakaj llulleriosta noqapaj parlashanku.
Noqatajrí kamachisqasniykita tukuy sonqo kasukuni.
70 Paykunaqa rumi sonqos kanku.+
Noqatajrí leyniykita munakuni.+
71 Allinpuni ñakʼarichisqa kasqayqa.+
Chaywanqa leyesniykita aswan allinta entiendeni.
72 Churasqayki leyqa sumajpuni noqapajqa.+
May chhika qorimantapis may chhika qolqemantapis aswan sumajraj.+
י [yod]
73 Makisniykiwan ruwawarqanki, makisniykiwan rikhurichiwarqanki.
Entiendenaypaj yanapaway,
chaywanqa kamachisqasniykita allinta yachakusaj.+
74 Manchachikusojkunaqa rikuwaspa kusikunku
palabraykipi atienekusqayrayku kusikunku.+
75 Jehová Diosníy, noqa yachani cheqantapuni juzgasqaykita,+
noqa yachani cheqan kasqaykirayku kʼamiwasqaykita.+
77 Khuyakuway ari kausanallaypajpuni.+
Noqaqa leyniykita munakuni.+
78 May kasqankuta yuyakojkunaqa pʼenqaypi rikhurichunku.
Paykunaqa qhasimanta* tukuy imata ruwawanku.
Noqatajrí kamachisqasniykipi tʼukurisaj.*+
79 Qanta manchikojkunaqa ladoyman kutinpuchunku,
pikunachus yuyarichisqasniykita rejsinku chaykuna.
כ [kaf]
81 Mayta munani salvanawaykita.+
Palabraykipi atienekuni.
82 Nisqayki juntʼakunanta rikuyta munaspa ñawisniypis saykʼupun.+
Noqa nini: “¿Maykʼajtaj sonqochawankiri?”,+ nispa.
83 Noqaqa qʼoshñej chʼakichisqan qara bota jinallaña* kani.
Jinapis mana qonqanichu kamachisqasniykitaqa.+
84 ¿Mashkha diastawantaj noqa kamachiyki suyakusajri?
¿Maykʼajtaj juiciota apamunki chay qhatiykachawajkunapajri?+
85 May kasqankuta yuyakojkunaqa tʼoqosta allanku japʼinawankupaj.
Paykunaqa leyniykita mana valechinkuchu.
86 Tukuynin kamachisqasniykeqa atienekunapaj jina kanku.
Runasqa qhasillamanta qhatiykachawanku. Yanapaway Diosníy.+
87 Casipuni kay jallpʼamanta chinkarparichiwanku.
Jinapis kamachisqasniykita mana qonqanichu.
88 Munakuwasqaykirayku kausachiway,
simiykimanta llojsimoj yuyarichisqasniykita kasukunaypaj.
ל [lámed]
89 Jehová Diosníy, palabraykeqa
cielopi wiñaypaj kallanqapuni.+
90 Cheqan kasqaykeqa wiñaypaj wiñaynintinpaj.+
Jallpʼataqa sumajta sayachinki ni jaykʼaj chinkananpaj.+
91 Kamachisqaykirayku kunankama kashallankupuni,*
tukuyninku kamachisniyki kanku.
92 Manachus leyniykita munakuyman karqa chayqa,
llakikusqaypi wañuyman karqa.+
93 Kamachisqasniykitaqa ni jaykʼaj qonqasajchu.
Noqataqa chaykunawan kausachiwanki.+
94 Diosníy, qanpata kani. Salvaway ari.+
Noqaqa leyesniykita allinta estudiani kasukuyta munaspa.+
95 Sajra runasqa chinkarparichiyta munawanku.
Noqatajrí yuyarichisqasniykipi allinta tʼukurini.
96 Reparani ashkha imasqa sumajpuni kasqankuta.
Kamachisqasniykirí chay imasmantapis aswan sumajraj kanku.
מ [mem]
98 Kamachisqaykeqa wiñaypaj yanapawan.
Enemigosniymantapis aswan yachayniyojman tukuchiwan.+
100 Kamachisqasniykita kasukusqayrayku
kurajkunamantapis aswan allinta yuyaychakuspa imatapis ruwani.
101 Nisqaykita kasukunayrayku
manapuni munanichu mana allin ñanta puriytaqa.+
102 Kamachisqasniykimanta mana wistʼuykapunichu.
Qanmin yachachiwanki.
104 Kamachisqasniykirayku allin yachaywan imatapis ruwani.+
Chayrayku chejnikuni tukuynin mana allin ñankunata.+
נ [nun]
106 Ujta jurarqani, chaytataj juntʼasajpuni.
Noqa jurarqani cheqan kamachisqasniykita kasukunayta.
107 Anchataña ñakʼarichiwanku.+
Jehová Diosníy, niwasqaykiman jina kausachiway.+
108 Jehová Diosníy, tukuy sonqo alabasusqayqa sonqoykita kusichichun ari,+
kamachisqasniykitataj yachachiway.+
109 Kausayneyqa wañuy patapi kashan,
noqatajrí leyniykita mana qonqanichu.+
110 Sajra runasqa trampata churaykuwanku,
noqatajrí mana kamachisqasniykimanta wistʼuykapunichu.+
111 Yuyarichisqasniykitaqa herenciayta jina wiñaypaj japʼikapuni,
chaykunamin sonqoytaqa kusichin.+
112 Kamachisqasniykitaqa kasukusajpuni
wañunaykama, wiñaypaj.
ס [sámekh]
114 Diosníy, qanmin pakakunay kanki, qanmin jarkʼakuwaj escudoy kanki.+
Noqaqa palabraykipi atienekuni.+
115 Sajra runas, ama chimpamuwaychejchu,+
noqaqa Diosniypa kamachisqanta kasukusaj.
116 Diosníy, nisqaykiman jina sayachiway
kausanallaypajpuni.+
Qanpi atienekuni, ama saqeychu pʼenqaypi rikhurinayta.+
118 Leyesniykimanta wistʼuykapojkunataqa tukuyninkuta chejninki,+
paykunaqa llullas kanku, engañaytataj yachanku.
119 Tukuynin sajra runastaqa jallpʼamanta wijchʼunki, imaynatachus unuyasqa metalesmanta qʼopanta wijchʼunku ajinata.+
Chayrayku yuyarichisqasniykita munakuni.
120 Sinchʼita manchachikuyki, cuerpoypis kharkatitin.
Juiciopi nisqasniykita manchachikuni.
ע [ayin]
121 Allin kajta, cheqan kajtawan ruwani.
Ama enemigosniypa makinkuman jaywaykuwaychu.
122 Niy ari, noqa kamachiykita yanapanawaykita.
May kasqankuta yuyakojkunaqa ama ñakʼarichiwachunkuchu.
125 Diosníy, kamachiyki kani. Yachayta qoway
yuyarichisqasniykita rejsinaypaj.+
126 Tiempo chayamun, Jehová Diosqa mana paykunata qhawallanqachu.+
Diosníy, paykunaqa leyniykita mana kasukorqankuchu.
127 Noqaqa kamachisqasniykita munakuni
oromantapis astawanraj, sumajnin oromantapis astawanraj munakuni.+
128 Chayrayku noqapajqa ima kamachisqaykipis allinpuni.+
Mana allin ñantaqa chejnikuni.+
פ [pe]
129 Yuyarichisqasniykeqa may sumajpuni,
chayrayku kasukuni.
131 Simiyta kicharini, ukhutataj samani,
imaraykuchus kamachisqasniykita mayta moqʼerini.+
132 Diosníy, qhawarimuwaspa khuyarikuway ari,+
nisqaykiman jina khuyarikuway, imaynatachus sutiykita munakojkunata khuyakunki ajinata.+
133 Nisqasniykiwan pusaway allin ñanta purinaypaj.*
Ama saqeychu ima sajrapis apaykachanawanta.+
134 Ñakʼarichiwaj runasmanta salvaway,
kamachisqasniykita kasukunaypaj.
135 Noqa kamachiykiwan kʼacha kay ari.*+
Kamachisqasniykita yachachiway ari.
136 Waqayneyqa ñawisniymanta mayu jinapuni puririshan,
leyesniykita runas mana kasukusqankurayku.+
צ [sadé]
138 Yuyarichisqasniykeqa cheqan kanku,
atienekunapaj jina.
139 Qanta munakususqayqa nina jina ukhuypi laurarishan,+
nisqasniykita enemigosniy qonqasqankurayku.
141 Noqataqa mana valechiwankuchu, chejnikuwanku.+
Ajinapis kamachisqasniykitaqa mana qonqanichu.
143 Llakiypis phutiypis chayamuwan,
noqataj kamachisqasniykita munakullanipuni.
144 Yuyarichisqasniykeqa wiñaypaj wiñaynintinpaj cheqan kanku.
Yachayta qoway+ kausanallaypajpuni.
ק [qof]
145 Tukuy sonqo qhaparikamuyki. Jehová Diosníy, uyarillaway ari.
Kamachisqasniykitaqa kasukusaj.
146 Diosníy, qanman qhaparikamuyki, salvaway ari.
Yuyarichisqasniykita kasukusaj.
147 Niraj sutʼiyamushajtin rijchʼarispa qhaparikamuyki yanapata mañakuspa.+
Noqaqa palabraykipi atienekuni.
149 Munakuwasqaykirayku uyarillaway ari.+
Jehová Diosníy, justiciaykiman jina kausachillaway ari.
150 Pʼenqay juchata ruwajkunaqa qayllaykamuwanku ñakʼarichinawankupaj.
Paykunaqa leyniykita mana valechinkuchu.
151 Jehová Diosníy, qanmin qayllallaypi kashanki.+
Kamachisqasniykeqa tukuynin cheqan kanku.+
152 Unayña yachakorqani yuyarichisqasniykita
wiñaypaj wiñaynintinpaj churasqaykita.+
ר [resh]
153 Diosníy, ñakʼarishasqayta qhawarimuy ari, libraway ari.+
Noqaqa leyniykita mana qonqanichu.
154 Jarkʼakuway, salvaway Diosníy.+
Nisqaykiman jina kausachiway.
155 Salvacionqa sajra runasmanta karupi kashan.
Paykunaqa leyesniykita mana kasukuyta munankuchu.+
156 Jehová Diosníy, khuyakuyniykeqa may jina jatun.+
Justiciaykiman jina kausachillaway ari.
157 Qhatiykachawajkunapis enemigosniypis may chhika kanku.+
Noqatajrí yuyarichisqasniykimanta mana wistʼuykapunichu.
158 Wasanchajkunataqa millaypaj qhawani,
nisqaykita mana kasukusqankurayku.+
159 Diosníy, qhawariy imaynatachus kamachisqasniykita munakusqayta.
Jehová Diosníy, munakuwasqaykirayku kausachillaway ari.+
160 Nisqasniykeqa tukuynin cheqanpuni kanku.+
Juiciopi cheqan nisqasniykeqa tukuynin wiñaypaj kanku.
ש [sin o shin]
161 Kamachejkunaqa qhasimanta qhatiykachawanku.+
Sonqoytaj nisqasniykita jatunpaj qhawan.+
162 Nisqasniykiwan mayta kusikuni,+
pʼampasqa qoritapis tarikuyman jina.
164 Diosníy, sapa día qanchis kutita jatunchayki,
cheqanta juzgasqaykirayku.
165 Leyniykita munakojkunaqa wajkunawan allinta kausakonqanku.*+
Ni imapis paykunataqa urmachinmanchu.*
166 Jehová Diosníy, salvanawaykita suyakushani,
kamachisqasniykitapis kasukuni.
167 Yuyarichisqasniykita kasukuni,
maytataj munakuni.+
168 Kamachisqasniykita, yuyarichisqasniykitapis kasukuni.
Qan yachanki tukuy ima ruwasqayta.+
ת [taw]
169 Jehová Diosníy, yanapata mañakuspa qhaparikamusqayqa qankama chayamuchun.+
Nisqaykiman jina allin yachayta qoway.+
170 Khuyakunawaykita mañakusqayqa ñaupaqeykiman chayamuchun.
Nisqaykiman jina salvaway.
