Tapuykuna

◼ Uj cristiana, Bibliamanta yachakojman uj hermanoj ñaupaqenpi punkullapi yachachejtin, ¿umanta qhatakunanchu tiyan?

Uj cristianaqa, paywan yachakojman uj hermanoj ñaupaqenpi Bibliamanta yachachejtin, umanta qhatakunan tiyan (1 Cor. 11:​3-​10). ‘Diospa munakuynin’ libro, 210 paginanpi nisqanman jina, uj cristianaqa Bibliamanta yachakojman uj hermanoj ñaupaqenpi yachachin chayqa, umanta qhatakunan tiyan. Imaraykuchus ruwasqanqa, Tantakuna Wasipi hermanos yachachisqankuman rijchʼakun. Chayraykutaj uj qharej ruwanantapis ruwashanman jina. Achayrayku, hermanaqa wasi ukhupi, punkupi chayri maypi yachachishaspapis umanta qhatakunanpuni tiyan.

Chay hermana, Bibliamanta yachakuyta munajta ñaupaj kutisllataraj visitashan chayrí, ¿umanta qhatakunanchu tiyan? Mana. Chay visitasqanpi, imaynatachus Bibliamanta yachachisqanchejta rikuchejtinpis chayri yachachinapaj publicacionmanta sutʼinchajtinpis, mana umanta qhatakunanpunichu tiyan. Chantapis uj runaman Bibliamanta sapa kuti punkunpi yachachinapajqa, ashkha kutistaraj ñaupajta visitanchej. Chayrayku willajkunaqa allin yuyaywan reparananku tiyan, maykʼajchus uj hermana umanta qhatakunan kasqanta.