12 YACHAQANA

Munakuywan yachachiy, wajkunapitaj piensariy

1 Tes. 2:7, 8

KAYPI YACHAKUNKI: Parlasqaykiwan runasta munakusqaykita, yanapaytataj munasqaykita rikuchiyta.

Uyarejkunapi piensariy. Ima problemaspichus uyarejkuna kashasqankupi piensariy. Chay problemaspi rikukuspa imaynachus kashasqankuta entiendenaykipajtaj kallpachakuy.
Ama imatapis parlarparillaychu. Uyarisojkunataqa kallpachariy, sonqochariy ima. Amataj sonqonkuta nanachinaykipaj jina palabrasta oqhariychu. Chantapis Jehová Diospi mana creejkunamanta chayri wakin runaspa creenciasninkumanta parlashaspaqa, ama pisipaj qhawaspa parlaychu.
Uyarejkunata yanapariyta munasqaykita rikuchiy. Kʼachamanta, munakuywan, asirispa asirispataj parlariy. Ajinamanta rikuchinki uyarejkunata yanapariytapuni munasqaykita.

Bibliamanta leeshaspa chayri parlarishaspaqa, ama imatapis ruwaychu uyarisojkuna qanllata qhawasunankupaj jinaqa. Astawanpis tukuy sonqo parlariy imaynatachus parlakusqaykiman jinalla. Arí, munakuywan, kʼachallamantataj parlarinayki tiyan.