171 Leyesniykita yachachiwasqaykirayku,
simiymantaqa qanpaj alabanzas phullchirimuchun.+
172 Simeyqa nisqasniykita takirenqa.+
Kamachisqasniykeqa tukuynin cheqanpuni kanku.
174 Jehová Diosníy, salvanawaykita mayta munashani.
Leyniykitapis mayta munakuni.+
175 Kausachillaway jatunchasunaypaj.+
Juiciopi nisqasniykeqa yanapawachun.
176 Chinkasqa oveja jina waj ñanta japʼirini.+ Noqa kamachiykitaqa maskʼaway ari,
manapuni kamachisqasniykitaqa qonqanichu.+
Llajtaman wicharinapaj takiy.*
2 Jehová Diosníy, libraway llullakojkunamanta,
engañajkunamantapis.
3 Qanrí llulla runa, ¿yuyankichu Diosqa ni imata ruwasunanta?
Qanqa mana yachankichu imaynatachus castigasunanta.+
5 Imanallasajchus ari, forastero jina Mesecpi+ tiyakuni.
Quedar+ toldo wasis* chaupipi tiyakuni.
6 Unaytaña tiyakuni
allin kausayta chejnikojkunawan.+
7 Noqaqa allin kausay kananta munani. Allin kausaymanta parlajtiytaj
paykunaqa guerrallata jatarichiyta munanku.
Llajtaman wicharinapaj takiy.*
121 Orqosta qhawarini.+
¿Pitaj yanapawanqari?
2 Noqataqa Jehová Diosniy yanapawan.+
Paymin cielotapis jallpʼatapis ruwarqa.
3 Payqa ni jaykʼaj saqenqachu llustʼanaykita.+
Qanta cuidasoj Diosqa ni jaykʼaj puñuyta kʼaywenqachu.
4 Diosqa ni jaykʼaj puñuywan chʼutanqachu, ni jaykʼaj puñurpanqachu.
Paymin Israeltaqa cuidashan.+
5 Jehová Dios qanta cuidashasunki.
Jehová Diosqa paña ladoykipi+ sayashan yanapasunanpaj.*+
8 Jehová Diosqa tukuy ima ruwasqaykipi cuidasonqa
kunanmantapacha wiñaypaj wiñaynintinpaj.
Llajtaman wicharinapaj takiy.* Davidpa takiynin.
122 Kusikorqani niwajtinku:
“Jaku rinachej Jehová Diospa wasinman”,+ nispa.
2 Jerusalén, kunanqa chayamuykuña,
punkusniykita yaykumuspa kaypiña kashayku.+
4 Jerusalenmanqa ayllus* wicharinku,
Jehová* Diospa ayllusnin wicharinku,
Israelman kamachisqa kasqanman jina,
Jehová Diospa sutinta jatunchanankupaj.+
5 Chaypeqa kamachina tiyanas churasqa karqa juzganankupaj.+
Chay kamachina tiyanasqa churasqa karqa Davidpa wawasninpaj.+
6 Jerusalenpi allin kausay kananpaj mañakuychej.+
Jerusalén llajta, qanta munakusojkunaqa mana manchachikuspa tiyakonqanku.
7 Sumaj ruwasqa perqasniyki ukhupeqa allin kausay kachun.
Sumaj ruwasqa torresniyki ukhupi tiyakojkunaqa ni imata manchachikuspa tiyakuchunku.
8 Hermanosniyta, compañerosniyta munakuspa nisaj:
“Jerusalén llajta, qanpeqa allin kausay kachun”, nispa.
9 Jehová Diosninchejpa wasinta munakusqayrayku,+
qanpaj Jerusalén allin kajta mañapusqayki.
Llajtaman wicharinapaj takiy.*
123 Diosníy, ñawisniywan qhawarimuyki,+
qanmin cielopi kamachina tiyanaykipi tiyasqa kashanki.
2 Imaynatachus patronta sirvej runasqa patronninkuta qhawashanku,
imaynatachus patronata sirvej warmispis patronankuta qhawashanku,
ajinata noqaykupis Jehová Diosniykuta qhawashayku+
khuyakunawaykuta suyakuspa.+
3 Khuyakuwayku ari Jehová Diosníy, khuyakuwayku ari,
noqaykoqa chejnisqamantapis chejnisqa kayku.+
4 Machu machu runasqa anchataña burlakuwayku.
Runaykachajkunaqa chejnisqata chejnikuwayku.
Llajtaman wicharinapaj takiy.* Davidpa takiynin.
124 “Sichus Jehová Dios mana noqanchejwanchu kanman karqa chayqa...”.+
Kunanqa Israelñataj nichun:
2 “Sichus Jehová Dios mana noqanchejwanchu kanman karqa chayqa,+
maypachachus runas contranchejta oqharikorqanku chaypacha,+
3 paykunaqa kausashajta oqoykuwasunman karqa.+
Paykunaqa noqanchejpaj allin rabiasqa kasharqanku.+
4 Yaku apawasunman karqa.
Yaku chayaykamuspa pʼampaykuwasunman karqa.+
5 Sinchʼita qhollchoqeyashaj yakus pʼampaykuspa apakapuwasunman karqa.
6 Jehová Diosqa jatunchasqa kachun.
Diosqa enemigosninchejmanta jarkʼakuwarqanchej, millay sajra animales jina kashajtinku.
7 Noqanchejqa pʼisqo jina ayqekorqanchej
pʼisqosta japʼidorespa trampankumanta.+
Trampaqa pʼakisqa kasharqa,
noqanchejtaj ayqekorqanchej.+
8 Noqanchejqa Jehová sutiyoj Diosninchejmanta yanapata japʼinchej.+
Paymin cielotawan jallpʼatawan ruwarqa”, nispa.
Llajtaman wicharinapaj takiy.*
125 Jehová Diospi atienekojkunaqa,+
Sion orqo jina kanku, mana pipis kuyuchiyta atillanchu,
wiñaypaj kallanqapuni.+
2 Imaynatachus orqosqa Jerusalén muyurisqa kashanku,+
ajinallatataj Jehová Diospis llajtanta muyuykun+
kunanmantapacha wiñaypaj wiñaynintinpaj.
3 Sajra runasqa manaña cheqan runasta kamachenqankuchu,*+
ajinamanta cheqan runas ama ruwanankupaj chay mana ruwanasta.+
4 Jehová Diosníy, allin kajta ruwapuy kʼacha runaspaj,+
pikunachus cheqan sonqoyoj kanku chaykunapaj.+
5 Wistʼu ñanta japʼirejkunataqa
Jehová Dios tukuchenqa sajrata ruwajkunatawan khuska.+
Israel ukhupi allin kausay kachun.
Llajtaman wicharinapaj takiy.*
126 Maypachachus Jehová Diosqa
presosta Sionman kutirichinporqa chaypacha,+
mosqokushasqanchejta yuyarqanchej.
2 Chaypacha kusiymanta asirikorqanchej,
kusiymanta qhaparerqanchej.+
Chaypacha nacionespis nerqanku:
“Jehová Diosqa paykunapaj tʼukunasta ruwapun”,+ nispa.
3 Jehová Diosqa tʼukunasta noqanchejpaj ruwan.+
Chayrayku may kusisqa kashanchej.
4 Jehová Diosníy, noqayku ukhumanta presos kashanku chaykunataqa kutirichimuy,
imaynatachus Négueb chʼaki wayqʼosman yakuta chayachimunki ajinata.
5 Waqaspa tarpojkunaqa
kusiymanta qhaparispa cosechata oqharenqanku.
Llajtaman wicharinapaj takiy.* Salomonpa takiynin.
127 Manachus Jehová Dios wasita ruwanman chayqa,
qhasillata wasita ruwajkunaqa sinchʼita trabajankuman.+
Manachus Jehová Dios llajtata cuidanman chayqa,+
qhasillata llajtata qhawaj runaqa tutantin mana puñuspa llajtata cuidanman.
2 Qhasillata tutamanta sayariwajchej.
Qhasillata tutakama rijchʼarisqa kawajchej.
Qhasillata sinchʼita trabajawajchej mikhunaykichej kananpaj.
Diosqa pikunatachus munakun chaykunaman jaywarinpuni, paykunataqa miskʼita puñuchin.+
3 Wawastaqa* Jehová Dios herenciata jina qon.+
Nacekoj wawasqa Diospa regalon kanku.+
5 Kusisqamin runaqa flecha apaykachananman ajina flechasta juntʼachejtin.+
Llajtaman wicharinapaj takiy.*
128 Kusisqamin Jehová Diosta manchachikoj runaqa.+
Kusisqamin Diospa ñanninta purej runaqa.+
2 Makiykiwan sumajta trabajasqaykimanta mikhunki.
Tukuy imayki tiyapusonqa, kusisqa kanki.+
3 Warmiykeqa ashkha poqoyniyoj uva sachʼa jina wasiykipi kanqa.+
Qhari wawasniykeqa olivo sachʼaj mosoj sachʼitasnin jina muyulla mesaykipi kanqanku.
4 Ajina bendicionta japʼenqa
Jehová Diosta manchachikoj runaqa.+
5 Jehová Diosqa Sionmantapacha bendicionta qosonqa.
Kausashaspaqa sapa día Jerusalenta qhallallarishajta rikunki.+
6 Qhari wawasniykej qhari wawasninta rejsinki.
Israelpi allin kausay kachun.
Llajtaman wicharinapaj takiy.*
129 “Joven kasqaymantapacha enemigosneyqa
kutin kutinta contrayta oqharikunku...”.+
Kunanqa Israelñataj nichun:
2 “Joven kasqaymantapacha enemigosneyqa kutin kutinta contrayta oqharikunku,+
jinapis mana atipayta atiwankuchu.+
3 Llankʼajkunaqa wasayta yuntawan llankʼaykuwanku,+
wasaypi karu surkʼusta kichaykuwanku”, nispa.
5 Sionta tukuy chejnikojkunaqa
pʼenqaypi rikhurenqanku, kʼumuykachachisqataj ayqekonqanku.+
6 Wasi patapi wiñaj qhora jina kanqanku,
mana tʼirasqalla chʼakipoj qhora jina.
7 Chay qhoraqa allin pisipuni, ruthujqa ni uj qʼapitapis ruthonqachu,
allin asiypuni, tantasqaqa ni uj marqʼapis kanqachu.
8 Chayninta pasajkunaqa mana paykunata nenqankuchu:
“Jehová Diosqa bendicionta qankunaman qochun,
Jehová Diospa sutinpi bendecisqa kaychej”, nispaqa.
Llajtaman wicharinapaj takiy.*
130 Jehová Diosníy, allin phutisqa qhaparikamuyki.+
2 Jehová Diosníy, uyarillaway ari.
Yanapata mañakusqayta uyarillaway ari.
3 Jehová* Diosníy, sichus runaj pantasqasnillanta qhawawaj chayqa,
nichá ujllapis mana juchayojqa kanmanchu Jehová Diosníy.+
4 Diosníy, perdonaspaqa perdonaytapuni yachanki.+
Chaywan runaspa sonqonta suwanki tukuy sonqo respetasunankupaj.+
5 Noqa yachani Jehová Dios yanapanawanta. Allinta yachani yanapanawantapuni.
Nisqanta juntʼananta suyashani.
6 Tutasnin llajtata qhawajkunaqa sutʼiyananta mayta suyakunku.+
Noqatajrí paykunamantapis astawanraj suyakushani Jehová Dios yanapanawanta.+
Paykunamanta nisqaqa astawan suyakushani.
7 Israelqa Jehová Diospa yanapayninta suyakuchun.
Jehová Diosqa munakuyninrayku nisqanta juntʼanpuni.+
Payqa salvananpaj may jina atiyniyoj.
8 Diosqa Israelpa tukuy juchasninta perdonanqa.
Llajtaman wicharinapaj takiy.* Davidpa takiynin.
131 Jehová Diosníy, mana sonqoypi jatunchakunichu,
nitaj ñawisniypis may mayllata qhawaykachanchu,+
nillataj sumachaj imasta japʼiymantapis wañurinichu,+
nillataj mana ruway atinasta japʼiymanta wañurinichu.
