Diospa Palabranmanta yachakuna

Bibliapeqa imatachus Dios runasman willasqanta tarinchej. Chayrayku Bibliataqa Diospa Palabran nikun. Chaypi willawanchej imatachus ruwanata kusisqas kausakunanchejpaj, imaynatachus Diosta kusichinatapis. Kay tapuykunamantaj kutichin:

1. ¿Pitaj Diosri?
2. ¿Imaynatá Diosta rejsiwaj?
3. ¿Biblia qhelqakunanpaj pitaj yuyaycharqa?
4. ¿Biblia cientificospa nisqankuwan kikinchu?
5. ¿Imatataj Biblia yachachin?
6. ¿Imatá Biblia Mesiasmanta willarqaña?
7. ¿Imatá Biblia nin kay tiemponchejmanta?
8. ¿Dioschu juchayoj runa sufrinanpaj?
9. ¿Imaraykú runas ñakʼarinku?
10. ¿Imatá Biblia nin jamoj kausaymanta?
11. Runa wañupojtin, ¿imapí tukun?
12. ¿Wañusqas kausarimunkumanchu?
13. ¿Imatataj Biblia nin trabajanamanta?
14. Qolqeykita mana tukurpanallaykipaj, ¿imatá ruwawaj?
15. ¿Imaynamantataj kusisqa kausakusunman?
16. ¿Imatá ruwasunman llakiykuna kajtin?
17. ¿Imaynatá familiapi kusisqa kausakusunman?
18. ¿Imaynatá Diosman qayllaykusunman?
19. Bibliaj librosnin, ¿imasmantá parlan?
20. ¿Imaynatá Bibliata leesqayki sumajta yanapasunkiman?

¿IMAYNATÁ VERSICULOSTA BIBLIAPI MASKʼANA?

Bibliaqa 66 librosniyoj. Iskaypitaj tʼaqasqa kashan: Hebreo, Arameo Qhelqasqaspi, Griego Qhelqasqaspi ima. Wakenqa chaykunata ninku: Ñaupa Testamento chantá Mosoj Testamento, nispa. Bibliapeqa sapa libro tʼaqasqa kashan capitulospi, sapa capitulotaj versiculospi. Uj versiculota maskʼana kajtenqa, ñaupajta chay libroj sutin rikhurin, ladonpi rikhurej numeroqa capitulon kashan, qhepan numerotaj versiculon. Génesis 1:1, niyta munan Génesis, capítulo 1, versículo 1.