“¡Jesuspa qhipanta purina!” Jatun tantakuyninchikmanta tukuy Jallpʼapi willakunqa
Willaqkunaqa juktawan sumaqmanta runata waqyarinqanku
1 Qayna wataqa, Jallpʼantinpi jatun tantakuyman, “Kacharichisqa kayninchik qayllamuchkanña”, nisqaman waqyarisqanchikqa, runata yanaparqa tantakuyman jamunankupaq. Uyarikuspa tantakuyman juk kutillataraq riqkunaqa, mana jaykʼaq jina tantakuypi Diospa yachachisqanta, mikhunatajina japʼirqankuchu (Isa. 65:13). Mayta kusikullarqankutaq munanakuq jukchasqa cristianoswan khuska kasqankurayku (Sal. 133:1). Kunanpis “Jesuspa qhipanta purina” kimsa pʼunchaypaq Jatun tantakuyman, tukuy runa jamunankuta munanchik, chaypaqqa kunan watapis juktawan, juk sumaq waqyariyta tukuy Jallpʼaman chayachisunchik.
2 Imaynatá qayna wata riwarqanchik. “Kacharichisqa kayninchik qayllamuchkanña”, nisqa jatun tantakuyman tukuy Jallpʼapi waqyarisqanchikmanta, allin willaykuna tukuy niqmanta chayamun. Achkha suyukunapi kay waqyaymanqa allinta kutichinku. Juk llaqtapi juk periodicopiqa, Jehovamanta suntʼinchaqkuna waqyarikusqankumanta jinata qillqakurqa: “Tukuy runawan parlanankupaq manaraq Jatun tantakuy chayamuchkaptin, paykunaqa mayta kallpakunku, astawan tutakama willaspa, karusta rispa, usqhayta parlaspa ima”. Wak llatapitaq radio, televisión periodico ima, chay waqyariyta sumaqta qhawarqanku, chayrayku kay tantakuymanta astawan parlarqanku. Kimsa periodicostaq, tukuy Jallpʼapi waqyarikusqanmanta allinta qillqasqanku. Juk periodista, 2 página kuraqta kay tantakuyman waqyariy hojitasmanta, yachachisqanchikmanta, hermanosninchikmanta ima, periodicopi domingo pʼunchaypaq qillqasqa. Hermananchik juk runaman waqyariy hojitata saqichkaptin, parlasqanta pantachispa nirqa: “Kunititallan kaymanta periodicopi ñawirichkarqani”. Wak runataq nirqa: “Qamkunamanta ñawiriyta tukuchani, !kunantaq kaypiña kachkankichik! ¿Kaychu chay hojita?”, chayta niytawan kayta nillarqataq: “Jehovamanta sutʼinchaqkunaqa kaytaqa runapaq sumaqta ruwanku”, nispa.
3 Jatun tantakuymanqa may achkha runa makinkupi waqyariyta japʼirisqa chayamurqanku, wakinkunaqa karusmanta jamurqanku. Kusiywan runaman waqyarisqanchikqa jatun tantakuyninchik paykunata yanaparqa. Juk suyup tantakuyninqa, qayna watamanta nisqaqa astawan yapakusqa.
4 Imaynatá llaqtanchikpi willasun. Willaqkunaqa jatun tantakuypaq 3 semana ñawpaqta kay waqyarinapaq hojitata saqiyta qallarina tiyan, maypichus willananku kachkan, chay tukuy wasisman willananku tiyan. Mana tukuy wasiman chayayta atiptinkuqa, jatun tantakuypaq juk semanallaña kachkaptin, chay hojitata mana wasinkupi kaqkunaman saqiyta atinqanku. Qutuchakuykunaqa waqyarinapaq hojitasta mana puchunankuchu tiyan, tukuy wasimantaq chayananku tiyan. Waqyariykuna puchuptin, precursores tukuchayta atinkuman.
5 Imata nisunman. Ichapis nisunman: “Tukuy jallpʼapi runaman waqyarichkayku juk sumaq tantakuyman jamunankupaq. Kayqa qampaq. Kayta ñawirispaqa, kay waqyariymanta astawan yachakunki”, nispa. Runawan pisillata parlaptinchikqa, aswan achkha runawan parlasunchik. Runa tapuwaptinchikqa kutichisunchik, yachayta munaptinkutaq sutinta qillqaspa, usqhayllata kutisunchik.
6 ¡Jesuspa qhipanta purinapaq kallpachakuyqa, may sumaqpuni! (Juan 3:36.) Chaymanjinataq ruwananchikpaq jatun tantakuyninchik yanapawasun. Watiqmanta Jallpʼantinpi tukuy runata, jatun tantakuyman, “Jesuspa qhipanta purina”, waqyariptinchik, chiqa Diospa llaqtan kasqanchikta rikuchisunchik. Chayrayku achkha runata waqyarinaykipaq kallpachakuy. Jehová tʼinkasunanta munayku, tukuy hermanoswan khuska tukuy atisqayki runaman waqyarikuywan chayanaykipaq.