2 Chaykunamantaqa mana wañurinichu. Astawanqa sonqoypa munayninta thasnurachini, sonqoyta tiyaykuchini,+
imaynatachus pʼitisqa* wawaqa maman marqʼarikojtin* kakullan ajinata.
Noqaqa chay pʼitisqa wawa jina ni ima llakiyniyoj kakushani.
3 Israelqa Jehová Diospa yanapayninta suyakuchun,+
kunanmantapacha wiñaypaj wiñaynintinpaj.
Llajtaman wicharinapaj takiy.*
132 Jehová Diosníy, Davidmanta yuyarikuy,
mayta ñakʼarisqanmantapis.+
2 Jehová Diosníy, yuyarikuy imatachus David juraspa nisusqanta.
Jacobpa Atiyniyoj Diosnin, Davidqa kayta ruwasaj nisorqa:+
3 “Mana wasiyman yaykusajchu,+
nitaj camaypi siriykusajchu,*
4 mana puñuywan atipachikusajchu,
ni ñawisniytapis chʼirmiykuchisajchu,
5 Jehová Diospa arcanpaj uj lugarta taripunaykama.
Jacobpa Atiyniyoj Diosninpaj uj sumaj wasita taripunaykama”,*+ nispa.
8 Jehová Diosníy, sayarispa jampuy kaypi tiyakunaykipaj,+
qanpis, jinallataj kallpaykita rejsichin chay arcapis.+
9 Sacerdotesniykeqa justiciawan pʼachallikuchunku.
Kasusojkunataj kusisqa qhaparichunku.
10 Kamachiyki Davidrayku,
ama ajllakusqaykitaqa wijchʼurpaychu.+
11 Jehová Diosqa Davidman jurarqa,
nisqantaj juntʼakonqapuni. Pay nerqa:
“Wawasniykimanta
ujninta kamachina tiyanaykiman tiyaykuchisaj.+
12 Sichus wawasniyki trato ruwasqayta kasukonqanku,
paykunaman yachachini chay leyesniytapis* kasukonqanku chayqa,+
paykunaj wawasninkupis
kamachina tiyanaykiman wiñaypaj tiyaykonqanku”,+ nispa.
13 Jehová Diosqa Sionta ajllakun.+
Payqa chay lugarta tiyakunanpaj ajllakun, nintaj:+
14 “Kaypi samarikusaj wiñaypaj wiñaynintinpaj.
Kaypi tiyakuyta munani, kaypi tiyakusaj.+
15 Kay llajtata sumajta bendecispa ashkha mikhuykunata qosaj.
Kaypi tiyakoj wajchastapis tʼantawan sajsachisaj.+
16 Sacerdotesnintapis salvacionwan pʼachallichisaj.+
Kay llajtapi noqata kasuwajkunaqa kusisqa qhaparenqanku.+
17 Chaypi Davidta aswan kallpayojman tukuchisaj.
Ajllasqaypaj uj lamparata wakichini.+
18 Enemigosnintaqa pʼenqaypi rikhurichisaj.
Paypa coronanqa uman patapi tʼikarenqa”,+ nispa.
Llajtaman wicharinapaj takiy.* Davidpa takiynin.
2 Chayqa may sumaj aceite jina,+
mayqentachus Aaronpa umanman jichʼajtinku
barbanta* uraykurispa
ropankama chayan, chay aceite jina.+
Jehová Diosqa chaypi bendicionnin kananta kamacherqa,
wiñay kausay kananta nerqa.
Llajtaman wicharinapaj takiy.*
134 Jehová Diosta jatunchaychej,
qankuna Jehová Diospa tukuy kamachisnin kajkuna,+
tutasnin Jehová Diospa wasinpi sirvejkuna.+
2 Diosmanta mañakuspa llimphu sonqowan makisniykichejta oqhariychej,+
Jehová Diosta jatunchaychej.
3 Jehová Diosqa cielotawan jallpʼatawan ruwarqa,
pay Sionmantapacha bendecisuchun.
135 Jehová* Diosta jatunchaychej.*
Jehová Diospa sutinta jatunchaychej.
Jehová Diospa kamachisnin kajkuna, payta jatunchaychej.+
2 Qankuna Jehová Diospa wasinpi sirvejkuna,
Diosninchejpa wasi patiosninpi sirvejkuna,+
3 Jehová* Diosta jatunchaychej, Jehová Dios kʼacha kasqanrayku.+
Sutinta jatunchaspa takiychej, sutin may sumaj kasqanrayku.
4 Jehová* Diosqa Jacobta ajllakun paypata kananpaj.+
Israelta ajllakun sumaj nacionnin kananpaj.
5 Allinta yachani Jehová Diosqa may jatun kasqanta.+
Señorninchejqa tukuy dioskunamanta aswan jatun.
6 Jehová Diosqa imatachá munan chay tukuy imata ruwan,+
cielopipis, jallpʼapipis, mar qochaspipis, mar qocha ukhuspipis.
7 Diosqa jallpʼaj kʼuchusninmantapacha phuyusta rikhurichin.*
Paratawan khuska rayosta kachaykamun.
Wayratapis waqaychasninmanta orqhomun.+
8 Egiptopi wañuracherqa
kuraj wawasta, animalespa ñaupaj kaj uñasninkutapis.+
9 Diosqa señalesta, milagrostawan Egiptopi ruwarqa+
10 Ashkha nacionesta tukucherqa.+
Atiyniyoj reyesta wañuracherqa.+
Canaán jallpʼasmanta tukuy gobiernosta tukucherqa.
12 Paykunaj jallpʼasninkutaqa herenciata jina qoporqa,
Israel nacionninman herenciata jina qoporqa.+
13 Jehová Diosníy, sutiykeqa wiñaypaj wiñaynintinpaj kallanqapuni.
Jehová Diosníy, may rejsisqa kasqaykeqa* wiñaypaj wiñaynintinpaj kanqa.+
15 Nacionespa santosninkoqa qolqellamanta, qorillamanta ruwasqa kanku.
Runaj ruwasqallan kanku.+
16 Simiyoj kanku nitaj parlankuchu.+
Ñawisniyoj kanku nitaj rikunkuchu.
17 Ninrisniyoj kanku nitaj uyarinkuchu.
Siminkupitaj ni ima samaypis kanchu.+
18 Chay santosta ruwajkunaqa chay santos jinallataj kanqanku.+
Chay santospi atienekojkunapis chay santos jinallataj kanqanku.+
19 Israel nación, Jehová Diosta jatunchaychej.
Aaronpa familianmanta kajkuna, Jehová Diosta jatunchaychej.
20 Levijpa familianmanta kajkuna, Jehová Diosta jatunchaychej.+
Qankuna Jehová Diosta manchachikojkuna, Jehová Diosta jatunchaychej.
Jehová* Diosta jatunchaychej.+
136 Jehová Diosman graciasta qoychej, kʼacha kasqanrayku.+
Munakuynenqa wiñaypaj kallanqapuni.+
3 Señorkunaj Señorninkuman graciasta qoychej,
munakuynin wiñaypaj kasqanrayku.
5 Sumaj yachaywan cielota ruwarqa,+
munakuynin wiñaypaj kasqanrayku.
6 Jallpʼata yaku patasman mastʼaykorqa,+
munakuynin wiñaypaj kasqanrayku.
7 Payqa sumachaj kʼanchanasta ruwarqa,+
munakuynin wiñaypaj kasqanrayku.
8 Intita ruwarqa pʼunchay kʼanchananpaj,+
munakuynin wiñaypaj kasqanrayku.
9 Killatawan chʼaskastawan ruwarqa tutasnin kʼanchanankupaj,+
munakuynin wiñaypaj kasqanrayku.
10 Egiptoj kuraj wawanta wañucherqa,+
munakuynin wiñaypaj kasqanrayku.
11 Egipciospa chaupinkumanta Israelta orqhomorqa,+
munakuynin wiñaypaj kasqanrayku.
12 Israelta orqhomorqa atiyniyoj makinwan,+ kallpayoj makinwan,
munakuynin wiñaypaj kasqanrayku.
13 Puka mar qochata iskayman parterqa,+
munakuynin wiñaypaj kasqanrayku.
14 Diosqa Israelta chay mar qochaj chaupinta pasacherqa,+
munakuynin wiñaypaj kasqanrayku.
16 Nacionnintaqa chʼin pampanta pusaykacharqa,+
munakuynin wiñaypaj kasqanrayku.
17 Atiyniyoj reyesta atiparqa,+
munakuynin wiñaypaj kasqanrayku.
18 Atiyniyoj reyesta wañucherqa,
munakuynin wiñaypaj kasqanrayku.
19 Amorreospa reyninku Sehonta+ wañucherqa,
munakuynin wiñaypaj kasqanrayku.
20 Basanmanta rey Ogtapis+ wañuchillarqataj,
munakuynin wiñaypaj kasqanrayku.
21 Paykunaj jallpʼasninkutaqa herenciata jina nacionninman qoporqa,+
munakuynin wiñaypaj kasqanrayku.
22 Kamachin Israelman herenciata jina qoporqa,
munakuynin wiñaypaj kasqanrayku.
24 Kutin kutinta enemigosninchejmanta salvawarqanchej,+
munakuynin wiñaypaj kasqanrayku.
25 Tukuy runasman, tukuy animalesman mikhunata qon,+
munakuynin wiñaypaj kasqanrayku.
26 Cielopi kaj Diosman graciasta qoychej,
munakuynin wiñaypaj kasqanrayku.
2 Babilonia jallpʼaspi álamo sachʼasman
arpasniykuta warkhurarqayku.+
3 Chaypi presosta japʼishawarqayku chaykunaqa takipunaykuta munarqanku.+
Burlakuwaj kayku, asikunallankupaj takichiyta munawaj kayku:
“Ujsituta takiripuwayku chay Sionmanta takiykunata”, nispa.
4 ¿Imaynatataj Jehová Diospa takiykunasninta
waj llajtapi takiykumanri?
6 Manachus qanmanta yuyarikuni chayqa,
manachus Jerusalén
7 Jehová Diosníy, yuyarikuy ari chay edomitaspa nisqankuta.
Jerusalén urmashajtin paykunaqa kay jinata nerqanku:
“Thuñiychej, cimientosnintawan thuñiychej”, nispa.+
8 Babilonia llajta, tumpamantawan thuñisqa kanki.+
Kusisqamin kanqa
imaynatachus qan ruwawarqayku chay kikinta ruwasojqa.+
9 Kusisqamin kanqa pichus wawasniykita japʼispa
chhanka rumisman chʼallparparejqa.+
Davidpa takiynin.
138 Diosníy, tukuy sonqoywan jatunchasqayki.+
Waj dioskunaj ñaupaqenkupi
alabanzasta takipusqayki.
2 Santo temployki qhawarisqa kʼumuykukusaj,+
sutiykitataj jatunchasaj+
munakuyniykirayku, cheqan Dios kasqaykirayku.
Qanmin tukuy imamanta nisqaqa sutiykita, nisqaykitapis aswan pataman oqharerqanki.*
3 Qhaparikamushajtiy qanmin uyarimuwarqanki.+
Qanmin mana manchachikunaypaj yanapawarqanki, qanmin kallpata qowarqanki.+
4 Jehová Diosníy, jallpʼantinmanta tukuy reyes jatunchasonqanku,+
imastachus ruwasaj nisqaykita uyarisqankurayku jatunchasonqanku.
5 Jehová Diospa ñankunasninmanta takenqanku,
Jehová Diospa jatun kaynin manchay tʼukuna kasqanrayku.+
6 Jehová Diosqa may jatun kaspapis kʼumuykukoj sonqo runata yanapananpaj qhawarin.+
Runaykachaj runamantataj karupi kashan.+
7 Wañuy patapi kajtiypis, qanmin kausayniyta waqaychanki.+
Phiñasqa enemigosniypa contranta makiykita oqharinki.
Paña makiyki salvawanqa.
8 Jehová Diosqa imatachus noqapaj munasqanta ruwanqa.
Jehová Diosníy, munakuyniykeqa wiñaypaj kallanqapuni.+
Ama makisniykej ruwasqasninta saqerpariychu ari.+
Takichejpaj. Davidpa takiynin. Salmo.
