Jehovaj testigosnin Internetpi kashanchej: Tukuyta yanapanqa

Jesusqa kamachiwarqanchej “reinomanta evangeliota tukuynejpi willa[nata], tukuy runas yachanankupaj” (Mat. 24:14). Willayninchejta allinta juntʼanapaj kay watchtower.org, jw-media.org, jw.org ujllaman ujchakun kay mosoj jw.org nisqaman (2 Tim. 4:5). Castellanopitaj kay www.jw.org/es nisqaman yaykuwaj.

“Tukuynejpi.” Jallpʼantinpeqa sapa kinsa runasmanta ujllapis Internetta apaykachan. May chhika runasqa Internetnejta yachakunku, astawanqa sipaskuna, waynuchus ima. Internetpi kasqanchejqa runasta yanapanqa, Bibliamanta cheqa kutichiykunata tarinankupaj, Jehovaj llajtanmanta astawan yachanankupaj chantá mana pagaspalla Bibliamanta wasinkupi yachakunankupaj. Jinamanta Reinomanta sumaj willaykunaqa maypichus mana willakunchu chaymanpis chayanqa.

“Tukuy runas yachanankupaj.” Bibliaj cheqa yachachiykunasninta “tukuy runas yachanankupaj”, ashkha qalluspi willananchej tiyan. Kay jw.org nisqaman yaykojkunaqa, 400 qalluspi jina publicacionesta tarinkuman. Internetpi kay jw.org jinaqa mana kanchu.

Allinta apaykachay. Kay Internetpi jw.org mosojyachikusqanqa mana Diosmanta yachakuyta munajkunallapajchu, manaqa Jehovaj testigosninpajpis. Internetman yaykuyta atinki chayqa allin kanman kay jw.org nisqata rejsinayki. Imaynatachus kayta apaykachanapaj, kay urapi astawan sutʼinchakushan.

[3 paginapi diagrama]

(Publicacionpi qhawariy texto originalta)

Yaykuy

1 Computadoraykipi kay www.jw.org nisqata Internetpi maskʼanapaj pata kantunpi qhelqay.

2 Astawan rejsinaykipajqa kay opción de menú chantá enlaces nisqaspi ñitʼiy.

3 Celularniykipi chayri waj aparatosniykipi Internetniyoj kanki chayqa, kay jw.org nisqaman yaykuwaj, juchʼuy celularpi qhawayta atillawajtaj chaywanpis willakusqanqa kikillanpuni kashan.