Aswan sumaj yachachejkuna kana: phiñakojkunaman llampʼu sonqowan kutichina

¿Imaraykutaj ruwananchejpuni tiyan? Wakin runasqa allinpaj qhawawanchej, wakintajrí Jesús nerqa jina, chejnikuwanchej (Juan 17:14). Chayrayku noqanchejpaj phiñakunku chay runaswan tinkukuspaqa, mana mancharinachu tiyan. Astawanpis Jehová Diosta kusichinapaj jina kutichinanchej tiyan, imajtinchus noqanchejqa Paypa sutinpi purinchej (Rom. 12:17-21; 1 Ped. 3:15). Allinta kuticheyqa runaspa phiñakuyninta thasnunman. Chantapis runasqa allinta kutichisqanchejta rikuspa, ichá aswan qhepaman uyariyta munawasun (2 Cor. 6:3).