Kay jw.org nisqawan willamuna: “Jehová amigoyki kachun”

Kay jw.org nisqapi, “PUBLICACIONES › VIDEOS › Jehová amigoyki kachun” nisqaman yaykuspaqa, videosta, takiykunata waj yanapastawan tariyta atinchej. Chaykunawan willanapaj, ¿yanapachikushanchejchu? Bibliamanta yachakojkuna juchʼuy wawasniyoj kajtinkoqa chay videosta, takiykunata ima rikuchisunman. Ichá chaywanqa paykunallaña jw.org nisqapi yanapasta maskʼankuman.

Uj hermanoqa Reinomanta Willaykuna 38 kaj tratadota, uj warmiman jaywarqa. Chay warmeqa iskay wawasniyoj karqa, tratadotataj chay ratopacha leerqa. Wawasninpis imachus chay hojita kasqanta yachayta munarqanku. Hermanoqa imatachus chay tratadopi nishasqanta sutʼincharqa, chantá chay tratadoj tawa kaj paginanpi jw.org nisqata rikucherqa. Chay warmimantaj allin rijchʼarqa, chayta reparaspataj hermanoqa celularninpi Juanitomanta videota rikucherqa.

Uj hermanaqa llankʼayninpi uj warmiman jw.org nisqamanta willarerqa. Chay warmeqa iskay wawitasniyoj karqa. Hermanaqa jw.org nisqapi familiaspaj sumaj yanapas kasqanta nerqa. Chayrayku chay warmeqa, wawasninwan khuska chay yanapasta jw.org nisqapi maskʼarqanku. Chantá chay warmeqa hermanaman nerqa: “Wawasneyqa “Diospa Palabranta willamuypuni”, nisqa takiyta takispallapuni kanku”, nispa.

Chayrayku imatachus jw.org nisqapi churakusqanta qhawarinapuni tiyan. Chantapis videosta, takiykunata waj yanapastawan uraqachejtinchejqa, sumajta yanapawasun. Chayta ruwaspaqa, willananchejpaj sumaj wakichisqa kasunchej. Señorpa kamachisqantataj tukuy sonqo juntʼallasunpuni (Hech. 20:19).