Mana jaykʼaqpis kay jinata runaman willakurqachu
Jehovamanta sutʼinchaqkunaqa 100 kuraq watastaña, sumaq willaykunata willachkanchik (1 Cor. 9:23). Mana jaykʼaq kayjinata runaman willakusqanrayku, kay willayqa, may achkha simipi, chantapis 230 kuraq suyuspi ima willakuchkan (Mat. 24:14). ¿Imaraykutaq jinata willakunan tiyan? ¿Imaynatá tukuy pachantinpi jinata willakuchkan?
Kay video, Los testigos de Jehová: organizados para predicar las buenas nuevas, nisqapi, imatachus Jehovap llaqtan ruwasqanta rikuchispa, chay tapuykunaman kutichiwanchik. Kay videota qhawaspataq kay tapuykunaman kutichiyta atinki: 1) ¿Imaynatataq wakichikun, kamachikun ima, kay llamkʼayninchikta? 2) ¿Imaynatá departamentos de Redacción, Servicios de Traducción, Arte y Servicios de Audio, Video ima, sumaq willaykuna willakunanpaq yanapachkan? 3) ¿Imaraykutaq may chhika publicacionesta ruwakuchkan, urqhukuchkan ima? (Juan 17:3.) 4) ¿Machkha publicacionesta sapa wata ruwakun? 5) ¿Imaynatá Bibliamanta publicaciones ruwakusqan runata yanapan? (Heb. 4:12.) 6) ¿Imaynatá mana uyariq runasta, ciego runasta ima, Diosmanta yachakunankupaq yanapakuchkan? 7) ¿Ima qullqiwantaq kayta ruwakun? 8) ¿Imaynatá yanapawanchik: Servicios de Información Hospitales, Departamento de Servicio, Departamento de Asambleas nisqa ima? 9) Jehovamanta sutʼinchaqkunata, ¿imaynatá kay video yanapan allinpaq qhawanankupaq a) Jehovap llaqtan willananchikpaq wakichisqanta? b) tukuy pachapi 100 kuraq Betel familiasta? c) superintendentesta, misionerosta ima, astawan wakichikusqanta? d) sapa pʼunchaypaq texto bíblico nisqata ñawirinanta, sapa tantakuypaqtaq wakichikuyta? e) cristiano tantakuyman riy juk yanapa kasqanta? f) may suyasqa Jallpʼapaq tʼikapachaman tukunanta? (Isa. 11:9.) g) tukuypis kay cosechapi yanapakuyta atisqankuta? (Juan 4:35.)
¿Familiayki, riqsisqasniyki, yachakuyta munaq runas, Bibliamanta yachakuqkuna ima, kay videota qhawasqankumanta imatá ninku? ¿Manachu wak runasmanpis kay videota qhawachiwaq, jinaspataq kay sumaq willaykunamanta willariwaq? (Mat. 28:19, 20, NM.)