Iskay phatallata churarqa

Diospa Reinon ñaupananpaj yanapasunman, kapuyninchejmanta qospa, Jallpʼantinpi willakunallanpajpuni. Chaywanpis, ¿imatá ruwasunman pisi qolqeyojlla kajtinchej?

Uj kuti Jesusqa, uj wajcha viudata qolqe churanaman iskay phatallata churajta rikorqa. Chay viudaqa, Jehovata munakusqanranku “wajcha kayninwan mikhunampaj tukuy kapusqanta” churarqa (Mar. 12:41-44). Viuda ruwasqanmanta Jesús parlasqanqa, Jehová chay ruwasqanta may jatunpaj qhawasqanta rikuchin. Chantapis ñaupa cristianospa ruwasqankumanta yachakullasunmantaj. Paykunaqa, wajchas kaspapis chayri qhapaj kaspapis kapuyninkumanta qoyta may jatunpaj qhawaj kanku. Pablo macedoniosmanta parlaspa nerqa: “May wajchas kashaspapis [...] mañarikuwarqayku chay tantasqanku yanapata japʼinaykuta” nispa (2 Cor. 8:1-4).

Mana qonqananchejchu tiyan tukuypis ‘iskay phatallata’ churaspapis, tukuyninta yupaykuspaqa ashkhaman tukusqanta. Tukuy sonqo qojtinchej, qorikoj Diosninchej Jehovata kusichinchej, “pichus kusiywan qojta” munakun (2 Cor. 9:7).