Yanapayta munay

Jesuspa ruwasqan

VIDEO: Jesús pozo kantupi uj warmiwan parlan

1. VIDEOTA qhawariy chayri Juan 4:6-9 leeriy. Chantá kay tapuykunapi tʼukuriy:

1. Jesús niraj samaritana warmiwan parlayta qallarishaspa, ¿imatá ñaupajta qhawarqa?

2. Jesús nerqa: “Yakuta qoriway”, nispa. ¿Imaraykutaj may allin karqa chayta nispa parlayta qallarisqan?

¿Imatá Jesusmanta yachakunchej?

2. Runasqa ichapis uyarillawasun gustasqan imasmanta chayri imasmantachus yachakuyta munanku chay imasmanta qallariypi parlajtinchej.

Jesús jina ruway

3. Ama wakichikusqaykiman jinapunichu parlay. Mana qanman gustasusqan imasmantachu qallariypi parlanayki tiyan, manaqa pimanchus willashanki chay runaman imaschus gustasqanmanta parlanayki tiyan chayri imapichus pay yuyashan chaymanta. Chayrayku tapurikuy:

1. “¿Ima noticiastaj kashan?”.

2. “¿Imamantá astawan parlanku vecinosniy, trabajomanta compañerosniy, chayri estudiomanta compañerosniy?”.

4. Sumajta qhawariyta yachay. Tapurikuy:

1. “Pimanchus willayta munani chay runa, ¿imatá ruwashan? ¿Imapitaj yuyashanman?”.

2. “Pimanchus willayta munani chay runaj rijchʼaynin, ropan, wasinpis, ¿sutʼitachu reparachiwan imapichus creesqanta chayri maymantachus kasqanta?”.

3. “Kunitan parlarinay, ¿allinchu kanman?”.

5. Uyariyta yachay.

1. Ama anchata parlaychu.

2. Pimanchus willashanki chay runa parlarikunanta saqey. Atikusqanman jinataj wakin imasta tapuriy.