¿Imatá nisunman revistasta rikuchichkaspa

Torremanta Qhawaq Octubre-Diciembre

“¿Imaynatataq tatas wawasninku waynayachkaptin, chayri sipasyachkaptinku, chʼampaykunaman mana urmanankupaq yanapankuman? [Kutichinanta suyariy, chantá Proverbios 25:11, ñawiriy.] Kay revistaqa, Bibliap yuyaychasqanmanjina, imaynatachus tatas wawasninkuwan, sumaqta parlanankumanta, maychus kaqllata ruwanankuta saqinankumanta ima, parlachkan.” Kay 20, 21 paginasta rikuchiy.

¡Despertad! Octubre

“Religionesqa, Dios imayna rikchʼayniyuqchus kasqanmanta mana juk riqtachu yachachinku. Jesús chaymanta, ¿imatá nirqa? Kay Juan 4:24 pʼiti nisqanta qhawarina [ñawiriy]. Kay revistapi iskay paginasllapi, Bibliap nisqanmanjina: ‘¿imaynataq Diosri?’, nisqamanta sutʼinchachkan.” Kay 24, 25 paginasta rikuchiy.

Torremanta Qhawaq Octubre-Diciembre

“Runasqa yaqha tukuy, wakkunawan allinta apanakuyta munanchik. Chaywanpis ajinata yuyayqa atikullan, chayta ruwaytaq mana atikullanchu, ¿icharí? [kutichinanta suyariy]. Bibliaqa, sutʼinchawanchik [Mateo 6:14,15, ñawiriy]. Kay yachaqanapi, perdonayqa wakkunawan allinta apanakunapaq, allinta kawsakunapaq ima, yanapanawanchikmanta parlachkan.” Kay 14, 15 paginasta rikuchiy.

¡Despertad! Noviembre

“Achkha runas, sumaq kawsayta tarinapaqqa, may riqsisqa, achkha qullqiyuq ima, kananchikta ninku. ¿Qam niwankimanchu imachus chay sumaq kawsayta tariy kasqanta? [Kutichinanta suyariy.] Qhawarina imatachus, Biblia chay sumaq kawsayta tarinamanta nisqanta [Salmo 1:1-3, ñawiriy]. Kay yachaqanapiqa, chay sumaq kawsayta tarinapaq, suqtaniqmanta sutʼinchachkan.” 6 paginata rikuchiy.