139 Jehová Diosníy, qanmin sumajta
qhawaykuriwanki, rejsiwankitaj.+
2 Qan yachanki maykʼajchus tiyaykusqayta, maykʼajchus sayarikusqaytapis.+
Imatachus yuyasqaytapis karumantapacha yachanki.+
3 Qan qhawamushanki* ñan puriyniyta, puñusqaytapis.
Tukuy ruwasqayta sumajta yachanki.+
5 Qhepaymantataj ñaupaqeymantataj muyuykuwaspa jarkʼakuwanki.
Qanmin pusaykachakuwanki.
6 Sumajta rejsiwasqaykeqa maytapuni tʼukuchiwan,
noqapajqa mana entiendey atinapuni.+
7 Diosníy, ¿maymantaj ayqeyman espirituykimanta?
¿Maymantaj ayqeyman ñaupaqeykimanta?+
8 Cieloman wichariyman chayqa, chaypi rikuwankiman.
Sepulturapichus* siriykuyman* chayqa, chaypipis rikullawankimantaj.+
9 Sutʼiyayta intej kʼanchayninchus lijrasniy* kanman chayqa,
aswan karupi kaj mar qochaman phawapuyman.
10 Chaypipis makiykiwan pusaykachallawankimantaj,
paña makiykiwan yanapallawankimantaj.+
11 Sichus niyman “laqhapi pakakusaj” nispa chayqa,
muyuyniypi laqhaqa kʼanchayman tukunman.
12 Qhawayniykipi chay laqhaqa mana laqhachu kanman,
chʼisenqa pʼunchay jina sutʼipacha kanman.+
Qhawayniykipi laqhaqa kʼanchay jinalla.+
13 Qanmin riñonesniyta ruwarqanki.
Mamaypa wijsanpi allin cuidasqata japʼiwarqanki.*+
14 Diosníy, tʼukunapaj jina sumajta ruwawasqaykimanta jatunchayki.+
Ruwasqasniykeqa may tʼukunapuni,+
chaytaqa sutʼita reparani.
15 Tullitusniypis mana pakasqachu kasharqa ñawisniykimanta,
pakaypi ruwasqa kashajtiy,
16 Ñawisniykeqa rikuwarqankuña mamaypa wijsanpi rikhurishajtiy.
Libroykipi qhelqasqaña kasharqa cuerpoypa tukuy imasnin,
willasharqaña maykʼajchus ruwasqa kanankuta,
niraj ni mayqenninku ruwasqa kashajtinpis.
17 Chayrayku Diosníy, yuyasqasniykeqa may sumajpuni noqapajqa,+
tukuyninpeqa mana yupay atina manchay ashkhapuni kanku.+
18 Sichus yupaj churakuyman chayqa, allin ashkha kanman, tʼiyumantapis aswan ashkharaj.+
Tutamanta rijchʼariytawanpis yupashallaymanrajpuni.*+
19 Diosníy, sajra runasta wañuchiy ari.+
Ajinamanta runa wañuchisqa ladoymanta chinkanqanku.
20 Chay runasqa sajra sonqowan* contraykita parlanku.
Chay enemigosniykeqa qhasi manakajta sutiykita oqharinku.+
21 Jehová Diosníy, ¿nichu chejnikuni qanta chejnisojkunata?+
¿Nichu millaypaj qhawani contraykita oqharikojkunata?+
22 Chaykunataqa chejnisqata chejnikuni.+
Paykunataqa enemigosniypaj qhawani.
23 Diosníy, allinta qhawaykuriway, sonqoytapis allinta rejsiy.+
Allinta qhawaykuriway, sonqoypi phutiyniytapis* allinta rejsiy.+
24 Allinta sonqoyta qhawaykuriy, ichus ima sajra yuyaypis llakiy ñanman apawanman,+
wiñay ñantataj pusaway.+
Takichejpaj. Davidpa takiynin.
140 Jehová Diosníy, libraway chay sajra runasmanta.
Jarkʼakuway qhasillamanta ñakʼarichiyta munawanku chay runasmanta.+
2 Jarkʼakuway sonqonkupi sajra imasllata wakichikoj runasmanta,+
diantinta chʼajwasllata rikhurichej runasmanta.
3 Qallunkoqa katarej qallun jina manchay filo.+
Parlasqankoqa katarej venenon jina.+ (Sélah).*
4 Jehová Diosníy, jarkʼakuway sajra runaspa makinkumanta.+
Salvaway qhasillamanta ñakʼarichiwayta munaj runasmanta,
paykunaqa urmachinawankupaj yachachinakunku.
5 Jatunchakojkunaqa japʼinawankupaj trampata pakasqata churaykunku.
Paykunaqa japʼinawankupaj waskhaswan ruwasqa chʼipasta ñanniyman churaykunku.+
Sipina lazosta churanku japʼinawankupaj.+ (Sélah).
6 Jehová Diosta nini: “Qanmin Diosniy kanki.
Jehová Diosníy, uyarillaway ari yanapata mañakususqayta”,+ nispa.
7 Jehová Diosníy, Tukuyta Kamachej Señor, qanmin kallpayoj kanki salvanawaykipaj.
Qanmin maqanaku pʼunchaypi jarkʼawanki.*+
8 Jehová Diosníy, ama saqeychu sajra runaspa munayninku ruwakunanta.
Ama saqeychu sajra runaspa wakichikusqanku allin rinanta, chaywanqa mana umata oqharenqankuchu.+ (Sélah).
9 Muyuykuwaj runaspa sajra parlasqankoqa
paykunallamantaj chayachun.+
10 Ninayarishaj brasas patankuman paramuchun.+
Ninaman wijchʼuykusqa kachunku.
Chinkay ukhu tʼoqosman wijchʼuykusqa kachunku,+ mana ujtawan sayarimunankupaj jina.
11 Wajkunamanta llullakuspa parlaj runastaqa ama kay jallpʼapi allin richunchu.+
Runa masinta qhasillamanta ñakʼarichej runastaqa sajra imas qhatirichun, paykunata tukuchinankama.
12 Allinta yachani Jehová Diosqa wajchasta jarkʼakunantapuni,
pobrespajpis justiciata ruwapunantapuni.+
13 Cheqanta purejkunaqa sutiykita jatunchanqanku.
Cheqan runasqa ñaupaqeykipi tiyakonqanku.+
Davidpa takiynin.
Qanman qhaparikamusqayta uyarillaway ari.+
2 Mañakususqayqa ñaupaqeykipi sumaj wakichisqa incienso jina kachun.+
Makisniyta pataman oqharisqaypis tarde ladota chʼaki mikhuy ofrenda jina kachun.+
3 Jehová Diosníy, simiypaj uj qhawaj guardiata churay, ama imatapis parlarpanallanpaj,
simiypa punkunman guardiata sayaykuchiy allinta qhawananpaj.+
4 Ama saqeychu sajra imaswan sonqoyta suwachikunayta,+
ama sajra runaswan khuska millay imasta ruwanaypaj.
Noqaqa manapuni munanichu chay sumachaj mikhunasninkuta mikhuysikuytaqa.
5 Sichus cheqan runa maqawanman chayqa, munakuwasqanrayku maqawanman,+
kʼamiwanman chaypis, umaypaj aceite jina kanman,+
umaypaj sumaj kanman, nitaj mana niymanchu.+
Chay cheqan runas llakiypi kashajtinkupis paykunapaj Diosmanta mañapullasajpuni.
6 Juecesninku qaqaman wijchʼuykusqa kajtinkupis,
runasqa parlasqayta uyarenqanku, kʼacha palabras kasqanrayku.
7 Imaynatachus runaqa yuntawan llankʼaspa jallpʼata phatachin, khulastaj* kayman jaqayman chayanku,
ajinallatataj tullusninchejpis kaypi jaqaypi wijchʼusqa kashanku Sepulturaj siminpi.*
8 Ñawisniytajrí qan ladoman qhawarisqa kashan Jehová Diosníy, Tukuyta Kamachej Señor.+
Qanpi pakakuni.
Ama wañuchiwaychu.
9 Diosníy, jarkʼaway japʼinawankupaj trampata churawasqankumanta.
Jarkʼaway sajrata ruwajkunaj trampasninkumanta.
10 Sajra runasqa chay churasqanku chʼipasllapitaj tukuyninku urmanqanku,+
noqatajrí chay trampas patata mana japʼichikuspa pasasaj.
Maskil.* Davidpa mañakuynin, cuevapi pakakushajtin.+
142 Jehová Diosman qhaparikuni yanapanawanpaj.+
Jehová Diosta rogakuni khuyakunawanta.
2 Payman imachus llakichiwasqanta willakuni.
Payman phutiyniyta willakuni+
3 sonqoy allin llakisqa kajtin.
Diosníy, qantajrí imaynatachus purikusqayta sumajta qhawamunki.+
Enemigosneyqa purikunay ñanpi
trampata pakasqata churaykuwanku.
4 Diosníy, qhawariy muyuyniyta,
ni pipis noqamanta phutikunchu.+
Ni mayman ayqeyta atinichu.+
Ni pi noqamanta dakunchu.
5 Jehová Diosníy, qanman qhaparikamuyki yanapanawaykipaj.
Noqa nini: “Diosníy, qanmin pakakunay kanki.+
Qanllamin kay kausaypi tukuy imay kanki”, nispa.
6 Yanapata mañakuspa qhaparikamusqayta uyarillaway.
Sinchʼi llakisqa kashani.
Libraway chay qhatiykachawaj runasmanta,+
paykunaqa noqamanta aswan kallpayoj kanku.
7 Diosníy, kay llakiyniymanta orqhoway, wisqʼasqa jina kashani,
chaywanqa sutiykita jatunchasaj.
Ajinamanta cheqan runasqa noqawan khuska kusikonqanku,
noqapaj kʼacha kasqaykita rikuspa.
Davidpa takiynin.
143 Jehová Diosníy, uyarillaway mañakusqayta.+
Rogakuspa yanapata mañakusqayta uyarillaway.
Cheqan Dios kasqaykirayku, cheqan kajta ruwasqaykirayku uyarillaway.
2 Ama ari kay kamachiykitaqa juicioman apaykuychu.
Ñaupaqeykipeqa nipuni ujllapis mana juchayojqa kanmanchu.+
3 Enemigosneyqa qhatiykachawanku.
Pampapi sarurawanku.
Unay wañusqa runasta jina munajta mana munajta laqhapi kausachiwanku.
4 Allin llakisqa kashani.+
Niñapuni kallpay kanchu.+
5 Ñaupa tiemposta yuyarikuni.
Tukuy ruwasqasniykipi tʼukurini.
Makiykej ruwasqasninpi mayta tʼukurini.+
6 Makisniyta oqharispa qanmanta mañakuni.
Imaynatachus chʼaki jallpʼaqa paramanta jina chʼaki kashan, ajinata noqapis qanmanta chʼakisqa kashani.+ (Sélah).*
7 Jehová Diosníy, usqhayllata mañakusqayta uyarimuway.+
Niña kallpay kanñachu.+
Ama noqamanta uyaykita pakaykuychu ari.+
Uyaykita pakaykojtiykeqa sepulturapi wañusqas jinallaña kasaj.+
8 Munakuyniykita tutamanta uyarichiway,
noqaqa qanpi atienekuni.
May ñantachus purinay kasqanta rikuchiway,+
qantamin maskʼashayki yanaparinawaykipaj.
9 Jehová Diosníy, enemigosniymanta salvaway.
Jarkʼakunawaykita munani.+
10 Yachachiway munayniykita ruwayta.+
Qanmin Diosniy kanki.
Qanmin kʼacha kanki.
Espirituyki allin kausayman pusawachun.*
11 Jehová Diosníy, sutiykirayku kausachiway.
Cheqan Dios kasqaykirayku salvaway llakiyniymanta.+
12 Munakuyniykirayku enemigosniyta tukuchiy.+
Davidpa takiynin.
144 Jehová Diosqa pakakunay Chhanka,+ pay jatunchasqa kachun.
Paymin makisniyta maqanakupaj amañachin,
paymin dedosniyta guerrapaj wakichin.+
2 Dios munakuwan, paymin jarkʼachasqa lugarniy,
paymin pakakunay, salvawajniytaj.
