13 YACHAQANA

Yachachisqayki imapichus yanapasqanta rikuchiy

Proverbios 3:21

KAYPI YACHAKUNKI: Uyarejkunata yachachisqaykiwan yanapariyta. Chaypajqa yachachisqayki kausayninkupi yanapasqanta entiendenankupaj yanapariy.

Uyarejkunapi piensariy. Imaraykuchus uyarejkuna yachachisqaykita yachanankupuni kasqanpi piensariy. Chantapis piensarillaytaj yachachisqaykimanta imaschus astawan yanapananpi.
Uyarejkuna imatachus ruwananku kasqanta rikuchiy. Uyarejkunaqa qallariymantapacha reparananku tiyan yachachisqaykiwan yanapachikuyta atisqankuta. Chayrayku astawan sutʼinchariy imaynatachus yachachisqaykiman jina ruwayta atisqankuta. Chayta sutʼinchashaspataj uyarejkuna entiendenankupaj jina yachachiy.

Bibliaj yuyaychaykunasninman jina kausakunamanta parlashaspaqa munakuywan parlariy. Imaynachus uyarejkuna kashasqankuta entiendesqaykitataj rikuchiy. Chantá mana allintachu ruwashasqankuta yuyachinaykimantaqa, creeypi sinchʼita sayanallankupajpuni, Jehová Diostapis munakunallankupajpuni kallpachariy. Ajinamanta yuyaychasqaykiman jina allin kajta ruwayta atillanqanku.