Jehovaj testigosnin, ¿creenkuchu sojta pʼunchaykunallapi Dios Jallpʼanchejta ruwasqanta?

Mana. Jehovaj testigosnenqa creeyku Dios tukuy imata ruwasqanta. Chaywanpis mana niykuchu Dios sojta pʼunchaykunallapi Jallpʼanchejta ruwasqantaqa, nisunman sapa pʼunchay 24 horasllata llankʼasqantaqa. ¿Imaraykú? Wakinkunaqa Dios sojta pʼunchaykunallapi Jallpʼanchejta ruwasqanta ninku chaytaj ni Bibliaman jinapunichu kashan. Iskaynejmanta sutʼincharina.

1. Dios Jallpʼanchejta sojta pʼunchaykunallapi ruwasqanmanta. Wakinkunaqa Dios sojta pʼunchaykunallapi Jallpʼanchejta ruwasqanta ninku. Chaywanpis Bibliapi pʼunchay nispaqa mana 24 horasllamantachu parlan, manaqa may chhika tiempomanta (Génesis 2:4; Salmos 90:4).

2. Jallpʼanchej mashkha watasniyojchus kasqanmanta. Wajkuna yuyanku uj mashkha watasniyojlla Jallpʼanchej kasqanta. Chaywanpis Biblia sutʼinchawanchej Jallpʼanchej, chʼaskas ima, niraj chay sojta pʼunchaykuna qallarishajtin ñapis kasqantaña (Génesis 1:1). Chayrayku, Jehovaj testigosnenqa yachayniyoj runaswan mana churanakuykuchu imaraykuchus paykunaqa ninku Jallpʼanchej waranqa waranqa watasniyojña kasqanta.

Arí, Jehovaj testigosnenqa creeyku Dios Jallpʼanchejta ruwasqanta, chaywanpis mana ciencia nisqawan churanakuykuchu. Astawanqa sutʼimanta yachayku Bibliaj nisqan, yachayniyoj runas nisqankuwan, mana churanakusqanta.