8 tʼaqaj qallariynin
Jehová Diosqa Salomonman yachayta qorqa, templota ruwanantapis saqerqa. Salomontajrí pisimanta pisi paymanta karunchakaporqa. Wawasniyoj kanki chayqa, paykunaman yachachiy llulla diosesta yupaychajkuna Salomonta Diosmanta karunchasqankuta. Israelqa iskayman tʼaqakorqa. Wakin reyestaj runasta Diosmanta karuncharqanku, llulla diosesta sirvinankupajtaj tanqarqanku. Diospa ashkha profetasninpis qhatiykachasqas, wañuchisqas ima karqanku. Reina Jezabelqa chunka ayllusmanta kaj ashkha israelitasta, waj dioskunata yupaychanankupaj tanqarqa. Jinapis ashkha israelitas Jehová Diosta tukuy sonqo sirvisharqankuraj, rey Jehosafat jina, profeta Elías jinataj.