¡Supaykunaqa runa wañuchis kanku!
Satanás, supaykuna ima, saqras, manchachikunapaqjinapuni kanku. Unayqa Satanás, chiqa sunqu Jobpa uywasninta, kamachisninta ima wañuchirqa. ‘Sinchi muyuq wayrawan’ wasinta thuñispa chunka wawasnintapis wañuchillarqataq. Chaymanta Jobtañataq ‘juk millay sarna unquywan unquchirqa. Chaytaq tukuy cuerponman juntʼaykurqa, chaki puntanmanta uma puntankama’ (Job 1:7-19; 2:7).
Jesuspa tiemponpipis, supaykunaqa runata opayachiq, ciegoyachiq ima kanku (Mateo 9:32, 33; 12:22). Juk kutipis, juk runata, mayta ñakʼarichichkarqanku, chay runaqa rumiswan takakuspa puriq (Marcos 5:5). Juk waynatapis qhaparichiq, ‘chhaqrispa pampaman urmachiq’ ima kanku (Lucas 9:42).
Unayqa supaykuna, runata onqochej, wakintataj thalakuspa pampaman urmachej
Unayjina, kunanpis Satanás, supaykuna ima, runa wañuchisllapuni kanku. Janaqpachamanta wikchʼuchikamusqankumantapachataq saqra ruwayninkuqa astawan yapakun. Kay pachapi willaykunaqa supaykuna saqras kasqankuta sutʼinchan. Imaraykuchus wakin runasta unquchinku, wakintataq mana puñuqta saqinkuchu chayri millayta musquchinku. Wakintataq abusanku. Wakintataq locoyachinku, wañuchinku chayri wañuchikunankupaq tanqanku.
Kunanpis supaykunaqa wakin runasta sajras kanankupaj tanqanku, wakintataj puñushajtinku millayta mosqochinku
Surinanmanta Lintinaqa, imaynatachus juk supay, 18 watatapuni ñakʼarichisqanta, 16 familiaresninta wañuchisqanta ima willan. Chaymanta pay nin: “Supaykunaqa, runata ñakʼarichiyta munanku wañuchinankukama”, nispa.
Chaywanpis, Jehovaqa, kamachisninta, Satanasmanta jarkʼayta atin (Proverbios 18:10).