Paykunajina ruwanaykipaq: Kimsa hebreos

Hananías, Misael, Azarías ima, Babiloniap qayllanpi, Dura pampapi kachkarqanku. Achkha runasqa, juk lantiman kʼumuykukurqanku, chaywanpis kay kimsa hebreosqa, chay lantiman kʼumuykukunankuta wakkuna niptinkupis, Babiloniamanta kamachiq, wañuchisqas kanankuta niptinpis, sayaspalla qhipakurqanku. Kamachiq Nabucodonosorta jatunpaq qhawaspa, Jehovallata yupaychasqankuta nirqanku manataq chay lantitachu (Daniel 1:6; 3:17, 18).

Kay 3 hebreosqa, Jehovata kasukuy, imamantapis aswan allin kasqanta yacharqanku. Waynuchusllaraq kachkaptinku Babiloniaman presochasqasjina apasqas karqanku. Chaypachaqa, reypa mikhunanwan, ukyananwan ima, mana chʼichichakuspa Diosman chiqa sunqu kasqankuta rikuchirqanku. Ajinata ruwaspa aswan qhipaman wak pruebasta atipanankupaq iñiyninkuta kallpacharqanku (Daniel 1:6-20). Qamrí, ¿Diospa kamachiykunasninmanjinachu ruwanki, wak waynas mana chayta ruwanaykipaq tanqachkasuptinkupis? Wayna kachkaspa pisi imaspi Jehovata kasukuyta yachanki chayqa, wakichisqa kanki aswan qhipaman jatuchaq pruebaspi kachkaspa Diosman chiqa sunqu kanallaykipaqpuni (Proverbios 3:5, 6; Lucas 16:10).