Jehová juk Salvadorta quwanchik

29 Diosqa tukuy imamanta ñawpaqta juk angelta ruwarqa, paytaq Diospa kuraq churin karqa.

Diosqa chay churinta mayta munakun. Kay churintaq saqra runata chinkachinqa, kasukuq runatataq salvanqa (Juan 3:16, 36).

30 Jehovaqa Churinta Jallpʼapi nacekunanpaq kachamurqa. Sutintaq Jesús karqa. Mamantaq María sutiyuq karqa (Lucas 1:30-35).

31 Jesús wiñaytawan, achkha allin yachachiykunata yachachirqa. Chantapis Jehovalla chiqa Dios kasqanta yachachirqa (Marcos 12:29, 30).

Jesusqa Jehovallata yupaychananchikta yachachirqa (Mateo 4:10; Juan 4:23, 24).

Diospa Reinonmantapis runaman yachachirqa (Lucas 17:20, 21).

32 Jesús unqusqakunata jampirqa, achkha runata yanaparqa. Manataq saqra ruwaykunata ruwarqachu (Hechos 10:38; 1 Pedro 2:21, 22).

¿Imaynata juchamanta, wañuymanta ima, salvawasunman karqa?

33 Jesusqa, kʼacha runata qhispichinanpaq Diosman kawsayninta jaywaykurqa. Unayqa Diosninchik runaman juchanrayku uywakunata jaywanankuta kamachirqa (Hebreos 7:25, 27).

34 Jesusqa ñuqanchikrayku mana uywakunatachu Diosman jaywarqa. Manaqa pay kikin jaywakurqa (Mateo 20:28; Hebreos 10:12).

¿Yachankichu imaraykuchus?