3 Jehová Diosníy, ¿imataj runa kasqa paymanta yuyarikunaykipajri?
¿Imapunitaj runaj wawan kasqa payta qhawanaykipajri?+
5 Jehová Diosníy, cieloykita tiyaykuchimuspa uraykamuy.+
Orqostaqa llankharispalla qʼoshñichiy.+
6 Rayosta lliuj lliuj nishajta kachaykamuy enemigosniy ayqenankupaj.+
Flechasniykita kachaykamuspa paykunata muspharachiy.+
7 Patamantapacha makiykiwan taripamuway.
Kacharichiway Diosníy, salvaway kay qhollchoqeyashaj yakusmanta,
kay waj llajtayoj runaspa makinkumanta.+
8 Kay runaspa siminkoqa llullakuyllata yachan.
Paykunaqa paña makinkuta oqharinku llullakuspa juranankupaj.
9 Diosníy, uj mosoj takiyta takiripusqayki.+
Alabanzasta takiripusqayki, chunka cuerdasniyoj tocanata tocarispa.
10 Qanmin reyesta yanapanki atipanankupaj.+
Qanmin kamachiyki Davidta salvanki mana espadawan wañuchinankupaj.+
11 Kacharichiway Diosníy, salvaway kay waj llajtayoj runaspa makinkumanta.
Kay runaspa siminkoqa llullakuyllata yachan.
Paykunaqa paña makinkuta oqharinku llullakuspa juranankupaj.
12 Ajinamanta qhari wawasniykoqa wiñasqa sachʼas jina kanqanku,
warmi wawasniykutaj reypa kamachina wasi esquinasninta kʼachanchaj columnas jina kanqanku.
13 Pirwasniykupi tukuy laya* poqoykuna juntʼa kanqa, wasaykurimonqapuni.
Jallpʼasniykupi uywasniykupis waranqasman miraykonqa, chunka waranqasmanpuni miraykonqa.
14 Jatun chichuña wakasniykoqa mana uñasninkuta pierdenqankuchu, nitaj sullonqankuchu.
Nitaj pipis plazasniykupi phutiyta waqaspa purenqachu.
15 Kusisqamin uj llajta ajina allin rejtenqa.
Kusisqamin uj llajta Jehová Dios chay llajtaj Diosnin kajtenqa.+
Davidpa takisqan alabanza.
א [álef]
145 Diosníy, Reyníy, qanta jatunchasqayki.+
Sutiykita jatunchasaj wiñaypaj wiñaynintinpaj.+
ב [bet]
2 Tuta pʼunchay jatunchasqayki.+
Sutiykita jatunchasaj wiñaypaj wiñaynintinpaj.+
ג [guímel]
3 Jehová Diosqa may jatun, paylla tukuy imamantapis jatunchanapaj jina.+
Jatun kaynenqa mana yachay atina.+
ד [dálet]
4 Kay tiempo runaspis, qhepaman jamoj runaspis ruwasqasniykita rikuspa jatunchasonqanku,
jatun atiyniykiwan ruwasqasniykimanta parlanqanku.+
ה [he]
5 May tʼukuna jatun kayniykimanta parlanqanku.+
Noqataj may tʼukuna ruwasqasniykipi tʼukurisaj.
ו [waw]
6 Paykunaqa tʼukuna ruwasqasniykimanta parlanqanku.
Noqataj jatun kayniykimanta parlasaj.
ז [zayin]
7 Paykunaqa manchay kʼacha kasqaykita yuyarikuspa mayta jatunchasonqanku.+
Justiciaykirayku paykunaqa kusiymanta qhaparenqanku.+
ח [jet]
ט [tet]
י [yod]
10 Jehová Diosníy, tukuy ruwasqasniyki qanta jatunchasonqanku.+
Kasusojkunaqa qanta jatunchasonqanku.+
כ [kaf]
ל [lámed]
מ [mem]
13 Gobiernoykeqa wiñaypaj gobierno,
gobiernoykeqa wiñaypaj wiñaynintinpaj kallanqapuni.+
ס [sámekh]
ע [ayin]
15 Diosníy, tukuy runas yanapanaykita suyakunku,
paykunamanqa tiemponpi mikhunankuta qonki.+
פ [pe]
צ [sadé]
17 Jehová Diospa tukuy ñankunasnenqa cheqan kanku,+
atienekunapaj jina kasqanqa tukuy ima ruwasqanpi yachakun.+
ק [qof]
18 Jehová Diosqa pikunachus payman qhaparikunku chaykunaj qayllankupi kashan,+
pikunachus paymanta tukuy sonqo mañakunku chaykunaj qayllankupi kashan.+
ר [resh]
19 Diosqa payta manchachikojkunaman munasqankuta qon,+
yanapata mañakuspa qhaparikusqankuta uyarin, salvantaj.+
ש [shin]
ת [taw]
21 Noqaqa Jehová Diosta jatunchasaj.*+
Tukuy runasqa Diospa santo sutinta jatunchachunku wiñaypaj wiñaynintinpaj.+
146 Jehová* Diosta jatunchaychej.*+
Noqaqa Jehová Diosta tukuy sonqoywan jatunchasaj.+
2 Jehová Diosta tukuy kausayniypi jatunchasaj.
Kausashaspaqa Diosniypaj alabanzasta takiripusaj.
3 Ama kamachejkunapi atienekuychejchu
nillataj waj runaspipis, paykunaqa mana salvayta atinkuchu.+
4 Runa wañojtenqa* jallpʼaman kutipun.+
Chay kikin pʼunchaytaj tukuy ima yuyasqanpis chinkapun.+
5 Kusikuyniyojmin pichus Jacobpa Diosninwan yanapachikojqa.+
Chay runaqa Jehová Diosninpi atienekun.+
6 Diosqa ruwarqa cielota, jallpʼata,
mar qochata, chaypi kaj imastawan.+
Payqa tukuy tiempo atienekunapaj jina.+
7 Diosmin sarurasqa runaspaj justiciata ruwapun.
Payqa yarqhachikojkunaman mikhunata jaywarin.+
Jehová Diosqa presosta* kacharichin.+
8 Jehová Diosqa ciegosta qhawarichin.+
Jehová Diosqa ñakʼarejkunata sayarichin.+
Jehová Diosqa cheqan runasta munakun.
9 Jehová Diosqa forasterosta cuidan.
Payqa mana tatayojkunata, viudastapis yanapan.+
Sajra runaspa wakichikusqankutataj mana allinman chayachin.+
10 Jehová Diosqa Rey kanqa wiñaypaj.+
Sion, Diosniykeqa Rey kanqa wiñaypaj wiñaynintinpaj.
Jehová* Diosta jatunchaychej.*
147 Jehová* Diosta jatunchaychej.*
Diosninchejpaj alabanzasta takiripoyqa sumajpuni.
Payta jatunchayqa may walejpuni, maychus kajtaj.+
2 Jehová Diosqa Jerusalenta sayarichishan.+
Payqa chʼeqerasqa* israelitasta tantan.+
3 Sonqo pʼakisqa runasta sanoyachin,
nanasqasninkuta jampispa vendaykun.
7 Jehová Diospaj takiriychej graciasta qospa.
Diosninchejpaj alabanzasta takiriychej arpata tocarispa.
8 Paymin cielosta phuyuykuchin.
Paymin parawan jallpʼata qarpan.+
Paymin orqospi pastota wiñachin.+
10 Diosqa mana tʼukunchu caballoj kallpanmanta,+
nillataj tʼukunchu uj runaj chakisnin may kallpayoj kasqanmantapis.+
11 Jehová Diosqa sonqo juntʼasqa kashan payta manchachikojkunawan,+
munakuyninpi atienekojkunawanpis.+
12 Jerusalén, Jehová Diosta jatunchay.
Sion, Diosniykita yupaychay.
13 Paymin llajta punkusniykej barrasninta sinchʼiyachin.
Wawasniykitapis llajtayki ukhupi bendecin.
14 Paymin allin kausayta apamun tukuynin jallpʼasniykiman.+
Paymin sumajnin trigowan sajsachisunki.+
15 Payqa kamachisqan leyta jallpʼaman kachamun.
Palabranqa ima jina kachaykukun.
17 Payqa granizonta tʼakaykamun parti tʼantasta jina.+
¿Pitaj chay chirita aguantanmanri?+
18 Pay kamachejtin chhullunkas chullurpanku.
Payqa wayrata phukuchimun,+ yakustaj puririnku.
19 Payqa Jacobman palabranta willan.
Leyesninta, kamachisqasnintapis Israelman willan.+
20 Diosqa mana waj nacioneswan chayta ruwarqachu.+
Chay waj nacionesqa mana paypa leyesninta ni imaynitata rejsinkuchu.
Jehová* Diosta jatunchaychej.*+
148 Jehová* Diosta jatunchaychej.*
Cielomantapacha Jehová Diosta jatunchaychej.+
Pataspi payta jatunchaychej.
2 Tukuynin angelesnin, payta jatunchaychej.+
Tukuynin ejercitosnin, payta jatunchaychej.+
3 Qankuna inti, killa, payta jatunchaychej.
Tukuynin lliphipirej chʼaskas, payta jatunchaychej.+
4 Aswan patapi kaj cielos, payta jatunchaychej.
Cielopi kaj para phuyus, payta jatunchaychej.
5 Chay tukuy imasqa Jehová Diospa sutinta jatunchachunku.
Dios kamacherqa, chay imastaj ruwasqa karqanku.+
6 Diosqa chay imasta allinta sayachishan wiñaypaj wiñaynintinpaj.+
Payqa uj leyta orqhon, chaytaj mana chinkaponqachu.+
7 Jallpʼamantapacha Jehová Diosta jatunchaychej,
qankuna mar qochapi kaj jatuchaj animales, jinallataj ukhu ukhu yakuspis.
8 Qankuna rayos, granizos, ritʼi, yana phuyus,
qanpis parata apamoj wayra, qanmin nisqanta juntʼanki, tukuyniykichej Diosta jatunchaychej.+
9 Qankuna orqos, tukuynin lomaspis,+
qankuna poqoj sachʼas, tukuynin cedro sachʼaspis Diosta jatunchaychej.+
10 Qankuna monte animales,+ tukuynin uywaspis,
qankuna qhatatakoj animales, qankuna pʼisqospis Diosta jatunchaychej.
11 Qankuna jallpʼamanta reyes, tukuynin nacionespis,
qankuna kuraj kamachejkuna, jallpʼamanta tukuynin juecespis Diosta jatunchaychej.+
12 Qankuna waynuchus, qankuna sipaskuna,
qankuna viejitos, jinallataj jóvenes Diosta khuska jatunchaychej.
Paymin jallpʼatawan cielotawan gobernashan.+
14 Paymin kamachisninta aswan kallpayojman tukuchenqa,
payta kasukojkunata allinpaj qhawachinanpaj,
Israelpa wawasninta allinpaj qhawachinanpaj, chay kamachisnenqa payman kʼaskasqa kashanku.
Jehová* Diosta jatunchaychej.*
149 Jehová* Diosta jatunchaychej.*
Jehová Diospaj uj mosoj takiyta takiripuychej.+
Payta kasukojkunaj congregacionninkupi payta jatunchaychej.+
2 Israelqa kusikuchun Ruwajnin Jatun Diosninmanta.+
Sionpa wawasninpis kusikuchunku Reyninkumanta.
3 Diospa sutinta jatunchachunku tususpa,+
alabanzastapis paypaj takichunku, panderetata sonarichispa,* arpata tocarispa.+
4 Jehová Diosqa kamachisninmanta kusikun.+
Diosqa llampʼu sonqo runasta salvaspa paykunata jatunchan.+
5 Payta kasukojkunaqa kusikuchunku ajina jatunchasqa kasqankumanta.
Paykunaqa camankupi kaspa kusiymanta takirichunku.+
6 Siminkuwan Diospaj alabanzasta takirichunku,
makinkupitaj puraj filoyoj espadata japʼichunku,
7 nacionesmanta vengakunankupaj,
llajtastapis castiganankupaj,
8 reyesninkuta cadenaswan wataykunankupaj,
kamachejkunasninkuta fierro cadenaswan japʼichinankupaj,
9 ajinamanta paykunaj contrankuta qhelqasqa juiciota ruwanqanku.+
Chay jatun ruwaytaqa Diosta kasukojkuna ruwanqanku.
