¿Imataj Diospa Reinon?

BIBLIAQA NIWANCHEJ

“Janaj pachapi kaj Dios uj reinota sayarichenqa, chaytaj mana jaykʼajpis chinkachisqachu kanqa” (Daniel 2:44, Diosmanta Qhelqasqa).

“Uj qhari wawata qowanchej, gobiernoqa makinpi kanqa” (Isaías 9:6, Diospa Palabran).

KAYTA YACHAYQA YANAPAWANCHEJ

• Diospa Gobiernonqa sapa ujta yanapawasunchej (Isaías 48:17, 18).

• Pisimantawan mana onqospa kusisqa kausakusunchej (Apocalipsis 21:3, 4).

¿IMARAYKUTAJ BIBLIAJ NISQANPI CREESUNMAN?

Kay iskay imasrayku:

• Jesusqa imastachus Diospa Gobiernon ruwananta rikucherqa. Jesusqa discipulosninman yachacherqa mañakunankuta Diospa Gobiernon jamunanta, munaynintaj kay jallpʼapi ruwakunanta (Mateo 6:9, 10). Chantapis Jesusqa rikucherqa imatachus chay gobierno ruwananta.

  Jesusqa milagrosta ruwaspa runasta mikhucherqa, onqosqasta sanoyacherqa, wañusqastapis kausaricherqa (Mateo 15:29-38; Juan 11:38-44). Chaytataj aswan qhepaman mundo enteropi ruwanqa. Imaraykuchus pay Diospa Gobiernonpi presidente jina kanqa (Apocalipsis 11:15).

• Kay mundopi sajra imas kasqanqa, Diospa Gobiernon qayllapiña kasqanta rikuchin. Jesusqa nerqa niraj kay jallpʼaman allin kausayta apamushajtin, kay mundopi guerras, yarqhaykuna, terremotos ima kananta (Mateo 24:3, 7).

  Kay tiempopitaj chaykuna rikukushan. Chayrayku nisunman pisimantawan Diospa Gobiernon tukuy llakiykunata chinkachinanta.