Jesuspa yachachiykunasnin

Diospa Reinon

¿Imataq Diospa Reinonrí?

Diospa Reinonqa, juk gobierno, kay gobiernotaq tukuy Jallpʼata kamachinqa. Jesús nirqa: “Qankunaqa kay jinata mañakunkichej:[...]. Reinoyki jamuchun, munayniykitaj ruwasqa kachun, imaynachus janaj pachapi, ajinallatataj kay pachapipis”, nispa (Mateo 6:9, 10; Daniel 2:44).

¿Pikunataq kamachimunqanku?

Jesusqa, Diosninchikpa Reinonpi kamachiq kananpaq nacekurqa. Juk ángel, Jesuspa mamanman ajina kananta nirqa: “[Jehová] Diosqa ñawpa tatan Davidpa reinonta payman qonqa. Chantá payqa wiñaypaj [...] kamachinqa”, nispa (Lucas 1:30-33). Jesusqa apostolesninman nirqa, discipulosninmanta wakinkunata akllananta paywan khuska kamachimunankupaq. Chayrayku nirqa: “Qankunaqa ñakʼarishajtiypis, noqallawampuni karqankichej. Chayrayku qoykichej uj reinota, imaynatachus Tatay qowarqa, ajinata”, nispa (Lucas 22:28, 29; Daniel 7:27). Jesuspa qhipanta puriqkunamantaqa 144.000 runakuna paywan khuska janaqpachamanta kamachimunqanku (Apocalipsis 5:9, 10; 14:1).

¿Maymantá Diospa Reinon kamachimunqa?

Diospa Reinonqa, janaqpachamanta kamachimunqa. Jesús discipulosninman nirqa: “Ripuspaqa qankunapaj uj tiyakunasta wakichimusaj [janaqpachapi], chantá kutimuspa, pusasqaykichej maypichus noqa kasaj, chaypi qankunapis kanaykichejpaj [...] imaraykuchus noqaqa Dios Tataman rishani”, nispa (Juan 14:2, 3, 12, Qheshwa Biblia; Daniel 7:13, 14).

¿Imatá Diospa Reinon saqra runaswan ruwanqa?

Jesusqa tukuy saqra runasta Jallpʼamanta chinkachinqa. Pay kikinmanta parlaspa nirqa: “Maypachachus Runaj Churenqa Rey jina jatun kaynimpa kʼanchaynimpi tukuy angelesninwan jamonqa chaypacha, lliphipej kamachina tiyanampi tiyaykukonqa. Tukuynejmantataj tukuy laya runas ñawpaqenman tantakamonqanku. Paytaj ujkunata ujkunamanta tʼaqanqa [...]. Chaykunaqa [saqra runasqa] wiñay ñakʼariyman [wiñay chinkayman NM] renqanku, cheqan kajta ruwajkunataj wiñay kawsayman renqanku” (Mateo 25:31-34, 46).

¿Pikunataq Jallpʼapi tiyakunqanku, Diospa Reinonpa kamachiyninpi?

Jesusllataq nirqa: “Kusikuyniyojmin kanku llampʼu sonqoyojkunaqa, imaraykuchus paykuna kay pachata herenciankupaj japʼenqanku”, nispa (Mateo 5:5; Salmo 37:29; 72:8). Jallpʼanchikpiqa munakuyniyuq kaqkunalla tiyakunqanku. Jesús discipulosninman nirqa: “Uj mosoj kamachisqata qoykichej: Purajmanta munanakuychej. Imaynatachus noqa munakorqaykichej, ajinallatataj qankunapis purajmanta munanakuychej. Qankunachus munanakunkichej chayqa, tukuy runas yachanqanku yachachisqasniy kasqaykichejta”, nispa (Juan 13:34, 35).

¿Imatá Diospa Reinon kʼacha runasrayku ruwanqa?

Jesusqa, tukuy unquykunata chinkachinqa. Jesusqa kay Jallpʼapi kachkaspallaraq “paykunaman [runasman] Diospa reinonmanta parlarqa. Onqosqastapis sanoyachillarqataj” (Lucas 9:11). Kawsarimuq Jesusta juk musquypijina rikuytawan apóstol Juan nirqa: “Uj mosoj cielota, uj mosoj jallpʼatawan rikorqani; [...] Jinapi kamachina tiyanamanta sinchʼita qhaparejta uyarerqani: Kunanqa Diospa tiyakuynin runas ukhupi kashan [...]. Payqa tukuy waqayta ñawisninkumanta pichanqa, manañataj wañuy kanqachu”, nispa (Apocalipsis 21:1-4).

Diospa Reinonqa Jallpʼanchikta juk paraisoman tukuchinqa. Juk suwa, Jesuswan khuska kurkupi warkhusqa kachkaspa Jesusta nirqa: “Yuyarikuwanki ari noqamanta, reinoykipi kaspa”, nispa. Paytaq kutichirqa: “Kunan chiqamanta niyki: Ñuqawan Paraisopi kanki”, nispa (Lucas 23:42, 43, NM; Isaías 11:4-9).

Astawan yachakuyta munaptiyki kay ¿Imatapunitaq Biblia yachachin?a libromanta 8 yachaqananta ñawiriy.

[Sutʼinchaynin]