Sumajta willaj hermanosmanta yachakuna

Sumajta willayta yachaj hermanosmanta mayta yachakusunman. Wakenqa unaytaña Jehovata yupaychashanku. Wakintaj kunallanraj sumaj willajkunaman tukunku. Paykunaqa reparanku Jesucristo kay qhepa pʼunchaykunapi qotuchakuyta kamachishasqanta, chantapis willakunanpaj, yachachikunanpaj ima yanapashasqanta (Mat. 28:19, 20). Chay hermanosqa watastaña willasqankurayku “may sumaj at[iyta]” japʼinku, chaytaj yanapan llakiykunata atipanankupaj (2 Cor. 4:7). Paykunaqa yachakusqankumanta wajkunaman willaspa mayta kusikunku, noqanchejtaj paykunamanta yachakusunman (Sal. 71:18). ¿Imaynamantá?

Willashaspa. Mosoj willajkunaqa, sumaj willajkuna kanankupaj sumajta willaj hermano yacharichinanta necesitanku. Sumajta willaj hermanos imaynatachus willasqankumanta mayta yachakunkuman. (Kay Torremanta Qhawaj revistapi 15 de febrero de 2015, “Sonqo kʼajayllawanpuni willamuna” nisqa yachaqanamanta “Mosoj willajkunata yanapay” nisqa subtituloj kinsa parrafonta leeriy.) ¿Imaynatá yanapasorqa sumajta willaj hermanoswan willasqayki?

Chay hermanoswan willariwaj. Chay hermano onqosqa kashan chayqa, ichapis wakin kuti, Bibliamanta yachakojta chay hermanoj wasinman pusawaj, chaypi yachachinaykipaj. Yachachiyta tukuytawantaj hermanota tapuriwaj yachachisqayki allillanchus chayri manachus kasqanta, yuyaycharisunantataj mañarikuwaj.

Paykunata rejsiy. Chay hermanosta rejsinaykipaj kallpachakuy. Familiapi Diosta yupaychanapaj tantakuyniykiman wajyariwaj, tapuriwajtaj: “¿Imaynatá Diosmanta yachakorqanki? ¿Ima bendicionestataj japʼerqanki? Bautizakusqaykimantapacha, ¿imaynatá qotuchakuy ashkhayarqa? ¿Imaynataj Diosta yupaychasqaykipi risorqa?”, nispa. Chay hermano onqoykunman chaytaj qan wasinman riwaj Familiapi Diosta yupaychayta ruwaj.

Paykunamanta maychus kajllata suyay, nitaj mana atisqankuta ruwanankuta suyaychu. Noqanchej jinallataj, unaytaña willaj hermanosqa mana kikinchu kanku (Rom. 12:6-8). Wakenqa machitusña kanku chayraykutaj noqanchejwan pisillataña kankuman. Jinapis paykunaj kausayninkumanta, Jehovata yupaychasqankumanta ima mayta yachakusunman.