Jehová* Diosta jatunchaychej.*
150 Jehová* Diosta jatunchaychej.*+
Diosta jatunchaychej santo templonpi.+
Diosta jatunchaychej cielopi. Cieloqa paypa atiyninta rejsichishan.+
2 Payta jatunchaychej may atiyniyoj imasta ruwasqanrayku.+
Payta jatunchaychej manchay atiyniyoj kasqanrayku.+
3 Payta jatunchaychej putututa waqachispa.+
Payta jatunchaychej cuerdasniyoj tocanawan arpawan ima.+
4 Payta jatunchaychej panderetawan,*+ rondapi tusuykunawan.
Payta jatunchaychej cuerdasniyoj tocanaswan,+ qenawan.+
5 Payta jatunchaychej platillosta chilin chilin nichispa.
Payta jatunchaychej platillosta chalan chalan nichispa.+
6 Tukuy kausajkuna Jehová* Diosta jatunchachunku.
Jehová* Diosta jatunchaychej.*+
Chayri “chʼinsitullamanta leerin, chhichispa jina”.
Chayri “tʼuna paja jinalla”.
Chayri “Cristonpa contrantawan”.
Pʼitiy: waj lugarespi ninku tʼipiy.
Hebreo parlaypeqa nin, “kamachisqanta”.
Hebreo parlaypeqa nin, “muchʼaychej”.
Glosariopi sélah nisqata leeriy.
Winkuy: waj lugarespi ninku siriy.
Glosariopi sélah nisqata leeriy.
Chayri “uywa wañuchisqata qoshaspaqa”.
Hebreo parlaypeqa nin, “uyaykiwan kʼanchawayku”.
Winkuy: waj lugarespi ninku siriy.
Glosariopi nehilot nisqata leeriy.
Chayri “millachikun”.
Hebreo parlaypeqa niyta munan mana tukukoj munakuy, mana tukukoj kʼacha kay. Glosariopi mana tukukoj munakuy nisqata leeriy.
Hebreo parlaypeqa nin, “Qanta manchachikuspa”.
Glosariopi seminit nisqata leeriy.
Chayri “yuyarikunñachu”.
Chayri “Seolpi”. Glosariopi sepultura nisqata leeriy.
Chʼaran: waj lugarespi ninku chʼata.
Uj aylloqa uj familiamanta miraj ashkha familias kanku.
Mithay: waj lugarespi ninku wikhay, tʼisay.
Ichá nillanmantaj “sitajchus qhasillamanta contray karqa chay runata perdonarqani chayqa”.
Glosariopi sélah nisqata leeriy.
Chayri “watunki”.
Flechana arco: waj lugarespi ninku camba flecha.
Glosariopi guitit nisqata leeriy.
Ichá nillanmantaj “Jatun kayniykimantaqa cielomanta aswan patapi willakun”.
Hebreo parlaypeqa nin, “Dedosniykiwan”.
Chayri “Runataqa angelesmanta tumpa menosllata ruwarqanki”.
Glosariopi mut-laben nisqata leeriy.
Chayri “sirvisojkunataqa”.
Chayri “tukuy rijchʼaj”.
Chayri “Sionpa warmi wawanpa punkusninpi”.
Glosariopi higayón nisqata leeriy.
Glosariopi sélah nisqata leeriy.
Chayri “Seolman”. Glosariopi sepultura nisqata leeriy.
Flechana arco: waj lugarespi ninku camba flecha.
Hebreo parlaypi nin, “Cimientos thuñisqa kajtin”.
Glosariopi seminit nisqata leeriy.
Chayri “engañanku”.
Chayri “Wampu runasqa”.
Chayri “reparakunku”.
Hebreo parlaypeqa nin, “Paykunaqa llajta masisniyta oqoykushanku, tʼantatapis mikhushankuman jina”.
Hebreo parlaypeqa nin, “toldoykiman”
Hebreo parlaypeqa nin, “miktam”. Glosariopi miktam nisqata leeriy.
Chayri “Seolpi”. Glosariopi sepultura nisqata leeriy.
Hebreo parlaypi llimphuchay palabraqa oqharikun metalta unuyachispa chʼuwachanamanta parlanapaj.
Lijra: waj lugarespi ninku ala.
Chayri “pampaman wijchʼunawaykupaj”.
Mithay: waj lugarespi ninku wikhay, tʼisay.
Hebreo parlaypeqa nin, “salvakuna wajra”. Glosariopi wajra nisqata leeriy.
Chayri “Seolpa”. Glosariopi sepultura nisqata leeriy.
Glosariopi querubín nisqata leeriy.
Chayri “Wayraj lijrasninpi”.
Chayri “engañachikullawajchu”.
Chayri “llakisqa runasta”.
Chayri “Cheqa Diospa”. Glosariopi cheqa Dios nisqata leeriy.
Flechana arco: waj lugarespi ninku camba flecha.
Chayri “ñawita kʼancharichin”.
Hebreo parlaypeqa nin, “Wirata jina qhawachun”.
Chayri “ruphachina”.
Glosariopi sélah nisqata leeriy.
Qhaparisqayku: waj lugarespi ninku qhaparisajku.
Chayri “atipan”.
Ichá nillanmantaj “Reyqa”.
Glosariopi sélah nisqata leeriy.
Takisqayku: waj lugarespi ninku takisajku.
Mithay: waj lugarespi ninku wikhay, tʼisay.
Glosariopi suerte nisqata leeriy.
Glosariopi congregación nisqata leeriy.
Uj aylloqa uj familiamanta miraj ashkha familias kanku.
Chayri “sonqochawanki”.
Noqaj kausayniyrayku nispaqa Jehová Diospa kausayninrayku juranamanta parlashan.
Glosariopi sélah nisqata leeriy.
Chayri “Qanpi suyakojkunaqa”.
Chayri “qanpi suyakuni”.
Hebreo parlaypeqa nin, “chʼipamanta”.
Chayri “suyakuni”.
Hebreo parlaypi llimphuchay palabraqa oqharikun metalta unuyachispa chʼuwachanamanta parlanapaj.
Chayri “Mana puraj uya runaswanqa masichakunichu”.
Hebreo parlaypeqa nin, “tiyaykukunichu”.
Glosariopi altar nisqata leeriy.
Chayri “tiyakusqayki waseqa noqapaj munasqa”.
Chayri “Paykunaqa wajkunata llukʼiykuymanta wañurishanku”. Llukʼiy: waj lugarespi ninku coimeay.
Chayri “Congregación”.
Hebreo parlaypeqa nin, “sonqoyqa mana manchachikonqachu”.
Chayri “templontapis tʼukuspa qhawanaypaj”.
Chayri “carpa wasinpi”.
Chayri “Jehová Diosqa mana saqerpariwanqachu”.
Hebreo parlaypeqa nin, “Sonqoyqa paypi atienekun”.
Chayri “ichurikuspa”.
Chayri “Santo ropasta”.
Ichá nillanmantaj “Santo kaynin lliphipirisqanrayku”.
Chayri “Jehová Diosta yupaychaychej”.
Hebreo parlaypeqa nin, “yakus patapi”.
Hebreo parlaypeqa nin, “yakus patapi”.
Chayri “cielopi may chhika yaku patapi”.
Chayri “oqhariwasqaykirayku”.
Chayri “Seolmanta”. Glosariopi sepultura nisqata leeriy.
Hebreo parlaypeqa nin, “tʼoqomanta”.
Chayri “Sepulturaman”.
Hebreo parlaypeqa nin, “chʼipamanta”.
Hebreo parlaypeqa nin, “espirituyta”. Glosariopi espíritu nisqata leeriy.
Hebreo parlaypeqa nin, “Tullusniy llauchʼiyapushan”.
Hebreo parlaypeqa nin, “Kamachiykiman uyaykiwan kʼanchay”.
Chayri “Seolpi”. Glosariopi sepultura nisqata leeriy.
Glosariopi maskil nisqata leeriy.
Chayri “perdonajtin”.
Glosariopi sélah nisqata leeriy.
Chayri “siminpa espiritunwan”. Glosariopi espíritu nisqata leeriy.
Chayri “Jehová Diospa yuyaychasqantajrí”.
Chayri “ruwan”.
Chayri “Diosta yupaychajkunata cuidashan”.
Hebreo parlaypeqa nin, “manchachikuyta”.
Chayri “Sonqo tiyaykuyta maskʼay”.
Chayri “Almayta maskʼajkunaqa”. Glosariopi alma nisqata leeriy.
Chayri “tʼuna paja jina”.
Chayri “Diospa contranta oqharikoj runasqa”.
Chayri “justiciaykipi tʼukurisaj”.
Lijra: waj lugarespi ninku ala.
Chayri “Jehová Diospi suyakojkunarí”.
Flechana arco: waj lugarespi ninku camba flecha.
Chayri “mikhunata”.
Chayri “juchachashajtenqa”.
Chayri “Jehová Diospi suyakuy”.
Chayri “runasta yuyarichinapaj”.
Chayri “mana sonqoy tiyaykunchu”.
Chayri “Almayta maskʼajkunaqa”. Glosariopi alma nisqata leeriy.
Glosariopi Jedutún nisqata leeriy.
Yukuma: waj lugarespi ninku ñuku, bozal.
Glosariopi sélah nisqata leeriy.
Chayri “¿imapitaj suyakuymanri?”.
Chayri “qanllapi suyakuni”.
Chayri “sonso runas”.
Chayri “Jehová Diosta pacienciawan suyakorqani”.
Chayri “ruphachina”.
Chayri “Jamuni”.
Glosariopi kʼuyuna libro nisqata leeriy.
Chayri “munayniykita ruwaytaqa maytapuni munani”.
Chayri “Almayta maskʼajkunaqa”. Glosariopi alma nisqata leeriy.
Chayri: “pitajchus tʼantayta mikhoj”.
Chayri “mana juchayoj kasqayrayku”.
Glosariopi amén nisqata leeriy.
Glosariopi maskil nisqata leeriy.
Glosariopi maskil nisqata leeriy.
Ayqechisqayku: waj lugarespi ninku ayqechisajku.
Sarurasqayku: waj lugarespi ninku sarurasajku.
Flechana arco: waj lugarespi ninku camba flecha.
Jatunchasqayku: waj lugarespi ninku jatunchasajku.
Glosariopi sélah nisqata leeriy.
Ñakʼay: waj lugarespi ninku degollay, wañuchiy.
Glosariopi maskil nisqata leeriy.
Chayri “sumaj qhelqerijpa”.
Alajito: waj lugarespi ninku simpático.
Chayri “tukuy rijchʼaj”.
Hebreo parlaypeqa nin, “Diosmin kamachina tiyanayki”.
Glosariopi mirra nisqata leeriy.
Aloeqa sumaj qʼapayniyoj sachʼa. Unayqa chay sachʼamanta perfumeta ruwaj kanku.
Hebreo parlaypeqa nin, “casia”. Glosariopi casia nisqata leeriy.
Hebreo parlaypeqa nin, “Tiroj warmi wawan”.
Hebreo parlaypeqa nin, “Ukhupi”.
Glosariopi alamot nisqata leeriy.
Glosariopi sélah nisqata leeriy.
Flechana arco: waj lugarespi ninku camba flecha.
Glosariopi sélah nisqata leeriy.
Chayri “pata ladopi”.
Chayri “wajyachinakuspa tantakorqanku”.
Glosariopi sélah nisqata leeriy.
Hebreo parlaypeqa nin, “Judaj warmi wawasninpis”.
Ichá nillanmantaj “Paymin pusaykachawasun wañunanchejkama”.
Chayri “Mana kasuy runapis, may rejsisqa runapis”.
Chayri “Uj proverbiota”. Glosariopi proverbio nisqata leeriy.
Glosariopi sélah nisqata leeriy.
Chayri “Seolman”. Glosariopi sepultura nisqata leeriy.
