¿Mayk’ajllapis tukuy ladomanta runaswan allinta kausakusunmanchu? | ¿Imatá Biblia nin?

Ashkha runasqa ninku: “Imaymana rijch’ayniyoj kasqanchejrayku ni jayk’aj allinta kausakusunmanchu”, nispa.

• “Chejninakoyqa siga yapakushallanpuni trabajospi, institucionespi, comunidadespi, sapa día kausayninchejpipis. Chaytaj astawan yapakushan runas wajkunata pisipaj qhawasqankurayku” (António Guterres, secretario general de las Naciones Unidas).

¿Mayk’ajllapis mana pisipaj qhawanakuspa kausakusunmanchu? ¿Imatá chaymanta Biblia nin?

¿Dios pitapis pisipajchu qhawan?

Bibliaqa willawanchej imaynatachus Dios waj llajtayoj runasta qhawasqanta.

• “[Diosqa] uj runallamanta tukuy laya runasta miracherqa jallpʼantinpi tiyakunankupaj” (Hechos 17:26).

• “Reparani, Diosqa tukuy runasta uj rejllata qhawasqanta. Payqa allinpaj qhawan mayqen nacionllamantapis payta manchachikojta, allin kajtataj ruwajta” (Hechos 10:34, 35).

Bibliaqa willawanchej tukuy runas uj runallamanta jamusqanchejta, chantapis Diosqa tukuy runasta uj rejllata qhawasqanta.

Manaña rijch’ayninchejrayku chejninakusunchu

Diospa Gobiernollan yanapawasun tukuy laya runas ujchasqa kausakunanchejpaj. Chay gobiernoqa yachachiwasun wajkunawan allinta kausakuyta. Chaypachamá ni pipis runasta rijch’ayninrayku chejnikonqachu.

• “Chaypi tiyakojkunaqa cheqan kajta ruwayta yachakunku” (Isaías 26:9).

• “Cheqan kajta ruwayqa allin kausayta apamonqa. Cheqan kajpa poqoynenqa unaypaj sonqo tiyasqa kausakuy kanqa, ni imamanta manchachikuspa kausakuypis” (Isaías 32:17).

Kay tiempopi ashkha runasña Bibliapi yachakushanku tukuy laya runaswan allinpi, respetowantaj kausakuyta.

• Astawan yachakuyta munanki chayqa, ¡Rijchʼariy! revistapi “¿Chejninakuy chinkanmanchu?” nisqata leeriy.

• Tatasqa wawasninkuwan parlarinkuman tukuyta uj rejllata qhawanankumanta. Chaypajqa kayta leeriy: “¿Como hablar con sus hijos sobre el racismo?”.