¿Paykunata wajyarikusunmanchu?

Ashkha hermanos, sinchʼi onqosqa kasqankurayku, chayri machuyasqankurayku pisillataña willanku (2 Cor. 4:16). Qotuchakuyninchejpi chay jina hermanos kajtin, ¿noqanchejwan Bibliamanta yachachej rinankupaj wajyarikusunmanchu? Chay hermano wasillanpi kakunan tiyan chaytaj, ichapis yachakojta wasinman pusasunman. Sapa atispa, uj mashkha wasisllamanpis willaj chayri yachakuyta munajkunata waturej rinapaj, uj onqosqa hermanota wajyarikusunman. Machuyasqa hermanosqa, unaytaña willasqankurayku manchay yachayniyoj kanku. Paykunawan willaspataj mayta yachakusunman (Rom. 1:12). Chay hermanosninchejman munakuyninchejta rikuchejtinchejqa, Jehovaqa bendeciwasun (Pro. 19:17; 1 Juan 3:17, 18).