Chayri “Seollla”. Glosariopi sepultura nisqata leeriy.
Chayri “Seolpa”. Glosariopi sepultura nisqata leeriy.
Glosariopi sélah nisqata leeriy.
Chayri “ruphachina”.
Chayri “corralniykimanta”.
Chayri “yachachisusqayta”.
Chayri “hermanoykipaj yapasqata parlaspa juchayojta rikhurichinki”.
Mithay: waj lugarespi ninku wikhay, tʼisay.
Glosariopi profeta nisqata leeriy.
Chayri “Chaywanqa chay pʼakirasqayki tullusqa kusikonqanku”.
Hebreo parlaypeqa nin, “Diosníy, llimphu sonqota noqapi rikhurichiy”.
Chayri “ruphachina”.
Glosariopi maskil nisqata leeriy.
Chayri “filo navaja jina”.
Chayri “engañanaykipajqa”.
Glosariopi sélah nisqata leeriy.
Chayri “carpa wasiykimanta”.
Glosariopi mahalat nisqata leeriy.
Glosariopi maskil nisqata leeriy.
Chayri “Wampusqa”.
Chayri “reparakunku”.
Hebreo parlaypeqa nin, “Paykunaqa llajta masisniyta oqoykushanku, tʼantatapis mikhushankuman jina”.
Glosariopi maskil nisqata leeriy.
Chayri “almayta maskʼanku”. Glosariopi alma nisqata leeriy.
Glosariopi sélah nisqata leeriy.
Glosariopi maskil nisqata leeriy.
Chayri “Amataj pakakuychu yanapata mañakusojteyqa”.
Lijra: waj lugarespi ninku ala.
Glosariopi sélah nisqata leeriy.
Chayri “parlayninkutapis pejtuy”.
Chayri “engañashanku”.
Chayri “Seolpi”. Glosariopi sepultura nisqata leeriy.
Chayri “Llasa qʼepiykita Jehová Diosman jaywapuy”.
Chayri “chankaykachananta”.
Glosariopi miktam nisqata leeriy.
Sutʼuy: waj lugarespi ninku chʼaqay.
Botella nispaqa qaramanta ruwasqa botellamanta parlashan. Glosariopi qara bota nisqata leeriy.
Glosariopi miktam nisqata leeriy.
Lijra: waj lugarespi ninku ala.
Chayri “Cheqa Diosmin”. Glosariopi cheqa Dios nisqata leeriy.
Mithay: waj lugarespi ninku wikhay, tʼisay.
Glosariopi sélah nisqata leeriy.
Glosariopi miktam nisqata leeriy.
Chayri “cobras jina”.
Chayri “brujo”.
Flechana arco: waj lugarespi ninku camba flecha.
Hebreo parlaypeqa nin, “unuyapoj”.
Chayri “caracol jina”.
Chayri “Cambrón khishka”.
Chʼaranchakuy: waj lugarespi ninku chʼatachakuy.
Glosariopi miktam nisqata leeriy.
Glosariopi sélah nisqata leeriy.
Chayri “ayñaspa”.
Chayri “ayñaspa”.
Glosariopi miktam nisqata leeriy.
Chankaykachay: waj lugarespi ninku tharpiykachay, aylinkachay, thamaykachay.
Glosariopi sélah nisqata leeriy.
Kasqayku: waj lugarespi ninku kasajku.
Ichá nillanmantaj “santo lugarninpi”.
Chayri “Siquemtaqa”. Yanapa A2 nisqata leeriy.
Chayri “Sucot ura pampatapis”.
Chayri “abarcaywan”.
Ichá nillanmantaj “¿pitaj pusawanqa jarkʼachasqa llajtata atipanaypaj?”.
Chayri “Toldoykipi wiñaypaj tiyakunaypaj wajyarikuwanki”.
Lijra: waj lugarespi ninku ala.
Glosariopi sélah nisqata leeriy.
Glosariopi Jedutún nisqata leeriy.
Chankaykachay: waj lugarespi ninku tharpiykachay, aylinkachay, thamaykachay.
Glosariopi sélah nisqata leeriy.
Siriy: waj lugarespi ninku winkuy.
Lijra: waj lugarespi ninku ala.
Chayri “Cuerposninkutaqa”.
Ruwasqayku: waj lugarespi ninku ruwasajku.
Chayri “tukuy rijchʼaj”.
Glosariopi sélah nisqata leeriy.
Chayri “Tercosqa”.
Chayri “ruphachina”.
Carnero: waj lugarespi ninku mocho, oveja toro.
Hebreo parlaypeqa nin, “uyanwan kʼanchawasun”.
Glosariopi sélah nisqata leeriy.
Ichá nillanmantaj “Phuyus patata”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “tercostaj”.
Glosariopi sélah nisqata leeriy.
Lijra: waj lugarespi ninku ala.
Chayri “chaypacha Zalmonpi ritʼinmanpis jina karqa”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Cheqa Diosmin”. Glosariopi cheqa Dios nisqata leeriy.
Chayri “tamborcitosta tocarispa”.
Hebreo parlaypeqa nin, “Israelpa Pujyunmin”.
Uj aylloqa uj familiamanta miraj ashkha familias kanku.
Chʼeqerachiy: waj lugarespi ninku tʼaqarachiy.
Ichá nillanmantaj “Egiptomanta embajadores llojsimonqanku”.
Ichá nillanmantaj “Waqaspa ayunarqani”.
Chayri “tʼoqo”.
Chayri “llakiywan niña ni imanakuyta atishanichu”.
Hebreo parlaypeqa nin, “Caderasninkuta”.
Campamentoqa ashkha toldo wasis.
Chayri “Carpa wasisninkupeqa”.
Chayri “wajrasniyoj, zapatosniyoj torillota”.
Chayri “runasta yuyarichinapaj”.
Chayri “Almayta maskʼajkunaqa”. Glosariopi alma nisqata leeriy.
Chayri “mana yupay atina”.
Chayri “Qanlla cheqan kasqaykita willasaj”.
Chayri “tocaripusqayki”.
Chayri “justiciaykipi tʼukurisaj”.
Chayri “engañaj runatataj tukuchichun”.
Mayu nispaqa Éufrates mayumanta parlashan.
Chayri “islasmanta”.
Chayri “wajchaspa kausayninkuta”.
Hebreo parlaypeqa nin, “yawarninkoqa”.
Glosariopi amén nisqata leeriy.
Chayri “alabakoj runasmanta”.
Chayri “walqhanku jina”.
Hebreo parlaypeqa nin, “Paypa llajtanpis”.
Chayri “Qhasillata makisniyta mayllakuni mana juchayoj kasqayta reparanankupaj”.
Hebreo parlaypeqa nin, “Riñonesniypi”.
Glosariopi maskil nisqata leeriy.
Uj aylloqa uj familiamanta miraj ashkha familias kanku.
Hebreo parlaypeqa nin, “watejmanta ranterqanki”.
Chayri “Ojllayniykimanta makiykita orqhospa paykunata tukuchiy”.
Glosariopi Leviatán nisqata leeriy.
Hebreo parlaypeqa nin, “umasninta”.
Linde: waj lugarespi ninku lindero.
Hebreo parlaypeqa nin, “unuyashajtinku”.
Chayri “columnasninta”.
Glosariopi sélah nisqata leeriy.
Chayri “ura ladomantachu”.
Glosariopi sélah nisqata leeriy.
Glosariopi Jedutún nisqata leeriy.
Glosariopi sélah nisqata leeriy.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Glosariopi cheqa Dios nisqata leeriy.
Glosariopi maskil nisqata leeriy.
Chayri “Uj proverbiota parlasaj”. Glosariopi proverbio nisqata leeriy.
Chayri “tercos”.
Uj aylloqa uj familiamanta miraj ashkha familias kanku.
Flechana arco: waj lugarespi ninku camba flecha.
Chayri “Ura ladomanta”.
Hebreo parlaypeqa nin, “campamentonpa”. Chaywanqa nishanman mayqennillankojtapis kasqanta Diospatapis Israelpatapis. Campamentoqa ashkha toldo wasis.
Chayri “carpasninkoj”.
Chayri “engañayta”.
Chayri “Diosqa yuyarikoj kausayninkuta pierdespa manaña ujtawan tarikapusqankuta”.
Chayri “tabanosta”.
Kʼaylankula: waj lugarespi ninku pikaltulti.
Chayri “chʼanqarqorqa”.
Glosariopi sacerdote nisqata leeriy.
Hebreo parlaypeqa nin, “toldonta”.
Chayri “michinanpaj”.
Nisqayku: waj lugarespi ninku nisajku.
Jatunchasqayku: waj lugarespi ninku jatunchasajku.
Glosariopi querubín nisqata leeriy.
Ichá nillanmantaj “querubinespa chaupinkupi”.
Hebreo parlaypeqa nin, “Uyaykiwan kʼanchawayku”.
Hebreo parlaypeqa nin, “Uyaykiwan kʼanchawayku”.
Mayu nispaqa Éufrates mayumanta parlashan.
Pʼitiy: waj lugarespi ninku tʼipiy.
Chayri “chay uva gajotaqa”.
Chayri “chay ramata”.
Karunchakusqaykuchu: waj lugarespi ninku karunchakusajkuchu.
Hebreo parlaypeqa nin, “Uyaykiwan kʼanchawayku”.
Glosariopi guitit nisqata leeriy.
Chayri “tamborcitotapis”.
Killa rikhuriy: waj lugarespi ninku mosoj killa.
Killa juntʼa: waj lugarespi ninku lleno, pura.
Chayri “nitaj entiendeyta aterqanichu imatachus parlamusqanta”.
Meribá suteqa niyta munan siminakuy.
Glosariopi sélah nisqata leeriy.
Chayri “dioskuna jina kajkunata juzgaspa”.
Glosariopi sélah nisqata leeriy.
Hebreo parlaypeqa nin, “Jallpʼaj tukuy cimientosnin kuyuchisqa kashanku”.
Chayri “Qankunaqa dioskuna jina kankichej”.
Glosariopi sélah nisqata leeriy.
Chayri “wayqʼopi”.
Glosariopi guitit nisqata leeriy.
Glosariopi sélah nisqata leeriy.
Chayri “Bekja nisqa chʼajrasniyoj wayqʼonta”.
Ichá nillanmantaj “Diosníy, escudoykuta qhawariy”.
Chayri “Noqaqa ajllakuni Diosniypa wasi punkullanpipis sayakuyta”.
Chayri “mana juchayojkunaman”.
Glosariopi sélah nisqata leeriy.
Chayri “watejmanta tantaykuwayku”.
Qowasqayku: waj lugarespi ninku qowasajku.
Glosariopi cheqa Dios nisqata leeriy.
Hebreo parlaypeqa nin, “ajinamanta jatun kaynenqa jallpʼanchejpi tiyakonqa”.
Chayri “Uj sonqollata qoway sutiykita manchachikunaypaj”.
Chayri “Seolpa”. Glosariopi sepultura nisqata leeriy.
Kʼacha sonqoyoj: waj lugarespi ninku jatun sonqoyoj.
Chayri “mana usqhayllata phiñarparikoj”.
Chayri “cheqantaj”.
Chayri “carpa wasisninta”.
Glosariopi cheqa Dios nisqata leeriy.
Glosariopi sélah nisqata leeriy.
Rahab nispaqa ichapis Egiptomanta parlashanman. Glosariopi Rahab nisqata leeriy.
Chayri “Tukuy yaku juturisniy qanpi kashanku”.
Glosariopi mahalat nisqata leeriy.
Glosariopi maskil nisqata leeriy.
Chayri “Almayqa”. Glosariopi alma nisqata leeriy.
Chayri “Seolman”. Glosariopi sepultura nisqata leeriy.
Chayri “Mana kallpayoj jina kani”.
Glosariopi sélah nisqata leeriy.
Chayri “Abadonpeqa”. Glosariopi Abadón nisqata leeriy.
Glosariopi maskil nisqata leeriy.
Glosariopi sélah nisqata leeriy.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Glosariopi Rahab nisqata leeriy.
Chayri “Pata ladota, ura ladotapis”.
