ASTAWAN YACHAKUNAPAJ 19B
Uj chhika yakitu jatun mayuman tukun
Ezequielqa Jehovaj templonmanta llojsimoj yakituta qhatin, iskay kilometrollata risqanman jinataj chay yakitoqa jatun mayuman tukun. Chay mayu kantupitaj jatuchaj sachʼasta rikun frutasniyojta, jampinapaj laqhesniyojta. ¿Ima niytá munan chay rikusqan?
Bendicionesta apamoj mayu
ÑAUPA TIEMPOPI: Jehovaqa presochasqa judiosman jallpʼankuman kutipojtinku pisimanta pisi bendicionesta tʼakaykamorqa, templopi payllata yupaychanankupaj kallpachakusqankuman jina
KAY TIEMPOPI: 1919 watapi Jehovallata yupaychay watejmanta sayarerqa. Chaymantapacha Diosta kasukoj kamachisnenqa ni jaykʼaj jina may chhika bendicionesta japʼinku
QHEPAMAN: Armagedón pasayta Jehovamanta jamoj bendicionesqa Dioswan allinpi kanapaj, sanos kanapajpis yanapawasun
Kausayta qoj yaku
ÑAUPA TIEMPOPI: Jehová kasukoj kamachisninta ashkhata bendecisqanrayku, astawan mirajtinkupis Jehovaman qayllaykunankupaj astawan yanapasta japʼej kanku
KAY TIEMPOPI: Jehovallata yupaychaspa paraisopi jina kanchej, Jehovamanta jamoj yakutaj astawan yapakushan. Chaytaj aswan ashkha runasman kausayta, bendicionestapis chayachimushan
QHEPAMAN: May chhika runas kausarimuspa Armagedonta kausashaj pasajkunaman ujchaykukonqanku, Jehovataj tukuyninkuman ashkha bendicionesta qonqa
Poqoyniyoj jampej sachʼas
ÑAUPA TIEMPOPI: Jehovaqa jallpʼankuman kutipoj kamachisninman sumaj yachachiykunata qorqa, payllata yupaychanankupajpis may chhika watasta onqosqa jina kasqankumanta jamperqa
KAY TIEMPOPI: Ashkha runas may chhika yachachiykunawan mikhunawan jina yanapachikushanku. Kay mundomanta runastaj Diospa ñaupaqenpi onqosqa jina kashanku, yarqhaymanta wañusqastaj
QHEPAMAN: Cristowan 144.000 ajllasqaswanqa gobernashaspa tukuynin kasukoj runasta yanapanqanku mana juchayoj runasman tukunankupaj, wiñaypajtaj sanitos, kallpayojtaj kanankupaj