Waqyarisqa kanki

Qam, kay folletoniqta riqsiwasqaykumanta kusisqa kayku, jinallataq, qampaqpis kananta munayku. Chantapis, llaqtaykimanta Jehovamanta sutʼinchaqkunap Tantakunapaq Wasinkuman waqyarisqa kanki. Ajinamanta qam kikiyki, imaynachus tantakuykunasniyku kasqanta, imaynatachus Diospa Reinonmanta willanaykupaq kallpachakusqaykuta ima, rikunki.

Diosqa, “mosoj cielota, mosoj jallpʼatawan” ruwasaq nirqa, “maypichus cheqan kawsaylla kanqa” (2 Pedro 3:13). Chay nikusqanmantapachaqa, achkha wataña kachkan. Chaywanpis, kay saqra pachapi ruwaykuna rikuchisqanmanjinaqa, chay musuq pacha may qayllapiña kachkan.

Pablo nirqajina, ‘Señorpa jamunan pʼunchay qayllapiña kasqanta reparaspa, puraqmanta kallpachanakuspa yanaparinakunachik, munanakuypi kawsananchikpaq, allin ruwaykunata ruwananchikpaq ima. Chaypaqtaq, Diosta yupaychana tantakuyta, ama saqinachu’ (Hebreos 10:24, 25). Chayrayku, ñuqaykuwan khuska tantakunaykipaq, waqyarisqa kanki.