¿Revistap 32 paginanta rikuchinkichu?

Runasqa juk revistata japʼispa, ñawpaqtaqa ñawpa kaq paginata qhawarinku chantá mana yuyachkaspalla revistata tikrachinku, qhipa kaq paginanta qhawanankupaq. ¿Chayta reparankichu? Tukuypaq Torremanta Qhawaq revistapta qhipa kaq paginanpi, achkha tapuykuna, yachayta munanapaqjina wakin yachaykuna chantá ima paginapichus chay yachaqana kachkan chaypa numeron ima, rikhurin.

Juk runawan parlayta qallarinapaq, ima tapuytachus ruwanata chaypi tarisun. Maypichus willanchik chaypi kutin kutita willaptinchikqa, chay tapuykuna yanapawasun killantinpi mana juk yachaqanallamanta parlanapaq. Chantapis pillapis mana tiempoyuq kasqanta rikuspa, ichapis pisita parlaspalla revistap qhipa paginanpi rikhuriq tapuykunamanta jukta tapurisunman, nisunmantaq: “Chaymanta astawan yachakunaykipaq kay revistata saqisqayki, qhipanpitaq tiempoyki kaptin astawan parlarisunchik”. Wakin willaqkunaqa, runaswan parlayta qallarinku revistap 32 paginanpi rikhuriq tapuykunamanta juk tapuyta akllanankuta nispa. Chaymantataq maypichus chay tapuyman kutichiynin kasqanta rikuchinku chantá chaymanjina juk pʼitita ñawiripunku. Torremanta Qhawaq revistata ñawiriyta munanankupaq, ¿imaynasmantawantaq chay revistap 32 paginanta rikuchiwaq?