Hebreo parlaypeqa “uyaykej kʼanchayninpi”.
Chayri “mandonman churasaj”.
Hebreo parlaypeqa nin, “cheqa testigo jina”.
Hebreo parlaypeqa nin, “Contrariosninpa paña makinkuta pataman oqharerqanki”.
Chayri “Seolpa atiyninmanta”. Glosariopi sepultura nisqata leeriy.
Glosariopi amén nisqata leeriy.
Glosariopi cheqa Dios nisqata leeriy.
Chayri “tiyakunayku lugar”.
Chayri “Yachachiwayku diasniykuta yupakuyta”.
Qhaparisqayku: waj lugarespi ninku qhaparisajku.
Lijra: waj lugarespi ninku ala.
Chayri “carpaykiman”.
Laudqa cuerdasniyoj unay tocana karqa, guitarraman rijchʼakoj.
Chayri “Yuraj umaña kajtinkupis”.
Chayri “Wirallapuni”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “sonqoytataj tiyaykucherqanki”.
Chayri “jueceswanqa”. Hebreo parlaypeqa nin, “kamachina tiyanawanqa”.
Chayri “leyta churaspa”.
Meribá suteqa niyta munan siminakuy.
Masá suteqa niyta munan prueba.
Chayri “mana rikuyta aterqanichu”.
Uj aylloqa uj familiamanta miraj ashkha familias kanku.
Chayri “Santo ropasta”.
Ichá nillanmantaj “Santo kaynin lliphipirisqanrayku”.
Chayri “Jehová Diosta yupaychaychej”.
Chayri “Payqa jamun”.
Chayri “islaspis”.
Chayri “payta yupaychaychej”.
Hebreo parlaypeqa nin, “Judaj warmi wawasninpis”.
Chayri “qanllamin aswan jatunchasqa kanki”.
Chayri “Diosninchejpa salvacionninta”.
Chayri “juzgaj jamun”.
Glosariopi querubín nisqata leeriy.
Ichá nillanmantaj “chaupinkupi”.
Chayri “yupaychaychej”.
Chayri “yupaychaychej”.
Ichá nillanmantaj “mana noqanchejchu ruwakorqanchej”.
Chayri “ni ima qhasi manakajtapis qhawanqachu”.
Chayri “Chay ruwasqasninkutaqa mana chimpachikusajchu”.
Chayri “tukuchisaj”.
Chayri “manaña kallpan kajtin”.
Chayri “pelícano jina”.
Siriy: waj lugarespi ninku winkuy.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “pachallanpuni kanki”.
Kʼacha sonqoyoj: waj lugarespi ninku jatun sonqoyoj.
Chayri “mana usqhayllata phiñarparikoj”.
Chayri “carpa wasej”.
Hebreo parlaypeqa nin, “yakuspi”.
Lijra: waj lugarespi ninku ala.
Chayri “kallpasapa espiritusman tukuchin”. Glosariopi espíritu nisqata leeriy.
Linde: waj lugarespi ninku lindero.
Hebreo parlaypeqa nin, “runaj sonqonman”.
Damanqa kʼita qowiman rijchʼakun, qaqaspitaj tiyakun.
Winkuy: waj lugarespi ninku siriy.
Glosariopi Leviatán nisqata leeriy.
Chayri “tantanku”.
Ichá nillanmantaj “Paypi tʼukurisqayqa sumaj kachun”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Chayri “tocapuychej”.
Ichá nillanmantaj “Tukuynin sumaj ruwasqasninmanta parlaychej”.
Chayri “Joseta llimphucharqa”.
Kʼaylankula: waj lugarespi ninku pikaltulti.
Chayri “tabanosta”.
Chayri “tiulastapis”.
Chayri “Laurarishaj ninastapis”.
Uj aylloqa uj familiamanta miraj ashkha familias kanku.
Chayri “codornicesta”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Chayri “mana entienderqankuchu imachus niyta munasqanta”.
Campamentoqa ashkha toldo wasis.
Chayri “santon”.
Chayri “unuyachisqa metalmanta”.
Chayri “Carpa wasisninkupi”.
Chʼeqerachiy: waj lugarespi ninku tʼaqarachiy.
Chayri “Baal Peor nisqa diosman kʼaskakorqanku”.
Wañusqasman nispaqa wañusqa runasman jaywasqasmanta chayri mana kausayniyoj diosesman jaywasqasmanta parlashan.
Meribá suteqa niyta munan siminakuy.
Chayri “paykuna jinataj kausarqanku”.
Waj dioseswan qhenchachakorqanku nispaqa waj diosesta yupaychasqankuta nishan.
Chayri “tercos karqanku”.
Chayri “ajina kachun”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Chayri “pata ladomanta, ura ladomanta”.
Chayri “llustʼarqanku”.
Pʼitiy: waj lugarespi ninku tʼipiy.
Chankaykachay: waj lugarespi ninku tharpiykachay, aylinkachay, thamaykachay.
Chayri “musphaykachachin”.
Kasqayku: waj lugarespi ninku kasajku.
Ichá nillanmantaj “santo lugarninpi”.
Chayri “Siquemtaqa”. Yanapa A2 nisqata leeriy.
Chayri “Sucot pampatapis”.
Chayri “abarcaywan”.
Chayri “juchachachun”.
Hebreo parlaypeqa nin, “Qhari wawasnenqa”.
Hebreo parlaypeqa nin, “Qhari wawasnenqa”.
Chayri “Enemigosniykej chaupinpi kamachiy”.
Qantajrí nispaqa, Salmo 110:1 versiculopi “Señorníy” nin, chayllamantataj parlashan.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Chayri “chay imasta sumajta estudianku”.
Kʼacha sonqoyoj: waj lugarespi ninku jatun sonqoyoj.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Kʼacha sonqoyoj: waj lugarespi ninku jatun sonqoyoj.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Chayri “kamachina tiyananpi tiyaykun”.
Ichá nillanmantaj “qʼopa patamanta oqharin”.
Hebreo parlaypeqa nin, “qhari wawasniyoj”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Carnero: waj lugarespi ninku mocho, oveja toro.
Chayri “rejsisqa runatapis, mana kasuy runatapis”.
Hebreo parlaypeqa nin, “qhari wawasniykichejtapis”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Hebreo parlaypeqa nin, “chʼin lugarpi”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Hebreo parlaypeqa nin, “Seolpa llakiykunasnin taripawarqa”. Glosariopi sepultura nisqata leeriy.
Kʼacha sonqoyoj: waj lugarespi ninku jatun sonqoyoj.
Chayri “Copata oqharisaj”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Ichá nillanmantaj “Kallpawan tanqarpawarqanki”.
Chayri “carpa wasisninkumanta”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Hebreo parlaypeqa nin, “altarpa wajrasnin”.
Chayri “Kamachisqasniykita allinta estudiasaj”.
Chayri “kamachisqasniykita estudiani”.
Chayri “tʼukuna ruwasqasniykita estudiasaj”.
Chayri “purichiway”.
Chayri “leyesniykitapis allinta estudiasaj”.
Chayri “mana reparakuspa juchaman urmaykullaj kani”.
Hebreo parlaypeqa nin, “noqa kamachiykiman”.
Ichá nillanmantaj “llullakuspa”.
Chayri “kamachisqasniykita estudiasaj”.
Glosariopi qara bota nisqata leeriy.
Kashallankupuni nispaqa Diospa tukuy ruwasqasninmanta parlashan.
Chayri “leyniykita estudiani”.
Chayri “Leyesniykita estudiasqayrayku”.
Chayri “allinta purichiway”.
Hebreo parlaypeqa nin, “kamachiykiman uyaykiwan kʼanchay”.
Chayri “nisqaykita estudianaypaj”.
Chayri “sonqo tiyasqa kausakonqanku”.
Chayri “Paykunataqa ni imapis miskʼachiyta atinchu”.
Glosariopi llajtaman wicharinapaj takiy nisqata leeriy.
Chayri “carpa wasis”.
Glosariopi llajtaman wicharinapaj takiy nisqata leeriy.
Chayri “Jehová Diosqa paña ladoykipi llanthu”.
Glosariopi llajtaman wicharinapaj takiy nisqata leeriy.
Uj aylloqa uj familiamanta miraj ashkha familias kanku.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Glosariopi llajtaman wicharinapaj takiy nisqata leeriy.
Glosariopi llajtaman wicharinapaj takiy nisqata leeriy.
Glosariopi llajtaman wicharinapaj takiy nisqata leeriy.
Chayri “Sajra kamachina tojnoqa manaña cheqan runasta kamachenqachu”.
Glosariopi llajtaman wicharinapaj takiy nisqata leeriy.
Chayri “marqʼasnin”.
Glosariopi llajtaman wicharinapaj takiy nisqata leeriy.
Hebreo parlaypeqa nin, “Qhari wawastaqa”.
Chayta nispaqa ichapis tatasmanta parlashan.
Chayta nispaqa ichapis wawasmanta parlashan.
Glosariopi llajtaman wicharinapaj takiy nisqata leeriy.
Glosariopi llajtaman wicharinapaj takiy nisqata leeriy.
Pʼitiy: waj lugarespi ninku tʼipiy.
Glosariopi llajtaman wicharinapaj takiy nisqata leeriy.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Glosariopi llajtaman wicharinapaj takiy nisqata leeriy.
Pʼitiy: waj lugarespi ninku tʼipiy.
Chayri “ichurikojtin”.
Glosariopi llajtaman wicharinapaj takiy nisqata leeriy.
Siriy: waj lugarespi ninku winkuy.
Chayri “uj sumaj yupaychana toldota taripunaykama”.
Chayri “Diosta yupaychana toldomantaqa”.
Chayri “sumaj yupaychana toldonman yaykuna”.
Chayri “yuyarichisqastapis”.
Glosariopi llajtaman wicharinapaj takiy nisqata leeriy.
Barba: waj lugarespi ninku chhunka, sunkha.
Glosariopi llajtaman wicharinapaj takiy nisqata leeriy.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “yaku vausita oqharichin”.
Faraonqa mana sutichu, manaqa Egiptomanta reyesta faraón nej kanku.
Chayri “sutiykeqa”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Faraonqa mana sutichu, manaqa Egiptomanta reyesta faraón nej kanku.
Ichá nillanmantaj “paña makeyqa chʼakipuchun”.
Chayri “paladarniyman”.
Ichá nillanmantaj “Qanmin nisqaykitaqa, sutiykimanta aswan pataman oqharerqanki”.
Hebreo parlaypeqa nin, “Qan midishanki”.
Chayri “Seolpichus”. Glosariopi sepultura nisqata leeriy.
Hebreo parlaypeqa nin, “Sepulturapi camayta mastʼakuyman”.
Lijra: waj lugarespi ninku ala.
Ichá nillanmantaj “Mamaypa wijsanpi awawarqanki”.
Hebreo parlaypeqa nin, “jallpʼaj ukhu ukhusninpi awasqa kashajtiy”.
Hebreo parlaypeqa nin, “qanwanraj kashani”.
Chayri “yuyasqankuman jina”.
Chayri “sonqoypi llakiyniytapis”.
Glosariopi sélah nisqata leeriy.
Hebreo parlaypeqa nin, “umayta jarkʼanki”.
Khulas: waj lugarespi ninku kʼurpas.
Chayri “Seolpa siminpi”. Glosariopi sepultura nisqata leeriy.
Glosariopi maskil nisqata leeriy.
Glosariopi sélah nisqata leeriy.
Chayri “cheqan kaj jallpʼapi pusaykachawachun”.
Chayri “tukuy rijchʼaj”.
Kʼacha sonqoyoj: waj lugarespi ninku jatun sonqoyoj.
Chayri “mana usqhayllata phiñarparikoj”.
Hebreo parlaypeqa nin, “Simeyqa Jehová Diosta jatunchanqa”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Chayri “Runaj samaynin tukukapojtenqa”.
Hebreo parlaypeqa nin, “watasqasta”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Chʼeqeray: waj lugarespi ninku tʼaqaray.
Qhallay: waj lugarespi ninku qhalliy.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Chayri “tamborcitosta sonarichispa”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Chayri “tamborcitowan”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.