19 YACHAQANA
Runaj sonqonman chayay
Proverbios 3:1
KAYPI YACHAKUNKI: Uyarejkunata entiendenankupaj, yachakusqankuman jinataj ruwanankupaj yanapariyta.
¿IMAYNATÁ CHAYTA RUWAWAJ?
Uyarejkunata yanapariy imaynachus kashasqankuta reparakunankupaj. Yachachishaspaqa uyarejkunata tapuriy imachus sonqonkupi kasqanta reparakunankupaj.
Allin imasta tukuy sonqo ruwanankupaj kallpachariy. Uyarejkunata yanapariy imaraykuchus allin imasta ruwasqankuta reparanankupaj. Jehová Diosta munakusqankurayku, runasta munakusqankurayku, Bibliaj yuyaychaykunasnintapis kasukuyta munasqankurayku ruwanankupajtaj kallpachariy. Uyarejkunata tʼukurichiy, amataj imatachus ruwanallankutaqa niychu. Chantapis uyarejkunata pʼenqachinaykimantaqa, allin imastapuni ruwanankupaj kallpachariy.
Jehová Diosmantapuni parlariy. Bibliaj yachachiykunasnin, yuyaychaykunasnin, kamachiykunasnin ima, Diosta rejsinapaj, munakunapaj ima yanapawanchej. Discursota qoshaspataj uyarejkunata kallpachariy Jehová Diosta kusichinankupaj.