¿IMATÁ RUWASUNMAN TUKUY IMAPIS VALEYKOJTIN?
Wakin imasta mana cambiayta atisqanchejta yuyarikuna
Tukuy imajta precion pisimanta pisi astawan valeykojtin, sueldonchejtaj yapakojtin chayri astawan ganakojtinchejqa, mana anchata llakikunchejchu. Jinapis ujllata precios wicharejtin, sueldonchejtaj chayri ganakusqanchejtaj mana yapakojtenqa, mayta llakikusunman, astawanraj familianchejta mantienenanchej kajtenqa.
Mana imatapis ruwayta atinchejchu preciosta manaña wicharichinankupajqa. Jinapis chay imasta mana cambiayta atisqanchejta yuyarikoyqa, ashkha imaymanasmanta yanapawasunman.
¿IMARAYKUTAJ ENTIENDENANCHEJ TIYAN WAKIN IMASTA MANA CAMBIAYTA ATISQANCHEJTA?
Wicharichisqanku preciosta mana cambiayta atisqanchejta entiendeyqa, kay imaspi yanapawanchej:
Yanapawanchej mana anchata llakikunapaj. Mana anchata phutikojtinchejqa sumajta piensayta atinchej, imata ruwanatachus ajllananchej kajtintaj sumajta ajllanchej.
Yanapawanchej mana qolqeta wayrarpachinapaj, manaqa necesitasqanchej imasllapi gastanapaj. Ajinamanta luzmanta yakumantapis tiemponpi pagasun.
Yanapawanchej mana qolqerayku familiapi discutinapaj.
Yanapawanchej qolqe pisiyajtin sumajta tʼukurispa necesitasqanchej imasta rantinapaj. Ichapis niña ñaupajta jinachu gastasun, sumajtataj reparasun imastapunichus necesitasqanchejta.
¿IMATÁ RUWAWAJ?
Precios wicharisqanman jina amaña ñaupajpi jinachu gastay. Ujllata precios wicharejtenqa allin kanman atikusqanman jina pisillata gastanayki. Wakin runasqa precios wicharejtinpis ñaupajpi mashkhatachus gastaj kanku ajinallatapuni gastanku. Jinapis chayqa llakiyllaman paykunata chayachin. Familiayoj kaspaqa paykunamanta llakikunchejpuni, imatachus necesitasqankutataj qoytapuni munanchej. Jinapis familiaykeqa astawan necesitan munakunaykita, paykunapaj tiempochakunaykita, uyarinaykita, yanapanaykita ima.
Wakin runasqa precios wicharejtinpis ñaupajpi mashkhatachus gastaj kanku ajinallatapuni gastanku. Jinapis chayqa llakiyllaman paykunata chayachin