Juk sumaq yanapa
1 Diospa llaqtan tukuy publicacionesta urqhusqankumantaqa, Biblia yachachisqamanta librituy nisqa jukjinataq. Imaraykuchus kay libroqa jatuchaq letrasniyuq, japʼiqayta atinapaqjinalla, chantapis, 125 jatuchaq may kʼachitu dibujosniyuq. Juk jatun tantakuypi umallirichiqkuna nirqanku: “Kay libroqa sumaqta yanapawasun”, nispa. Chayrayku librota yachaqanapaq tantakuypi, kay librota ukhunchayqa, sumaqta yanapawasun.
2 Dibujosnin. Kay librop dibujosninqa sumaqta yachachinapaq yanapawanchik, chayrayku nikun: “Achkha parlaywan yachachinamantaqa, juk dibujolla aswan sumaqta yachachisqanta”. California llaqtamanta juk tatas ninku: “Kelly sutiyuq wawaykupaq kay librota ñawiripuptiykuqa, astawan dibujosninta payqa qhawan, chantapis kay librop dibujosninqa imachus kay libropi mana qillqasqa kachkasqanmanta sumaqta yachachin. Wawaykuqa imatachus sapa dibujo niyta munasqanta sumaqta sutʼinchawayku. Imaynatachus kay librop dibujosnin chay yachachiykunata yuyarichisqan tʼukurichiwayku.”
3 Machu runaspaq. Kay libro, Biblia yachachisqanmanta librituy, ¿machu runasta yanapanmanchu? Arí, imaraykuchus, kay libroqa Bibliamanta yachachiynintaqa, mana piqtusqatachu sutʼinchan. Pensilvania llaqtamanta juk warmi nirqa: “Bibliamanta yachakuspa mana yacharqanichu ima tiempopichus imapis kasqanta. Chayrayku, kay libroqa mayta yanapawan chaykunamanta yachakunaypaq” nispa.
4 Kay libroqa, Bibliamanta sumaqta sutʼinchan, ichapis unaytaña cristianos kaqkunaqa, Bibliamanta yachakusqankuta wakinta qunqanku. Indiana llaqtamanta juk hermana 57 watasniyuq qillqarqa: “Mayta kusikuni chay libro Bibliamanta sumaqta sutʼinchasqanmanta. Juk hermanataq niwarqa allchhin mamanta tapusqanta: “¿Pitaq Biblia nisqanmanjina qanchis simpʼayuq karqa?, nispa. Kusikurqanitaq mana ñuqata tapuwasqanmanta. Chay kutimantapachataq chay qanchis simpʼayuq runamanta kay libropi, Bibliapi ima, ñawirirqani, mayta kusikuni wakkunapis jinata yachakusqankumanta.” (Jue. 16:13-19).