Aswan sumaj yachachejkuna kana: runa mana noqanchejwan parlariyta munajtinku imaynatachus kutichinata yachana

¿Imaraykutaj ruwananchejpuni tiyan? Sinchʼi wayra chayri sinchʼi para kananta, ashkha runastaj wañunankuta yachaspa, vecinoykiman willaj riwaj ¿icharí? Paytaj mana tiempoyoj kasqanta nisojtin, nichá ripullawajchu. Ajinallatataj ashkha runaspis mana uyariyta munawanchejchu, willayninchejqa kausayninkuta salvayta atisqanta mana reparasqankurayku. Ichapis visitashajtinchejpuni llakisqa kashanku (Mat. 24:37-39). Chayri mana allin imasta noqanchejmanta parlajta uyarinku (Mat. 11:18, 19). Chantapis, ichá waj religiones jinallataj kasqanchejta yuyanku (2 Ped. 2:1, 2). Uj runa mana uyariyta munanchu chayqa, ichá qhepanpi kutisunman.